فه‌رمانگه‌ی په‌یوه‌ندییه‌کانی ده‌ره‌وه‌
حكومه‌تی هه‌رێمی كوردستان
SAT, 23 MAR 2019 18:16 Erbil, GMT +3
Source: KRG-DFR DFR publication date: MON, 8 OCT 2018 18:23
شاندێکی نوێنەرایەتی حکومەتی هەرێمی کوردستان لەبەریتانیا بەشداری لە کۆنفڕانسی ساڵانەی پارتی پارێزگارانی بەریتانیا کرد

شاندێکی نوێنەرایەتی حکومەتی هەرێمی کوردستان بە سەرۆکایەتی کاروان جمال تاهیر نوێنەری حکومەتی هەرێم لە بەریتانیا بەشداری لە کۆنفڕانسی ساڵانەی پارتی پارێزگارانی بەریتانیا کرد کە لە شاری بێرمینگهام بەڕێوەچوو.

لە میانەی کۆنفڕانسەکەدا، نوێنەری حکومەتی هەرێم ژمارەیەك دیداری لەگەڵ پەرلەمانتاران و لۆردەکان و ئەندامانی پارتەکە و دیپلۆماتکارانی جیهانی سازدا کە تیایدا باس لە دوایین پێشهاتەکانی سەر گۆڕەپانی سیاسی کوردستان، عیراق و ناوچەکە کرا و تیشك خرایە سەر دوایین پەرەسەندنەکانی پڕۆسەی سیاسی لە عیراق و هەرێمی کوردستان.

هەر لە پەراوێزی کۆنفڕانسەکەدا نوێنەری حکومەتی هەرێمی کوردستان لە بەریتانیا چاوی کەوت بە خاتوو ئارلین فۆستەر سەرۆکی پارتی یەکێتیخوازانی دیموکراتی ئێرلەندای باکور کە هاوکات پارتی هاوپەیمانە لەگەڵ پارتی پارێزگاران لە حکومەتی ئێستای بەریتانیا. نوێنەری حکومەتی هەرێم کورتەیەکی لەسەر هەڵبژاردنەکانی عێراق و هەرێمی کوردستان و پڕۆسەی دەسنیشانکردنی سەرۆك کۆمار و سەرۆکی حکومەتی عیراق و کابینەی نوێی هەرێمی کوردستان کرد. هاوکات ئاماژەی بە ڕۆڵی خاتوو ئارلین فۆستەردا لەو کاتەی کە وەزیری یەکەمی ئێرلەندای باکور بووه‌ لە بەهێزکردنی پەیوەندیەکانی نێوان هەرێم و ئێرلەندای باکور ، وە سەردانی بەڕێزیان بۆ هەرێم و واژووکردنی یاداشتێکی لێک تێگەیشتن. هه‌ر له‌و باره‌یه‌وه‌ نوێنه‌ری حکومه‌تی هه‌رێم جه‌ختی له‌ په‌ره‌پێدان و به‌هێزکردنی په‌یوه‌ندییه‌کانی نێوان هەرێم و ئێرلەندای باکور کرده‌وه‌.

خاتوو ئارلین فۆستەر لە لای خۆیەوە پشتگیری خۆی بۆ بەهێزکردنی پەیوەندیەکانی نێوان هەرێم و ئێرلەندای باکور دووپات کردەوە، لەو سۆنگۆیەشەوە داوای کرد دانیشتنێكی تایبەت لەگەڵ نوێنەری حکومەتی هەرێم ئەنجام بدات بەمەبەستی تاوتێکردنی زیاتری ئەو پرسە.

