فه‌رمانگه‌ی په‌یوه‌ندییه‌کانی ده‌ره‌وه‌
حكومه‌تی هه‌رێمی كوردستان
SUN, 24 MAR 2019 19:17 Erbil, GMT +3
Source: KRG-DFR DFR publication date: THU, 4 OCT 2018 12:16
لە هەولێر، کونسوڵگەرى گشتى ئەڵمانیا مەڕاسیمى 28ەمین ساڵیادى یەکگرتنەوەى ئەڵمانیا و رۆژى نیشتمانى وڵاتەکەیانى کردەوە

بەبۆنەى رۆژى 3ى ئۆکتۆبەرو 28ە مین ساڵیادى یەکگرتنەوەى هەردوو ئەڵمانیاى رۆژهەڵات و رۆژئاوا، کونسوڵگەرى گشتى کۆمارى ئەڵمانیاى فیدڕاڵ بە ئامادەبوونى ژمارەیەک لە وەزیرانى حکومەت و پەرلەمانتارو سکرتێرو سەرۆکى پارت و لایەنە سیاسیەکان و نوێنەرانى وڵاتانى بیانى و بەرپرسانى سەربازى و ژمارەیەکى زۆرى رەوەندى ئەڵمانیا لە هەرێم ئاهەنگێکى پێشوازى لە هوتێل رۆتانا لە هەولێر رێکخست.

لە سەرەتاى مەڕاسیمەکەدا خاتوو باربارا وۆڵف بەخێرهاتنى میوانانى کرد بۆ ئاهەنگی رۆژی نیشتمانی ئەڵمانیا – رۆژی یەکگرتنەوەی ئەڵمانیا. بەڕێزیان گووتى تەنیا لەگەڵ ئێوە" درووشمی ئەمساڵی ئاهەنگگێڕانی یادی رۆژی یەکگرتنەوەی ئەڵمانیایە. تەنیا لەگەڵ ئێوە ئەوەمان وەبیردێنێتەوە کە یەکگرتنەوەی ئەڵمانیا تەنیا لەرێی کۆمەڵێک ئەکتەرەوە مەیسەربوو. سەرەتا ئەو هاوڵاتییە چالاکانەی ئەڵمانیای رۆژهەڵات بوون، کە لە پایزی 1989 رژانە سەرشەقامەکان. هەروەها دراوسێ ئەوڕوپپیەکانمان کە سنوورەکانیان ئاوەڵاکردن و پێشوازیان لە ئەڵمانیای یەکگرتوو لە یەکێتی ئەوروپادا کرد. دواجاریش هاوبەشە نێودەوڵەتییەکانمان کە ئەوانیش پشتگیریی یەکگرتتنەوەکەیان کرد. هەموو ئەو ئەکتەرانە پێکەوە بوون بە مایەی وەدیهێنانی یەکگرتنەوەی ئەڵمانیا. هەمیشە سوپاسگوزارین بۆ ئەو پشتگیریی و متمانە نێودەوڵەتییە.

 

کونسوڵى گشتى ئەڵمانیا لە ووتارەکەى گووتى: 28 ساڵ دوای یەکگرتنەوە شانۆی نێودەوڵەتی تەواوگۆڕاوە: جیهانگیریی و مەترسییە سنووربڕەکان بوونەتە هۆی تەحەددا گەلێکی نوێ و هەروا بەیەکەوە هاوبەستەیی نوێ. ئەڵمانیا باوەڕی بە زەروورەتی هەماهەنگی فرەلایەنە هەیە بۆ رووبەڕووبوونەوەی ئەم تەحەددایانە. بۆ ئێمە نەتەوە یەکگرتووەکان ناوەندی هەماهەنگیی فرەلایەنەیە و ئەڵمانیاش هەوڵدەدات نەتەوە یەکگرتووەکان بەهێزتربکات لە دوو ساڵی داهاتووی ئەندامێتییدا لە ئەنجومەنی ئاسایش.

