فه‌رمانگه‌ی په‌یوه‌ندییه‌کانی ده‌ره‌وه‌
حكومه‌تی هه‌رێمی كوردستان
MON, 22 APR 2019 09:42 Erbil, GMT +3
Source: KRG-DFR DFR publication date: WED, 28 MAR 2018 20:26
ئه‌نجومه‌نى وه‌زیران سیستمى نوێى دابه‌شكردنى مووچه‌ى له‌ به‌رژوه‌ندیى مووچه‌خۆراندا په‌سه‌ند كرد

پێشنیوه‌ڕۆى ئه‌مڕۆ چوارشه‌ممه‌ 28/3/2018 به‌ سه‌رۆكایه‌تیى به‌ڕێز نێچیرڤان بارزانى سه‌رۆك وه‌زیران و به‌ ئاماده‌بوونى به‌ڕێز قوباد تاڵه‌بانى جێگرى سه‌رۆك وه‌زیران، ئه‌نجومه‌نى وه‌زیرانى هه‌رێمى كوردستان كۆبووه‌وه‌.

له‌ كۆبوونه‌وه‌كه‌دا سه‌ره‌تا به‌ڕێز مه‌حموود حاجى ساڵح وه‌زیرى كاروبارى شه‌هیدان و ئه‌نفالكراوان، كورته‌یه‌كى ده‌رباره‌ى بڕیارێكى دوێنێى په‌رله‌مانى عێراق خسته‌ ڕوو كه‌ له‌ به‌رژه‌وه‌ندیى كه‌سوكارى شه‌هیدان و ئه‌نفالكراوان و زیندانییانى سیاسیى هه‌رێمى كوردستاندایه‌ و ئاماژه‌ى به‌وه‌ دا ئه‌و توێژه‌ى له‌ هه‌رێمى كوردستان له‌ بڕیاره‌كه‌ سوودمه‌ند ده‌بێت، مینحه‌ و ئیمتیازاتیان له‌گه‌ڵ عێراق یه‌كده‌خرێت و ده‌كه‌وێته‌ ئه‌ستۆى حكوومه‌تى فیدراڵى عێراقه‌وه وه‌ك له‌ ده‌ستووردا هاتووه‌ و حكوومه‌تى هه‌رێمى كوردستانیش له‌ ساڵى 2015ـوه‌ كارى له‌سه‌ر كردووه‌.

ئه‌نجومه‌نى وه‌زیران ستایشى هه‌وڵه‌كانى به‌ڕێزان وه‌زیرى كاروبارى شه‌هیدان و ئه‌نفالكراوان و د. ئامانج ڕه‌حیم سكرتێرى ئه‌نجومه‌نى وه‌زیران و تیمه‌كانیانى كرد بۆ كار و ماندووبوونیان له‌سه‌ر ئه‌م پرسه‌، هه‌روه‌ها سوپاسى به‌ڕێز د. حه‌یده‌ر عه‌بادى، سه‌رۆك وه‌زیرانى عێراق، په‌رله‌مانتارانى عێراق به‌گشتى و په‌رله‌مانتارانى كوردستان له‌ په‌رله‌مانى عێراق به‌تایبه‌تى كرد كه‌ ڕۆڵیان له‌ ده‌رچوونى ئه‌و بڕیاره‌دا هه‌بووه.

ئینجا به‌ڕێز ڕێباز حه‌ملان وه‌زیرى دارایى و ئابوورى، سیستمى نوێى مووچه‌ى ڕوون كرده‌وه‌ و تیایدا ورده‌كاریى چۆنیه‌تیى خه‌رجكردنى مانگانه‌ى مووچه‌ى خسته‌ ڕوو كه‌ گۆڕانگارییه‌كى گه‌وره‌ به‌ ئاراسته‌ى كه‌مكردنه‌وه‌ى ڕێژه‌كانى پاشه‌كه‌وت له‌خۆ ده‌گرێت به‌ جۆرێك كه‌سوكارى سه‌ربه‌رزى شه‌هیدان و ئه‌نفالكراوان و خانه‌نشینان و كه‌مئه‌ندامان و خاوه‌ن پێداویستییه‌ تایبه‌ته‌كان و ئه‌وانه‌یش كه‌ مووچه‌یان له‌ (400) هه‌زار دینار كه‌متره‌، مانگانه‌ ته‌واوى مووچه‌كانیان به‌بێ هیچ پاشه‌كه‌وت و لێبڕینێك وه‌رده‌گرن.

