فه‌رمانگه‌ی په‌یوه‌ندییه‌کانی ده‌ره‌وه‌
حكومه‌تی هه‌رێمی كوردستان
SUN, 21 APR 2019 05:53 Erbil, GMT +3
Source: KRG-DFR DFR publication date: SAT, 13 APR 2019 15:35
نێچیرڤان بارزانی پێشوازی له‌ سه‌رۆكی شاره‌وانیی پاریس ده‌كات

نیوه‌ڕۆی ئه‌مڕۆ شه‌ممه‌ 13/4/2019 به‌ڕێز نێچیرڤان بارزانی سه‌رۆك وه‌زیرانی هه‌رێمی كوردستان، پێشوازی له‌ خاتوو ئان هیدالگۆ سه‌رۆكی شاره‌وانیی پاریس و شاندێكی یاوه‌ری كرد.

له‌ دیدارێكدا خاتوو هیدالگۆ جیا له‌ ده‌ربڕینی خۆشحاڵیی به‌ سه‌ردانی هه‌رێمی كوردستان، باسی له‌ به‌رنامه‌ی سه‌ركادانه‌كه‌ی كرد كه‌ ده‌خوازن په‌یوه‌ندیی باشیان له‌گه‌ڵ پارێزگای هه‌ولێر و شاره‌كانی دیكه‌ی هه‌رێمی كوردستاندا هه‌بێت و له‌ بواره‌كانی وزه‌ی پاك، كولتوور، گواستنه‌وه‌ و گه‌یاندن و په‌ره‌پێدانی په‌یوه‌ندییه‌كان له‌ هه‌موو بواره‌كاندا هاوكاریی هه‌رێمی كوردستان بكه‌ن، هه‌روه‌ها سوپاسی حكوومه‌ت و خه‌ڵكی هه‌رێمی كوردستانی كرد بۆ‌ پێشوازییان له‌ ژماره‌یه‌كی زۆری ئاواره‌ و په‌نابه‌ران‌ و به‌رگریی پێشمه‌رگه‌ له‌ ئاسایشی هه‌موو جیهان و به‌ها جیهانییه‌ هاوبه‌شه‌كانی پێكه‌وه‌ژیان و لێبوورده‌یی و ئاشتی و ته‌بایی‌ و هیوای پێشكه‌وتنی زیاتری بۆ هه‌رێمی كوردستان خواست.

لای خۆیه‌وه‌ به‌ڕێز نێچیرڤان بارزانی وێڕای به‌گه‌رمی به‌خێرهێنانی خاتوو هیدالگۆ، سوپاسی فه‌ره‌نسا و كۆمه‌ڵگه‌ی نێوده‌وڵه‌تی كرد كه‌ له‌ شه‌ڕی داعشدا هاوكاریی هه‌رێمی كوردستانیان كرد، چونكه‌‌ بێ ئه‌و هاوكارییه‌ سه‌ركه‌وتن به‌ده‌ست نه‌ده‌هات و له‌ناوبردنی فكری داعشی به‌ پێویستیی ئه‌م قۆناغه‌ زانی، هه‌روه‌ها سوپاسی سه‌رۆک ماکرۆن سه‌رۆكی فه‌ره‌نسای كرد كه‌ دوای ڕووداو و كێشه‌كانی ئۆكتۆبه‌ری ساڵی 2017 له‌ ڕووی سیاسییه‌وه‌ پشتگیریی هه‌رێمی كوردستانی كرد و ده‌رگا سیاسییه‌كانی به‌سه‌ر هه‌رێمدا كرده‌وه‌ و ئه‌مه‌ش بووه‌ هۆی چاره‌سه‌ركردنی به‌شێكی كێشه‌كان له‌گه‌ڵ عێراق و كرانه‌وه‌ی ده‌رگای گفتوگۆ.

به‌ڕێزیان جه‌ختی له‌وه‌ش كرده‌وه‌ كه هه‌رێمی كوردستان‌ شانازی به‌ كولتووری پێكه‌وه‌ژیان، ئاشتی، یه‌كترقبووڵكردن و لێبورده‌یی ده‌كات و خه‌ڵك و حكوومه‌تی هه‌رێمی كوردستان به‌ هه‌موو شێوه‌یه‌ك ئه‌م كولتووره‌ ده‌پارێزن و له‌مباره‌یه‌شه‌وه‌ ئاماژه‌ی به‌ كردنه‌وه‌ی كه‌نیسه‌یه‌كی ئه‌رمه‌نه‌كان کرد که‌ هه‌فته‌ی ڕابردوو له‌ هه‌ولێر کرایه‌وه‌.

