فه‌رمانگه‌ی په‌یوه‌ندییه‌کانی ده‌ره‌وه‌
حكومه‌تی هه‌رێمی كوردستان
FRI, 16 NOV 2018 00:31 Erbil, GMT +3
Source: KRG-DFR DFR publication date: WED, 7 FEB 2018 19:17
سه‌رۆكایه‌تیی حكوومه‌ت و په‌رله‌مانی كوردستان پرسی هه‌ڵبژاردنه‌كانی داهاتووی هه‌رێم تاتوێ ده‌كه‌ن

سه‌رله‌به‌یانیی ئه‌مڕۆ چوارشه‌ممه‌ 7/2/2018 له‌ په‌رله‌مانی كوردستان به‌ڕێزان نێچیرڤان بارزانی سه‌رۆك وه‌زیرانی هه‌رێمی كوردستان، قوباد تاڵه‌بانی جێگری سه‌رۆك وه‌زیران و شاندێكی یاوه‌ریان، جه‌عفه‌ر ئیبراهیم جێگری سه‌رۆكی په‌رله‌مان، خاتوو بێگه‌ر تاڵه‌بانی سكرتێری په‌رله‌مان، سه‌رۆكی فراكسیۆنه‌كانی په‌رله‌مانی كوردستان، سه‌رۆكی هه‌ردوو لێژنه‌ی كاروباری یاسایی و لێژنه‌ی كاروباری په‌رله‌مان و كۆمسیۆنی هه‌ڵبژاردن و ڕاپرسی له‌ هه‌رێمی كوردستان، به‌مه‌به‌ستی تاوتوێكردنی پرسی هه‌ڵبژاردنه‌كانی داهاتووی هه‌رێمی كوردستان، كۆبوونه‌وه‌.

له‌ كۆبوونه‌وه‌كه‌دا به‌ڕێز جێگری سه‌رۆكی په‌رله‌مان ئاماژه‌ی به‌وه‌ دا كه‌ كۆبوونه‌وه‌كه‌ له‌سه‌ر داوای به‌ڕێز نێچیرڤان بارزانی سه‌رۆك وه‌زیرانی هه‌رێمی كوردستان بووه‌ تا تیایدا تاوتوێی هه‌ڵبژاردنه‌كانی داهاتوو، دابینكردنی پێداویسته‌كانی ئه‌نجامدانی هه‌ڵبژاردن بۆ كۆمسیۆنی هه‌ڵبژاردن و ڕاپرسی، گه‌یشتن به‌‌ لێكگه‌یشتنێكی هاوبه‌ش ده‌رباره‌ی واده‌ی ئه‌نجامدانی هه‌ڵبژاردنه‌كانی داهاتووی هه‌رێمى كوردستان بكرێت.

به‌ڕێز نێچیرڤان بارزانی وێڕاى ده‌ربڕینى هه‌موو پشتگیرییه‌ك بۆ دابینكردنى سه‌رجه‌م پێداویستییه‌كانى ئه‌نجامدانى هه‌ڵبژاردن، جه‌ختیشى له‌وه‌ كرده‌وه‌ كه‌ ئه‌نجامدانى هه‌ڵبژاردن جگه‌ له‌ پاراستنى ئه‌زموونى دیموكراسیى هه‌رێم، ده‌رچه‌یه‌كیشه‌ بۆ چاره‌سه‌ركردنى كێشه‌ سیاسى و ناوخۆییه‌كانى هه‌رێمى كودستان. هه‌روه‌ها ڕایگه‌یاند هه‌ڵبژاردن پرسێكی گرنگی سیاسی و نیشتمانییه‌ و له ‌ده‌ره‌وه‌ی وڵاتیش جێگه‌ی بایه‌خه‌، بۆیه‌ هیوای خواست ئه‌م كۆبوونه‌وه‌یه‌ ببێته‌ ده‌ستپێكێكی باش بۆ دیاریكردنی واده‌یه‌ك بۆ هه‌ڵبژاردنه‌كانی داهاتوو، ئه‌مه‌ش به‌ دروستبوونی لێكگه‌یشتنێكی هاوبه‌شی نێوان لایه‌نه‌ سیاسییه‌كان.