سەبارەت بە هاوکارى و هەماهەنگیەکانى ئەڵمانیا لەگەڵ هەرێمى کوردستان خاتوو باربارا گووتى: ئەڵمانیا لەگەڵ ژمارەیەکی زۆر لە هاوبەشانی لە هەرێمی کوردستانی عێراق ، چ نێودەوڵەتی چ خۆجێیی، لەم بوارانەدا کاردەکات: سوپای ئەڵمانیا هێزەئەمنییەکان رادەهێنێت و لەگەڵ هاوبەشەکان راوێژ بۆ چاکسازیی لە هێزەکانی پێشمەرگەدا پێشکەشدەکات. حکومەتی ئەڵمانیا و رێکخراوە ناحکومییەکان کۆمەک پێشکەش بە ئاوارەی ناوخۆ، پەنابەران و هەروەها جڤاتە خۆجێییەکان دەکەن، دامەزراوەگەلێکی وەک پەیمانگای گوتە یان ئاژانسی ئاڵوگۆڕی ئەکادیمی ئەڵمانی پشتیوانی پەیوەندییەکان لە بوارەکانی کولتوور و خوێندنی باڵان، قوتابخانەی ئەڵمانی هەولێر بە گوێرەی پڕۆگرامی ئەڵمانی دەرفەتی فێرکردن پێشکەشدەکات، زانکۆ ئەڵمانی و کوردییەکانیش لە بابەتی نوێی وەک تراوماناسیی و چارەسەریی دەروونی پێکەوە کار دەکەن. ئێمە پابەندین و شانازیش بەو هەماهەنگییە بەرفراوانەوە دەکەین و دەخوازین سوپاسگوزاریی و پێزانینمان بۆ هەموو بەشدارانی دەربڕین.

کونسوڵى گشتى ئەڵمانیا سەبارەت بە هەڵبژاردنەکان تێڕوانینى وڵاتەکەى خستەڕوو و گووتى: هەڵبژاردنەکانی ئەم دواییەی هەرێمی کوردستان و عێراق دەرفەتی فەسڵێکی نوێ لە رووبوڕووبونەوەی تەحەدداکان لە هەرێمدا، چ لە بواری ئەمنی یا ژێرخان، گەشەی ئابووری و حوکمڕانیی و هەروەها شەڕی دژ بە گەندەڵیی دەڕەخسێنن. ئێمە هیوای بەرنامەیەکی چاکسازییە خوازراوەکان دەخوازین و ئامادەین هاوکاری بەرنامەیەکی لەمجۆرە بکەین. ئێمە بەردەوام دەبین لە پشتوانی وڵاتێکی کراوە و کۆمەڵگایەکی ئاوەڵا، کە تێیاندا تەواوی ئایینەکان و کەمە نەتەوەکان ئازادی خۆیان ببیننەوە و تەعبیر لە خۆکردن و مافەکانیان پارێزراو بێت.

 

دواتر بەڕێز فەلاح مستەفا بەرپرسى پەیوەندیەکانى دەرەوەى حکومەت ووتارێکى پێشکەش کردو لەسەرەتا گووتى بەناوی گەل و حکومەتی هەرێمی کوردستان پیرۆزبایی لە گەل و حکومەتی ئەڵمانیا دەکەین بەبۆنەی 28 ساڵەی یەکگرتنەوەی هەردوو ئەڵمانیاو بە بەدەرفەتی دەزانم بۆ ئەوەی سوپاسی ئەڵمانیا و هاوبەشە نێودەوڵەتیەکانمان بکەم بۆ ئەو پەیوەندیە بەهێزەی لە نێوانمانە، بەردەوامیش دەبین بۆ زیاتر بەرەوپێشبردنی لە هەرێم.

هەرێمی کوردستان یارمەتیەکانی ئەڵمانیا لەبیرناکات لە شەری دژ بە تیرۆرستانی داعش و دابینکردنی ڕاهێنان و یارمەتیدانی سەربازی بۆ هێزەکانی پێشمەرگە. هاوکارییەکانی ئەڵمانیا لەم ڕووەوە بەرز دەنرخێنین و سوپاسی ئەڵمانیا و هێزە هاوپەیمانەکان و هێزەکانی پێشمەرگە دەکەین کە قوربانی زۆریاندا لە پێناو داهاتوویەکی سەقامگیر و ئاشتەوایی لە هەرێمی کوردستان و عێراق.

