فه‌رمانگه‌ی په‌یوه‌ندییه‌کانی ده‌ره‌وه‌
حكومه‌تی هه‌رێمی كوردستان
SUN, 18 AUG 2019 08:21 Erbil, GMT +3
Source: KRG-DFR DFR publication date: FRI, 30 NOV 2018 15:12
بەبۆنەى رۆژى نێودەوڵەتى بۆ پشتگیرى کردن لە گەلى فەلەستین، بە ئامادەبوونى بەرپرسانى حکومەتى هەرێم، کونسوڵگەرى گشتى فەلەستین مەڕاسیمێکى سازکرد

بەبۆنەى رۆژى نێودەوڵەتى بۆ پشتگیرى کردن لە گەلى فەلەستین، ئێوارەى رۆژى پێنجشەممە لە هەولێرى پایتەخت بە ئامادەبوونى بەرپرسانى حکومەتى هەرێم و پەرلەمانتارو دیپلۆماتکارو نوێنەرانى لایەنە سیاسیەکان و ژمارەیەک لە میوانان و رەوەندى فەلەستینى، کونسوڵگەرى گشتى دەسەڵاتى فەلەستین مەڕاسیمێکى سازکرد.

سەرەتا باڵیۆز نه‌زمی حه‌زوری، كونسوڵی گشتی فه‌ڵه‌ستین له‌ هه‌رێمی كوردستان له‌ ڕۆژی جیهانی پشتگیریكردن له‌ گه‌لی فه‌ڵه‌ستین به‌ ووته‌یه‌كی سه‌رۆك نێڵسۆن ماندێلا ده‌قی ووتاره‌كه‌ی پێشكه‌شكرد كه‌ ده‌ڵێت "ڕه‌مزی كۆشش و سه‌ربه‌خۆیی دژ به‌ نایه‌كسانی ڕه‌گه‌زپه‌رستی باشووری ئه‌فریقا ته‌واو نابێت به‌بێ سه‌ربه‌خۆیی فه‌لە‌ستین".

 

بەڕێزیان  پووخته‌یه‌كی خسته‌ڕوو سه‌باره‌ت به‌ ڕۆژی 29ی نۆڤێمبه‌ری 1977 ئه‌وكاته‌ی كه‌  کۆمەڵەى گشتى نه‌ته‌وه‌ یه‌كگرتووه‌كان بڕیاریدا ئه‌م ڕۆژه‌ تایبه‌ت بكه‌ن به‌ ڕۆژی پشتیگیریكردن له‌ گه‌لی فه‌له‌ستین، هه‌روه‌ها ئه‌م ڕۆژه‌ هێمای جه‌ختكردنه‌وه‌ی زۆربه‌ی ووڵاتانی تری جیهانه‌ بۆ پشتگیریكردنی مافه‌ ڕه‌واكانی گه‌لی فه‌له‌ستین و مافی چاره‌ی خۆنووسین و سه‌ربه‌خۆیی نه‌ته‌وه‌یی. هاوكات باسی له‌ ئێش و ئازاره‌كانی گه‌لی فه‌له‌ستین كرد كه‌ ڕۆژانه‌ بریندار و قوربانی و شه‌هیدێكی زۆریان داوه‌و ده‌رده‌به‌ریان بینیووه‌ به‌ڵام سه‌ڕه‌ڕای ئه‌وه‌ش حکومەتى فه‌له‌ستین بڕوای به‌ پێكدادانی تووندوتیژی نیه‌و چاوی له‌وه‌یه‌ له‌سه‌ر مێزی گفتوگۆ و له‌سه‌ر بنه‌مای دوو-ده‌وڵه‌ت كێشه‌كان چاره‌سه‌ر بكه‌ن.
له‌ به‌شێكی تری قسه‌كانیدا، به‌ڕێزیان په‌یوه‌ندی هه‌رێمی كوردستان و ده‌وڵه‌تی فه‌له‌ستینی به‌رز نرخاند و خواستی ووڵاته‌كه‌ی بۆ په‌ره‌پێدان و به‌ره‌وپێشچوونی پەیوەندی زیاتر له‌گه‌ڵ هه‌رێم خسته‌ڕوو.

