فه‌رمانگه‌ی په‌یوه‌ندییه‌کانی ده‌ره‌وه‌
حكومه‌تی هه‌رێمی كوردستان
WED, 29 JAN 2020 08:57 Erbil, GMT +3
Source: KRG-DFR DFR publication date: SAT, 9 MAR 2019 15:54
بەرپرسی پەیوەندیەکانی دەرەوە پێشوازی لە شاندێکی وەزارەتی دەرەوەی ئەڵمانیا کرد

فەلاح مستەفا، بەرپرسی پەیوەندیەکانی دەرەوەی حکومەتی هه‌رێمی كوردستان، پێشوازی له‌ باڵیۆز كریستیان پاك به‌ڕێوه‌به‌ری هه‌رێمیی ڕۆژهه‌ڵاتی ناوه‌ڕاست و باكووری ئافریقا له‌ وه‌زاره‌تی ده‌ره‌وه‌ی ئه‌ڵمانیا و خاتوو هێلینا مێرکس، یاریدەدەری كونسوڵی گشتیی کۆماری  ئه‌ڵمانیای فیدڕاڵ له‌ هه‌رێمی كوردستان کرد..

له‌ دیدارێكدا، خاتوو سیهام جەبەلی، یاریدەدەری بەرپرسی فەرمانگە ئامادە بوو، بەرپرسی پەیوەندیەکانی دەرەوە سووپاسی ئەم سەردانە و هاوکاری و پاڵپشتی گەل و حکومەتی ئەڵمانیا و ڕاوێژکاری ئەڵمانی خاتوو ئەنجێلا مێرکل کرد بۆ هەرێمی کوردستان بە تایبەتی لە ساتە دژوارەکاندا ئەویش لەڕێگەی پاڵپشتی هەرێم لە بوارەکانی مرۆیی و سەربازی. دواتر، پووختەیەکی پێشکەش کرد سەبارەت بە ڕەوشی هەرێمی کوردستان و عێراق و هەوڵەکانی پێکهێنانی کابینەی نوێی حکومەتی هەرێمی کوردستان لەگەڵ ڕەوشی مرۆیی و ئاسایشی ناوچە ئازادکراوەکان و پێداویستیەکانی ئەو ناوچانە بۆ گەڕانەوەی ئاوارە و پەنابەران بەشێوەیەکی شکۆمەندانە.

به‌ڕێز پاك خۆشحاڵیی خۆی دەربڕی به‌ سه‌ردانی هه‌رێمی كوردستان و ستایشی ڕۆڵی گەل و حکومەتی هەرێمی کوردستان و هێزەکانی پێشمه‌رگه‌ی کرد له‌ شه‌ڕی ڕوبەڕووبوونەوەی تیرۆریستانی داعش و لەخۆگرتنی ژماره‌یه‌كی زۆری ئاواره‌ و په‌نابه‌ران و پاراستنیان و به‌رده‌وامیی هاوكارییه‌كانی وڵاته‌كه‌ی بۆ هه‌رێمی كوردستان و دووپاتی برەودانی زیاتری په‌یوه‌ندییه‌كانی نێوان هه‌ردوولاى كرده‌وه.‌

تەوەرێکی تری دیدارەکە پێکهاتبوو لە تاوتوێكردنی دۆخی ناوچه‌كه‌ به‌گشتی و بەرەوپێشچوونە ئه‌منییه‌كان و چه‌ند بابه‌تێكی په‌یوه‌ست به‌ پرۆسه‌ی سیاسی له‌ عێراق و هه‌رێمی كوردستان و ناوچە ئازاد کراوەکان و چۆنیەتی گەڕانەوەی ئاوارەکان بۆ شوێنەکانیان.

 




سەرۆکی حکومەتی هەرێمی کوردستان پێشوازی لە شاندێکی پەرلەمانی ئەڵمانیا دەکات
MON, 27 JAN 2020 11:33

رۆژی دووشەممە 2020/1/27 مەسرور بارزانی سەرۆکی حکومەتی هەرێمی کوردستان پێشوازیی لە شاندێکی پەرلەمانی ئەڵمانیا كرد كە لە بەڕێزان مارکوس گروبەل و یورگن هاردت پەرلەمانتارانی ئەم وڵاتە پێکهاتبوو.