له‌ كۆبوونه‌وه‌كه‌دا كۆمسیۆنی هه‌ڵبژاردن و ڕاپرسی، وێڕاى پێشكه‌شكردنى پوخته‌یه‌ك ده‌رباره‌ى كێشه‌ و پێداویستییه‌كان و كار و چالاكى و ئاماده‌كارییه‌كانیان بۆ هه‌ڵبژاردن، هه‌موو لایه‌كى دڵنیا كرده‌وه‌ كه‌ هه‌نگاوى زۆر باشى هه‌ڵێناوه‌ بۆ ڕێكوپێكردنى تۆمارى ده‌نگده‌ران و له‌ كاركردن به‌رده‌وام ده‌بێت تا گه‌یشتن به‌ تۆمارێكى بێ كێشه‌ى ده‌نگده‌ران بۆ هه‌ڵبژاردنه‌كانى داهاتووى هه‌رێمى كوردستان‌.

له‌ كۆبوونه‌وه‌كه‌دا سه‌رۆكایه‌تیی په‌رله‌مان و حكوومه‌ت، فراكسیۆنه‌كان و لێژنه‌كانی یاسایی و كاروباری په‌رله‌مان و كۆمسیۆنى كۆمسیۆنی هه‌ڵبژاردن و ڕاپرسی، سه‌رنج و تێبینیی خۆیان له‌باره‌ی هه‌ڵبژاردنه‌كان و دیاریكردنی واده‌یه‌ك كه‌ له‌ ماوه‌ی یاساییی خۆی تێپه‌ڕ نه‌بێت تاوتوێ كرد و بڕیار درا دوای ئه‌و كۆبوونه‌وه‌یه‌ له‌گه‌ڵ لایه‌نه‌ سیاسییه‌كان ڕاوێژ بكرێت بۆ ئه‌وه‌ی بگه‌نه‌ تێگه‌یشتنێكی هاوبه‌ش له‌سه‌ر دیاریكردنی واده‌ى ئه‌نجامدنی هه‌ڵبژاردن له‌ چوارچێوه‌ی ماوه‌ى یاساییدا.

پاش ئه‌وه‌ی ئه‌و تێگه‌یشتنه‌ له‌نێوان لایه‌نه‌ سیاسییه‌كاندا دروست بوو، به‌ڕێز سه‌رۆك وه‌زیرانی هه‌رێمی كوردستان به‌پێی ئه‌و ده‌سه‌ڵاته‌ی پێیدراوه‌ ڕۆژی ئه‌نجامدانی هه‌ڵبژاردنه‌كان دیاری ده‌كات به ‌شێوه‌یه‌ك له‌ شه‌ست ڕۆژ كه‌متر نه‌بێت له‌ ماوه‌ی یاسایی بۆ ئه‌وه‌ی كۆمسیۆنی هه‌ڵبژاردن و ڕاپرسی بتوانێت كاروباری به‌ڕێخستنی هه‌ڵبژاردنه‌كان ئه‌نجام بدات.

دوای كۆبوونه‌وه‌كه‌ش به‌ڕێز نێچیرڤان بارزانی سه‌رۆك وه‌زیرانی هه‌رێمی كوردستان له‌ لێدوانێكی ڕۆژنامه‌وانیدا باسی ناوه‌ڕۆكی كۆبوونه‌وه‌ی كرد و گوتی "ئه‌مڕۆ كۆبوونه‌وه‌ی په‌رله‌مان و حكوومه‌ت و كۆمسیۆنی هه‌ڵبژاردن هه‌بوو و تیایدا باسی دیاریكردنی واده‌ی هه‌ڵبژاردن كرا. له‌ كۆبوونه‌وه‌كه‌دا واده‌ی هه‌ڵبژاردنه‌كان دیاری نه‌كراوه،‌ چونكه‌ ئه‌مه‌ پێویستی به‌ ڕاوێژ له‌گه‌ڵ لایه‌نه‌ سیاسییه‌كان بۆ دیاریكردنی ڕۆژی هه‌ڵبژاردن له‌ هه‌رێمی كوردستان هه‌یه‌. له‌ كۆبوونه‌وه‌كه‌دا كۆمسیۆن ڕاپۆرتی خۆی و ئه‌و هه‌نگاوانه‌ی تا ئێستا ناویانه‌ له‌م بواره‌دا‌، پێشكه‌ش كرد‌. په‌رله‌مان باسی بابه‌تی یاسایی كرد و حكوومه‌تیش باسی ئه‌و ئاماده‌كارییانه‌ی كرد كه‌ بۆ ئه‌و بابه‌ته‌ پێویستن و بڕیار درا له‌گه‌ڵ لایه‌نه‌ سیاسییه‌كان قسه‌ بكه‌ن و دواتر واده‌ی هه‌ڵبژاردنه‌كان دیاری بكرێت".