نوێنەری حکومەتی هەرێمی کوردستان لە لایەکی ترەوە دیدارێکی لەگەڵ گرووپی پەرلەمانتارانی هەموو پارتە سیاسیەکانی بەریتانیا بۆ پشتگیریکردن لە هەرێمی کوردستان سازکرد. لەو دیدارەدا کە جاك لۆپرێستی سەرۆکی گرووپەکە و ژمارەیەك ئەندامانی گرووپەکە ئامادەبوون باس لە دوایین پلان و کار و چالاکیەکانی گرووپەکە کرا. وە جەخت لەسەر بەردەوامیدان بە هەوڵ و چالاکیەکانی گرووپەکە کرایەوە بەمەبەستی وەدەستهێنانی پشتگیری زیاتری پەرلەمان و دام و دەزگاکانی بەریتانیا بۆ هەرێمی کوردستان.

هەر لە میانەی کۆنفڕانسەکەدا نوێنەری حکومەتی هەرێمی کوردستان و شاندی یاوەری لەسەر داوەتی فەرمی جێریمی هەنت وەزیری دەرەوەی بەریتانیا بەشداری لە بۆنە پێشوازیەك کرد کە  بۆ باڵیۆز و سەرۆکی نێردە دیبلۆماسیەکان سازکرابوو. نوێنەری حکومەتی هەرێمی کوردستان وەزیری دەرەوەی بەریتانیای له‌ دوایین پێشهاتە سیاسەکانی هەرێم و عیراق ئاگادارکرده‌وه‌ و تیشکیشی خستە سەر پڕۆسەی سیاسی لە عیراق و دامەزراندنی حکومەتی عیراقی نوێ. هاوکات ئاماژەی بە هەڵبژاردنەکانی پەرلەمانی کوردستاندا کە بە شێوەیەکی دیموکراسیانه‌و ئاشتیانه‌ بەڕێوەچوو، هاوکات بانگهێشتی بەڕێز جێریمی هەنتی کرد کەوا کاتی ئەوە هاتووە بەڕێزیان سەردانێکی فەرمی عیراق و هەرێمی کوردستان بکات بەمەبەستی لە نزیکەوە ئاشنابوون بە بارودۆخەکە و دووپاتکردنەوەی پشتگیری بەریتانیا بۆعیراق و هەرێمی کوردستان. وەزیری دەرەوەی بەریتانیا خۆشحاڵی خۆی دەربڕی بە پێشوەچوونی بارودۆخی ووڵات و ئومێدی پێکهێنانی خێرای حکومه‌تی فیدڕاڵ و حکومه‌تی هه‌رێمی خواست.

هه‌ر له‌ په‌راوێزی کۆنفرانسه‌که‌ کاروان جه‌مال تاهیر چاوی که‌وت به‌ وه‌زیری په‌ره‌پێدان خاتوو هاریت ماری و به‌ڕێز ڕیچرد گراهام ئه‌ندام په‌رله‌مان و سه‌رۆکی فاونده‌یشنی وێستمنسته‌ر بۆ دیموکراسی و سوپاسگوزاری حکومه‌تی هه‌رێمی پێگه‌یاندن بۆ ئه‌و هاوکاریانه‌ی که‌ تاکو ئێستا پێشکه‌شی ئاواره‌و په‌ناهه‌نده‌کانیان کردووه‌ که‌ له‌ هه‌رێمی کوردستانن و داوای به‌رده‌وامی دانی کرد به‌ هاوکارییه‌کانیان تاکو گه‌ڕانه‌وه‌یان بۆ زێدی خۆیان.

لە دواڕۆژی کۆنفڕانسەکەشدا شاندی نوێنەرایەتی ئامادە بوون لە ووتاری کۆتایی کۆنفڕانس کە لەلایەن خاتوو تێریزا مەی سەرۆکی پارتی پارێزگاران پێشکەش کرا و تێیدا سیاسه‌تی پارتەکەی شیکردەوە له‌سه‌ر ئاستی ناوخۆ و جیهاندا

شایانی باسە خەسرۆ ئاژگەیی بەڕێوەبەری کاروباری سیاسی و میدیا لە نوێنەرایەتی و گاری کێنت سکرتێری گرووپی پەرلەمانتارانی هەموو پارتە سیاسیەکانی بەریتانیا بۆ پشتگیری لە هەرێمی کوردستان یاوەری نوێنەری حکومەتی هەرێم بوون لە کۆنفڕانسەکەدا.

