فه‌رمانگه‌ی په‌یوه‌ندییه‌کانی ده‌ره‌وه‌
حكومه‌تی هه‌رێمی كوردستان
SUN, 22 APR 2018 19:17 Erbil, GMT +3
Source: KRG-DFR DFR publication date: SUN, 11 FEB 2018 17:08
بەرپرسى پەیوەندیەکانى دەرەوە لەگەڵ شاندی باڵای پەیمانگەى ئەمریکى بۆ ئاشتى کۆبووەوە

ئەمرۆ یەکشەممە (11/2/2018) فەلاح مستەفا، بەرپرسى پەیوەندیەکانى دەرەوە پێشوازی کرد لەشاندێکی باڵای پەیمانگای ئاشتی ئەمریکی کە پێکهاتبوون لە بەڕێزان خاتوو نانسی لیندبۆرگ، سەرۆکی پەیمانگە و بەڕێز ستیڤن هاردلی، سەرۆکی بۆردی بەڕێوەبەران، بەڕێز سەرهەنگ حەمەسەعید، بەڕێوەبەری پڕۆگرامی ڕۆژهەڵاتی ناوەڕاست لە پەیمانگای ئاشتی، بەڕێز ئوسامە غەریزی و خاتوو جود مازن لە ( USIP  ).

لەکۆبوونەوەیەک کە خاتوو سیهام جەبەلى، یاریدەدەرى بەرپرسى فەرمانگە ئامادەبوو،  بەرپرسی پەیوەندیەکانی دەرەوە پووختەیەکی پێشکەش کرد تایبەت بە دوایین بەرەوپێشچوونەکانی ناوچەکە و پڕۆسەی دیالۆگی نێوان بەغدا و هەولێر و هەڵبژاردنەکانی ئایندەی پەرلەمانی عێراق کرد.

 

هەروەها گفتوگۆیان کرد سەبارەت بە نوێکردنەوەی یاداشتنامەی لێکتێگەیشتنی نێوان هەردوولا و فراوان کردنی ئاستی هەماهەنگیەکان وەکو چوارچێوەیەک بۆ بەرنامەکانی ئایندە.

لە تەوەرێکى تر باس پەرەپێدانی هەماهەنگى نێوان فەرمانگە و پەیمانگەى  ئەمریکى بۆ ئاشتى  لە بوارەکانی بیناکردنی تواناکان و توانستی ئافرەتان و پێکەوەژیان و ئاشتەوایی نێوان پێکهاتەکان و پرسەکانی ئاشتەوایی نیشتیمانی و ئاستەنگەکانی بەردەم سەقامگیری و ئایندەی پێکهاتەکان و چۆنیەتی بونیادنانی ئاشتی کرا.

هەردوولا جەختیان کردەوە لەسەر بەردەوام بوونی هەماهەنگی و فراوانتر کردنی بەشداری کۆمەڵگا و دامەزراندنی دامەزراوەی دیموکراسی.




نێچیرڤان بارزانی و شاندێكی ئه‌مه‌ریكی گفتوگۆكانی هه‌ولێر ــ به‌غدا به‌رز ده‌نرخێنن
TUE, 17 APR 2018 23:24

ئێواره‌ی ئه‌مڕۆ سێشه‌ممه 17/4/2018 به‌ڕێز نێچیرڤان بارزانی سه‌رۆك وه‌زیرانی هه‌رێمی كوردستان، پێشوازی له به‌ڕێز برێت مه‌كگۆرگ نێرده‌ی تایبه‌تیی سه‌رۆكی ئه‌مه‌ریكا بۆ هاوپه‌یمانیی نێوده‌وڵه‌تیی دژی داعش و شاندێكی یاوه‌ری كرد كه له به‌ڕێزان دۆگلاس سیلیمان باڵیۆزی ئه‌مه‌ریكا له عێراق، ئه‌ندرۆ پیك یاریده‌ده‌ری جێگری وه‌زیری ده‌ره‌وه‌ی ئه‌مهریكا بۆ كاروباری عێراق و ئێران، كین گرۆس كونسوڵی گشتیی ئه‌مه‌ریكا له هه‌رێمی كوردستان و چه‌ند دیپلۆماتكارێك پێكهاتبوو.

 
نێچیرڤان بارزانی: دەبێ پەرلەمان پڕۆژه‌ یاسای چاكسازی په‌سه‌ند بكات
TUE, 17 APR 2018 18:00

دوای كۆبوونه‌وه‌ی ئه‌مڕۆ سێشه‌ممه‌ 17/4/2018ی ئه‌نجومه‌نی وه‌زیران، له‌ كۆنگره‌یه‌كی ڕۆژنامه‌وانیدا به‌ڕێز نێچیرڤان بارزانی سه‌رۆك وه‌زیرانی هه‌رێمی كوردستان، باسی ناوه‌رۆكی كۆبوونه‌وه‌ و چه‌ند بابه‌تێكی په‌یوه‌ست به‌ ڕه‌وشی ناوچه‌كه‌ و عێراق و هه‌رێمی كوردستانی كرد.

