فه‌رمانگه‌ی په‌یوه‌ندییه‌کانی ده‌ره‌وه‌
حكومه‌تی هه‌رێمی كوردستان
WED, 17 JUL 2019 16:11 Erbil, GMT +3
Source: KRG-DFR DFR publication date: WED, 6 FEB 2019 20:33
دەقى ووتاری بەڕێز بەرپرسی پەیوەندیەکانی دەرەوەى حکومەتى هەرێمى کوردستان لە یادی ٧١ ساڵەی ڕۆژی سەربەخۆیی کۆمارى سریلانکا

 

بەڕێز ژەنەڕاڵ نیرانجان ئاسوكا راناسینغ، باڵیۆزی کۆماری دیموکراتی سۆشیالیستی سریلانکا،
بەڕێز نوێنەری جەنابی سەرۆک،
بەڕێز نوێنەری سەرۆکی حکومەت،
وەزیر و پەرلەمانتار و پارێزگارە بەڕێزەکان،
نێردەی دیپلۆماسی ووڵاتانی بیانی و ئاژانس و ڕێکخراوە نێودەوڵەتیەکان لە هەرێمی کوردستان،
نوێنەری پارت و لایەنە سیاسیەکانی هەرێمی کوردستان و ڕێکخراوەکانی کۆمەڵگای مەدەنی،
گۆمەڵگای سریلانکی لە هەرێمی کوردستان،
میوانە بەڕێزەکان ... ئەم کاتەتان باش،

بەناوی خۆم و فەرمانگەی پەیوەندیەکانی دەرەوەی حکومەتی هەرێمى کوردستان پیرۆزباییەکى گەرم لە دۆستە سریلانکیەکانمان دەکەم بەبۆنەی ساڵڕۆژی دامەزراندنی کۆماری سریلانکاى دیموکراتی سۆشیالیستی.

خۆشحاڵم ئەم ئێوارەیە لەگەڵ ئێوەى بەڕێز لێرەین بۆ بەرز ڕاگرتنی یادی حەفتا و یەکەمین ساڵیادی دامەزراندنی کۆماری سریلانکا.

بـــــــەڕێــــــــــزان،
تکایە ڕێگەم پێبدەن، لەم ڕۆژەدا، بەناوی حکومەتی هەرێمی کوردستان، گەرمترین پیرۆزبایی پێشکەش بە گەل و حکومەتی سریلانکا بکەم.
هاوکات، بە پێویستی دەزانم سوپاسی باڵیۆزخانەی سریلانکا لە بەغدا و کونسوڵگەری فەخری سریلانکا لە هەولێر بکەم، بۆ ڕەخساندنی ئەم دەرفەتە لە پێناو پتەوکردنی پەیوەندی دۆستانەی حکومەتى هەرێمى کوردستان لەگەڵ گەل و ووڵاتى سریلانکا.

ئــــــامـــــــادەبـــــــووانـــــــى بـــــــــەڕێــــــــــــــــــــز

لە ڕێکەوتى ٤ی شوباتی ساڵی ١٩٤٨، سەرجەم پێکهاتەکانی گەلی سریلانکا هێزەکانیان یەکخست بۆ گەیشتن بە سەربەخۆیی و ئازادی. هەرێمی کوردستان بە بایەخەوە دەڕوانێتە ئەو ڕۆژە مەزنەی سەربەخۆیی سریلانکا.

پەیوەندى دێرینى نێوان سریلانکا و عێراق و هەرێمی کوردستان دەروازەیەکە بۆ لێکتێگەیشتن و پەرەپێدانى زیاترى ئەو پەیوەندیانە؛ بە تایبەتى لە بوارى ئابورى و بازرگانى و وەبەرهێناندا. هەر بۆ نموونە لە باشترین جۆرى چا کە ڕەزامەندى و ئارەزوویەکى زۆرى هاووڵاتیانى هەیە، ئەو گەڵا چایانەیە کە لە ووڵاتى سریلانکا بەرهەم هاتووە. ئێمە مەبەستمانە پێکەوە کاربکەین بەتایبەتى لە خاڵە هاوبەشەکانى نێوان هەردوولا و بە رێزگرتن لە تایبەتمەندیەکانى گەلانى هەردوو ووڵات.

