فه‌رمانگه‌ی په‌یوه‌ندییه‌کانی ده‌ره‌وه‌
حكومه‌تی هه‌رێمی كوردستان
TUE, 25 JUN 2019 05:09 Erbil, GMT +3
Source: KRG-DFR DFR publication date: SAT, 13 APR 2019 13:19
بۆ پتەوکردنى زیاترى پەیوەندییەکان، بەرپرسى پەیوەندیەکانى دەرەوەى حکومەت و خاتوو ئان هیدالگۆ، سەرۆکى شارەوانى پاریس و شاندى یاوەرى کۆبوونەوە

لە دیدارێکى نێوان فەلاح مستەفا بەرپرسى پەیوەندیەکانى دەرەوەى حکومەت و خاتوو ئان هیدالگۆ، سەرۆکى شارەوانى پاریس و شاندى یاوەرى کە پێکهاتبوو لە بەڕێزان سیناتۆرى فەڕەنسى ڕێمی فێراود و خاتوو دۆمەنیک ڤێرسین، ڕاوێکاری پارێزگاری پاریس لە بواری شەڕی دژی پەرواێز خستن و ئاوارە و پەنابەران و پاراستنی منداڵ و خاتوو ئەلیکساندرا کۆربێدارد، پارێزگاری ناوچەی دەیەمی پاریس و دۆمەنیک ماس، کونسوڵی گشتی کۆماری فەڕەنسا لە هەرێمی کوردستان باس لە بارودۆخى هەنووکەیی و رەوشى ناوچەکە بەگشتى و پەیوەندى پتەوى نێوان هەرێمى کوردستان و کۆمارى فەڕەنساو چەند تەوەرێکى پەیوەست بە پێکەوەژیان و رەوشى ئاوارەو پەنابەران کرا.

لە کۆبوونەوەکەدا کە بەڕێزان خاتوو سیهام جەبەلى یاریدەدەرى بەرپرسى فەرمانگە و د. على دۆڵەمەڕى نوێنەرى حکومەتى هەرێم لە فەڕەنساو عبدالسلام رشید بەڕێوەبەرى گشتى لە فەرمانگەى پەیوەندیەکان ئامادەبوون، بەرپرسی پەیوەندیەکانی دەرەوە بەناوی فەرمانگەی پەیوەندیەکانی دەرەوە بەخێرهاتنی شاندی میوانی کرد و خۆشحاڵی خۆی دەربڕی بەم سەردانە و گوتی مایەى خۆشحاڵیەکى گەورەیە شاندێکی لەم ئاستە سەردانی هەرێمی کوردستان دەکات.

بەڕێزیان گووتى ئێمە لە ناوچەیەکی دژوارو پڕ لە کێشە دەژین و مەترسى تیرۆرستان هەمیشە لە ئارادایە بۆیە پێویستمان بە پشتیوانی کۆمەڵگەى نێودەوڵەتى هەیە. ئێمە پابەندین بە بنەماکانی دیموکراسی و مافی مرۆڤ بەڵام بە تەنیا ناتوانین ئەو بنەمایانە بچەسپێنین بۆیە پێویستمان بە هاوکاری ئێوە هەیە.

بەڕێزیان گوتى وەکو فەرمانگەی پەیوەندیەکانی دەرەوە بۆ بنیات نان و دروست کردنی پردی پەیوەندی لەگەڵ جیهانی دەرەوە لەڕێگەی نوێنەرایەتی حکومەتی هەرێم لە فەڕەنسا دەخوازین زیاتر پەرە بە پەیوەندیەکانمان بدەین. کۆمارى فەڕەنسا بە درێژایی مێژوو پشتیوانی لە گەلی کوردستان کردووە و بە تایبەتی لە ماوەی ئەم چەند ساڵەی دواییدا پشتیوانی زیاتر بووە بۆ ئاوارە و پەنابەران و پێکهاتەکان و شەڕ دژی تیرۆریستانی داعش.

فەلاح مستەفا گوتى ئێمە پێشبینی ئەوەمان هەیە ئێوە پشتگیریمان بکەن بۆ پێشخستنى بوارەکانى دیموکراسی و پەرلەمانی و تواناسازی ئافرەتان و گەنجان بۆ ئەوەی بتوانین هەرێمێکی دیموکراسی دروست بکەین. هاوکات، هەرێمی کوردستان ئەزموونێکی نوێی هەیە لە سیستەمی حوکمڕانی دیموکراسی بۆیە پێویستمان بە وڵاتێکی وەکو فەڕەنسا هەیە لە ڕووی ئەزمونی حوکمڕانی.

لە تەوەرێکى تر بەرپرسى پەیوەندیەکانى دەرەوە تیشکى خستەسەر بارودۆخى هەرێمى کوردستان و هەوڵەکان بۆ پێکهێنانى حکومەت و سەقامگیرى و باشکردنى گوزەرانى هاوڵاتیانى و بووژانەوەى ئابوورى و جوڵەى بازرگانى.

