فه‌رمانگه‌ی په‌یوه‌ندییه‌کانی ده‌ره‌وه‌
حكومه‌تی هه‌رێمی كوردستان
THU, 18 OCT 2018 09:04 Erbil, GMT +3
Source: KRG-DFR DFR publication date: MON, 24 SEP 2018 15:00
رێوڕەسمى ٦٩یەمین ساڵیادى رۆژى نیشتمانى کۆمارى چینى میللى لە هەولێر بەڕێوەچوو

کونسوڵگەرى گشتى کۆمارى چینى میللى یادى ٦٩یەمین ساڵەى رۆژى نیشتمانى خۆى لە شارى هەولێر بە ئامادەبوونى بەرپرسانى حکومەتى هەرێم و پەرلەمانتارو دیپلۆماتکارو نوێنەرانى لایەنە سیاسیەکان کردەوە.

لە سەرەتاى رێوڕەسمەکەدا بەڕێز  نی ڕوچی، کونسوڵی گشتی کۆماری چینی میللی ووتارێکى پێشکەش کرد. تیایدا بەخێرهاتنى سەرجەم میوانەکانی کرد بۆ ٦٩یەمین ساڵیادی کۆماری چینی میللی لە هەولێرو ئاماژەی بەوەکرد کەوا ئەم مەڕاسیمە دەرفەتێکی باشە بۆ ئەوەی سوپاس و پێزانینی خۆی ئاڕاستەی دۆستانی لە هەرێمی کوردستان بکات بۆ پاڵپشتی و هەماهەنگی کردنی کونسوڵگەری گشتی چین لە هەولێر و  ووتی"٥ مانگ لەمەوبەر، کۆمەڵێک بیروڕام لەسەر چەندین پرسی جیاجیا لەگەڵ بەرپرسانی هەرێم و خەڵکی ئاسایی سەر شەقامەکان لێرە لە هەرێمی کوردستان گۆڕیەوەو بۆم دەرکەوت کەوا هەرێمی کوردستان دەخوازێت پەیوەندی و هەماهەنگیەکانی لەگەڵ چین زیاتر بەرەوپێش ببات لە بوارە جیاوازەکاندا.

 

کونسوڵی گشتی کۆماری چینی میللی لە درێژەی قسەکانیدا ڕایگەیاند کەوا ووڵاتەکەی هیوا دەخوازێت بۆ ئەوەی پەیوەندیەکانی لەگەڵ هەرێم زیاتر بەرەو پێش ببات و هانی کۆمپانیا چینیەکان دەدەن بۆ ئەوەی بێنە هەرێمی کوردستان و بەشداربن لە دووبارە بونیاتنانەوەی ناوچەکە لە قۆناغی دوای شەڕی تیرۆرستان.

بەڕێزیان  دووپاتی کردەوە کەوا گەل و حکومەتی هەرێمی کوردستان سەختی ئێستای باری ئابووری تێدەپەڕێنێت و داهاتوویەکی سەرکەوتووانەی دەبێت.

 

پاشان فەلاح مستەفا بەرپرسى پەیوەندیەکانى دەرەوەى حکومەت وتارى حکومەتى هەرێمى کوردستانى خوێندەوەو بەناوى گەل و حکومەتى هەرێمى کوردستان پیرۆزبایى لە گەل و حکومەتى کۆمارى چینى میللى کرد بە بۆنەى ٦٩یەمین سالیادى رۆژى نیشتمانى.

بەڕێزیان گووتى لە ئاکامی سیاسەتی دەرگای کراوە، ئەمڕۆ حکومەتی هەرێم پەیوەندیەکی پتەوی لەگەڵ کۆماری چین و ژمارەیەکی زۆری ووڵاتانی جیهان هەیە. ئێمە پەیوەندیە دبلۆماسی و ئابووری و ئاسایش و کەلتووریەکان لەگەڵ ئەم ووڵاتانە بەهەند هەڵدەگرین.

هەروەها گووتى ئاگادارم کە زۆربەتان چاودێری هەڵبژاردنەکانی هەرێمی کوردستان و گفتوگۆکان لە بەغدا لەگەڵ لایەنە عێراقیەکان دەکەن بۆ پێکهێنانی حکومەتی فیدڕاڵی داهاتوو. ئامانجی هەرێمی کوردستان وەدەستهێنانی ئاسایش و سەقامگیریە لەسەرتاسەری عێراق، بونیاتنانی ئابوورییەکە کە پشت بە سەرچاوەی جۆراوجۆر ببەستێت وە پێکهێنانی حکومەتێک کە نوێنەرایەتی ڕاستەقینەی سەرجەم گەلانی عێراق بکات بە یەکسانی.

