فه‌رمانگه‌ی په‌یوه‌ندییه‌کانی ده‌ره‌وه‌
حكومه‌تی هه‌رێمی كوردستان
MON, 18 FEB 2019 10:00 Erbil, GMT +3
Source: KRG-DFR DFR publication date: TUE, 11 SEP 2018 14:03
نێچیرڤان بارزانی پێشوازی له‌ شاندێكی سه‌ربازیی ئه‌مه‌ریكا ده‌كات

پێشنیوه‌ڕۆی ئه‌مڕۆ سێشه‌ممه‌ 11/9/2018 به‌ڕێز نێچیرڤان بارزانى سه‌رۆك وه‌زیرانى هه‌رێمى كوردستان، پێشوازى له‌ شاندێكی سه‌ربازیی ئه‌مه‌ریكی به‌ سه‌رۆكایه‌تیی ژه‌نه‌راڵ پۆل فانك كرد كه‌ به‌مه‌به‌ستی كۆتاییهاتنی كار و ئه‌ركه‌كانی و ناساندنی شوێنگره‌كه‌ی، سه‌ردانی به‌ڕێز سه‌رۆك وه‌زیرانیان كردبوو.

له‌ دیدارێكدا ژه‌نه‌راڵ فانك سوپاس و پێزانینی خۆی پێشكه‌ش به‌ حكوومه‌تی هه‌رێمی كوردستان و داموده‌زگاكانی كرد بۆ هاوكارییان له‌ كار و ئه‌ركه‌كانی و پوخته‌یه‌كیشی ده‌رباره‌ی پاراستنی سه‌قامگیری و هاوكارییكردنی وه‌زاره‌تی كاروباری پێشمه‌رگه‌ له‌ ڕاهێنانی پێشمه‌رگه‌ و ڕێكخستنه‌وه‌ی وه‌زاره‌ت، پێشكه‌ش كرد. له‌ هه‌مان كاتدا به‌ڕێزیان ژه‌نه‌راڵ پۆل جۆزێف لاكامێرای به‌ به‌ڕێز سه‌رۆك وه‌زیران ناساند كه‌ له‌مه‌ودوا له‌ شوێنی ئه‌و وه‌ك فه‌رمانده‌ی هێزه‌كانی هاوپه‌یمانان له‌ عێراق و سووریا ده‌ست به‌كار ده‌بێت و هیوای خواست ئه‌و ئاسانكاری و هاوكارییه‌ی پێشكه‌ش به‌و كراوه‌، بۆ شوێنگره‌كه‌شی به‌ردوام بێت.

لای خۆیه‌وه‌ به‌ڕێز سه‌رۆك وه‌زیرانی هه‌رێمی كوردستان سوپاسی ڕۆڵی ژه‌نه‌راڵ فانكی كرد له‌ ڕابردوودا و دڵنیای كرده‌وه‌ كه‌ حكوومه‌تی هه‌رێمی كوردستان و وه‌زاره‌تی پێشمه‌رگه‌ به‌رده‌وام ده‌بن له‌ هاوكاری و هه‌ماهه‌نگی بۆ ئه‌وه‌ی مه‌ترسیی سه‌رهه‌ڵدانه‌وه‌ی تیرۆر له‌ ناوچه‌كه‌دا بنه‌بڕ بكرێت، هه‌روه‌ها سوپاسی هه‌وڵه‌كانیانی كرد له‌ بواری ڕێكخستنه‌وه‌ی وه‌زاره‌تی پێشمه‌رگه‌ و هیوای سه‌ركه‌وتنی بۆ هه‌ردوو به‌ڕێزان ژه‌نه‌رال فانك، ژه‌نه‌راڵ لاكامێرای خواست له‌ ئه‌ركی نوێیاندا و هه‌ر ئاسانكاری و هاوكارییه‌كی بۆ ئه‌رك و كاره‌كانی شوێنگره‌كه‌ی دووپات كرده‌وه‌.

تاوتوێكردنی بارودۆخی ناوچه‌كه‌ به‌گشتی و پرۆسه‌ی سیاسی و پێكهێنانی كابینه‌ی نوێی حكوومه‌تی عێراق و هه‌ڵبژاردنه‌كانی هه‌رێمی كوردستان و دۆخی ئه‌منیی ناوچه‌كه‌، لایه‌نێكی دیكه‌ی دیداره‌كه‌ بوو.
 




نێچیرڤان بارزانى و عادل عه‌بدولمه‌هدى له‌ به‌غدا كۆبوونه‌وه‌
THU, 7 FEB 2019 20:16

نیوه‌ڕۆى ئه‌مڕۆ پێنجشه‌ممه‌ 7/2/2019 به‌ڕێز نێچیرڤان بارزانى سه‌رۆك وه‌زیرانى هه‌رێمى كوردستان له‌ به‌غدا له‌گه‌ڵ به‌ڕێز عادل عه‌بدولمه‌هدى سه‌رۆك وه‌زیرانى عێراق كۆبووه‌وه‌.

