فه‌رمانگه‌ی په‌یوه‌ندییه‌کانی ده‌ره‌وه‌
حكومه‌تی هه‌رێمی كوردستان
MON, 22 APR 2019 13:48 Erbil, GMT +3
Source: KRG-DFR DFR publication date: WED, 6 FEB 2019 17:41
فەلاح مستەفا لەگەڵ سەرۆکى نێردە دیپلۆماسیەکانى وڵاتى عەرەبى له‌ هه‌رێمى کوردستان کۆبووەوە

به‌مه‌به‌ستی ئاگادارکردنه‌وه‌ی ‏نوێنه‌رانی ووڵاتانی عەرەبى لە هەرێمى کوردستان له‌ دواپه‌ره‌سه‌ندنه سیاسی و ئەمنى و ئابووریەکانى هەرێم و عیراق و ناوچەکە، ئەمڕۆ چوارشەممە فه‌لاح مسته‌فا به‌رپرسی په‌یوه‌ندیه‌کانی ده‌ره‌وه‌ی حکومه‌ت بە ئامادەبوونى خاتوو سیهام جەبەلى یاریدەدەرى بەرپرسى فەرمانگە کۆبوونه‌وه‌یه‌کی له‌گه‌ڵ سەرۆکى نێردە دیپلۆماسیەکانى وڵاتى عەرەبى له‌ هه‌رێم ئه‌نجامدا.

له‌ سه‌ره‌تادا فه‌لاح مسته‌فا وێڕاى به‌خێرهێنانى ئاماده‌بووان، ئامانجی کۆبونه‌وه‌که‌ی راگه‌یاندو گووتی ئه‌م کۆبوونه‌وه‌یه‌ به‌مه‌به‌ستی پته‌وکردنی په‌یوه‌ندییه‌کان و ئاگادارکردنه‌وه‌ی ئێوەى بەڕێزە‌ له‌دوا په‌ره‌سه‌ندنه‌ سیاسیه‌کان و پەیوەندى نێوان هەولێرو بەغدا و پرسى پێکهێنانى حکومەتى هەرێم و خستنەڕووى هەڵوێستى هەرێمى کوردستان لەمەڕ پرسە هەنووکەییەکان.

بەڕێزیان سوپاسى ئەو وڵاتانەى کرد کە یارمەتى هەرێمى کوردستانیان داوەو کۆمەک و یارمەتیان پێشکەش بە ئاوارەو پەنابەرانى هەرێم کردووە.  هاوکات داوای کرد که‌ هانی دام و دەزگا پەیوەنددارەکانى وڵاتەکانیان و ڕێکخراوه‌ کۆمه‌ک به‌خشه‌کانیان بده‌ن بۆ پێشکه‌شکردنی کۆمه‌ک و یارمه‌تى زیاتر بۆ ئاواره‌کانى نیشتەجێى هەرێم. بەڕێزیان گووتى پێویستى زۆرمان بە هاوکارى و هەماهەنگى زیاترە بە تایبەت بۆ رووبەڕووبوونەوەى تیرۆریستان و هزرى تیرۆریستى. چونکە تا ئێستا مەترسیەکانى داعش کۆتایى نەهاتووە.

دواتر بەڕێز باڵیۆز نەزمى حەزورى کونسوڵى گشتى وڵاتى فەلەستین بەناوى دیپلۆماتکاران خۆشحاڵى خۆى بۆ ئەو دیدارە نیشانداو سوپاسى بەرپرسى پەیوەندیەکانى دەرەوەى حکومەتى کرد بۆ هەوڵى بەردەوامى لە پێناو پێشخستنى پەیوەندیەکانى هەرێم لەگەڵ وڵاتانى عەرەبى و کۆمەڵگاى نێودەوڵەتى. گووتى بوونى نووسینگەى دیپلۆماسى ژمارەیەک وڵاتى عەرەبى ئاماژەیەکە بۆ ویستى ئەو وڵاتانە تا پەیوەندیەکانیان لەگەڵ هەرێمى کوردستان پەرە پێبدەن.