 

پاشان خاتوو ئان هیدالگۆ،  سەرۆکى شارەوانى پاریس وێڕاى  سووپاسگوزارى گوتى ئەمە دەرفەتێکی باش بوو بۆ برەودان بە پەیوەندیەکانمان لەگەڵ شارەوانی پاریس بە ئامادەبوونی کونسوڵی گشتی فەڕەنسا لە هەرێمی کوردستان، زۆر سەرسامم بەو ووزە و ویستەی لەلایەن سەرکردەکانی هەرێمی کوردستان و بەڕێزتان هەستی پێدەکەم بۆ بەرجەستەکردنی سەقامگیری زیاتر لە ناوچەکە و دابینکردنی ئایندەیەکی باشتر بۆ هەرێمی کوردستان.

بەڕێزیان گوتى ئەوەی جێگەی بایەخە ستایشی شێوازی بەڕێوەبردن و پێشوازی کردن و لەخۆگرتنی ئەو ژمارە زۆرەی ئاوارە و پەنابەرانە لە هەرێمی کوردستان کە بەشێوەیەکی پیشەییانە و مرۆییانە پێشوازیتان لە ئاوارە و پەنابەران کرد، پێموایە سەرەڕای کێشەکان ئەو ڕۆڵەی هەرێمی کوردستان گێڕای لە ناوچەکە وەکو بڵێسەیەکی ڕووناکی بوو کە توانیتان بەسەر ئاستەنگ و زەحمەتیەکان زاڵ بن و ڕووبەڕوویان ببنەوە.

هەروا گوتى هەرێمی کوردستان و شارەوانى پاریس دەتوانن هەماهەنگ و هاوکاری زیاتر بن لە بوارە جیاجیاکان بە تایبەتی پارێزگاکانی هەرێمی کوردستان و پارێزگای پاریس بۆ کار کردن لەسەر لەیەک نزیک بوونەوەی زیاتر و هەماهەنگی لەڕووی کەلتوری و پەروەردە و شوێنەوار و پەرەپێدانی هاتووچۆ و گەشەپێدانی ئابووری و ئاوەدانکردنەوەی شوێنەوارە مێژووییەکان. دەکرێت تیمەکانمان سەردانی هەرێمی کوردستان بکەن بۆ هەماهەنگی و هاوکاری زیاتر.

خاتوو ئان هیدالگۆ  گوتى هەرێمی کوردستان دەرفەتێکی گرنگی لەبەردەمە بۆ ئەوەی ڕۆڵی نوێگەری ببینێت لەڕووی دیموکراسی و پێگەی ئافرەت و ببێتە نموونەیەکى جوان لە ناوچەکە. هاوکات ئامادەیی نیشاندا بۆ ئەوەى لە نزیکەوە هەماهەنگ بن بۆ کارکردن لەسەر پڕۆژە هاوبەشەکان لەگەڵ هەرێمی کوردستان.




بە مەبەستى پیرۆزبایی کردن لە سەرۆکى تازەى هەرێمى کوردستان و سەرۆک وەزیرانى راسپێردراوى هەرێم، باڵیۆزى سودان لە عیراق سەردانى فەرمانگەى پەیوەندیەکانى دەرەوەى کرد
TUE, 18 JUN 2019 10:41

  بە مەبەستى پیرۆزبایی کردن لە سەرۆکى تازەى هەرێمى کوردستان بەڕێز نێچیرڤان بارزانى و سەرۆک وەزیرانى راسپێردراو بەڕێز مەسرور بارزانى، ئەمڕۆ سێشەممە باڵیۆزى کۆمارى سودان لە عیراق بەڕێز یاسین عەوەز ئیسماعیل سەردانى فەرمانگەى پەیوەندیەکانى دەرەوەى کردو لەلایەن فەلاح مستەفا بەرپرسى پەیوەندیەکانى دەرەوەى حکومەت پێشوازی لێکرا.

 
ئاستى پەیوەندیەکانى دەرەوەى هەرێم لە فراوانبووندایەو ئەمڕۆ کونسوڵى فەخرى کۆمارى قوبرس دەستبەکاربوو
MON, 17 JUN 2019 12:12

لەسەر داواى فەرمى وەزارەتى دەرەوەى قوبرس و دواى رەزامەندى وەزارەتى دەرەوەى حکومەتى فیدڕال و حکومەتى هەرێمى کوردستان بۆ دەستنیشانکردنى کونسوڵى فەخرى قوبرس لەهەولێر، ئەمڕۆ دووشەممە بەڕێز ئیبراهیم سندى بەبۆنەى دەستبەکاربوونى وەک کونسوڵى فەخرى وڵاتى قوبرس لە هەولێر، سەردانى فەرمانگەى پەیوەندیەکانى دەرەوەى حکومەتى کردو بەڵگەنامەکانى خۆى پێشکەش بە فەلاح مستەفا بەرپرسى پەیوەندیەکانى دەرەوە کرد.