به‌پێى ئه‌و سیستمه‌ نوێیه‌، ئه‌و مووچه‌خۆرانه‌ى له‌ (400) هه‌زار دینار به‌ره‌و ژوور تا سێ ملیۆن دینار وه‌رده‌گرن، به‌پێى زۆر و كه‌میى مووچه‌كانیان، به‌ ڕێژه‌ى 90% تا 75%یان بۆ خه‌رج ده‌كرێت، هه‌رچى پله‌ تایبه‌ته‌كانه‌، مووچه‌كانیان به‌پێى سیستمى پاشه‌كه‌وتى جاران ده‌درێت و ته‌نها 25%ى مووچه‌یان بۆ خه‌رج ده‌كرێت. دواتر به‌ڕێزان د. ئاشتى هه‌ورامى، وه‌زیرى سامانه‌ سروشتییه‌كان و ڕێباز حه‌ملان وه‌زیرى دارایى و ئابوورى، داهات و خه‌رجیى مانگانه‌ى چاوه‌ڕوانكراویان بۆ هه‌رێمى كوردستان خسته‌ ڕوو.

ئه‌نجومه‌نى وه‌زیران دووپاتى كرده‌وه‌ كه‌ هه‌ر زیادبوونێكى داهات ده‌بێته‌ هۆى كه‌مكردنه‌وه‌ى ڕێژه‌ى پاشه‌كه‌وتى مووچه‌، جه‌ختى له‌ به‌رده‌وامیى پرۆسه‌ى شه‌فافیه‌ت و چاكسازى و پابه‌ندبوون به‌ پڕۆژه‌ى وردبینیى داهات و خه‌رجییه‌كان كرده‌وه‌ كه‌ ئێستا له‌لایه‌ن هه‌ردوو كۆمپانیاى نێوده‌وڵه‌تیى دیلۆیت و  ئیواى ـیه‌وه‌ جێبه‌جێ ده‌كرێت.

ئه‌نجومه‌نى وه‌زیران ڕایگه‌یاند كه‌ ئامانجى ئه‌وه‌یه‌ له‌ هه‌نگاوه‌كانى داهاتوودا پاشه‌كه‌وتى مووچه‌ به‌ یه‌كجاره‌كى نه‌مێنێت، بۆ ئه‌م مه‌به‌سته‌ش ده‌ركردنى یاساى چاكسازى له‌ مووچه‌ و خانه‌نشینى كه‌ ئێستا له‌ په‌رله‌مانى كوردستانه‌، به‌ هه‌نگاوێكى گرنگ له‌ قه‌ڵه‌م دا.

ئه‌نجومه‌نى وه‌زیران به‌ڕێز وه‌زیرى دارایى و ئابوورى و لایه‌نه‌ په‌یوه‌نداره‌كانى ڕاسپارد كه‌ ورده‌كاریى سیستمى نوێى مووچه‌ و ده‌ستكاریى پاشه‌كه‌وت بۆ هاووڵاتیان ڕوون بكه‌نه‌وه‌. 

 




فەلاح مستەفا بارودۆخى سیاسى و مرۆیى لەگەڵ گەورە لێکۆڵەرێکى گروپى قەیرانەکانى نێودەوڵەتى تاوتوێ کرد
WED, 17 APR 2019 15:44

ئەمرۆ رۆژى چوارشەممە ١٧/٤/٢٠١٩ فەلاح مستەفا بەرپرسى پەیوەندیەکانى دەرەوەى حکومەتى هەرێمى کوردستان لەگەڵ خاتوو دارین خەلیفە گەورە لێکۆڵەرى گروپى قەیرانەکانى نێودەوڵەتى کۆبوونەوە و کە تیایدا گەنگەشەى رەوشى سیاسى و مرۆیى و قەیرانەکان کرد لە هەرێمى کوردستان و عیراق و سوریا بەتایبەتى لە قۆناغى دواى داعش.

بەرپرسی پەیوەندیەکانی دەرەوە پێشوازی لە شاندێکی پەیمانگای سمزۆنیانی ئەمریکی كرد
WED, 17 APR 2019 15:30

فەلاح مستەفا، بەرپرسی پەیوەندیەکانی دەرەوە پێشوازی کرد لە بەڕێز جۆن دەیڤز، یاریدەدەری ڕاگر بۆ کاروباری مۆزەخانە و توێژینەوە لە پەیمانگای سمزۆنیانی ئەمریکی بە یاوەری خاتوو جێسیکا جۆنسن، سەرۆکی بەشی پارێزگاری کردنی مۆزەخانە لە پەیمانگای ناوبراو و شاندی یاوەری.