بەرپرسى پەیوەندیەکانى دەرەوەى حکومەت لە درێژەى ووتارەکەیدا گووتى حکومەتی هەرێم هانی کۆمارى چینى میللى و  تەواوی هاوبەشەکانمان لە کۆمەڵگای نێودەوڵەتی دەدات کە ئاستی بارزگانی و وەبەرهێنان لە هەرێمی کوردستانی بەرزبکەنەوە وەکو ناوچەیەکى گرینگى ئابوورى بۆ عیراق و ناوچەکە. 

 

دەقى ووتاری بەڕێز فەلاح مستەفا، بەرپرسی پەیوەندیەکانی دەرەوەی حکومەتی هەرێمی کوردستان لە ٦٩ یەمین ساڵیادی دامەزراندنی کۆماری چینی میللی

ئامادەبووانی بەڕێز..
بەڕێز نی ڕۆچی، کونسوڵی گشتی کۆماری چینی میللی لە هەولێر
دیپلۆماتکاران، بەرپرسانی حکومەتی هەرێمی کوردستان، ئەندامانی کۆمەڵگای نێودەوڵەتی، میوانە بەڕێزەکان، خانمان و بەڕێزان دۆستە چینیەکانمان.

ئێوارەی هەموو لایەکتان باش!
بەناوی فەرمانگەی پەیوەندیەکانی دەرەوەی حکومەتی هەرێم، خۆم بە خۆشحاڵ دەزانم پیرۆزبایی لە دۆستە چینیەکانمان بکەم بەبۆنەی ٦٩یەمین ساڵیادی دامەزراندنی کۆماری چینی میللی وە زۆر خۆم بە خۆشحاڵ دەزانم ئەم ئێوارەیە لەگەڵ تەواوی دۆستەکانمان لێرەین بۆ بەرزڕاگرتنی یادی ٦٩ یەمین ساڵیادی دامەزراندنی کۆماری چینی میللی.

هەروەها سوپاسی کونسوڵگەری گشتی چین لە هەولێر دەکەین بۆ ڕەخساندنی ئەم دەرفەتە بۆ حکومەتی هەرێم تاوەکو سوپاسگوزاری خۆی دەرببڕێت بۆ ئەو پەیوەندیە پتەوەی کە لەگەڵ چین و گەلی چین هەیەتی.

کۆماری چینی میللی ئەزموون و ڕێگایەکی دوورودرێژی بڕیووە لە ڕۆژی دامەزراندنیەوە تاوەکو گەیشتۆتە ڕۆژێکی وەکو ئەمڕۆ. وە لە ئێستاشدا بووەتە بزوێنەری گەشەسەندنی ئابووری جیهانی و دووەم گەورەترین ئابووری لە جیهاندا و گەورەترین هەنادەکار و خاوەنی ئابوورییەکی بەهێزی دراوی بیانیە.

لەماوەی ٧٠ ساڵی ڕابردوودا، بەتایبەتیش لە ٤٠ ساڵی ڕابردوودا لەکاتی دەستپێکردنی چاکسازییەکانی ئابووری ساڵی ١٩٧٨، چین گەشەسەندنێکی ناوازەی لە ڕووی ئابووری و نوێخوازی کەلتوورییەوە بەخۆیەوە بینی. ئێمەش لە هەرێمی کوردستان خوازیارین سوود لە ئەزموونەکانی بەرەوپێشچوونی چین وەربگرین.

لەگەڵ ئەوەشدا، هەرێمی کوردستان هەنگاوی باشی ناوە بۆ گەشەسەندنی بواری ئابووری و کۆمەڵایەتی هەروەها ناوچەیەکی سەقامگیر بووە لە هەرێمێکی سەخت و دژواردا.

ئێمە سوپاسی پێشمەرگە قارەمانەکان دەکەین بۆ بەرجەستەبوونی ئەم سەقامگیرییە، وە ئەوان زۆر گرنگن بۆ خۆڕاگریمان بە درێژایی مێژوو. بۆیە هەرگیز قوربانیدانی پێشمەرگە قارەمانەکان و هێزەکانی ئاسایش لەبیرناکەین کە ئارامی کوردستانیان پاراست ئەمەش بووە هۆی ئەوەی دووبارە ڕەوشی ئابووریمان هێزی بێتەوە بەر.