کۆنفرانسی پارتی پارێزگاران پێنج ڕۆژی خایاند له‌ ڕۆژانیی ٢٩ ئەیلول بۆ ٣ تشرینی یەکەمی ٢٠١٨ .

 




لە تەلاری پەرلەمانی بەریتانیا پانێڵێك بۆ نوێنەری حکومەتی هەرێم و وەزیری کاروباری ڕۆژهەڵاتی ناوەراستی حکومەتی بەریتانیا و جێگری باڵیۆزی عیراقی فیدڕاڵ و بەڕێوەچوو
TUE, 19 MAR 2019 14:12

لەو پانێڵەدا کە لە لایەن پەرلەمانتار جاك لۆپریستی سەرۆکی گرووپی پەرلەمانتارانی هەموو پارتەکانی بەریتانیا ڕێکخرابوو، کاروان جمال تاهیر نوێنەری حکومەتی هەرێمی کوردستان لە بەریتانیا و ئەلیستەر بێرت وەزیری دەرەوە بۆ کاروباری ڕۆژهەڵاتی ناوەڕاست و نەزار مەرجان جێگری باڵیۆزی عیراقی فیدڕاڵ لە بەریتانیا باسیان لە ژمارەیەك پرسی جیا کرد سەبارەت بە بارودۆخی سیاسی و ئابوری و ئەمنی لە هەرێمی کوردستان و عیراق. 

 
فەلاح مستەفا لەگەڵ شاندێکى دامەزراوەى یارمەتى و ئاشتەوایى لە رۆژهەڵاتى ناوەراست کۆبووەوە
TUE, 19 MAR 2019 12:29

فەلاح مستەفا بەرپرسى پەیوەندیەکانى دەرەوە لەگەڵ شاندێکى دامەزراوەى یارمەتى مرۆیى و ئاشتەوایى لە رۆژهەلاتى ناوەراست کە پێکهاتبوو لە بەرێزان مایک سیمپسن بەڕێوەبەرى جێبەجێکار و کریستۆفەر سیگار ئەندامى بۆردى بەرێوەبەردن و باڵیۆزى پێشووى بەریتانیا لە عیراق و عبدالرحمن محمد بەڕێوەبەرى بەرنامەى رێکخراوى ناوبراو لە عیراق  کۆبووەوە.

 
نوێنەرایەتی حکومەتی هەرێم و پڕۆگرامی یادەوەریەکانی کوردستان یادەوەریەك بۆ جینۆسایدی کورد ساز دەکەن
MON, 18 MAR 2019 17:09

نوێنەرایەتی حکومەتی هەرێمی کوردستان لە بەریتانیا بە هەماهەنگی لەگەڵ پڕۆگرامی یادەوەریەکانی کوردستان KMP و گرووپی پەرلەمانتارانی هەموو پارتەکانی بەریتانیا بۆ پشتگیری لە کوردستان APPG بۆنەیەکیان لە BAFTA سازکرد کە یەکێکە لە ناودارترین هۆڵەکانی نمایشکردنی فیلمە جیهانیەکان لە سەنتەری لەندەن بۆ یادکردنەوەی کیمیابارانکردنی هەڵەبجە و ئەنفال، وە ڕاگەیاندنی "پڕۆگرامی یادەوەریەکانی کوردستان" لە ئەوڕوپا و نمایشکردنی فیلمێکی دۆکیومەنتەری بەریتانیا کە پێشتر لە بارەگای سەرەکی نەتەوە یەکگرتووەکان لە واشنتن نمایشکراوە کە لە لایەن دەرهێنەر گوین ڕۆبەڕتس بەرهەم هێنراوە بە ناونیشانی "خێزانێکی ئێزیدی بەرانبەر داعش"، وە چەند کورتە فیلمێکی تر.