بەڕێز فەلاح مستەفا گووتى: هیوادارین ئەڵمانیا و یەکێتى ئەوڕوپا و کۆمەڵگاى نێودەوڵەتىلە یارمەتیە مرۆییەکانى بەردەوام بێت بۆ ئاوارە پەنابەران و دابینکردنی هاوکاری بۆ قوربانیانی دەست تیرۆرستانی داعش.

 

بەرپرسى پەیوەندیەکانى دەرەوەى حکومەت ئاماژەى بەوەدا کە حکومەتی هەرێم بە هەماهەنگی لەگەڵ پشتیوانی و  یارمەتیەکانی ئەڵمانیاو تەواوی هاوبەشەکانی کۆمەڵگای نێودەوڵەتی دەتوانێت ئەرکی پاراستنی پێکهاتە جیاوازەکان لە نێویاندا ئێزیدی و کریستیانەکان لەخۆ بگرێت.

لە کۆتایی ووتارەکەیدا فەلاح مستەفا گووتى دەمەوێ جەخت لەسەر بەردەوامی هەماهەنگی پەیوەندیەکانمان بکەمەوە لەگەڵ ئەڵمانیا بۆ پشتیوانیکردن و بەرەوپێشبردنی زیاتری هەرێمی کوردستان.

 




لە تەلاری پەرلەمانی بەریتانیا پانێڵێك بۆ نوێنەری حکومەتی هەرێم و وەزیری کاروباری ڕۆژهەڵاتی ناوەراستی حکومەتی بەریتانیا و جێگری باڵیۆزی عیراقی فیدڕاڵ و بەڕێوەچوو
TUE, 19 MAR 2019 14:12

لەو پانێڵەدا کە لە لایەن پەرلەمانتار جاك لۆپریستی سەرۆکی گرووپی پەرلەمانتارانی هەموو پارتەکانی بەریتانیا ڕێکخرابوو، کاروان جمال تاهیر نوێنەری حکومەتی هەرێمی کوردستان لە بەریتانیا و ئەلیستەر بێرت وەزیری دەرەوە بۆ کاروباری ڕۆژهەڵاتی ناوەڕاست و نەزار مەرجان جێگری باڵیۆزی عیراقی فیدڕاڵ لە بەریتانیا باسیان لە ژمارەیەك پرسی جیا کرد سەبارەت بە بارودۆخی سیاسی و ئابوری و ئەمنی لە هەرێمی کوردستان و عیراق. 

 
فەلاح مستەفا لەگەڵ شاندێکى دامەزراوەى یارمەتى و ئاشتەوایى لە رۆژهەڵاتى ناوەراست کۆبووەوە
TUE, 19 MAR 2019 12:29

فەلاح مستەفا بەرپرسى پەیوەندیەکانى دەرەوە لەگەڵ شاندێکى دامەزراوەى یارمەتى مرۆیى و ئاشتەوایى لە رۆژهەلاتى ناوەراست کە پێکهاتبوو لە بەرێزان مایک سیمپسن بەڕێوەبەرى جێبەجێکار و کریستۆفەر سیگار ئەندامى بۆردى بەرێوەبەردن و باڵیۆزى پێشووى بەریتانیا لە عیراق و عبدالرحمن محمد بەڕێوەبەرى بەرنامەى رێکخراوى ناوبراو لە عیراق  کۆبووەوە.

 
نوێنەرایەتی حکومەتی هەرێم و پڕۆگرامی یادەوەریەکانی کوردستان یادەوەریەك بۆ جینۆسایدی کورد ساز دەکەن
MON, 18 MAR 2019 17:09

نوێنەرایەتی حکومەتی هەرێمی کوردستان لە بەریتانیا بە هەماهەنگی لەگەڵ پڕۆگرامی یادەوەریەکانی کوردستان KMP و گرووپی پەرلەمانتارانی هەموو پارتەکانی بەریتانیا بۆ پشتگیری لە کوردستان APPG بۆنەیەکیان لە BAFTA سازکرد کە یەکێکە لە ناودارترین هۆڵەکانی نمایشکردنی فیلمە جیهانیەکان لە سەنتەری لەندەن بۆ یادکردنەوەی کیمیابارانکردنی هەڵەبجە و ئەنفال، وە ڕاگەیاندنی "پڕۆگرامی یادەوەریەکانی کوردستان" لە ئەوڕوپا و نمایشکردنی فیلمێکی دۆکیومەنتەری بەریتانیا کە پێشتر لە بارەگای سەرەکی نەتەوە یەکگرتووەکان لە واشنتن نمایشکراوە کە لە لایەن دەرهێنەر گوین ڕۆبەڕتس بەرهەم هێنراوە بە ناونیشانی "خێزانێکی ئێزیدی بەرانبەر داعش"، وە چەند کورتە فیلمێکی تر.