بـــــــــــــــــــــەڕێـــــــــــــــــــزان
ئێمە لە پەیوەندیەکانمان لەگەڵ کۆمەڵگەى نێودەوڵەتى، بەدواى ئەو خاڵە هاوبەشانەدا دەگەڕێین کە خزمەتى مرۆڤایەتى دەکات و پەرە بە مرۆڤدۆستى دەدات. لێرەشدا فرەیی و لێبوردەیی و پێکەوەژیان ئەو بەها هاوبەشانەیە کە لەنێوان گەلی سریلانکا و گەلی کوردستان و گەلانى عێراق و گەلانی تری دیموکراتخواز و ئازادیخواز هەیە.

هاوشێوەى گەلى سریلانکا، گەلی کوردستان گەلێکی دۆستانە و خاوەند کۆمەڵگایەکی کراوەیە. بوونی کەلتور و پێکهاتەى نەتەوەیی و ئاینى جیاواز لە هەرێم، بە سەرچاوەى هێزى خۆمان دەزانین و مایەى هیوا و گەشبینی ئێمەیە بە ئایندەیەکى باشتر. سەربەرزین بە لێهاتوویی و ئازایەتی پێشمەرگە قارەمانەکانمان کە هەردەم لەبەرەکانی پێشەوەن و گیانی خۆیان بەخت دەکەن؛ بۆ پاراستنی بەها مرۆییەکان. پێشمەرگە فاکتەرێکی گرینگە بۆ پاراستنی کۆمەڵگاکەمان و بەرگری کردن لە ئازادى و دیموکراسی.

میوانانى قەدرگران
ئەمڕۆ جگە لەبوونی کونسوڵگەری فەخری سریلانکا لە هەرێمی کوردستان، ژمارەیەکی زۆری هاوڵاتی سریلانکی لە هەرێمی کوردستان و عێراقى فیدڕاڵدا لە کەرتە جیاوازەکان کاردەکەن.  هاوکات ئێمە پەیوەندیەکی بازرگانیمان هەیە لەگەڵ سریلانکا و خوازیارین پەرە بە ئاستی ئەم پەیوەندیانە بدرێت.

خۆشحاڵین کە پەیوەندیە دووقۆڵیەکانی ئێمە لەگەڵ سریلانکا بووە هۆی ئەوەی کە سریلانکا کونسوڵگەری فەخری خۆی لە هەرێم لە ڕێکەوتى ٢٨/١١/٢٠١٧ بکاتەوە، ئەمەش هەنگاوێکی گرینگە و  بنەمایەکە بۆ پەرەپێدانى پەیوەندییەکان و بەهێزکردنی هاوکاری  و وەبەرهێنانی هاوبەش لە کەرتەکانی ئابوری و بازرگانی و گەشتیاری. بە ئومێدین ئاستى نێردەی دیپلۆماسى سریلانکا لە هەرێم بەرز بکرێتەوە.

جێگەى خۆیەتى سوپاسی بەڕێز دکتۆر ئەحمەد جلال، کونسوڵی فەخری سریلانکا لە هەرێمی کوردستان بکەم بۆ ماندووبوون و هەوڵەکانی بۆ پەرەپێدانى پەیوەندیەکانى نێوان هەرێمى کوردستان و ووڵاتى سریلانکا، ئێمە دەست خۆشی لێدەکەین و پشتیوانیان دەبین بۆ پەرەپێدانى زیاترى ئەو پەیوەندیانە لەسەر بنەماى بەرژەوەندى هاوبەش.