 
ئه‌نجومه‌نى وه‌زیران پڕۆژه‌ یاسایه‌كى بۆ پاراستنى به‌رهه‌مه‌ خۆماڵییه‌كان په‌سه‌ند كرد
TUE, 17 APR 2018 17:46

پێشنیوه‌ڕۆى ئه‌مڕۆ سێشه‌ممه‌ 17/4/2018 ئه‌نجومه‌نى وه‌زیرانى هه‌رێمى كوردستان كۆبوونه‌وه‌ى ئاساییى خۆى ئه‌نجام دا. سه‌ره‌تا خاتوو نه‌ورۆز مه‌ولوود، وه‌زیرى شاره‌وانى و گه‌شتوگوزار، پوخته‌یه‌كى ده‌رباره‌ى سه‌ردانێكى خۆى و شاندێكى وه‌زاره‌تى شاره‌وانى و گه‌شتوگوزار بۆ به‌ریتانیا و دیدار و كۆبوونه‌وه‌یان له‌گه‌ڵ چه‌ند كۆمپانیا و لایه‌نێكى په‌یوه‌ندار به‌ كاروبارى شاره‌وانى و گه‌شتوگوزار پێشكه‌ش كرد كه‌ تیایدا تیشكى خسته‌ سه‌ر ئه‌و بوارانه‌ى بڕیاره‌ وه‌زاره‌ته‌كه‌یان له‌گه‌ڵ ئه‌و كۆمپانیا و لایه‌نه‌ په‌یوه‌نداره‌ به‌ریتانیانه‌ هاوكارى و هه‌ماهه‌نگى بكه‌ن.

 

 

پەیامی ئەنجومەنی وەزیران لە ساڵیادی ڕۆژنامەگەریی کوردیدا

SUN, 22 APR 2018 09:25

لە سەد و بیستەمین ساڵیادی دەرچوونی یەکەم ڕۆژنامەی کوردی و بەبۆنەی ڕۆژی ڕۆژنامەگەریی کوردییەوە، پیرۆزباییەکی گەرم ئاراستەی سەرجەم ڕۆژنامه‌نووسان و سه‌ندیكاى ڕۆژنامه‌نووسانى کوردستان دەکەین، هیوای پێشکەوتن و سەرکەوتنیان بۆ دەخوازین لە کاری پیشەییانە و گەیاندنی پەیامی دروست و نیشتیمانیانەدا بۆ خزمەتكردنی زیاتر بە کۆمەڵگا، داکۆکیکردنی سەندیکای ڕۆژنامەنووسانیش لە ماف و خواستەکانی ڕۆژنامه‌نووسانى کوردستان بەرز دەنرخێنین.

 

یاریدەدەری بەرپرسی فەرمانگە پێشوازی لە شاندێکى ژووری بازرگانی و پیشەسازی هەرێمی فلاندەرزى بەلجیکا کرد

THU, 19 APR 2018 17:27

ئەمڕۆ پێنج شەممە ڕێکەوتی (١٩/٤/٢٠١٨)بەڕێز خاتوو سیهام جەبەلی ، یاریدەدەری بەرپرسی فەرمانگەی پەیوەندیەکانی دەرەوە  پێشوازی کرد لە شاندێکی ژووری بازرگانی و پیشەسازی هەرێمی فلاندەرزی بەلجیکا کە پێکهاتبوو لە بەڕێزان لوک ڤان لووڤەرن، ڕاوێژکاری باڵاو پیتەر لۆریدان بەڕێوەبەر لە ژووری بازرگانی و پیشەسازی هەرێمی فلاندەرز.

 

نێچیرڤان بارزانى و یان كۆبیش پرۆسه‌ى سیاسى له‌ عێراق تاوتوێ ده‌كه‌ن

WED, 18 APR 2018 12:55

سه‌رله‌به‌یانیى ئه‌مڕۆ چوارشه‌ممه‌ 18/4/2018 به‌ڕێز نێچیرڤان بارزانى، سه‌رۆك وه‌زیرانى هه‌رێمى كوردستان، پێشوازى له‌ به‌ڕێز یان كۆبیش، نوێنه‌رى تایبه‌تى سكرتێرى گشتیى نه‌ته‌وه‌ یه‌كگرتووه‌كان له‌ عێراق كرد.

 

حكوومه‌تا هه‌رێما كوردستانێ سەرسالا ئـێزدییان پیرۆز دكه‌ت

WED, 18 APR 2018 10:17

ب هه‌لكەفتا هاتنا جه‌ژنا سەرسالا ئـێزدیان (چارشه‌مبوا سۆر) به‌راهیێ هه‌موو وان زاڕۆك و ژن و گه‌نج و پیرێن ئێزدیان ب ڕێز و حورمه‌ت‌ ب بیر تینین یێن كو لسه‌ر ده‌ستێ تیرۆرستا شه‌هید بوون، جه‌ژنا كه‌سوكار و مالباتێن وان و مالباتێن ئـێسیر و گرتیان و هه‌موو ئێزدیان ل كوردستانێ و جیهانێ ب گه‌رمی پیرۆز دكه‌ین، هیڤیدارین خوشك و برایێن مه‌ یێن ئێزدی ڤێ جه‌ژنا خوه‌ د ئارامی و ته‌ناهیێ دا ده‌رباس بكه‌ن.