بەرپرسی پەیوەندییەکانی دەرەوەی حکومەتی هەرێم و کونسوڵی گشتی کۆماری ڕووسیای فیدڕاڵ لە هەرێم باسیان لە چەند پرسێکى هەنووکەیى کرد
SUN, 26 JAN 2020 18:43

سەفین دزەیی، بەرپرسی پەیوەندییەکانی دەرەوەی حکومەتی هەرێمی کوردستان پێشوازی لە ئۆلێگ ڤلادیمیرۆڤیچ لێڤین، کونسوڵی گشتی ڕووسیا لە هەرێمی کوردستان کرد.

 
سەرۆکی حکومەتی هەرێمی کوردستان و وەزیری دەرەوەی تورکیا پەیوەندییەکی تەلەفۆنیان ئەنجامدا
SAT, 25 JAN 2020 22:07

سەرۆکی حکومەتی هەرێمی کوردستان لە رێگەی وەزیری دەرەوەی تورکیاوە هاوسۆزی خۆی بۆ کەسوکاری قوربانیانی بوومەلەرزەی شاری ئەلئەزیز (خارپێت) و دەوروبەری دەربڕی و، هیوای چاکبوونەوەی خێرای بۆ بریندارانی ئەو کارەساتە خواست


 

بەرپرسی پەیوەندییەکانی دەرەوەی حکومەتی هەرێم لەگەڵ کونسوڵی گشتی ئەمریکا لە هەرێمی کوردستان کۆبۆوە

TUE, 28 JAN 2020 17:38

ئەمڕۆ سێشەممە (2020/1/28) کونسوڵی گشتی ئەمریکا لە هەرێم، بەڕێز ستیڤ فەیگن بەمەبەستی ئەنجامدانی کۆبوونەوەیەک لەگەڵ بەڕێز سەفین دزەیی، بەرپرسی پەیوەندییەکانی دەرەوەی حکومەتی هەرێمی کوردستان سەردانی فەرمانگەی کرد.


ڕاگەیەنراوێک لە سەرۆکى هەرێمى کوردستانەوە

MON, 27 JAN 2020 21:14

ئیدانەى ئەو هێرشە مووشەکییە دەکەین کە شەوى ڕابردوو باڵیۆزخانەى ئەمەریکاى لە بەغدا کردە ئامانج. ئەم کردەوانە مەترسیى ڕاستەقینە لەسەر دۆخ و سەقامگیرى و بەرژوەندیییەکانى عێراق دروست دەکەن، دووبارەبوونەوە و بەردەوامیشیان، لێکەوتە و ئەنجامى خراپیان بۆ سەر وڵات دەبێت.

 

بەرپرسى پەیوەندیەکانی دەرەوە پێشوازی لەبەرپرسی نووسینگەی کاروباری سیاسی یۆنامی کرد

MON, 27 JAN 2020 20:26

ئەمڕۆ دووشەممە سەفین دزەیی، بەرپرسی پەیوەندیەکانی دەرەوە پێشوازی کرد لە بەڕێز مەنوج ماثیو، بەرپرسی کاروباری سیاسی یۆنامی لە عێراق بە ئامانجی ئاشنابوون بە دوایین بەرەوپێشچوونەکانی هەرێمی کوردستان و عێراق و ناوچەکە.

 

نێچیرڤان بارزانى: عێراق و سووریا شایه‌نى ژیانێكى باشترن

MON, 27 JAN 2020 20:11

ئێواره‌ى ئه‌مڕۆ دووشه‌ممه‌ 27/1/2020 به‌ڕێز نێچیرڤان بارزانى، سه‌رۆكى هه‌رێمى كوردستان، به‌شدارى له‌ ڕێوڕه‌سمى خه‌ڵاتكردنى براوه‌كانى فیستیڤالى كورته‌فیلمى به‌ره‌و پێشه‌وه‌ كرد كه‌ بەرنامەى نەتەوە یەکگرتووەکان بۆ پەرەپێدان UNDP به‌ هاوبه‌شى له‌گه‌ڵ بەرنامەى نەتەوە یەکگرتووەکان بۆ نیشتەجێ مرۆییەکان، کۆمەکى سەندووقى متمانەى هەرێمى، سەر بە یەکێتیى ئەورووپا بۆ بەدەمەوەهاتنى قەیرانەکانى سووریا، سەندووقى متمانەى مەدەدى سەر بە یەکێتیى ئەورووپا ساز كرابوو.