ئەزموونى ووڵاتان لەبوارە جیاوازەکاندا بۆ ئێمە سوودى زۆرى هەیە. هەربۆیە سریلانکا کە وڵاتێکی دیار و پێشکەوتووى بوارى گەشتیاریە و خاوەنی کەلتورێکی دێرینە و مێژووەکەى بۆ زیاتر لە سێ هەزار ساڵ دەگەڕێتەوە، دەتوانێ لە ڕێگەى ئاڵوگۆڕى سەردانەکان و ئەنجامدانى پڕۆژەى وەبەرهێنان لە بوارى گەشتیارى لە هەرێم و برەودان بە ئاڵوگۆرى گرووپە گەشتیاریەکان لە نێوان هەردوولادا سوود بە کەرتی گەشتیاری لە هەرێم بگەیەنێت.

لەم بوارەدا حکومەتی هەرێمی کوردستان بە پەیڕەوکردنى سیاسەتی دەرگای کراوە و بازاڕی ئازاد، دەرفەتی زۆری بۆ وەبەرهێنان و  چالاکی بازرگانی ڕەخساندووە. لە ئێستاشدا حکومەت لە هەوڵەکانى بەردەوامە و بەرنامەی بۆ بنیادنان و ئاوەدان کردنەوە هەیە، کە ئەمەش پێویستی بە تۆکمەکردنی ژێرخانی ئابووری لە بوارە جیاوازەکان بۆ فرەیی سەرچاوەى داهات هەیە.

بۆیە خوازیارین لە بواری وەبەرهێنان خاوەنکارانی هەردوولا سەردانی هەرێم و سریلانکا بکەن، بۆ ئەنجامدانی پرۆژەی هاوبەشی و ڕاستەوخۆ لە هەردوو کەرتی تایبەت و گشتی وە لە بوارەکانی کشتوکاڵی و بازرگانی و تەندروستی و پیشەسازی و خزمەتگوزاری و بەرزکردنەوەی قەوارەی بازرگانی نێوان هەردوولا.

لە کۆتاییدا دووبارە زۆر سوپاس بۆ هەموولایەک و یادی حەفتاویەک ساڵەی ڕۆژی سەربەخۆیی سریلانکا لە گەل و حکومەتى سریلانکا پیرۆزبێ.
 




بە ئامادەبوونی بەڕێزان سەرۆک مسعود بارزانی و مەسرور بارزانی، سەرۆکوەزیرانی هەرێمی کوردستان، یادی رۆژى نیشتیمانی کۆماری فەڕەنسا لە هەولێر بەڕێوەچوو
MON, 15 JUL 2019 10:27

ئێوارەی ڕۆژی یەکشەممە ١٤/٧/٢٠١٩ بە ئامادەبوونی سەرۆک مەسعود بارزانی و مەسرور بارزانی، سەرۆکوەزیرانی هەرێمی کوردستان و سەرۆکى پەرلەمان ژمارەیەک لە وەزیرانى حکومەت و ئەندامانی پەرلەمان و بەرپرسانی هەرێم و دیپلۆماتکارو نوێنەرانی وڵاتانى بیانی و رەوەندى فەڕەنسا لە هەرێم یادی ڕۆژی نیشتیمانیی کۆماری فەڕەنسا لە هەولێر کرایەوە، کە لەلایەن کونسوڵگەری گشتی فەڕەنسا لە هەرێم ڕێکخرابوو.

 
سەرۆکی حکوومەتی هەرێمی کوردستان و باڵیۆزی توركیا جه‌خت له‌ پته‌وكردنی په‌یوه‌ندییه‌كان ده‌كه‌نه‌وه‌
SAT, 13 JUL 2019 15:39

ئەمڕۆ شەممە 13/7/2019 مەسرور بارزانی سەرۆکی حکوومەتی هەرێمی کوردستان، پێشوازی کرد لە شاندێکی باڵای باڵیۆزخانەی تورکیا لە عێراق بە سەرۆکایەتی باڵیۆز فاتیح یڵدز.