لە ئاکامی سیاسەتی دەرگای کراوە، ئەمڕۆ حکومەتی هەرێم پەیوەندیەکی پتەوی لەگەڵ کۆماری چینی میللی و ژمارەیەکی زۆری ووڵاتانی جیهان هەیە. ئێمە پەیوەندیە دیپلۆماسی و ئابووری و ئاسایش و کەلتووریەکان لەگەڵ ئەم ووڵاتانە بەرز دەنرخێنین کە ئەمڕۆ زۆربەیان لەم بۆنەیە ئامادەن.

ئاگادارم کە زۆربەتان چاودێری هەڵبژاردنەکانی هەرێمی کوردستان و گفتوگۆکان لە بەغدا لەگەڵ لایەنە عێراقیەکان دەکەن بۆ پێکهێنانی حکومەتی فیدڕاڵی داهاتوو. ئامانجی هەرێمی کوردستان بریتیە لە بەرجەستەکردنی ئاسایش و سەقامگیری لەسەرتاسەری عێراق بۆ بونیاتنانی ئابوورییەکی خۆڕاگر کە پشت بە سەرچاوەی جۆراوجۆر ببەستێت وە پێکهێنانی حکومەتێک کە نوێنەرایەتی ڕاستەقینەی سەرجەم گەلانی عێراق بکات بەشێوەیەکی یەکسان.

لەکاتی دووبارە هەڵسانەوەی ئابووری لە قۆناغی دوای داعش، حکومەتی هەرێم هانی حکومەتی چین و  تەواوی هاوبەشەکانمان لە کۆمەڵگای نێودەوڵەتی دەدات کە ئاستی بارزگانی و وەبەرهێنان لە هەرێمی کوردستانی بەرزبکەنەوە وەکو هەرێمێک بتوانێت دەستی بە بازاڕی ڕاستەقینەی خۆی بگات و خزمەتی تەواوی عێراق بکات.

حکومەتی هەرێمی کوردستان بەردەوام دەبێت لە پابەندبوون بە پەرەپێدانی زیاتری ئاستی پەیوەندیەکانی لەگەڵ چین و بەردەوامیدان بە هەماهەنگی نێوان هەردوو حکومەت.

لە کۆتاییدا، دەمەوێت ستایشی پەیوەندی دۆستانە و هەماهەنگی نێوان چین و هەرێمی کوردستان بکەم.

حکومەتی هەرێم سەرکەوتنی زیاتر بۆ کۆماری چینی میللی و هەرێمی کوردستان و هەروەها بەختەوەری و سەلامەتیش بۆ هاوڵاتیانی هەردوولا دەخوازێت.

جارێکیتر، ٦٩یەمین ساڵیادی دامەزراندنی کۆماری چینی میللی پیرۆزبێت و بەهیوای ئێوارەیەکی ئاسوودە بە هەموولایەک.

 




نێچیرڤان بارزانی و باڵیۆزی ئوسترالیا ڕه‌وشی ناوچه‌كه‌ تاوتوێ ده‌كه‌ن
TUE, 16 OCT 2018 19:12

له‌ دیدارێكدا خاتوو لۆندێز خۆشحاڵیی خۆی به‌ سه‌ركه‌وتنی پرۆسه‌ی هه‌ڵبژاردنی په‌رله‌مانی كوردستان ده‌ربڕی و له‌مباره‌یه‌وه‌ پیرۆزبایی له‌ به‌ڕێز سه‌رۆك وه‌زیرانی هه‌رێمی كوردستان كرد، هه‌روه‌ها هیوای خواست هه‌وڵه‌كان بۆ پێكهێنانی هه‌ردوو كابینه‌ی نوێی حكوومه‌تی عێراق و هه‌رێمی كوردستان سه‌رکه‌وتوانه‌ به‌ڕێوه‌ بچن و سه‌قامیگری و ئاسایش بۆ ناوچه‌كه‌ بگه‌ڕێنرێته‌وه‌.

 
نێچیرڤان بارزانی و جێگری وه‌زیری ده‌ره‌وه‌ی ئه‌مه‌ریكا كۆبوونه‌وه‌
MON, 15 OCT 2018 20:04

نیوه‌ڕۆی ئه‌مڕۆ دووشه‌ممه‌ 15/10/2018 به‌ڕێز نێچیرڤان بارزانی سه‌رۆك وه‌زیرانی هه‌رێمی كوردستان، پێشوازی له‌ به‌ڕێز جۆن سولیڤان جێگری وه‌زیری ده‌ره‌وه‌ی ئه‌مه‌ریكا و شاندێكی باڵای یاوه‌ری كرد كه‌ له‌ به‌ڕێزان ژه‌نه‌رال میگی ڤادل یاریده‌ده‌ری سه‌رۆكی ده‌سته‌ی ئه‌ركانی هابه‌ش، دۆگلاس سیلیمان باڵیۆزی ئه‌مه‌ریكا له‌ عێراق، ستیڤ ڤاگن كونسولی گشتیی ئه‌مه‌ریكا له‌ هه‌رێمی كوردستان و چه‌ند به‌رپرسێكی دیكه‌ی دیپلۆماسی و سه‌ربازیی ئه‌مه‌ریكا پێكهاتبوو.