 

 

نێچیرڤان بارزانی په‌یوه‌ندی به‌‌ پارێزگاری مووسڵه‌وه‌ ده‌كات

THU, 21 MAR 2019 22:10

ئێواره‌ی ئه‌مڕۆ پێنجشه‌ممه‌ 21/3/2019 به‌ڕێز نێچیرڤان بارزانی سه‌رۆك وه‌زیرانی هه‌رێمی كوردستان، په‌یوه‌ندییه‌کی ته‌له‌فۆنی به‌ به‌ڕێز نه‌وفه‌ل حه‌مموود پارێزگاری مووسڵه‌وه‌ كرد و تیایدا پرسه‌ و سه‌ره‌خۆشی و هاوخه‌میی خۆی و گه‌لی كوردستانی به‌ به‌ڕێزیان و به‌ ڕێگای ئه‌ویشه‌وه‌ به‌ كه‌سوكاری قوربانیان ڕاگه‌یاند که‌ ئێواره‌ی ئه‌مڕۆ له‌ مووسڵ به‌هۆی ژێرئاوكه‌وتنی به‌له‌مێكی گه‌شتیارانه‌وه‌ له‌ ڕووباری دیجله‌ به‌ ده‌یان که‌س گیانیان له‌ده‌ست دا.

 

نێچیرڤان بارزانی په‌یامێکی سه‌ره‌خۆشی ئاراسته‌ی که‌سوکاری قوربیانیانی مووسڵ کرد

THU, 21 MAR 2019 21:00

به‌ڕێز نێچیرڤان بارزانی سه‌رۆک وه‌زیرانی هه‌رێمی کوردستان په‌یامێکی پرسه‌ و سه‌ره‌خۆشی ئاراسته‌ی که‌سوکاری قوربانیانی ڕووداوی ئه‌مڕۆی ژێرئاوکه‌وتنی به‌له‌مێکی گه‌شتیاری له‌ مووسڵ کرد و هه‌موو هاوکاری و پشتیوانییه‌کی داموده‌زگاکانی حکوومه‌تی هه‌رێمی کوردستانی بۆ لێقه‌وماوان نیشان دا، ئه‌مه‌ ده‌قه‌که‌یه‌تی:

 

نێچیرڤان بارزانی پێشوازی له‌ شاندێكی كۆنگرێسی ئه‌مه‌ریكا ده‌كات

TUE, 19 MAR 2019 23:06

ئێواره‌ی ئه‌مڕۆ سێشه‌ممه‌ 19/3/2019 به‌ڕێز نێچیرڤان بارزانی سه‌رۆك وه‌زیرانی هه‌رێمی كوردستان، پێشوازی له‌ شاندێكی كۆنگرێسی ئه‌مه‌ریكا به‌ سه‌رۆكایه‌تیی كۆنگرێسمان جۆن گارامندی كرد.

 

بەرپرسی پەیوەندیەکانى دەرەوەى حکومەت پێشوازى لە شاندێکى سیاسى و بازرگانى هەرێمى فلاندەرزى بەلجیکا کرد

TUE, 19 MAR 2019 18:25

ئەمڕۆ سێشەممە فەلاح مستەفا  بەرپرسی پەیوەندیەکانى دەرەوەى حکومەت، پێشوازى لە شاندێکى سیاسی و بازرگانى هەرێمى فلاندەرزى بەلجیکى کرد بە سەرۆکایەتى بەڕێز کلاودى مارینوۆر جێگرى پارێزگاى ئەنتوێرپ لە هەرێمى فلاندەرز، کە بەڕێز دلاوەر خالد ئاژگەیی نوێنەرى حکومەتى هەرێم لە بەلجیکا لە دیدادرەکە ئامادەبوو.