 
سه‌رۆکی شاره‌وانیی پاریس ستایشی هه‌رێمی کوردستان ده‌کات
THU, 11 JUL 2019 22:56

له‌ دووه‌م ڕۆژی سه‌ردانیدا بۆ پاریس و له‌ دیدارکێدا له‌گه‌ڵ خاتوو ئان هیدالگۆ سه‌رۆكی شاره‌وانیی فه‌ڕه‌نسا، به‌ڕێز نێچیرڤان بارزانی سه‌رۆكی هه‌رێمی كوردستان سوپاس و پێزانینی هه‌رێمی كوردستانی بۆ پشتگیرییه‌كانی فه‌ڕه‌نسا بۆ هه‌رێمی كوردستان دووپات كرده‌وه‌ و هیوای به‌رده‌وامیی هاوكاری و هه‌ماهه‌نگیی نێوان شاره‌وانیی پاریس و پارێزگای هه‌ولێری خواست.

 

 

مەسرور بارزانی سەرۆکی ئەنجومەنی وەزیران : تێگەیشتنی باش هەبوو بۆ چارەسەرکردنی کێشەکان.

TUE, 16 JUL 2019 20:47

هەولێر، هەرێمی کوردستان، عێراق (GOV.KRD) - رۆژی سێشەممە 16/7/2019 شاندێکی باڵای حکومەتی هەرێمی کوردستان بە سەرۆکایەتی مەسرور بارزانی سەردانی بەغدای کرد و لە گەڵ هەر یەک لە سەرۆک کۆماری عێراق بەرهەم ساڵح ، سەرۆک وەزیران عادل عەبدولمەهدی و سەرۆکی ئەنجومەنی نوێنەران محەمەد حەلبوسی کۆبوونەوە.

 

وەزیری کاروبارى دەرەوەی هیند وەڵامى پیرۆزبایى بەرپرسى پەیوەندیەکانى دەرەوەى دایەوەو ستایشی پەیوەندیە دوو قۆڵیەکانی نێوان هەرێمی کوردستان و هیند دەکات

TUE, 16 JUL 2019 11:29

لە وەڵامى نامەیەکى پیرۆزبایى بەڕێز فەلاح مستەفا بەرپرسى پەیوەندیەکانى دەرەوەى حکومەت کە بەبۆنەى بوونى بە وەزیرى دەرەوەى کۆمارى هیند ئاراستەى بەڕێز سوبراهمانیام جایشانکارى کردبوو بەڕێزیان وێڕاى سوپاسگوزارى جەخت لە بایەخى پەرەپێدانى پەیوەندیە دووقۆڵیەکانى نێوان هەردوولا دەکاتەوە.

 

بەبۆنەى دەستبەرکابوونى وەک کونسوڵى گشتى تازەى بەریتانیا لە هەرێمى کوردستان، فەلاح مستەفا پێشوازى لە جەیمس ثۆرنتۆن کرد

MON, 15 JUL 2019 17:07

لە یەکەم سەردانیدا دواى دەستبەکاربوونى وەک کونسوڵى گشتى بەریتانیا لە هەرێمى کوردستان بەڕێز جەیمس ثۆرنتۆن سەردانى فەرمانگەى پەیوەندیەکانى دەرەوەى حکومەتى کردو لەلایەن فەلاح مستەفا بەرپرسى پەیوەندیەکانى دەرەوەى حکومەت پێشوازى لێکرا.

 

ئەنجوومەنی وەزیران بە سەرۆکایەتی مەسرور بارزانی سەرۆکی ئەنجومەنی وەزیران، یەکەمین کۆبوونەوەی فەرمی سازکرد و تیایدا چەند بڕیارێکی گرنگی دەرکرد

MON, 15 JUL 2019 15:18

لە سەرەتای کۆبوونەوەکەدا، سەرۆک وەزیران بەناوی ئەنجوومەنی وەزیرانەوە سوپاسی خەڵکی کوردستان به گشتى و بەتایبەتى مووچەخۆران و پێشمەرگە قارەمانەکان و خانەوادەی شەهیدانی کرد کە لە ساڵانی رابردوو شانیان دایە بەر بەرگریی کردن و پاراستنی سەروەری هەرێمی کوردستان و قارەمانانە بەڕووی هەموو سەختی و ناخۆشی و قەیران و ئابڵوقەکان وەستانەوە، بەڵینیشیدا کە درێغی نەکەن لە خزمەتکردنی هاووڵاتیان بە بێ جیاوازی.