فه‌رمانگه‌ی په‌یوه‌ندییه‌کانی ده‌ره‌وه‌
حكومه‌تی هه‌رێمی كوردستان
FRI, 6 DEC 2019 16:03 Erbil, GMT +3
Source: KRG-DFR DFR publication date: SUN, 14 APR 2019 15:26
فەلاح مستەفا لەگەڵ سەرۆکی دەستەی خێرخوازی ئیسلامی جیهانی کۆبووەوە باسیان لە میکانیزمى هاوکارى کردنى پەنابەران و شیاندن و پەرەپێدانى توانا مرۆییەکان کرد

ئەمڕۆ یەکشەممە شاندێکی باڵای دەستەی خێرخوازی ئیسلامی جیهانی کە پێکهاتبوو لە بەڕێزان د.عبداللە معتوق، سەرۆکی دەستەى خێرخوازی ئیسلامی جیهانی و بدر سعود، بەڕێوەبەری گشتی دەستە و خاتوو هدیل سبتی ڕاوێژکاری دەستە بە یاوەری بەڕێز د.عمر ئەلکەندەرى، کونسوڵی گشتی دەوڵەتی کوێت لە هەرێمی کوردستان، سەردانى فەرمانگەى پەیوەندیەکانى دەرەوەى حکومەتیان کرد و لەلایەن فەلاح مستەفا بەرپرسی پەیوەندیەکانی دەرەوەى حکومەت پێشوازیان لێکرا.

لە دیدارەکەدا، کە خاتوو سیهام جەبەلی، یاریدەدەری بەرپرسی فەرمانگە ئامادەبوو، بەرپرسی پەیوەندیەکانی دەرەوە تیشکی خستە سەر پەیوەندی نێوان هەرێمی کوردستان و دەوڵەتی کوێت، پاشان ستایشی میرى کوێت وگەل وحکومەتى کوێتی کرد کە هەمیشە وەک دۆستێکى نزیک بوونە بۆ گەلى کوردستان و لەم چەند ساڵەى دواییش رۆلى بەرچاویان هەبووە  لە هاوکاری مرۆیی بۆ ئاوارە و پەنابەرانی نیشتەجێی هەرێمی کوردستان.

فەلاح مستەفا پوختەیەکى لەسەر رەوشى هەرێمى کوردستان و قۆناغەکانى پێشووەچوون و شەڕى تیرۆریستانى داعش و لێشاوى ئاوارەو پەنابەران پێشکەش بە شاندى میوان کردو گووتى دەخوازین رێکخراوە مرۆیی و خێرخوازیەکان لە کۆمەک و یارمەتیدانى ئاوارەو پەنابەران بەردەوامبن، چونکە تا ئێستاش بە هۆى ناسەقامگیرى ناوچەکانیان ژمارەیەکى زۆرى ئاوارەى ناوخۆیی و پەنابەرى سورى لە هەرێمى کوردستانن. بەڕێزیان هیواى خواست جگە لە پێداویستى و خۆراک، رێکخراوەکان رۆلیان هەبێت بۆ دووبارە شیاندنەوەو سوود وەرگرتن لە تواناکانیان و هاندانیان بۆ ئەوەى بگەڕێنەوە جێگەو رێگەى خۆیان.

 

لەلای خۆیەوە، بەڕێز عبداللە معتوق، خۆشحاڵی خۆی بۆ ئەم سەردانە دەربڕى و ستایشی هەنگاوەکانى حکومەتی هەرێمی کوردستانى کرد لە بەرامبەر ئەو ڕۆڵەى لە چەند ساڵی رابردوو بینی بە لەخۆگرتنی ژمارەیەکی زۆری ئاوارە و پەنابەران. بەڕێزیان تیشکی خستە سەر هاوکاری مرۆیی و هەنگاوی جددی بۆ سەرنج خستنە سەر پڕۆژەکانی پەرەپێدانى تواناى مرۆیی و دووبارە شیاندنەوە بۆ قوربانیانی شەڕی دژ بە داعش.

