فه‌رمانگه‌ی په‌یوه‌ندییه‌کانی ده‌ره‌وه‌
حكومه‌تی هه‌رێمی كوردستان
MON, 9 DEC 2019 19:25 Erbil, GMT +3
Source: KRG-DFR DFR publication date: THU, 29 NOV 2018 14:36
بەرپرسی پەیوەندیەکانی دەرەوە و شاندێکى وەزارەتی دەرەوەی شانشینی سوید تاوتوێی پەرەپێدانی پەیوەندیەکانیان کرد

ئەمڕۆ پێنج شەممە، ڕێکەوتی ٢٩/١١/٢٠١٨، فەلاح مستەفا، بەرپرسی پەیوەندیەکانی دەرەوە پێشوازی کرد لە شاندێکی وەزارەتی دەرەوەی شانشینی سوید بەسەرۆکایەتی خاتوو ئان ماوی، جێگری بەڕێوەبەری فەرمانگەی ڕۆژهەڵاتی ناوەڕاست و باکوری ئەفریقا لە وەزارەتی دەرەوەی شانشینی سوید و شاندی یاوەری  لە باڵیۆزخانەى سوید لە بەغداو نووسینگەى ئەو وڵاتە لە هەرێمى کوردستان بە ئامانجی ئاشنابوون بە دوایین بەرەوپێشچوونەکانی ناوچەکە و چۆنیەتی پەرەپێدانی پەیوەندیەکان.

لە دەستپێکی دیدارەکەدا، بەڕێز بەرپرسی پەیوندیەکانی دەرەوە پووختەیەکی پێشکەش کرد تایبەت بە ڕەوشی ناوچەکە و هەرێمی کوردستان و عێراق دوای قۆناغی داعش و هەڵبژاردنی پەرلەمانی عێراق و هەرێمی کوردستان لەگەڵ ئەگەرەکانی پێکهێنانی کابینەی نوێ. دواتر، ستایشی ڕۆڵی شانشینی سویدی کرد لە هاوکاری سەربازی و مرۆیی لە کاتی شەڕی داعش و ئاوارەو پەنابەران لەگەڵ هەماهەنگی بۆ پەرەپێدانی دامەزراوەکان و بەهاکانی دیموکراسی و مافی مرۆڤ.

 

لە کۆبوونەوەکەدا باس لە پتەوکردنى زیاترى پەیوەندیە دووقۆڵیەکان کرایەوەو جەخت لەسەر قۆناغى تازە کرایەوەو تیشک خرایە سەر بایەخدان بە کەرتەکانى ئابوورى و رۆشنبیرى و هاوکارى دامەزراوەیی، لەم رووەوە تێڕوانینی حکومەتى هەرێمى خستەڕوو بۆ قۆناغى داهاتوو. هاوکات باس لە رەوشى نالەبارى ئاوارەو پەنابەران و گرینگى دابینکردنى پێداویستیەکانیان لەم وەرزە کرایەوە.

لەلای خۆیەوە ، خاتوو ئان ماوی، جێگری بەڕێوەبەری فەرمانگەی ڕۆژهەڵاتی ناوەڕاست و باکوری ئەفریقا لە وەزارەتی دەرەوەی شانشینی سوید، تیشکی خستە سەر گرنگی بەردەوامی پەیوەندی نێوان شانشینی سوید و هەرێمی کوردستان لە سەرجەم بوارەکان و هاوکاری ووڵاتەکەی بۆ عێراق لەڕێگەی ئاژانسە نێودەوڵەتیەکان بۆ پەرەپێدانی ژێرخان و سێکتەرەکانی عێراق.

هەردوولا جەختیان کردەوە لەسەر بەردەوامی و برەودان بە پەیوەندیەکان و هەماهەنگی لەو بوارەکانی بەرژەوەندی هاوبەش.




سەرۆک وەزیرانی هەرێمی کوردستان پێشوازی لە باڵیۆز جەیمس جێفری دەکات
SAT, 7 DEC 2019 16:57

هەولێر، هەرێمی کوردستان، عێراق (GOV.KRD) - ئەمڕۆ شەممە ٢٠١٩/١٢/٧ مەسرور بارزانی سەرۆک وەزیرانی هەرێمی کوردستان پێشوازی لە باڵیۆز جەیمس جێفری نێردەی تایبەتی ئەمەریکا بۆ کاروباری سوریا و هاوپەیمانی نێودەوڵەتی دژی داعش کرد.

 
بەرپرسی پەیوەندیەکانى دەرەوە پێشوازى لە جێگرى باڵیۆزى ئوسترالیا لە عێراق کرد
THU, 5 DEC 2019 23:44

سەفین دزەیی، بەرپرسی پەیوەندیەکانى دەرەوەى حکومەت، پێشوازى لە بەڕێز (جەیسن ئالفێریک) جێگرى باڵیۆزى ئوسترالیا لە عێراق کردو باس لە ڕەوشى هەنووکەیى عیراق و ناوچەکە و پەیوەندیەکانى نێوان هەولێرو بەغدا.