 

پاشان بەڕێز ریکاردۆ رودریگز بەرپرسى نووسینگەى نەتەوە یەکگرتووەکان لە هەرێمى کوردستان ووتارى بەڕێز ئه‌نتۆنیۆ گوتێریس، سكرتێری گشتی نه‌ته‌وه‌ یه‌كگرتووه‌كانى خوێندەوەو له‌ ووتاره‌كه‌یدا له‌ مه‌ڕاسیمی ڕۆژی جیهانی پشتگیریكردن له‌ گه‌لی فه‌ڵه‌ستین گوتی"ئه‌مڕۆ لێره‌ كۆبووینه‌ته‌وه‌ بۆ یادكردنه‌وه‌ی ساڵیادی په‌سه‌ندكردنی بڕیارى 181 ی كۆمه‌ڵه‌ی گشتی نه‌ته‌وه‌ یه‌كگرتووه‌كان كه‌ تایبه‌ته‌ به‌ دابه‌شكاری فه‌ڵه‌ستین دوو ده‌وڵه‌تی سه‌ربه‌خۆ (یه‌كێكیان ده‌وڵه‌تێكی عه‌ره‌بی و ئه‌وه‌ی تریش جووله‌كه‌)"

به‌ڕێزیان پرسی فه‌له‌ستینی به‌ستایه‌وه‌ به‌ مێژووی نه‌ته‌وه‌ یه‌كگرتووه‌كان و ووتی كه‌ ئه‌م پرسه‌ وه‌كو یه‌كێك له‌ درێژترین پرسی ناكۆكی چاره‌سه‌رنه‌كراو له‌ په‌یوه‌ندیه‌ نێوده‌وڵه‌تیه‌كاندا ماوەتەوە‌. هه‌روه‌ها ووتی سه‌ڕه‌ڕای هه‌وڵ و كۆششێكی زۆری نه‌ته‌وه‌ یه‌كگرتووه‌كان و ووڵاتانی تری جیهان به‌ڵام تاوه‌كو ئێستا ئه‌م بڕیاره‌ جێبه‌جێ نه‌كراوه‌. 

له‌ به‌شێكی تری قسه‌كانیدا، سكرتێری گشتی نەتەوە یەکگرتووەکان دەڵێ نه‌ته‌وه‌ یه‌كگرتووه‌كان هانی سه‌رجه‌م ووڵاتانی جیهان ده‌دات بۆ ئه‌وه‌ی له‌ ڕێگای نووسینگه‌كانیان هانی لایه‌نه‌كان بده‌ن له‌ فه‌راهه‌مبوونی په‌یوه‌ندیه‌كی دۆستایه‌نه‌ی واقیعبین به‌گوێره‌ی بڕیارەکانى نەتەوە یەکگرتووەکان و مافه‌كانی مرۆڤ و یاسا نێوده‌وڵه‌تیەکان.

 

دواتر بەڕێز فەلاح مستەفا بەرپرسى پەیوەندیەکانى دەرەوەى حکومەت بە ناوى حکومەتى هەرێم ووتەیەکى پێشکەش کرد و سوپاسى کونسوڵگەرى گشتى فەلەستینى کرد بۆ سازکردنى ئەم رێوڕەسمەو گوتى لەم دەرفەتە پشتگیرى گەلى کوردستان و حکومەتى هەرێم بۆ گەل و حکومەتى فەلەستین دووپاتدەکەینەوە. ئێمە لە حکومەتى هەرێم بڕیارى فەلەستین بۆ کردنەوەى کونسوڵگەرى گشتیان لە هەولێر بەرز دەنرخێنین و بە هەنگاوێکى ئەرێنى دەیبینین.

