فه‌رمانگه‌ی په‌یوه‌ندییه‌کانی ده‌ره‌وه‌
حكومه‌تی هه‌رێمی كوردستان
THU, 23 MAY 2019 08:24 Erbil, GMT +3
Source: KRG-DFR DFR publication date: MON, 6 AUG 2018 23:39
نوێنەری حکومەتی هەرێمی کوردستان لە بەریتانیا بەشدارى لە مەڕاسیمی ده‌رچوونی خوولی پێنجه‌می شوێنه‌وارناسان کرد

مۆزەخانەی بەریتانیا له‌ بۆنه‌یه‌كدا بەبۆنەی تەواوبوونی خولی پێنجەمی ڕاهێنانی کاربەدەستانی بواری شوێنەوار لە عیراق و هەرێمی کوردستان له‌چوارچێوه‌ی پرۆژه‌کانی هاوکاری که‌ له‌لایه‌ن حکومه‌تی بەریتانیاوە پشتیوانی لێده‌کرێت  وه‌ لەلایەن مۆزەخانەی بەریتانیا جێبه‌جێ ده‌کرێت تایبه‌ت به‌ چۆنیەتی مامەڵەکردن لەگەڵ شوێنەوارە تێکدراوەکان لە هەرێم و عیراق، بڕوانامه‌ی به‌خشییه‌ به‌شداربووانی خوله‌که‌ که‌ تێیدا ژماره‌یه‌ك شوێنەوارناس، ئەکادیمی، هونەرمەند، دیبلۆماتکار و ڕێکخراوە کەلتووریەکانی بەریتانیا ئامادە بوون .

لەو مەڕاسیمەدا بەڕێز کاروان جەمال تاهیر نوێنەری حکومەتی هەرێمی کوردستان لە بەریتانیا ووتەیەکی پێشکەش کرد و وێڕای پیرۆزبایی کردن له‌ به‌شداربوانی خوله‌که‌ و به‌ڕێوه‌به‌رانی به‌شی ڕۆژهه‌ڵاتی ناوه‌ڕاست له‌ مۆزه‌خانه‌ی به‌ریتانیا هاوکات ڕایگه‌یاند که‌ بۆنه‌ی ده‌رچوونی به‌شداربووان هاوکاته‌ له‌گه‌ڵ یادی  چوار ساڵ تێپه‌ڕبوون به‌سه‌ر جینۆسایدی ئێزه‌دییه‌کان، که‌ له‌م ڕۆژه‌دا تیرۆرستانی  داعش گه‌وره‌ترین تاوانیان دژ بە پێکهاتە ئایینی و نەتەوەییەکان لە شنگال و گوندەکانی دەوروبەری ئەنجامدا بۆ دەربڕینی ڕق و کینەیان بەرامبەر گەلی کورد و پێکهاته‌کانی تر. ووتیشی: " داعش به‌ دڕەندەترین و نامرۆڤانه‌ترین شێوه‌ ڕەفتاریان بەرامبەر بە ئێزیدی و کریستیانه‌ بێتاوانه‌کان لە شنگال و ناوچەکانی دەوروبەری ئەنجامدا کە تا ئێستاش ژمارەیەکی زۆری ژن و کچی ئێزیدی بێ سه‌رووشوێنن. ئەمڕۆ کاتی ئەوەیە کەوا یادەوەری ئەو قوربانیانە بکەینەوە و وه‌فای خۆمان ده‌رببڕین."

 

نوێنەری حکومەتی هەرێم هەروەها ووتی: " سوپاس و پێزانینی خۆمان پێشکەش بە حکومەتی بەریتانیا و مۆزەخانەی بەریتانی دەکەین بۆ پشتیوانییان له‌ پرۆژه‌یه‌كی ئاوها که‌ گرینگی ده‌دات به‌ پاراستنی شوێنەوارە کان له‌ عێراق و به‌شیوه‌یه‌كی سه‌رده‌مییانه‌و به‌ زانستی نوێ کادره‌کانمان ڕاده‌هێنن"، هاوکات کاروان جه‌مال ڕایگه‌یاند که‌ عیراق زه‌ره‌رمه‌ندی گه‌وره‌ی شەڕ و پێکدادانەکان بووه‌ و ته‌نها مرۆڤه‌کان جینۆساید نه‌کران ، به‌ڵکوو که‌لتوورو شوێنه‌واره‌کانیش جینۆساید و پاکتاوکران له‌سه‌ڕ ده‌ستی ڕه‌شی داعش، وه‌ ئێستا پێویستمان بە هاوکاری و پشتیوانی کۆمەڵگای نیودەوڵەتی هەیە بۆ چاککردنەوەی شوێنەوارەکان، وه‌ پێویستە هەوڵە ناوەخۆیی و نێودەوڵەتیەکان لە هەموو ئاسته‌کان یەکبخرێن بۆ ڕێگەگرتن لە وێرانکردنی کەلتوور و ڕفاندنی نایاسایی شوێنەوارەکان، وە دادگاییکردنی ئەو کەسانەی کە ئەو تاوانانە ئەنجام دەدەن. ئەو هەنگاوانەش دەبنە ڕێگر لەبەردەم ئەوانەی کە لە داهاتوودا بیر لە دووبارە ئەنجامدانی ئەو تاوانانە دەکەنەوە."