 
کۆمسیاری باڵای نەتەوە یەکگرتووەکان بۆ کاروباری پەنابەران بە هەماهەنگی لەگەڵ فەرمانگەی پەیوەندیەکانی دەرەوە وۆرکشۆپێکیان لەژێر ناونیشانی "فراوانکردنی بواری پاراستنی مافی پەنابەران و پەناخوازان لە هەرێمی کوردستان ئەنجامدا
THU, 7 FEB 2019 19:09

ئەمڕۆ ( ٧ ی شوباتی ٢٠١٩) کۆمسیاری باڵای نەتەوە یەکگرتووەکان بۆ کاروباری پەنابەران لە عیراق  UNHCR بە هەماهەنگی لەگەڵ فەرمانگەی پەیوەندیەکانی دەرەوەى حکومەتى هەرێمی کوردستان وۆرکشۆپێکیان لەژێر ناونیشانی "فراوانکردنی بواری پاراستنی مافی پەنابەران و پەناخوازان لە هەرێمی کوردستان" لە هەولێر  بە ئامادەبوونى فەلاح مستەفا بەرپرسى پەیوەندیەکانى دەرەوە و برۆنۆ گیدۆ نوێنەرى کۆمسیارى باڵاى نەتەوە یەکگرتووەکان بۆ کاروبارى پەنابەران و خاتوو سیهام جەبەلى یاریدەدەرى بەرپرسى فەرمانگە ئەنجامدا.

 
نوێنەرى کۆمسیارى باڵاى نەتەوە یەکگرتووەکان بۆ کاروبارى پەنابەران لە عیراق سەردانى فەرمانگەى پەیوەندیەکانى دەرەوەى کرد
THU, 7 FEB 2019 18:40

ئەمرۆ رۆژى پێنچشەممە ٧/٢/٢٠١٩ بەڕێز برۆنۆ گیدۆ نوێنەرى کۆمسیارى باڵاى نەتەوە یەکگرتووەکان بۆ کاروبارى پەنابەران لە عیراق  سەردانى فەرمانگەى پەیوەندیەکانى دەرەوەى کردو لەلایەن فەلاح مستەفا بەرپرسى پەیوەندیەکانى دەرەوە پێشوازى لێکرا.

 

 

نوێنەری حكومەتی ھەرێمی كوردستان لە پۆلۆنیا لەگەڵ سەرۆكی ھەرێمی مازۆڤێسكی پۆڵۆنى کۆبووەوە

TUE, 12 FEB 2019 20:38

زیاد رەئوف نوێنەری حكومەتی ھەرێمی كوردستان لە پۆڵۆنیا لەگەڵ بەڕێز ئادەم ستروژیك سەرۆكی ھەرێمی مازۆڤێسكی كە گەورەترین و گرینگترین ھەرێمی پۆلۆنیایە و پایتەختەكەشی وارشۆیە کۆبووەوە.

 

نوێنەری حکومەتی هەرێمی کوردستان لە فەرەنسا بە فەرمی بەشداری لە کونفرانسێک لە سەر ئیزیدیەکان لە ئەنجومەنی پیرانی فەرەنسی کرد

TUE, 12 FEB 2019 12:59

خاتوو جاكی دیرۆمیدی گووتى‌ ئامانجی سه‌ره‌كی لێره‌دا پارێزگاری كردنه‌ له‌ ژنان و منداڵان كه‌ بونه‌ته‌ قوربانی ده‌ستی داعش و ئاواره‌ و بێ سه‌رپه‌رشت. هه‌وڵبدرێت لانه‌یه‌كیان بۆ ئاماده‌بكرێت هه‌تاوه‌كو له‌ بارودۆخێكی گونجاودا بگه‌ڕێنه‌وه‌ ناوچه‌كانی خۆیان، ئه‌ویش به‌ دابینكردنی داهاتووه‌یه‌ك، كه‌ تێیدا په‌روه‌رده‌و خوێندن بۆ منداڵان وه‌ ئاماده‌كاری پیشه‌ی بۆ ژنان ده‌سته‌به‌ر بكرێت.

 

نێچیرڤان بارزانی پێشوازی له‌ كونسولی گشتى كوێت له‌ هه‌رێمی كوردستان ده‌كات

MON, 11 FEB 2019 16:59

نیوه‌ڕۆی ئه‌مڕۆ دووشه‌ممه‌ 11/2/2019 به‌ڕێز نێچیرڤان بارزانی سه‌رۆك وه‌زیرانی هه‌رێمی كوردستان، پێشوازی له‌ به‌ڕێز د. عومه‌ر ئه‌لكنده‌ری، كونسولی گشتى كوێت له‌ هه‌رێمی كوردستان و شاندێكی یاوه‌ری كرد.

 

بەرپرسى پەیوەندیەکانى دەرەوەى حکومەت لەگەڵ‌ باڵیۆزی ئیسپانیا له‌ عێراق کۆبووەوە

SAT, 9 FEB 2019 21:06

ئه‌مڕۆ شه‌ممه‌ 9/2/2019  فەلاح مستەفا، بەرپرسی پەیوەندیەکانی دەرەوە، پێشوازی له‌  خوان خۆسێ ئیسكۆبار ستێمان، باڵیۆزی ئیسپانیا له‌ عێراق و شاندێكی یاوه‌ری كرد.