 
نێچیرڤان بارزانی جه‌خت له‌ په‌ره‌پێدانی په‌یوه‌ندییه‌کان له‌گه‌ڵ قه‌ته‌ر ده‌کاته‌وه‌
WED, 17 APR 2019 14:02

به‌ڕێز نێچیرڤان بارزانی له‌ دیدارێكدا له‌گه‌ڵ به‌ڕێز حسێن ئه‌لفه‌زاله‌ هه‌ڵسوڕێنه‌ری كاروباری باڵیۆزخانه‌ی قه‌ته‌ر له‌ به‌غدا، خواستی حكوومه‌تی هه‌رێمی كوردستانی بۆ به‌ره‌وپێشبردنی په‌یوه‌ندییه‌كانی له‌گه‌ڵ قه‌ته‌ر نیشان دا، پوخته‌یه‌كیشی ده‌رباره‌ی قه‌یرانه‌كانی‌‌ ساڵانی ڕابردوو و تێپه‌ڕاندنیان به‌ شێوه‌یه‌كی سه‌ركه‌وتوو پێشكه‌ش كرد به‌تایبه‌تی ئاساییبوونه‌وه‌ی په‌یوه‌ندییه‌كانی هه‌ولێر ـ به‌غدا و بڕیاردان له‌سه‌ر گفوگۆ بۆ چاره‌سه‌ركردنی كێشه‌كان.

 

 

ئه‌نجومه‌نى وه‌زیرانى جه‌ژنى قیامه‌ پیرۆز ده‌كات

SUN, 21 APR 2019 10:00

جه‌ژنى قیامه‌ى حه‌زره‌تى مه‌سیح سڵاوى خواى لێ بێت له‌ ته‌واوى خوشك و برایانى مه‌سیحى له‌ هه‌رێمى كوردستان، عێراق و سه‌رتاسه‌رى جیهان پیرۆز ده‌كه‌ین. هیوادارین جه‌ژنێكى خۆش و ئارام به‌سه‌ر به‌رن و ئارامى و سه‌قامگیرى و ئاشته‌وایى باڵ به‌سه‌ر هه‌موو جیهان و مرۆڤایه‌تیدا بكێشێت.

 

فەلاح مستەفا لەگەڵ شاندێکی شانشینی هۆڵەندا ویستى هەرێمى کوردستانى خستەڕوو بۆ پێشخستنى کەرتى کشتوکاڵ و خۆراک

THU, 18 APR 2019 14:44

بە مەبەستى پتەوکردنى زیاترى پەیوەندیەکان و لە نزیکەوە ئاشنا بوون بە ڕەوشی هەرێمی کوردستان و هەماهەنگى و دەرفەتەکانى کار، ئەمڕۆ شاندێکی شانشینی هۆڵەندا کە پێکهاتبوو لە بەڕێزان عبدالله شاشی، لە وەزارەتی دەرەوەی هۆڵەندا و خاتوو میلینا ڕۆو لە ئاژانسی هۆڵەندا بۆ پڕۆژەکانی پەرەپێدانی بەردەوام و ویلیام کۆزاین کونسوڵی گشتی شانشینی هۆڵەندا لە هەرێم سەردانى فەرمانگەى پەیوەندیەکانى دەرەوەیان کرد و لەلایەن فەلاح مستەفا، بەرپرسی پەیوەندیەکانی دەرەوەى حکومەت پێشوازیان لێکرا.

 

کۆماری بوڵگاریا نوێنەرایەتى وڵاتەکەى لە هەرێمى کوردستان دەباتە قۆناغێکى پێشکەوتووتر

THU, 18 APR 2019 12:10

لە دیدارێکی نێوان فەلاح مستەفا، بەرپرسی پەیوەندیەکانی دەرەوەى حکومەت لەگەڵ بەڕێز پلامین هریستۆڤ، هەڵسوڕێنەری کاروباری باڵیۆزخانەی کۆماری بولگاریا لە عێراق باس لە پتەوکردنی پەیوەندیە دووقۆلیەکان و فراوانکردنی ئاستى پەیوەندی بازرگانی و ئابووری و ئەمنی کرا.

 

بەرپرسی پەیوەندیەکانی دەرەوە پێشوازی لە شاندێکی دامەزراوەی کۆنراد ئەدیناوێری ئەڵمانی کرد

WED, 17 APR 2019 15:59

ئەمڕۆ چوارشەممە، ڕێکەوتی ١٧/٤/٢٠١٩، فەلاح مستەفا، بەرپرسی پەیوەندیەکانی دەرەوە، پێشوازی کرد لە شاندێکی دامەزراوەی کۆنراد ئەدیناوێری ئەڵمانی بە سەرۆکایەتی بەڕێز گریگۆر جایکی، بەرپرسی بەشی کاروباری دەرەوە بۆ پرسی سوریا و عێراق و بەڕێز ڕەنج عەلائەددین، لە پەیمانگای بڕۆکینگز و شاندی یاوەری بە مەبەستی تاوتوێ کردنی دوایین بەرەوەپێشچوونەکانی ناوچەکە و بوارەکانی هەماهەنگی و لێکۆڵینەوە.