به‌ڕێزیان ڕوونی كرده‌وه‌ كه‌ دوای سه‌ركه‌وتن به‌سه‌ر تیرۆردا و باشبوونی په‌یوه‌ندییه‌كان له‌گه‌ڵ به‌غدا و باشتربوونی دۆخی ژیان و ئابووری له‌ هه‌رێمی كوردستان، ئێستا كاتی ئه‌وه‌ هاتووه‌ له‌سه‌ر بابه‌تی وه‌ك وزه‌ی پاك و پاراستنی ژینگه‌ و فراوانكردنی زیاتری كولتووری پێكه‌وه‌ژیان كار بكه‌ین و سوپاسی فه‌ره‌نسای كرد كه‌ له‌م بوارانه‌دا هاوكاریی هه‌رێمی كوردستان ده‌كات، هه‌روه‌ك سوپاسی كردن بۆ گرنگیدانیان به‌ قوتابخانه‌ و ئاواره‌ و په‌نابه‌ران.

تاوتوێكردنی دۆخی ناوچه‌كه‌ و چه‌ند بابه‌تێكی دیکه‌، به‌شێكی دیكه‌ی دیداره‌كه‌ بوون.




بەرپرسی پەیوەندیەکانی دەرەوە پێشوازی لە شاندێکی پەیمانگای سمزۆنیانی ئەمریکی كرد
WED, 17 APR 2019 15:30

فەلاح مستەفا، بەرپرسی پەیوەندیەکانی دەرەوە پێشوازی کرد لە بەڕێز جۆن دەیڤز، یاریدەدەری ڕاگر بۆ کاروباری مۆزەخانە و توێژینەوە لە پەیمانگای سمزۆنیانی ئەمریکی بە یاوەری خاتوو جێسیکا جۆنسن، سەرۆکی بەشی پارێزگاری کردنی مۆزەخانە لە پەیمانگای ناوبراو و شاندی یاوەری.

 
نێچیرڤان بارزانی جه‌خت له‌ په‌ره‌پێدانی په‌یوه‌ندییه‌کان له‌گه‌ڵ قه‌ته‌ر ده‌کاته‌وه‌
WED, 17 APR 2019 14:02

به‌ڕێز نێچیرڤان بارزانی له‌ دیدارێكدا له‌گه‌ڵ به‌ڕێز حسێن ئه‌لفه‌زاله‌ هه‌ڵسوڕێنه‌ری كاروباری باڵیۆزخانه‌ی قه‌ته‌ر له‌ به‌غدا، خواستی حكوومه‌تی هه‌رێمی كوردستانی بۆ به‌ره‌وپێشبردنی په‌یوه‌ندییه‌كانی له‌گه‌ڵ قه‌ته‌ر نیشان دا، پوخته‌یه‌كیشی ده‌رباره‌ی قه‌یرانه‌كانی‌‌ ساڵانی ڕابردوو و تێپه‌ڕاندنیان به‌ شێوه‌یه‌كی سه‌ركه‌وتوو پێشكه‌ش كرد به‌تایبه‌تی ئاساییبوونه‌وه‌ی په‌یوه‌ندییه‌كانی هه‌ولێر ـ به‌غدا و بڕیاردان له‌سه‌ر گفوگۆ بۆ چاره‌سه‌ركردنی كێشه‌كان.

 
بەرپرسى پەیوەندیەکانى دەرەوەى حکومەت لەگەڵ جێگرى باڵیۆزى وڵاتى قەتەر لە عیراق پتەوکردنى پەیوەندیە دووقۆڵیەکانیان تاوتوێ کرد
WED, 17 APR 2019 12:10

لە دیدارێکى نێوان فەلاح مستەفا بەرپرسى پەیوەندیەکانى دەرەوەى حکومەت لەگەڵ بەڕێز حسین ئەلفەزالە جێگرى باڵیۆزى وڵاتى قەتەر لە عیراق باس لە میکانیزمى پتەوکردنى پەیوەندیەکان و کردنەوەى نوێنەرایەتى ئەو وڵاتە لە هەرێم و بارودۆخى سیاسى و پرسى پێکهێنانى حکومەت و دەرفەتەکانى کارو وەبەرهێنان کرا.