له‌ وه‌ڵامی پرسیارێكدا ده‌رباره‌ی گرفته‌كانی به‌رده‌م ئه‌نجامدانی هه‌ڵبژاردن، به‌ڕێز سه‌رۆك وه‌زیران ئاشكرای كرد "ئه‌وه‌ی كه‌ تێبینیم كردبێت گرفتێگی وا نییه‌، به‌ڵام هه‌ندێك بابه‌تی ته‌كنیكی هه‌یه‌ پێویستیان به‌ چاره‌سه‌ره‌ و هیچ گرفتێكی وا نییه‌".

سه‌باره‌ت به‌و ده‌نگۆیانه‌ی گوایه‌ مووچه‌ی هه‌ردوو وه‌زاره‌تی په‌روه‌رده‌ و ته‌ندروستی له‌لایه‌ن به‌غداوه‌ نێردراوه‌، به‌ڕێزیان ڕایگه‌یاند "هیچ پاره‌یه‌ك نه‌هاتووه‌، بانكی ناوه‌ندیی عێراق لقێكیان له‌ هه‌ولێر هه‌یه‌ و پاره‌یان خستۆته‌ ئه‌و لقه‌یان له‌ هه‌ولێر، واته‌ پاره‌كه‌ هی بانكی ناوه‌ندیی عێراق بووه‌ و تا ئێستا هیچ پاره‌یه‌ك له‌ به‌غداوه‌ بۆ پێدانی مووچه‌ی كارمه‌ندانی هه‌رێمی كوردستان نه‌هاتووه‌".




فەلاح مستەفا بەشداری لە کۆنفڕانسی دیپلۆماسی ڤیەننا 2018 تایبەت بە پرسەکانی هەرێمی کوردستان و عێراق و خۆرهەڵاتی ناوەڕاست کرد
SUN, 11 NOV 2018 14:48

بۆ تاوتوێکردن و ئاڵوگۆڕکردنی بیروڕا جیاوازەکان لەسەر پەرەسەندنە سیاسی و پرسەکانی تایبەت بە هەرێمی کوردستان و عێراق و ڕۆژهەڵاتی ناوەڕاست و خستنەڕووى دیدگاى حکومەتى هەرێمى کوردستان و باسکردنى دوایین ئەگەرو پێشهات و ئاییندەی ناوچەکە رۆژى ٨/١١ لە ڤییەنناى پایتەختى نەمسا دیالۆگى ئەکادیمیاى دیپلۆماسی ڤیەننا 2018 بە ئامادەبوونى بەڕێزان فەلاح مستەفا، بەرپرسی پەیوەندیەکانی دەرەوەو پڕۆفیسۆر تۆماس ڕۆ، بەرپرسی بەشی مێژوو لە ئەکادیمی دیبلۆماسی ڤیەننا و باڵیۆز گودرون هاریر، نوێنەری تایبەتی پێشووی یەکێتی ئەوروپا لە عێراق بەڕێوەچوو.

نێچیرڤان بارزانی و بالیۆزی به‌لجیكا دۆخی سیاسیی عێراق و هه‌رێمی كوردستان تاوتوێ ده‌كه‌ن
THU, 8 NOV 2018 12:18

سه‌رله‌به‌یانیی ئه‌مڕۆ پێنجشه‌ممه‌ 8/11/2018 به‌ڕێز نێچیرڤان بارزانی سه‌رۆك وه‌زیرانی هه‌رێمی كوردستان، پێشوازی له‌ به‌ڕێز هنریك ڤان دیفێڵد باڵیۆزی به‌لجیكا بۆ عێراق و ئوردن و شاندێكی یاوه‌ری كرد.

