فه‌رمانگه‌ی په‌یوه‌ندییه‌کانی ده‌ره‌وه‌
حكومه‌تی هه‌رێمی كوردستان
THU, 21 MAR 2019 15:31 Erbil, GMT +3
Source: KRG-DFR DFR publication date: WED, 26 DEC 2018 22:36
نێردەى تایبەتى تازەى سکرتێرى گشتى نەتەوە یەکگرتووەکان بۆ عیراق سەردانى فەرمانگەى پەیوەندیەکانى دەرەوەى کرد

ئەمرۆ رۆژى چوارشەممە ٢٦-١٢-٢٠١٨ خاتوو جێنین هێنس پلاسخارت نێردەى تایبەتى سکرتێرى گشتى نەتەوە یەکگرتووەکان بۆ عیراق و شاندى یاوەرى لە یەکەم سەردانى بۆ هەرێمى کوردستان سەردانى فەرمانگەى پەیوەندیەکانى دەرەوە کرد و لەگەڵ فەلاح مستەفا بەرپرسى پەیوەندیەکانى دەرەوە کۆبوونەوە.

لە کۆبوونەوەیەکدا کە خاتوو سیهام جەبەلى یاریدەدەرى بەرپرسى پەیوەندیەکانى دەرەوە و بەرێز ریکاردۆ رۆدریگز بەرپرسى نووسینگەى یونامى ئامادەبوون، بەرپرسى پەیوەندیەکانى دەرەوە پیرۆزبایى لە خاتوو جێنین کرد بە بۆنەى دەست بەکاربوونى وەکو نێردەى تایبەتى سکرتێرى گشتى نەتەوە یەکگرتووەکان لە عیراق و هیواى سەرکەوتنى بۆ بەرێزیان خواست و رۆڵى نەتەوە یەکگرتووەکانى لە عیراق و هەرێمى کوردستان بەرزنرخاند و پشتیوانى فەرمانگەى پەیوەندیەکانى دەرەوەى بۆ رۆڵى نەتەوە یەکگرتووەکان دووپاتکردەوە.

نێردەى تایبەتى سکرتێرى گشتى نەتەوە یەکگرتووەکان خۆشحاڵى خۆى دەربڕى و بۆ سەردانەکە و پوختەیەکى لە بەرنامە و مەبەستى سەردانەکە خستەڕوو.

دواتر هەردولا گفتوگۆیان لەسەر دوایین پێشهاتەکانى گۆڕەپانى سیاسى عیراق و هەرێمى کوردستان کرد و هەروەها تیشکیان خستەسەر پێداویستیەکانى ئاوارە و پەنابەران و رۆڵى نەتەوە یەکگرتووەکان بۆ هاوکارى کردنیان.

لە تەوەرێکى ترى کۆبوونەوەکە هەردوولا کۆک بوون لەسەر هەماهەنگى و هاوکارى و باشتر بەڕێوەچوونى کارەکان لەچوارچێوەى ئەرک و بەرپرسیارێتى نەتەوە یەکگرتووەکان.

 




نوێنەرایەتی حکومەتی هەرێم و پڕۆگرامی یادەوەریەکانی کوردستان یادەوەریەك بۆ جینۆسایدی کورد ساز دەکەن
MON, 18 MAR 2019 17:09

نوێنەرایەتی حکومەتی هەرێمی کوردستان لە بەریتانیا بە هەماهەنگی لەگەڵ پڕۆگرامی یادەوەریەکانی کوردستان KMP و گرووپی پەرلەمانتارانی هەموو پارتەکانی بەریتانیا بۆ پشتگیری لە کوردستان APPG بۆنەیەکیان لە BAFTA سازکرد کە یەکێکە لە ناودارترین هۆڵەکانی نمایشکردنی فیلمە جیهانیەکان لە سەنتەری لەندەن بۆ یادکردنەوەی کیمیابارانکردنی هەڵەبجە و ئەنفال، وە ڕاگەیاندنی "پڕۆگرامی یادەوەریەکانی کوردستان" لە ئەوڕوپا و نمایشکردنی فیلمێکی دۆکیومەنتەری بەریتانیا کە پێشتر لە بارەگای سەرەکی نەتەوە یەکگرتووەکان لە واشنتن نمایشکراوە کە لە لایەن دەرهێنەر گوین ڕۆبەڕتس بەرهەم هێنراوە بە ناونیشانی "خێزانێکی ئێزیدی بەرانبەر داعش"، وە چەند کورتە فیلمێکی تر.