 

 

فەلاح مستەفا لەگەڵ شاندێکی شانشینی هۆڵەندا ویستى هەرێمى کوردستانى خستەڕوو بۆ پێشخستنى کەرتى کشتوکاڵ و خۆراک

THU, 18 APR 2019 14:44

بە مەبەستى پتەوکردنى زیاترى پەیوەندیەکان و لە نزیکەوە ئاشنا بوون بە ڕەوشی هەرێمی کوردستان و هەماهەنگى و دەرفەتەکانى کار، ئەمڕۆ شاندێکی شانشینی هۆڵەندا کە پێکهاتبوو لە بەڕێزان عبدالله شاشی، لە وەزارەتی دەرەوەی هۆڵەندا و خاتوو میلینا ڕۆو لە ئاژانسی هۆڵەندا بۆ پڕۆژەکانی پەرەپێدانی بەردەوام و ویلیام کۆزاین کونسوڵی گشتی شانشینی هۆڵەندا لە هەرێم سەردانى فەرمانگەى پەیوەندیەکانى دەرەوەیان کرد و لەلایەن فەلاح مستەفا، بەرپرسی پەیوەندیەکانی دەرەوەى حکومەت پێشوازیان لێکرا.

 

کۆماری بوڵگاریا نوێنەرایەتى وڵاتەکەى لە هەرێمى کوردستان دەباتە قۆناغێکى پێشکەوتووتر

THU, 18 APR 2019 12:10

لە دیدارێکی نێوان فەلاح مستەفا، بەرپرسی پەیوەندیەکانی دەرەوەى حکومەت لەگەڵ بەڕێز پلامین هریستۆڤ، هەڵسوڕێنەری کاروباری باڵیۆزخانەی کۆماری بولگاریا لە عێراق باس لە پتەوکردنی پەیوەندیە دووقۆلیەکان و فراوانکردنی ئاستى پەیوەندی بازرگانی و ئابووری و ئەمنی کرا.

 

بەرپرسی پەیوەندیەکانی دەرەوە پێشوازی لە شاندێکی دامەزراوەی کۆنراد ئەدیناوێری ئەڵمانی کرد

WED, 17 APR 2019 15:59

ئەمڕۆ چوارشەممە، ڕێکەوتی ١٧/٤/٢٠١٩، فەلاح مستەفا، بەرپرسی پەیوەندیەکانی دەرەوە، پێشوازی کرد لە شاندێکی دامەزراوەی کۆنراد ئەدیناوێری ئەڵمانی بە سەرۆکایەتی بەڕێز گریگۆر جایکی، بەرپرسی بەشی کاروباری دەرەوە بۆ پرسی سوریا و عێراق و بەڕێز ڕەنج عەلائەددین، لە پەیمانگای بڕۆکینگز و شاندی یاوەری بە مەبەستی تاوتوێ کردنی دوایین بەرەوەپێشچوونەکانی ناوچەکە و بوارەکانی هەماهەنگی و لێکۆڵینەوە.

 

فەلاح مستەفا بارودۆخى سیاسى و مرۆیى لەگەڵ گەورە لێکۆڵەرێکى گروپى قەیرانەکانى نێودەوڵەتى تاوتوێ کرد

WED, 17 APR 2019 15:44

ئەمرۆ رۆژى چوارشەممە ١٧/٤/٢٠١٩ فەلاح مستەفا بەرپرسى پەیوەندیەکانى دەرەوەى حکومەتى هەرێمى کوردستان لەگەڵ خاتوو دارین خەلیفە گەورە لێکۆڵەرى گروپى قەیرانەکانى نێودەوڵەتى کۆبوونەوە و کە تیایدا گەنگەشەى رەوشى سیاسى و مرۆیى و قەیرانەکان کرد لە هەرێمى کوردستان و عیراق و سوریا بەتایبەتى لە قۆناغى دواى داعش.