 

 

نێچیرڤان بارزانی په‌یوه‌ندی به‌‌ پارێزگاری مووسڵه‌وه‌ ده‌كات

THU, 21 MAR 2019 22:10

ئێواره‌ی ئه‌مڕۆ پێنجشه‌ممه‌ 21/3/2019 به‌ڕێز نێچیرڤان بارزانی سه‌رۆك وه‌زیرانی هه‌رێمی كوردستان، په‌یوه‌ندییه‌کی ته‌له‌فۆنی به‌ به‌ڕێز نه‌وفه‌ل حه‌مموود پارێزگاری مووسڵه‌وه‌ كرد و تیایدا پرسه‌ و سه‌ره‌خۆشی و هاوخه‌میی خۆی و گه‌لی كوردستانی به‌ به‌ڕێزیان و به‌ ڕێگای ئه‌ویشه‌وه‌ به‌ كه‌سوكاری قوربانیان ڕاگه‌یاند که‌ ئێواره‌ی ئه‌مڕۆ له‌ مووسڵ به‌هۆی ژێرئاوكه‌وتنی به‌له‌مێكی گه‌شتیارانه‌وه‌ له‌ ڕووباری دیجله‌ به‌ ده‌یان که‌س گیانیان له‌ده‌ست دا.

 

نێچیرڤان بارزانی په‌یامێکی سه‌ره‌خۆشی ئاراسته‌ی که‌سوکاری قوربیانیانی مووسڵ کرد

THU, 21 MAR 2019 21:00

به‌ڕێز نێچیرڤان بارزانی سه‌رۆک وه‌زیرانی هه‌رێمی کوردستان په‌یامێکی پرسه‌ و سه‌ره‌خۆشی ئاراسته‌ی که‌سوکاری قوربانیانی ڕووداوی ئه‌مڕۆی ژێرئاوکه‌وتنی به‌له‌مێکی گه‌شتیاری له‌ مووسڵ کرد و هه‌موو هاوکاری و پشتیوانییه‌کی داموده‌زگاکانی حکوومه‌تی هه‌رێمی کوردستانی بۆ لێقه‌وماوان نیشان دا، ئه‌مه‌ ده‌قه‌که‌یه‌تی:

 

نێچیرڤان بارزانی پێشوازی له‌ شاندێكی كۆنگرێسی ئه‌مه‌ریكا ده‌كات

TUE, 19 MAR 2019 23:06

ئێواره‌ی ئه‌مڕۆ سێشه‌ممه‌ 19/3/2019 به‌ڕێز نێچیرڤان بارزانی سه‌رۆك وه‌زیرانی هه‌رێمی كوردستان، پێشوازی له‌ شاندێكی كۆنگرێسی ئه‌مه‌ریكا به‌ سه‌رۆكایه‌تیی كۆنگرێسمان جۆن گارامندی كرد.

 

بەرپرسی پەیوەندیەکانى دەرەوەى حکومەت پێشوازى لە شاندێکى سیاسى و بازرگانى هەرێمى فلاندەرزى بەلجیکا کرد

TUE, 19 MAR 2019 18:25

ئەمڕۆ سێشەممە فەلاح مستەفا  بەرپرسی پەیوەندیەکانى دەرەوەى حکومەت، پێشوازى لە شاندێکى سیاسی و بازرگانى هەرێمى فلاندەرزى بەلجیکى کرد بە سەرۆکایەتى بەڕێز کلاودى مارینوۆر جێگرى پارێزگاى ئەنتوێرپ لە هەرێمى فلاندەرز، کە بەڕێز دلاوەر خالد ئاژگەیی نوێنەرى حکومەتى هەرێم لە بەلجیکا لە دیدادرەکە ئامادەبوو.