 
بەرپرسی پەیوەندیەکانى دەرەوە پێشوازى لە هەڵسوڕێنەرى کاروبارى باڵیۆزخانەى فیلیپین لە بەغدا کرد
MON, 18 MAR 2019 14:40

لە دەستپێکی دیدارەکەدا  بەرپرسی پەیوەندیەکانى دەرەوە  بەخێرهاتنى بەڕێز دى تۆریسى کرد و پووختەیەکی پێشکەش کرد تایبەت بە مێژوو و ئەزموونی حوکمڕانی هەرێمی کوردستان و سیستەمی حوکمڕانی فیدڕاڵی لە عێراق لەگەڵ دوایین بەرەوپێشچوونەکانی نێوان هەولێر و بەغدا.

 
بەرپرسی پەیوەندیەکانى دەرەوەى حکومەت پێشوازى لە بەڕێز داریۆ لانزیلۆ کونسوڵ لە باڵیۆزخانەى سویسڕا لە عەممان کرد
MON, 18 MAR 2019 13:31

ئەمڕۆ دوو شەممە فەلاح مستەفا  بەرپرسی  پەیوەندیەکانى دەرەوەى حکومەتى هەرێم پێشوازى لە بەڕێز داریۆ لانزیلۆ کونسوڵ لە باڵیۆزخانەى سویسڕا لە عەممان کرد.

 

 

 

نێچیرڤان بارزانی پێشوازی له‌ شاندێكی كۆنگرێسی ئه‌مه‌ریكا ده‌كات

TUE, 19 MAR 2019 23:06

ئێواره‌ی ئه‌مڕۆ سێشه‌ممه‌ 19/3/2019 به‌ڕێز نێچیرڤان بارزانی سه‌رۆك وه‌زیرانی هه‌رێمی كوردستان، پێشوازی له‌ شاندێكی كۆنگرێسی ئه‌مه‌ریكا به‌ سه‌رۆكایه‌تیی كۆنگرێسمان جۆن گارامندی كرد.

 

بەرپرسی پەیوەندیەکانى دەرەوەى حکومەت پێشوازى لە شاندێکى سیاسى و بازرگانى هەرێمى فلاندەرزى بەلجیکا کرد

TUE, 19 MAR 2019 18:25

ئەمڕۆ سێشەممە فەلاح مستەفا  بەرپرسی پەیوەندیەکانى دەرەوەى حکومەت، پێشوازى لە شاندێکى سیاسی و بازرگانى هەرێمى فلاندەرزى بەلجیکى کرد بە سەرۆکایەتى بەڕێز کلاودى مارینوۆر جێگرى پارێزگاى ئەنتوێرپ لە هەرێمى فلاندەرز، کە بەڕێز دلاوەر خالد ئاژگەیی نوێنەرى حکومەتى هەرێم لە بەلجیکا لە دیدادرەکە ئامادەبوو.

 

لە تەلاری پەرلەمانی بەریتانیا پانێڵێك بۆ نوێنەری حکومەتی هەرێم و وەزیری کاروباری ڕۆژهەڵاتی ناوەراستی حکومەتی بەریتانیا و جێگری باڵیۆزی عیراقی فیدڕاڵ و بەڕێوەچوو

TUE, 19 MAR 2019 14:12

لەو پانێڵەدا کە لە لایەن پەرلەمانتار جاك لۆپریستی سەرۆکی گرووپی پەرلەمانتارانی هەموو پارتەکانی بەریتانیا ڕێکخرابوو، کاروان جمال تاهیر نوێنەری حکومەتی هەرێمی کوردستان لە بەریتانیا و ئەلیستەر بێرت وەزیری دەرەوە بۆ کاروباری ڕۆژهەڵاتی ناوەڕاست و نەزار مەرجان جێگری باڵیۆزی عیراقی فیدڕاڵ لە بەریتانیا باسیان لە ژمارەیەك پرسی جیا کرد سەبارەت بە بارودۆخی سیاسی و ئابوری و ئەمنی لە هەرێمی کوردستان و عیراق. 

 

فەلاح مستەفا لەگەڵ شاندێکى دامەزراوەى یارمەتى و ئاشتەوایى لە رۆژهەڵاتى ناوەراست کۆبووەوە

TUE, 19 MAR 2019 12:29

فەلاح مستەفا بەرپرسى پەیوەندیەکانى دەرەوە لەگەڵ شاندێکى دامەزراوەى یارمەتى مرۆیى و ئاشتەوایى لە رۆژهەلاتى ناوەراست کە پێکهاتبوو لە بەرێزان مایک سیمپسن بەڕێوەبەرى جێبەجێکار و کریستۆفەر سیگار ئەندامى بۆردى بەرێوەبەردن و باڵیۆزى پێشووى بەریتانیا لە عیراق و عبدالرحمن محمد بەڕێوەبەرى بەرنامەى رێکخراوى ناوبراو لە عیراق  کۆبووەوە.