 

کونسوڵى گشتى فەلەستین گووتى ویستى حکومەتى هەرێمى کوردستان بە هەند هەڵدەگرین کە دەخوازن پەرە بە پەیوەندەکانیان بدەن لەگەڵ وڵاتانى عەرەبى. لە کۆتایی قسەکانى هیواى خواست ئەم دیدارە هەنگاوێکى تر بێت لە رێى ئاشنابوونى زیاتر بە رەوشى هەنووکەیى هەرێمى کوردستان خستنەڕووى هەڵوێستى هەرێمى کوردستان لەمەڕ پرسەکان.

پاشان نوێنەرانى وڵاتانى عەرەبى لە هەرێم بە جیا پرسیارو سەرنج و بۆچوونى خۆیان ئاراستەى بەڕێز بەرپرسى پەیوەندیەکانى دەرەوەى حکومەت کرد سەبارەت بە پلان و بەرنامەى هەرێمى کوردستان بۆ فراوان کردنى زیاترى پەیوەندیەکانیان لەگەڵ کۆمەڵگاى نێودەوڵەتى و رەخساندنى دەرفەتى کار بۆ کۆمپانیاو وەبەرهێنەرانى ولاتانى عەرەبى لە هەرێم.

لە بەرامبەردا بەڕێز فه‌لاح مسته‌فا به‌رپرسی په‌یوه‌ندیه‌کانی ده‌ره‌وه‌ى حکومه‌ت بە ناوى حکومەتى هەرێمى کوردستان سوپاسى سەرجەم نوێنەرانى وڵاتانى عەرەبى کرد بۆ خستنەڕووى بیرو بۆچوونیان و پشتگیرى کردنیان لە هەرێمى کوردستان لە قۆناغە سەخت و هەستیارەکان. بەڕێزیان لە ووتەیەکدا وەڵامى سەرجەم سەرنج و تێبینیەکانى ئامادەبووانى دایەوەو بۆچوونى هەرێمى کوردستانى لەمەڕ پەرەپێدانى پەیوەندیەکان و کردنەوەى دەرگا بە ڕووى کۆمەڵگاى نێودەوڵەتى و پەیوەندى هەولێرو بەغدا خستەڕوو.
 




فەلاح مستەفا بارودۆخى سیاسى و مرۆیى لەگەڵ گەورە لێکۆڵەرێکى گروپى قەیرانەکانى نێودەوڵەتى تاوتوێ کرد
WED, 17 APR 2019 15:44

ئەمرۆ رۆژى چوارشەممە ١٧/٤/٢٠١٩ فەلاح مستەفا بەرپرسى پەیوەندیەکانى دەرەوەى حکومەتى هەرێمى کوردستان لەگەڵ خاتوو دارین خەلیفە گەورە لێکۆڵەرى گروپى قەیرانەکانى نێودەوڵەتى کۆبوونەوە و کە تیایدا گەنگەشەى رەوشى سیاسى و مرۆیى و قەیرانەکان کرد لە هەرێمى کوردستان و عیراق و سوریا بەتایبەتى لە قۆناغى دواى داعش.

بەرپرسی پەیوەندیەکانی دەرەوە پێشوازی لە شاندێکی پەیمانگای سمزۆنیانی ئەمریکی كرد
WED, 17 APR 2019 15:30

فەلاح مستەفا، بەرپرسی پەیوەندیەکانی دەرەوە پێشوازی کرد لە بەڕێز جۆن دەیڤز، یاریدەدەری ڕاگر بۆ کاروباری مۆزەخانە و توێژینەوە لە پەیمانگای سمزۆنیانی ئەمریکی بە یاوەری خاتوو جێسیکا جۆنسن، سەرۆکی بەشی پارێزگاری کردنی مۆزەخانە لە پەیمانگای ناوبراو و شاندی یاوەری.

 
نێچیرڤان بارزانی جه‌خت له‌ په‌ره‌پێدانی په‌یوه‌ندییه‌کان له‌گه‌ڵ قه‌ته‌ر ده‌کاته‌وه‌
WED, 17 APR 2019 14:02

به‌ڕێز نێچیرڤان بارزانی له‌ دیدارێكدا له‌گه‌ڵ به‌ڕێز حسێن ئه‌لفه‌زاله‌ هه‌ڵسوڕێنه‌ری كاروباری باڵیۆزخانه‌ی قه‌ته‌ر له‌ به‌غدا، خواستی حكوومه‌تی هه‌رێمی كوردستانی بۆ به‌ره‌وپێشبردنی په‌یوه‌ندییه‌كانی له‌گه‌ڵ قه‌ته‌ر نیشان دا، پوخته‌یه‌كیشی ده‌رباره‌ی قه‌یرانه‌كانی‌‌ ساڵانی ڕابردوو و تێپه‌ڕاندنیان به‌ شێوه‌یه‌كی سه‌ركه‌وتوو پێشكه‌ش كرد به‌تایبه‌تی ئاساییبوونه‌وه‌ی په‌یوه‌ندییه‌كانی هه‌ولێر ـ به‌غدا و بڕیاردان له‌سه‌ر گفوگۆ بۆ چاره‌سه‌ركردنی كێشه‌كان.