هەر لە مەڕاسیمەکەدا دکتۆر ساڵح ئەلتمێمی باڵیۆزی عیراقی فیدڕاڵ لە بەریتانیا ووتارێکی پێشکەش کرد و تیشکی خستە سەر وێرانکاریەکانی بواری شوێنەواری لە عیراق لە سەر دەستی داعش. ووتیشی: " پاراستنی بواری شوێنەواری و کەلتوور کارێکی یەکجار گرینگە بۆ دووبارە بنیادنانەوەی شوێنەوارە وێرانکراوەکان لە سەرجەم شار و ناوچەکانی عێراق کە کەوتوونەتە ژێر دڕندایەتی داعش. بەرپرسیاریەتی هەموومانە کە ڕۆڵی کاریگەر ببینین و بەشداری لە دووبارە بنیادنانەوەی شوێنەوارەکانی عیراق بکەین."

هەر لە مەڕاسیمەکدا ووتار لە لایەن سه‌رۆکی به‌شی ڕۆژهەڵاتی ناوەڕاست لە مۆزەخانەی بەریتانیا و پاشان هەر شەش کاربەدەستە ئافرەتەکانی عیراق کە دوویان لە هەرێمی کوردستانەوە هاتبوون پرێزینته‌یشنی کۆتایی خوله‌که‌یان پێشکەش کرد.

لە کۆتایی مەڕاسیمەکەشدا خەڵات بەسەر بەشداربووەکان دابەشکرا بۆ سەرکەوتنیان لە یەکەمین قۆناخی خولەکەیان لە بەریتانیا.   




نێچیرڤان بارزانی و كونسولی گشتیی ئه‌مه‌ریكا دۆخی ناوچه‌كه‌ تاوتوێ ده‌كه‌ن
SUN, 19 MAY 2019 13:13

له‌ كۆبوونه‌وه‌یه‌كی به‌ڕێز نێچیرڤان بارزانی سه‌رۆك وه‌زیرانی هه‌رێمی كوردستاندا له‌گه‌ڵ به‌ڕێز ستیڤ ڤاگن كونسولی گشتیی ئه‌مه‌ریكا له‌ هه‌رێمی كوردستان، كار و چالاكییه‌كانی كونسولخانه‌ی ئه‌مه‌ریكا، په‌یوه‌ندییه‌كانی نێوان هه‌رێمی كوردستان و ئه‌مه‌ریكا له‌ هه‌موو ڕوویه‌كه‌وه‌ و په‌یوه‌ندییه‌كانی نێوان هه‌ولێر وبه‌غدا و باشتر بوونیان و چاره‌سه‌ركردنی كێشه‌كان به‌ڕێگه‌ی دیالۆگ و په‌ره‌سه‌ندنه‌كانی ناوچه‌كه،‌ خرانه‌ به‌ر باس و گفتوگۆ.

 
فەلاح مستەفا لەگەڵ بەرپرسى نووسینگەى کونسوڵگەرى ژاپۆن لە هەرێم کۆبووەوە
SAT, 18 MAY 2019 17:25

لە چوارچێوەى کۆبونەوەکانی لەکەڵ نێردەی دیپلۆماسی ولاتانى بیانى لەهەرێم، ئەمڕۆ شەممە فەلاح مستەفا بەرپرسی پەیوەندیەکانى دەرەوەی حکومەت لەگەڵ کاتسۆمى مۆریاسو بەرپرسى نووسینگەى کونسوڵگەرى ژاپۆن لە هەرێم کۆبووەوە.

 
فەلاح مستەفا لەگەڵ کونسوڵی گشتی هیند کۆبووەوە
SAT, 18 MAY 2019 17:07

لە درێژەی کۆبونەوەکانی لەگەڵ نێردەی دیپلۆماسی وڵاتان لەهەرێم، ئەمڕۆ فەلاح مستەفا بەرپرسی پەیوەندیەکانى دەرەوەی حکومەت لەگەڵ چاندرامولی کومار کێرن کونسوڵى گشتی هیند کۆبووەوە.