 
فه‌لاح مسته‌فا: ئه‌مه‌ریکا له‌رێگای جیاواز پەیامی پشتیوانی بۆ کوردستان ناردووه‌
MON, 17 JUN 2019 10:00

به‌رپرسی فه‌رمانگه‌ی په‌یوه‌ندیه‌کانی ده‌ره‌وه‌ی حکوومه‌تی هه‌رێمی کوردستان باس له‌په‌یوه‌ندی هه‌رێم و وڵاتانی جیهان ده‌کات و پێی وایه‌ که‌ هه‌نگاوی گرنگ و باش نراوه‌ بۆ دروستکردنی و به‌هێزکردنه‌وه‌ی په‌یوه‌ندیه‌کانی کوردستان و جیهانی ده‌ره‌وه‌.

 

 

سه‌رۆكى هه‌رێمى كوردستان: زه‌مینه‌ى وه‌به‌رهێنان باشتر ده‌كه‌ین

SUN, 23 JUN 2019 23:11

ئێواره‌ی ئه‌مڕۆ یه‌كشه‌ممه‌ 23/6/2019 به‌ ئاماده‌بوونی به‌ڕێز نێچیرڤان بارزانی سه‌رۆكی هه‌رێمی كوردستان، به‌ڕێزان ئه‌ندرۆ پیك جێگری یاریده‌ده‌ری وه‌زیری ده‌ره‌وه‌ی ئه‌مه‌ریكا، ماتیۆ تیووله‌ر باڵیۆزی ئه‌مه‌ریكا له‌ عێراق و ستیڤ لوتس جێگری سه‌رۆكی ژووری بازرگانیی ئه‌مه‌ریكا بۆ ڕۆژهه‌ڵاتی ناوه‌ڕاست و سه‌رۆكی یه‌كێتیی ژووره‌ بازرگانییه‌كانی عێراق و ژماره‌یه‌ك له‌ به‌رپرسانی حكوومه‌تی هه‌رێمی كوردستان و بزنسمان و خاوه‌ن كارانی بیانی و ناوخۆ، به‌بۆنه‌ى ئیمزاكرنی یاداشتى لێكگه‌یشتنی نێوان ژوورى بازرگانیى ئه‌مه‌ریكى و یه‌كێتیى ژووره‌كانى بازرگانى و پیشه‌سازیى هه‌رێمى كوردستان كه‌ ئه‌مڕۆ واژۆ كرا بوو، به‌ڕێوه ‌چوو.

 

فەلاح مستەفا بەشدارى لە رۆژى جیهانى پەنابەران كرد

THU, 20 JUN 2019 23:29

لە مەڕاسیمەکەدا  فەلاح مستەفا ووتارێکى پێشکەش کردو تیایدا ئاماژەى بەوە کرد کە ئەمڕۆ دیاردەى کۆچ گەورەترین کێشەیە لەسەر ئاستى جیهان، لەهیچ سەردەم و قۆناغێک وەک چەند ساڵى رابردوو نەبووە. دەکرێ ناوى سەدەى بیست و یەک بنێین سەدەى ئاوارەو پەنابەرى. ساڵانە ژماریەکى زۆر خەلک ماڵ و حاڵى خۆیان جێ دەهێلن بە هۆى شەڕى ناوخۆ، ململانێى سەربازى، چەوساندنەوە، دەستدرێژى و توندوتیژى.

 

توێژینه‌وه‌ی قوتابیه‌كی كورد لە پۆڵۆنیا به‌یه‌كێك له‌باشترین توێژینه‌وه‌كانی ساڵ هه‌ڵبژێردرا

THU, 20 JUN 2019 11:58

پێشه‌نگ نه‌وشیروان حمه‌كریم قوتابی ماسته‌ر له‌زانكۆی پۆلیته‌كنیكی وارشۆ به‌شی ئه‌ندازیاری ژینگه‌توانی به‌پله‌ی 'نایاب' قۆناغی ماسته‌ر ته‌واو بكات. توێژینه‌وه‌كه‌ی پێشه‌نگ له‌لایه‌ن ده‌سته‌ی سه‌رپه‌رشتیاری توێژینه‌وه‌كانی زانكۆی پۆلیته‌كنیكی وارشۆ به‌یه‌كێك له‌باشترین توێژینه‌وه‌كانی ئه‌مساڵ ده‌ستنیشانكرا.

 

پتەوکردنى پەیوەندیە دووقۆڵیەکان، تەوەرى سەرەکى دیدارى نێوان فەلاح مستەفا و باڵیۆزى هۆڵەندا لە عیراق و شاندى یاوەرى بوو

WED, 19 JUN 2019 15:03

ئەمڕۆ چوارشەممە فەلاح مستەفا بەرپرسی پەیوەندیەکانى دەرەوەى حکومەتى هەرێم پێشوازى لە بەڕێز ماتیێس وۆڵتەرس باڵیۆزى شانشینى هۆڵەندا لە عیراق و شاندێکى یاوەرى کرد.