فه‌رمانگه‌ی په‌یوه‌ندییه‌کانی ده‌ره‌وه‌
حكومه‌تی هه‌رێمی كوردستان
MON, 9 DEC 2019 19:05 Erbil, GMT +3
Source: KRG-DFR DFR publication date: THU, 11 APR 2019 12:10
کونسوڵی گشتی نوێی میرنشینی عەرەبی یەکگرتوو (ئیمارات) لە هەرێمی کوردستان دەست بەکاربوو

بەبۆنەی دەستبەكاربوونی وەك كونسوڵی گشتی تازەی میرنشینی عەرەبی یەکگرتوو (ئیمارات) لە هەرێمی کوردستان، ئەمڕۆ پێنج شەممە، ڕێکەوتی (١١/٤/٢٠١٩)، بەڕێز احمد ئەلزاهرى بەیاوەری بەڕێز احمد علی ئەلمحیربی، کونسوڵی گشتی پێشوو بە وەکالەت ، سەردانی فەرمانگەی پەیوەندیەكانی دەرەوەی كرد و لە لایەن فەلاح مستەفا بەرپرسی پەیوەندیەكانی دەرەوەی حكومەتی هەرێم پێشوازیان لێكرا.

لە دەستپێکی دیدارەکەدا، بەڕێز احمد ئەلزاهرى خۆشحاڵی خۆی دەربڕی بە دەستبەکاربوونی وەک كونسوڵی گشتی تازەی میرنشینی عەرەبی یەکگرتوو لە هەرێمی كوردستان و گوتی پەیوەندیەكانی هەردوولا لە ئاستێكی باشدایە و هیواخوازین بتوانین برەوی زیاتر بەم پەیوەندیانە بدەین لەگەڵ فراوانتر کردنی ئەو پەیوەندیە مێژوویەی لە نێوان گەلی ئیمارات و گەلی كوردا هەیە.

دواتر، فەلاح مستەفا بەناوی حكومەتی هەرێمی كوردستان و فەرمانگەی پەیوەندیەكانی دەرەوە خۆشحاڵی خۆی دەربڕی بە دەست بەكاربوونی بەڕێز احمد ئەلزاهرى وەك كونسوڵی گشتی نوێی  میرنشینی عەرەبی یەکگرتوو لە هەرێمی كوردستان، هەروەها پیرۆزبایی و پشتیوانی فەرمانگەی پەیوەندیەكانی دەرەوەی خستەڕوو بۆ سەرخستنی كاروبارەكانیان لە هەرێمی كوردستان و ستایشی ڕۆڵی کونسوڵی گشتی پێشووی بە وەکالەت کرد لە هەرێمی کوردستان کە سەرکەوتووان لەماوەی ڕابردوودا کارەکانی ئەنجام داوەو و هیوای سەرکەوتنیشی بۆ خواست لە کاری ئایندەیدا.

 

هاوکات تیشکی خستە سەر پەیوەندی مێژوویی نێوان هەرێمی کوردستان و  میرنشینی  عەرەبی یەکگرتوو و خۆشحاڵی خۆی دەربڕی بە ئاستی پەیوەندیە دوولایەنەکان و ستایش و سوپاسی دەوڵەتی  میرنشینی عەرەبی یەکگرتووی کرد لە پێشکەش کردنی هاوکاری مرۆیی و پاڵپشتی دامەزراوەیی بۆ هەرێمی کوردستان لە ماوەی ڕابردوودا و باسی لە بایەخی دەرفەتەكانی كار و وەبەرهێنان و هەماهەنگی نێوان هەردوولا لە بوارەكانی سیاسی و ئابووری و كەلتوری کرد وە هیوای خواست بەشداری و هەماهەنگی زیاتر هەبێت لە بوارەکانی تری وەبەرهێنان و بازرگانی و پەروەردە.

لە تەوەرێكی دیكەی دیدارەكەدا باس لە دوایین بەرەوپێشچوونەکانی لە هەرێمی كوردستان و عێراق و پەیوەندیەكانی نێوان هەولێر و بەغدا كرا و جەخت لەسەر هەوڵ و كۆششە هاوبەشەکان کرایەوە بۆ  بۆ پەرەپێدانی پەیوەندیە دوولایەنەکان.
 




سەرۆک وەزیرانی هەرێمی کوردستان پێشوازی لە باڵیۆز جەیمس جێفری دەکات
SAT, 7 DEC 2019 16:57

هەولێر، هەرێمی کوردستان، عێراق (GOV.KRD) - ئەمڕۆ شەممە ٢٠١٩/١٢/٧ مەسرور بارزانی سەرۆک وەزیرانی هەرێمی کوردستان پێشوازی لە باڵیۆز جەیمس جێفری نێردەی تایبەتی ئەمەریکا بۆ کاروباری سوریا و هاوپەیمانی نێودەوڵەتی دژی داعش کرد.

 
بەرپرسی پەیوەندیەکانى دەرەوە پێشوازى لە جێگرى باڵیۆزى ئوسترالیا لە عێراق کرد
THU, 5 DEC 2019 23:44

سەفین دزەیی، بەرپرسی پەیوەندیەکانى دەرەوەى حکومەت، پێشوازى لە بەڕێز (جەیسن ئالفێریک) جێگرى باڵیۆزى ئوسترالیا لە عێراق کردو باس لە ڕەوشى هەنووکەیى عیراق و ناوچەکە و پەیوەندیەکانى نێوان هەولێرو بەغدا.