 

 

ئه‌نجومه‌نى وه‌زیرانى جه‌ژنى قیامه‌ پیرۆز ده‌كات

SUN, 21 APR 2019 10:00

جه‌ژنى قیامه‌ى حه‌زره‌تى مه‌سیح سڵاوى خواى لێ بێت له‌ ته‌واوى خوشك و برایانى مه‌سیحى له‌ هه‌رێمى كوردستان، عێراق و سه‌رتاسه‌رى جیهان پیرۆز ده‌كه‌ین. هیوادارین جه‌ژنێكى خۆش و ئارام به‌سه‌ر به‌رن و ئارامى و سه‌قامگیرى و ئاشته‌وایى باڵ به‌سه‌ر هه‌موو جیهان و مرۆڤایه‌تیدا بكێشێت.

 

فەلاح مستەفا لەگەڵ شاندێکی شانشینی هۆڵەندا ویستى هەرێمى کوردستانى خستەڕوو بۆ پێشخستنى کەرتى کشتوکاڵ و خۆراک

THU, 18 APR 2019 14:44

بە مەبەستى پتەوکردنى زیاترى پەیوەندیەکان و لە نزیکەوە ئاشنا بوون بە ڕەوشی هەرێمی کوردستان و هەماهەنگى و دەرفەتەکانى کار، ئەمڕۆ شاندێکی شانشینی هۆڵەندا کە پێکهاتبوو لە بەڕێزان عبدالله شاشی، لە وەزارەتی دەرەوەی هۆڵەندا و خاتوو میلینا ڕۆو لە ئاژانسی هۆڵەندا بۆ پڕۆژەکانی پەرەپێدانی بەردەوام و ویلیام کۆزاین کونسوڵی گشتی شانشینی هۆڵەندا لە هەرێم سەردانى فەرمانگەى پەیوەندیەکانى دەرەوەیان کرد و لەلایەن فەلاح مستەفا، بەرپرسی پەیوەندیەکانی دەرەوەى حکومەت پێشوازیان لێکرا.

 

کۆماری بوڵگاریا نوێنەرایەتى وڵاتەکەى لە هەرێمى کوردستان دەباتە قۆناغێکى پێشکەوتووتر

THU, 18 APR 2019 12:10

لە دیدارێکی نێوان فەلاح مستەفا، بەرپرسی پەیوەندیەکانی دەرەوەى حکومەت لەگەڵ بەڕێز پلامین هریستۆڤ، هەڵسوڕێنەری کاروباری باڵیۆزخانەی کۆماری بولگاریا لە عێراق باس لە پتەوکردنی پەیوەندیە دووقۆلیەکان و فراوانکردنی ئاستى پەیوەندی بازرگانی و ئابووری و ئەمنی کرا.

 

بەرپرسی پەیوەندیەکانی دەرەوە پێشوازی لە شاندێکی دامەزراوەی کۆنراد ئەدیناوێری ئەڵمانی کرد

WED, 17 APR 2019 15:59

ئەمڕۆ چوارشەممە، ڕێکەوتی ١٧/٤/٢٠١٩، فەلاح مستەفا، بەرپرسی پەیوەندیەکانی دەرەوە، پێشوازی کرد لە شاندێکی دامەزراوەی کۆنراد ئەدیناوێری ئەڵمانی بە سەرۆکایەتی بەڕێز گریگۆر جایکی، بەرپرسی بەشی کاروباری دەرەوە بۆ پرسی سوریا و عێراق و بەڕێز ڕەنج عەلائەددین، لە پەیمانگای بڕۆکینگز و شاندی یاوەری بە مەبەستی تاوتوێ کردنی دوایین بەرەوەپێشچوونەکانی ناوچەکە و بوارەکانی هەماهەنگی و لێکۆڵینەوە.