بەڕێزیان گوتى سەردانى بەڕێز محمود عباس (ابو مازن) سەرۆکى فەلەستین لە  ١٣/٤/٢٠٠٩ بۆ هەرێمى کوردستان هەنگاوێکى گرینگ بوو بۆ زیاتر پتەوکردنى پەیوەندى لە نێوان هەردوو گەلى کوردستان و فەلەستین. هەروا ئەم پەیوەندیانە پێشکەوتنى زیاترى بەخۆیەوە دیت دواى سەردانەکەى بەڕێز ریاز ئەلمالکى وەزیرى دەرەوەى فەلەستین لە ٥/٢/٢٠١١ و دواتر کردنەوەى کونسوڵگەرى گشتى لە هەولێر

بەرپرسى پەیوەندیەکانى دەرەوەى حکومەت گوتى: ئێمە لە هەرێمى کوردستان وەک گەل و حکومەت خۆشحاڵین بە ئاستى ئەو پەیوەندیانە کە لەڕووى مێژووییەوە بەیەکەوەمان گرێ دەدات لە بوارەکانى پەروەردەو رۆشنبیرى و هونەرى و وەرزشى، دەخوازین ئەو پەیوەندیانە زیاتر بەرەو پێش بچن.

بەم بۆنەیەوە دووپاتى دەکەینەوە کە گەلى کوردستان وحکومەتى هەرێم لەگەڵ ویستى گەل و سەرکردایەتى فەلەستینە و پشتگیرى لە هەموو هەوڵە نێودەوڵەتیەکان دەکات لە پێناو چارەسەرکردنى کێشەکان لە چوارچێوەى دوو وڵات لە پێناو بونیاتنانى پاشەڕۆژێکى پڕشنگدار بۆ ناوچەکە. بێگومان دۆزى گەلى فەلەستین وەک دۆزى گەلى کوردستان دۆزێکى ڕەوایە. ئێمە بڕوامان بە دیالۆگى ئاشتیانەو چارەسەرکردنى کێشەکان بە گفتوگۆ و رێزگرتن لە بڕیارە نێودەوڵەتیەکان هەیە کە دەبێتە هۆکارێک بۆ چارەسەر کردنى کێشەکان و بەرقەرار بوونى ئاشتى.

سەبارەت بە رەوشى هەرێمى کوردستان و عیراق دواى هەردوو هەڵبژاردن و هەوڵەکان بۆ پێکهێنانى حکومەتى هەرێم و فیدڕاڵ بەڕێز فەلاح مستەفا گوتى: ئێمە لە هەرێمى کوردستان سیاسەتمان روون و ئاشکرایە، دەخوازین هاوبەشى راستەقینە و چالاک بین لە سەقامگیرى ئاسایش و بووژانەوەى ئابوورى و هاندانى زیاترى عیراق و هەرێمى کوردستان بۆ پێشکەوتن و خۆشگوزەرانى. کاردەکەین بۆ دروستکردنى میکانیزمێکى گونجاو بۆ هاوکارى و هەماهەنگى لە نێوان هەردوو حکومەتى هەرێم و فیدڕاڵ بە گوێرەى دەستوورى وڵات.




بەرپرسی پەیوەندیەکانی دەرەوە پێشوازی لە کونسوڵی گشتی تازەى کۆماری ئیسلامی ئێران لە هەولێر کرد
MON, 5 AUG 2019 18:40

ئەمڕۆ دووشەممە سەفین دزەیی، بەرپرسی پەیوەندیەکانی دەرەوەی حکومەت پێشوازی لە نەسروللا رەشنودی، کونسوڵی گشتی نوێی کۆماری ئیسلامی ئێران لە هەولێرو شاندێکی یاوەری کرد.

 
بەرپرسی پەیوەندیەکانی دەرەوە و کونسوڵی گشتی فەلەستین لە هەرێم کۆبوونەوە
MON, 5 AUG 2019 18:25

سەفین دزەیی، بەرپرسی پەیوەندیەکانی دەرەوەی حکومەتی هەرێم پێشوازی لە باڵیۆز نەزمی حەزوری، کونسوڵی گشتی فەلەستین لە هەرێم کرد و ئاستی پەیوەندیە دووقۆڵیەکانی نێوان هەرێمی کوردستان و فەلەستینیان تاوتوێ کرد.