 

 

بەبۆنەى تەواوبوونى ئەرکەکانى، جێگرى بەرپرسى رێکخراوى کۆچى نێودەوڵەتى سەردانى فەرمانگەى پەیوەندیەکانى دەرەوەى کرد

MON, 20 MAY 2019 13:48

ئەمرۆ دووشەممە ٢٠/٥/٢٠١٩ فەلاح مستەفا بەرپرسى پەیوەندیەکانى دەرەوە لەگەڵ خاتوو باربارا ریجکس جێگرى بەرپرسى رێکخراوى کۆچى نێودەوڵەتى IOM سەر بە نەتەوە یەکگرتووەکان لە عیراق کۆبووەوە کە بەمەبەستى کۆتایى هاتنى ئەرکەکەى سەردانى فەرمانگەى پەیوەندیەکانى دەرەوەى کردبوو.

 

بەرپرسی پەیوەندیەکانی دەرەوە لەگەڵ جێگرى بەڕێوەبەرى کاروبارى عیراق و سوریا لە وەزارەتی دەرەوەی کەنەدا کۆبووەوە

MON, 20 MAY 2019 13:01

ئەمڕۆ دوو شەممە (20/5/2019)، خاتوو پەگاثا تایلەر ، جێگرى بەرێوەبەرى کاروبارى عیراق و سوریا  لە وەزارەتی دەرەوەی کەنەدا بە یاوەری خاتوو نانسی بێرگرۆن، بەرپرسی نووسینگەی باڵیۆزخانەی کەنەدا لە هەرێـم سەردانى فەرمانگەى پەیوەندیەکانى دەرەوەى کرد و لەلایەن فەلاح مستەفا بەرپرسی پەیوەندیەکانى دەرەوە پێشوازى لێکرا


نێچیرڤان بارزانی له‌گه‌ڵ شاندێكی باڵای كه‌نیسه‌ی ڕۆژهه‌ڵاتی ئاشووری له‌ جیهان كۆده‌بێته‌وه‌

SUN, 19 MAY 2019 18:14

به‌ڕێز نێچیرڤان بارزانی سه‌رۆك وه‌زیرانی هه‌رێمی كوردستان له‌ كۆبوونه‌وه‌یه‌كیدا له‌گه‌ڵ شاندێكی باڵای كه‌نیسه‌ی ڕۆژهه‌ڵاتی ئاشووری له‌ جیهان بە سەرۆكایەتیی قەداسەتی پاتریارك مار گورگیسی سێیەم سڵێوە، پاتریاركی كەنیسەی ڕۆژهەڵاتی ئاشووری لە جیهان، پیرۆزباییی كردنه‌وه‌ی كه‌نیسه‌ نوێكه‌یان له‌ دیاناى سه‌ر به‌ قه‌زاى سۆران لێكردن و هیوای سه‌ركه‌وتنی بۆ كۆبوونه‌وه‌ی كه‌نیسه‌كه‌یان خواست، ئاماژه‌ی به‌وه‌ش‌ دا كه‌ هه‌رێمی كوردستان  شانازی به‌ كولتوور‌ی پێكه‌وه‌ژیانه‌وه‌ ده‌كات و هه‌وڵیش ده‌ده‌ن ئه‌و كه‌موكوڕییانه‌ی له‌مباره‌یه‌وه‌ هه‌ن، نه‌هێڵن.

 

لیژنەی پەیوەندییەکان و ڕەوه‌ندی کوردستانی لە پەرلەمانى کوردستان له‌گه‌ڵ به‌رپرسی په‌یوه‌ندییه‌كانی دەرەوەى حکومەت كۆبووه‌وه‌

SUN, 19 MAY 2019 16:45

به‌مه‌به‌ستی ئاگاداربوون له‌ ئاستى په‌یوه‌ندییه‌كانی هه‌رێمی كوردستان له‌گه‌ڵ وڵاتانى دراوسێ و وڵاتانى ده‌ره‌وه‌، ئەمڕۆ یەکشەمه‌ لیژنەی پەیوەندییەکان و ڕەوه‌ندی کوردستانی له‌ په‌رله‌مانى كوردستان، به‌سه‌رپه‌رشتى د.رێبوار بابكه‌یى، سه‌رۆكی لیژنه‌ و ئاماده‌بوونى جێگرى سه‌رۆكی لیژنه‌ و بڕیارده‌ر و ئه‌ندامان و راوێژكارانی لیژنه‌‌، له‌ته‌لارى په‌رله‌مان، له‌گه‌ڵ فه‌لاح مسته‌فا، به‌رپرسی پەیوەندییەکانی دەرەوەی حكومەت و یاریدەدەرى بەرپرسى فەرمانگەو ژمارەیەک لە راوێژکارو بەڕێوەبەرى گشتى فەرمانگە كۆبووه‌وه‌.