 
نێچیرڤان بارزانی و یان كۆبیش پرۆسه‌ی سیاسیی عێراق و هه‌رێمی كوردستان تاوتوێ ده‌كه‌ن
WED, 7 NOV 2018 18:11

نیوه‌ڕۆی ئه‌مڕۆ چوارشه‌ممه‌ 7/11/2018 به‌ڕێز نێچیرڤان بارزانی سه‌رۆك وه‌زیرانی هه‌رێمی كوردستان، پێشوازی له‌ به‌ڕێز یان كۆبیش نێرده‌ی تایبه‌تی سكرتێری گشتیی نه‌ته‌وه‌ یه‌كگرتووه‌كان بۆ عێراق و شاندێكی یاوه‌ری كرد.

 

 

مەڕاسیمی 100 ساڵەى یادکردنەوەی ڕۆژی نیشتیمانی و سەربەخۆیی کۆماری پۆڵۆنیا لە هەولێر بەڕێوەچوو

TUE, 13 NOV 2018 13:39

ئێوارەی دوێنێ ١٢/١١/٢٠١٨ مەڕاسیمی 100 ساڵەى یادکردنەوەی ڕۆژی نیشتیمانی و سەربەخۆیی کۆماری پۆڵۆنیا لە هەولێر  بە ئامادەبوونى  بەرپرسانى حکومەتى هەرێم و پەرلەمانتارو دیپلۆماتکارو نوێنەرانى لایەنە سیاسیەکان و کۆمەڵەى دۆستایەتى کوردستان پۆڵۆنیا بەڕێوەچوو کە لەلایەن ئاژانسی کونسوڵگەری کۆماری پۆڵۆنیا لە هەرێم ڕێکخرابوو.

 

بەرپرسی پەیوەندیەکانی دەرەوە و باڵیۆزی بەلجیکا باسیان لە پرسە هەنووکەییەکان کرد

SUN, 11 NOV 2018 18:03

ئەمڕۆ یەکشەممە، ١١/١١/٢٠١٨، فەلاح مستەفا، بەرپرسی پەیوەندیەکانی دەرەوەی حکومەت پێشوازی له‌ هێنریك ڤان دیفیڵد، باڵیۆزی به‌لجیكا له‌ عێراق و ئوردن و شاندێكی یاوه‌ری كرد بە ئامانجی تاوتوێ کردنی دوایین بەرەوپێشچوونەکان و پەرەپێدانی پەیوەندیەکان.

 

نێچیرڤان بارزانی و سه‌رۆكی ڕێكخراوی سه‌ماریتان كۆبوونه‌وه‌

SUN, 11 NOV 2018 17:41

پاشنیوه‌ڕۆی ئه‌مڕۆ یه‌كشه‌ممه‌ 11/11/2018 به‌ڕێز نێچیرڤان بارزانی سه‌رۆك وه‌زیرانی هه‌رێمی كوردستان، پێشوازی له‌ به‌ڕێز د. گراهام فرانكلین سه‌رۆكی ڕێكخراوی سه‌ماریتان پێرسى ئه‌مه‌ریكى و شاندێكی یاوه‌ری كرد.

 

نێچیرڤان بارزانی و بالیۆزی به‌لجیكا دۆخی سیاسیی عێراق و هه‌رێمی كوردستان تاوتوێ ده‌كه‌ن

SUN, 11 NOV 2018 17:35

سه‌رله‌به‌یانیی ئه‌مڕۆ پێنجشه‌ممه‌ 8/11/2018 به‌ڕێز نێچیرڤان بارزانی سه‌رۆك وه‌زیرانی هه‌رێمی كوردستان، پێشوازی له‌ به‌ڕێز هنریك ڤان دیفێڵد باڵیۆزی به‌لجیكا بۆ عێراق و ئوردن و شاندێكی یاوه‌ری كرد.