 
هەرێمی کوردستان و کۆمارى ئیتاڵیا تاوتوێی بەرفراوانترکردنی پەیوەندییە دووقۆڵیەکان دەکەن
MON, 5 AUG 2019 15:04

ئەمڕۆ دووشەممە شاندێکی کونسوڵگەری کۆماری ئیتاڵیا بەسەرۆکایەتی سێرێنا مورۆنی،‌ كونسوڵی‌ ئیتاڵیا لە هەرێمی كوردستان سەردانی فەرمانگەی پەیوەندیەکانی دەرەوەی حکومەتی هەرێمیان کرد و لەگەڵ سەفین دزەیی، بەرپرسی پەیوەندیەکانی دەرەوە کۆبوونەوە.

 

 

به‌ بۆنه‌ی جه‌ژنی قوربانی پیرۆزه‌وه‌، بەڕێز مه‌سرور بارزانی سه‌رۆكی حكوومه‌تی هه‌رێمی كوردستان پیرۆزبایی ئاراسته‌ی موسڵمانانی كوردستان و عێراق و جیهان كرد.

SAT, 10 AUG 2019 18:13

بە بۆنەی جەژنی قوربانی پیرۆزەوە ، پیرۆزباییەکی گەرم لە موسڵمانانی کوردستان و عێراق وجیهان دەکەم . بەتایبەتیش جەژنی  خانەوادەی شەهیدان و پێشمەرگە قارەمانەکان پیرۆز دەکەم.

 

په‌یامى سه‌رۆكى هه‌رێمى كوردستان به‌بۆنه‌ى جه‌ژنى قوربانه‌وه‌

SAT, 10 AUG 2019 17:57

به‌بۆنه‌ى هاتنى جه‌ژنى پیرۆزى قوربانه‌وه‌، ‌پیرۆزباییه‌كى گه‌رم له‌ خانه‌واده‌ى سه‌ربه‌رزى شه‌هیدان و ئه‌نفالكراوان و پێشمه‌رگه قاره‌مانه‌كان‌، له‌ حاجییان و زیاره‌تكارانى ماڵى خوا و ته‌واوى موسڵمانان له‌ هه‌رێمى كوردستان و عێراق و جیهان ده‌كه‌م، هیوادارم جه‌ژن بۆ ھەموو لایەک مایەی خێر و خۆشی بێت.

 

بەرپرسی پەیوەندیەکانی دەرەوە لەگەڵ کونسوڵى گشتی ئەڵمانیاو شاندێکى یاوەرى باسیان لە میکانیزمى زیاتر پتەوکردنى پەیوەندیە دووقۆڵیەکان کرد

WED, 7 AUG 2019 16:11

بەمەبەستى زیاتر پتەوکردنى پەیوەندیە دووقۆڵیەکان و ناساندنی بەڕێز سڤێن کراوسپێ، وەک جێگری تازەی کونسوڵی گشتی ئەڵمانیا خاتوو باربارا وۆڵف، کونسوڵی گشتی کۆماری ئەڵمانیای فیدڕاڵ لە هەرێم بەیاوەرى شاندێک سەردانی فەرمانگەی پەیوەندیەکانی دەرەوەی کرد و لەلایەن سەفین دزەیی، بەرپرسی پەیوەندیەکانى دەرەوە پێشوازیان لێکرا.

 

ئەنجومەنی وەزیرانی هەرێمی کوردستان گفتوگۆ لە بارەی چەندین بابەت دەکات

TUE, 6 AUG 2019 21:47

رۆژی سێشەممە 30 ی تەمووزی 2019 ئەنجومەنی وەزیرانی هەرێمی کوردستان بە سەرۆکایەتی مەسرور بارزانی سەرۆکی ئەنجومەنی وەزیران کۆبوونەوەی خۆی ساز کرد.