فه‌رمانگه‌ی په‌یوه‌ندییه‌کانی ده‌ره‌وه‌
حكومه‌تی هه‌رێمی كوردستان
MON, 26 FEB 2018 02:51 Erbil, GMT +3
Source: KRG-DFR DFR publication date: THU, 4 JAN 2018 13:29
نێچیرڤان بارزانى و كونسلى نوێى توركیا په‌یوه‌ندییه‌كانى هه‌ولێر ـ ئه‌نقه‌ره‌ تاوتوێ ده‌كه‌ن

سه‌رله‌به‌یانیى ئه‌مڕۆ پێنجشه‌ممه‌ 4/1/2018 به‌ڕێز نێچیرڤان بارزانى سه‌رۆك وه‌زیرانى هه‌رێمى كوردستان، پێشوازى له‌ به‌ڕێز هاكان كاراچاى كونسلى نوێى توركیا له‌ هه‌ولێر و شاندێكی یاوه‌ری كرد.

له‌ دیدارێكدا به‌ڕێز كونسلى نوێى توركیا، وێڕاى ده‌ربڕینى خۆشحاڵی به‌ دیداره‌كه‌، تیشكى خسته‌ سه‌ر كار و چالاكییه‌كانى كونسولخانه‌كه‌یان له‌ هه‌ولێر و جه‌ختى له‌ به‌ره‌وپێشبردن و په‌ره‌پێدانى زیاتری په‌یوه‌ندییه‌كانى نێوان توركیا و هه‌رێمى كوردستان كرده‌وه‌، هه‌روه‌ها ئاماده‌ییى وڵاته‌كه‌ى بۆ هه‌وڵدان و هاوكاریكردن له‌پێناو چاره‌سه‌ركردنى كێشه‌كانى نێوان هه‌ولێر و به‌غدا نیشان دا.

لاى خۆیه‌وه‌ به‌ڕێز سه‌رۆك وه‌زیران پیرۆزبایى ده‌ستبه‌كاربوونى له‌ به‌ڕێز كونسلى نوێى توركیا كرد و هیواى سه‌ركه‌وتنى بۆ خواست، جه‌ختیشى له‌وه‌ كرده‌وه‌ هه‌رێمى كوردستان به‌ بایه‌خه‌وه‌ له‌ په‌یوه‌ندییه‌كانی له‌گه‌ڵ توركیا ده‌ڕوانێت كه‌ ڕۆژانی ته‌نگانه‌ی به‌رله‌ ڕاپه‌ڕینی ساڵی 1991 و دوای ئه‌وه‌ش هه‌میشه‌ توركیا هاوكار بووە و پشتگیری له‌ هه‌رێمی كوردستان كردووه‌.

سه‌باره‌ت به‌ دۆخی ئێستا و كێشه‌كانی نێوان هه‌ولێر و به‌غداش، به‌ڕێز نێچیرڤان بارزانی ڕایگه‌یاند كه‌ توركیا وه‌ك دراوسێیه‌كی گرنگی هه‌رێمی كوردستان و عیراق ده‌توانێت ڕۆڵێكی ئه‌رێنی له‌ چاره‌سه‌ركردنی كێشه‌كانی نێوان هه‌رێمی كوردستان و حكوومه‌تی عیراقی فیدراڵدا بگێڕێت.

تاوتوێكردنی چه‌ند بابه‌تێكی په‌یوه‌ندیدار به‌ دۆخی ناوچه‌كه‌وه‌، به‌شێكی دیكه‌ی دیداره‌كه‌ بوو.


 




نێچیرڤان بارزانی و زه‌ریف په‌یوه‌ندییه‌كانى هه‌رێمی كوردستان و ئێران دووپات ده‌كه‌نه‌وه‌
SUN, 18 FEB 2018 21:00

له‌ په‌راوێزی سێیه‌م و دوا ڕۆژی كۆنفرانسی ئاسایشی میونشن له‌ ئه‌ڵمانیا، ئێواری ئه‌مڕۆ یه‌كشه‌ممه‌ 18/2/2018 به‌ڕێز نێچیرڤان بارزانی سه‌رۆك وه‌زیرانی هه‌رێمی كوردستان، له‌گه‌ڵ به‌ڕێز محه‌مه‌د جه‌واد زه‌ریف وه‌زیری ده‌ره‌وه‌ی كۆماری ئیسلامیی ئێران و شاندێكی یاوه‌ری كۆبووه‌وه‌.

 
نێچیرڤان بارزانى و وه‌زیرى به‌رگریى سوێد دۆخى هه‌نووكه‌یى تاوتوێ ده‌كه‌ن
SAT, 17 FEB 2018 23:47

له‌ دوا دیداری دووه‌م ڕۆژی كۆنفرانسی ئاسایشی میوشندا، ئێواره‌ی ئه‌مڕۆ شه‌ممه‌ 17/2/2018 به‌ڕێز نێچیرڤان بارزانی سه‌رۆك وه‌زیرانی هه‌رێمی كوردستان، له‌گه‌ڵ به‌ڕێز پیته‌ر هۆڵتكڤێست وه‌زیری به‌رگریی سوید و شاندێكی یاوه‌ری كۆبووه‌وه‌.