 
بەرپرسی پەیوەندیەکانی دەرەوە پێشوازی لە شاندی ژووری بازرگانی ئەمریکا کرد
THU, 5 DEC 2019 13:31

ئەمڕۆ پێنجشەممە، ڕێکەوتی (٥/١٢/٢٠١٩) ، سەفین دزەیی، بەرپرسی پەیوەندیەکانی دەرەوە، پێشوازی له‌ به‌ڕێز ستیڤ لەتس، جێگری سەرۆکی کاروباری ڕۆژهەڵاتی ناوەڕاستی ژووری بازرگانی ئەمریکا و شاندی یاوەری کرد بە ئامانجی تاوتوێ کردنی برەودانی پەیوەندیەکانی  ئابووری و بازرگانی و وەبەرهێنان.

 

 

کۆمارى ئەرمینیا ئاستى پەیوەندیەکانى لەگەڵ هەرێمى کوردستان فراوانتر دەکات

MON, 9 DEC 2019 14:56

ئەمڕۆ دووشەممە سەفین دزەیی، بەرپرسی پەیوەندیەکانى دەرەوەى حکومەتى هەرێم، پێشوازى لە شاندێکى وەزارەتى دەرەوەى کۆمارى ئەرمینیا کرد کە پێک هاتبوون لە بەڕێزان (ئارمان ئاکۆپیان) سەرۆکى فەرمانگەى ووڵاتانى کیشوەرى ئەمریکا و بەڕێز (یورى باباخانیان) ڕاوێژکار لە فەرمانگەى ئەفریقیا و ڕۆژهەڵاتى ناوەڕاست.

 

مەڕاسیمی یادکردنەوەی ڕۆژی نیشتیمانی و ١٠١ ساڵەی یەکگرتنی ڕۆمانیا،سەفین دزەیى وێڕاى پیرۆزبایى،جەختى لەسەر پەیوەندیە دووقۆڵیەکانى نێوان هەردوولا کردەوە

MON, 9 DEC 2019 11:15

ئێوارەی ڕۆژی یەکشەممە ٩ی تشرینی دووەمی ٢٠١٩، بە ئامادەبوونی هەریەک لە نوێنەرانى بەڕێزان سەرۆک مەسعود بارزانی و نێچیرڤان بارزانى سەرۆکی هەرێمی کوردستان  و مەسرور بارزانى سەرۆکی حکومەتی هەرێمی کوردستان و ئەندامانی پەرلەمان و دیپلۆماتکاران و نوێنەرانی پارتە جیاجیاکان و هۆریا میهایل پیتریسکیو، بەرپرسی نووسینگەی کونسوڵگەری ڕۆمانیا لە هەرێم مەڕاسیمی یادکردنەوەی ڕۆژی نیشتیمانی و ١٠١ ساڵەی یەکگرتنی ڕۆمانیا لە هەرێم کرایەوە. مەڕاسیمەکە لەلایەن نووسینگەی کونسوڵگەری ڕۆمانیا لە هەرێم ڕێکخرابوو.


لە کۆبوونەوەیەکى فراوان، سەفین دزەیى بەرپرسی پەیوەندیەکانی دەرەوەى حکومەت لەگەڵ دیپلۆماتکارانى ووڵاتانی ئەندام لە یەکێتی ئەوروپا لە هەرێمی کوردستان دوایین پەرەسەندنەکانیان تاوتوێ کرد

SUN, 8 DEC 2019 13:20

ئەمڕۆ یەکشەممە، ڕێکەوتی (٨/١٢/٢٠١٩)، سەفین دزەیی، بەرپرسی فەرمانگەی پەیوندیەکانی دەرەوەى حکومەت کۆبوونەوەیەکی فراوانى لەگەڵ دیپلۆماتکارانى ووڵاتانی ئەندام لە یەکێتی ئەوروپا لە هەرێمی کوردستان بە سەرۆکایەتی بەڕێز ڤینسینت پۆپیۆو، بەرپرسی نووسینگەی نێردەی یەکێتی ئەوروپا لە هەرێمی کوردستان ئەنجامدا، بە ئامانجی لە نزیکەوە ئاشنا بوون بە دوایین پەرەسەندنەکانی ناوچەکە بەگشتی و هەرێمی کوردستان و عێراق بە تایبەتی لەڕووی پەیوەندی نێوان هەولێر و بەغدا و هەولێر و ووڵاتانی دراوسێی و بەرنامەکانی کاری لە پێشینەی حکومەتی هەرێمی کوردستان و پرسەکانی ئاسایش و سیاسی و مرۆیی و پێکهاتەکان.

 

گوتاری سه‌رۆك وه‌زیران مه‌سرور بارزانی به‌بۆنه‌ی سه‌د رۆژی كاركردنی كابینه‌ی نۆیه‌می حكومه‌تی هه‌رێمی كوردستان

SAT, 7 DEC 2019 21:43

لە ڕۆژی سوێندخواردنی کابینەکەمان لە پەرلەمان، ئاماژەم بەوەکرد، کە ئەرکێکی سەختمان لە ئەستۆ گرتووە، بەڵام وتمان کە پشت بەخوا و متمانەی هاوڵاتیانمان، دەتوانین بەسەر سەختییەکاندا زاڵ ببین و ، ئەم قۆناغە تێپەڕێنین. خۆشحاڵم کە ئەمڕۆ لێرەدا ڕایبگەیەنم ، کە بە بڕوای ئێمە قۆناغی باشمان بڕیوە و ڕەوتی کارەکانمان کەوتووەتە سەر ڕاستەڕێ و دەسکەوتی بەرچاو بەدی هاتوون.