 
بەرپرسی پەیوەندیەکانی دەرەوە پێشوازی لە شاندی ژووری بازرگانی ئەمریکا کرد
THU, 5 DEC 2019 13:31

ئەمڕۆ پێنجشەممە، ڕێکەوتی (٥/١٢/٢٠١٩) ، سەفین دزەیی، بەرپرسی پەیوەندیەکانی دەرەوە، پێشوازی له‌ به‌ڕێز ستیڤ لەتس، جێگری سەرۆکی کاروباری ڕۆژهەڵاتی ناوەڕاستی ژووری بازرگانی ئەمریکا و شاندی یاوەری کرد بە ئامانجی تاوتوێ کردنی برەودانی پەیوەندیەکانی  ئابووری و بازرگانی و وەبەرهێنان.

 

 

کۆمارى ئەرمینیا ئاستى پەیوەندیەکانى لەگەڵ هەرێمى کوردستان فراوانتر دەکات

MON, 9 DEC 2019 14:56

ئەمڕۆ دووشەممە سەفین دزەیی، بەرپرسی پەیوەندیەکانى دەرەوەى حکومەتى هەرێم، پێشوازى لە شاندێکى وەزارەتى دەرەوەى کۆمارى ئەرمینیا کرد کە پێک هاتبوون لە بەڕێزان (ئارمان ئاکۆپیان) سەرۆکى فەرمانگەى ووڵاتانى کیشوەرى ئەمریکا و بەڕێز (یورى باباخانیان) ڕاوێژکار لە فەرمانگەى ئەفریقیا و ڕۆژهەڵاتى ناوەڕاست.

 

مەڕاسیمی یادکردنەوەی ڕۆژی نیشتیمانی و ١٠١ ساڵەی یەکگرتنی ڕۆمانیا،سەفین دزەیى وێڕاى پیرۆزبایى،جەختى لەسەر پەیوەندیە دووقۆڵیەکانى نێوان هەردوولا کردەوە

MON, 9 DEC 2019 11:15

ئێوارەی ڕۆژی یەکشەممە ٩ی تشرینی دووەمی ٢٠١٩، بە ئامادەبوونی هەریەک لە نوێنەرانى بەڕێزان سەرۆک مەسعود بارزانی و نێچیرڤان بارزانى سەرۆکی هەرێمی کوردستان  و مەسرور بارزانى سەرۆکی حکومەتی هەرێمی کوردستان و ئەندامانی پەرلەمان و دیپلۆماتکاران و نوێنەرانی پارتە جیاجیاکان و هۆریا میهایل پیتریسکیو، بەرپرسی نووسینگەی کونسوڵگەری ڕۆمانیا لە هەرێم مەڕاسیمی یادکردنەوەی ڕۆژی نیشتیمانی و ١٠١ ساڵەی یەکگرتنی ڕۆمانیا لە هەرێم کرایەوە. مەڕاسیمەکە لەلایەن نووسینگەی کونسوڵگەری ڕۆمانیا لە هەرێم ڕێکخرابوو.


لە کۆبوونەوەیەکى فراوان، سەفین دزەیى بەرپرسی پەیوەندیەکانی دەرەوەى حکومەت لەگەڵ دیپلۆماتکارانى ووڵاتانی ئەندام لە یەکێتی ئەوروپا لە هەرێمی کوردستان دوایین پەرەسەندنەکانیان تاوتوێ کرد

SUN, 8 DEC 2019 13:20

ئەمڕۆ یەکشەممە، ڕێکەوتی (٨/١٢/٢٠١٩)، سەفین دزەیی، بەرپرسی فەرمانگەی پەیوندیەکانی دەرەوەى حکومەت کۆبوونەوەیەکی فراوانى لەگەڵ دیپلۆماتکارانى ووڵاتانی ئەندام لە یەکێتی ئەوروپا لە هەرێمی کوردستان بە سەرۆکایەتی بەڕێز ڤینسینت پۆپیۆو، بەرپرسی نووسینگەی نێردەی یەکێتی ئەوروپا لە هەرێمی کوردستان ئەنجامدا، بە ئامانجی لە نزیکەوە ئاشنا بوون بە دوایین پەرەسەندنەکانی ناوچەکە بەگشتی و هەرێمی کوردستان و عێراق بە تایبەتی لەڕووی پەیوەندی نێوان هەولێر و بەغدا و هەولێر و ووڵاتانی دراوسێی و بەرنامەکانی کاری لە پێشینەی حکومەتی هەرێمی کوردستان و پرسەکانی ئاسایش و سیاسی و مرۆیی و پێکهاتەکان.

 

گوتاری سه‌رۆك وه‌زیران مه‌سرور بارزانی به‌بۆنه‌ی سه‌د رۆژی كاركردنی كابینه‌ی نۆیه‌می حكومه‌تی هه‌رێمی كوردستان

SAT, 7 DEC 2019 21:43

لە ڕۆژی سوێندخواردنی کابینەکەمان لە پەرلەمان، ئاماژەم بەوەکرد، کە ئەرکێکی سەختمان لە ئەستۆ گرتووە، بەڵام وتمان کە پشت بەخوا و متمانەی هاوڵاتیانمان، دەتوانین بەسەر سەختییەکاندا زاڵ ببین و ، ئەم قۆناغە تێپەڕێنین. خۆشحاڵم کە ئەمڕۆ لێرەدا ڕایبگەیەنم ، کە بە بڕوای ئێمە قۆناغی باشمان بڕیوە و ڕەوتی کارەکانمان کەوتووەتە سەر ڕاستەڕێ و دەسکەوتی بەرچاو بەدی هاتوون.