 
نێچیرڤان بارزانى له‌گه‌ڵ ئه‌لیسته‌ر بێرت كۆبووه‌وه‌
SAT, 17 FEB 2018 23:44

هه‌ر له‌ به‌رده‌وامیى دیدار و كۆبوونه‌وه‌كانیدا له‌ كۆنفرانسی ئاسایشی میوشن، ئێواره‌ی ئه‌مڕۆ شه‌ممه‌ 17/2/2018 به‌ڕێز نێچیرڤان بارزانی سه‌رۆك وه‌زیرانی هه‌رێمی كوردستان، له‌گه‌ڵ به‌ڕێز ئه‌لیسته‌ر بێرت وه‌زیری ده‌وڵه‌تی به‌ریتانیا بۆ په‌ره‌پێدان و كاروباری ڕۆژهه‌ڵاتی ناوه‌ڕاست و شاندێكی یاوه‌ری كۆبووه‌وه‌.

 

 

قوباد تاڵەبانی له‌گه‌ڵ یاریدەدەری وه‌زیری به‌رگریی ئه‌مه‌ریكا كۆبوەوە

FRI, 23 FEB 2018 17:26

پاشنیوه‌ڕۆی ئه‌مڕۆ هه‌ینی 23/2/2018 به‌ڕێز قوباد تاڵه‌بانی سه‌رۆك وه‌زیرانی هه‌رێمی كوردستان بە وەکالەت به‌ ئاماده‌بوونی كه‌ریم شه‌نگالی وه‌زیری ناوخۆ و كاروباری پێشمه‌رگه‌ به‌ وه‌كاله‌ت، پێشوازی له‌ رۆبێرت كارم یاریدەدەری وه‌زیری به‌رگریی ئه‌مه‌ریكا و شاندێكی سه‌ربازی و دیبلۆماسیی یاوه‌ری كرد.

 

لە نوێنەرایەتی حکومەتی ھەرێمی کوردستان لە پۆلۆنیا، پێشانگایەكی فۆتۆگرافی بەناونیشانی " ئازار و ئومێد " کرایەوە

THU, 22 FEB 2018 10:35

بە ئامادەبوونی بەڕێز زیاد رەئوف نوێنەرى حکومەتى هەرێم لە پۆڵۆنیاو ژمارەیەک لە نوێنەرانی دەستەی دیپلۆماسی و رێکخراوە مرۆییەکان و سیاسەتمەداران و ڕۆژنامەنووسان و ڕەوەندی کوردستانی لە وارشۆ.پیشانگایەک بە ناونیشانى ئازارو ئومێد  لە باڵەخانەی نووسینگەی نوێنەرایەتی حکومەتی ھەرێمی کوردستان لە پۆلۆنیا کرایەوە.

 

نێچیرڤان بارزانی: كێشه‌كانی هه‌ولێر و به‌غدا به‌ ده‌ستووری عێراق چاره‌سه‌ر ده‌كرێن

SUN, 18 FEB 2018 21:20

دوای كۆبوونه‌وه‌كانی سێیه‌م و دوا ڕۆژی كۆنفرانسی ئاسایشی میونشن له‌ ئه‌ڵمانیا، به‌ڕێز نێچیرڤان بارزانی سه‌رۆك وه‌زیرانی هه‌رێمی كوردستان له‌ لێدوانێكی ڕۆژنامه‌وانیدا بۆ ژماره‌یه‌ك كه‌ناڵی میدیاییی كوردستان باسی ناوه‌ڕۆكی كۆبوونه‌وه‌كانی سێ ڕۆژی ڕابردوو له‌گه‌ڵ به‌رپرسانی باڵای وڵاتانی جیاوازی جیهان و ڕه‌وشی ناوچه‌كه‌ و عێراق و هه‌رێمی كوردستان كرد.

 

نێچیرڤان بارزانی و دیمستۆرا ڕه‌وشی سووریا و ناوچه‌كه‌ گفتوگۆ ده‌كه‌ن

SUN, 18 FEB 2018 21:06

له‌ دوا دیداری دوا ڕۆژی كۆنفرانسی ئاسایشی میوشندا، ئێواره‌ی ئه‌مڕۆ یه‌کشه‌ممه ١٨/٢/٢٠١٨ به‌ڕێز نێچیرڤان بارزانی سه‌رۆك وه‌زیرانی هه‌رێمی كوردستان، له‌گه‌ڵ به‌ڕێز ستیڤان دیمستۆرا نێرده‌ی تایبه‌تی نه‌ته‌وه‌ یه‌كگرتووه‌كان بۆ سووریا كۆبووه‌وه‌.