 
باڵیۆزى نوێى کۆمارى سڕبیا لە عیراق ویستى وڵاتەکەى خستەڕوو بۆ پەرەپێدانى پەیوەندیەکانیان لەگەڵ هەرێمى کوردستان
WED, 10 OCT 2018 21:31

دواى دەستبەکاربوونى وەک باڵیۆزى کۆمارى سڕبیا لە عیراق ئەمڕۆ چوارشەممە بەڕێز بالۆف ئۆرۆش سەردانى فەرمانگەى پەیوەندیەکانى دەرەوەی کردو لەلایەن بەڕێز فەلاح مستەفا بەرپرسی پەیوەندیەکانى دەرەوەى حکومەت پێشوازى لێکرا.

 

 

نێچیرڤان بارزانی و عادل عه‌بدولمه‌هدی كۆبوونه‌وه‌‌

WED, 17 OCT 2018 20:15

هه‌ر له‌ میانه‌ی سه‌ردانه‌كه‌یدا بۆ به‌غدا، ئێواره‌ی ئه‌مڕۆ چوارشه‌ممه ١٧/١٠/٢٠١٨ به‌ڕێز نێچیرڤان بارزانی سه‌رۆك وه‌زیرانی هه‌رێمی كوردستان، له‌گه‌ڵ به‌ڕێز عادل عه‌بدولمه‌هدی ڕاسپێردراو بۆ پێكهێنانی كابینه‌ی نوێی حكوومه‌تی عێراق كۆبووه‌وه‌.

 

نێچیرڤان بارزانی و حه‌یده‌ر عه‌بادی كۆبوونه‌وه‌

WED, 17 OCT 2018 17:08

نیوه‌ڕۆی ئه‌مڕۆ چوارشه‌ممه‌ 17/10/2018 به‌ڕێز نێچیرڤان بارزانی سه‌رۆك وه‌زیرانی هه‌رێمی كوردستان، به‌ سه‌ردانێك گه‌یشته‌ به‌غدای پایته‌ختی عێراقی فیدرال.

 

نێچیرڤان بارزانی چه‌ند بڕیارێك بۆ باشتركردنی بواری ته‌ندروستیی هه‌رێمی كوردستان ده‌رده‌كات

WED, 17 OCT 2018 15:06

له‌ چوارچێوه‌ی ئه‌و  ڕیفۆرم و چاكسازییه‌كانه‌ی كه‌ حكوومه‌تی هه‌رێمی كوردستان بۆ باشتركردن و پاراستنی ژیانی خه‌ڵكی كوردستان له‌ هه‌موو بواره‌كاندا ئه‌نجامیان ده‌دات، به‌ڕێز نێچیرڤان بارزانی سه‌رۆك وه‌زیرانی هه‌رێمی كوردستان چه‌ند بڕیارێكی گرنگی له‌ بواری ته‌ندروستی و كۆنترۆڵكردنی ده‌رمان له‌ هه‌رێمی كوردستان ده‌ركرد كه‌ ئه‌مانه‌ی خواره‌وه‌ ده‌قی بڕیاره‌كانن:

 

فەلاح مستەفا لەگەڵ باڵیۆزى ئوسترالیا لە عیراق باسیان لە پتەوکردنى پەیوەندییە دووقۆڵیەکان و چەند پرسێکى هەنووکەیی کرد

WED, 17 OCT 2018 09:31

لە دیدارێکى نێوان بەڕێز فەلاح مستەفا بەرپرسى پەیوەندیەکانى دەرەوەى حکومەت و خاتوو جۆوان لۆندز باڵیۆزی ئوسترالیا له‌ عێراق و شاندێكی یاوه‌ری، باس لە پتەوکردنى زیاترى پەیوەندییە دووقۆڵیەکان و بارودۆخى ئەمڕۆى هەرێم و عیراق و ئاکامى هەڵبژاردنەکان و پرسى پێکهێنانى حکومەتى فیدڕاڵ کرا.