هەردولا تیشکیان خستە سەر دوایین بەرەوپێشچوونەکانی کۆنگرەی ئاوەدانکردنەوەی عێراق لە کوێت و گرنگی چڕکردنەوەی هەوڵەکان بۆ دووبارە ئاوەدانکردنەوەی ناوچە ئازاد کراوەکان و هاوکاری ئاوارە و پەنابەران لەڕووی پێداویستیە سەرەتاییەکان و پڕۆژەکانی سەقامگیری و ئاسایش.


جێگەى باسە دەستەی خێرخوازی ئیسلامی جیهانی بە یەکێک لە گەورەترین دامەزراوەکانى جیهانى ئیسلامى دێتە ژماردن کە لە بوارى مرۆیى کاربکات. ئەم دەستەیە لە ساڵى ١٩٨٤ لە ولاتى کوێت دامەزراوەو ئامانجى بەرەنگاربوونەوەى هەژارى و نەخوێندەوارى و نەخۆشییە. 




بەرپرسی پەیوەندیەکانی دەرەوەی حکومەت پێشوازی ڕێکخراوی (هاوبەشانى حوکمڕانى جیهانى) بەریتانى کرد
THU, 5 DEC 2019 10:34

لە کۆبوونەوەکە، هەردوولا گفتوگۆیان کرد دەربارەی گرینگی بەرەوپێشبردنی کوالیتی سیاسەتی دەرەکی حکومەت لەسەر ئاستی جیهانی و بەهێزکردنی دام و دەزگاکاکانی حکومەت و گێڕانی ڕۆڵی دیموکراسیانە لە پێشهات و پرسە سیاسیەکاندا.

 
ئەنجومەنی وەزیران گفتوگۆ دەربارەی رێککەوتنی پڕۆژە بودجەی ٢٠٢٠ و دۆخی کارەبا لە هەرێمی کوردستان دەکات
WED, 4 DEC 2019 15:15

هەولێر، هەرێمی کوردستان، عێراق (GOV.KRD) - ئەمڕۆ چوارشەممە ٢٠١٩/١٢/٤ ئەنجومەنی وەزیرانی هەرێمی کوردستان بە سەرپەرشتی مەسرور بارزانی سەرۆکی ئەنجومەنی وەزیران و ئامادەبوونی قوباد تاڵەبانی جێگری سەرۆک وەزیران کۆبووەوە.

 
بۆ یەکەمجار لەسەر ئاستى هەرێمى کوردستان و عێراق، بەشى زمانى چینى لە زانکۆى سەڵاحەدین کرایەوە
TUE, 3 DEC 2019 18:42

بە ئامادەبوونى بەڕێزان هێمن هەورامى جێگرى سەرۆکى پەرلەمان و د. ئارام محمد قادر وەزیرى خوێندنى باڵا و توێژینەوەى زانستى و  نى روچى کونسوڵى گشتى کۆمارى چینى میللى و خاتوو سیهام جەبەلى نوێنەرى فەرمانگەى پەیوەندیەکانى دەرەوەو سەرۆک زانکۆ و ڕاوێژکارو بەڕێوەبەرانى گشتى وەزارەت و مامۆستایان، بۆ یەکەمجار لەسەر ئاستى هەرێمى کوردستان و عێراق و لە هەنگاوێکى زانستیداو بەئاراستەى کرانەوە بەڕوى وڵاتانى دونیاو ئاشنا بون بە کلتور و فەرهەنگ و مێژوى وڵاتى چین، بەشى زمانى چینى لە زانکۆى سەڵاحەدین کرایەوە.

 

 

بەرپرسی پەیوەندیەکانی دەرەوە پێشوازی لە شاندی ژووری بازرگانی ئەمریکا کرد

THU, 5 DEC 2019 13:31

ئەمڕۆ پێنجشەممە، ڕێکەوتی (٥/١٢/٢٠١٩) ، سەفین دزەیی، بەرپرسی پەیوەندیەکانی دەرەوە، پێشوازی له‌ به‌ڕێز ستیڤ لەتس، جێگری سەرۆکی کاروباری ڕۆژهەڵاتی ناوەڕاستی ژووری بازرگانی ئەمریکا و شاندی یاوەری کرد بە ئامانجی تاوتوێ کردنی برەودانی پەیوەندیەکانی  ئابووری و بازرگانی و وەبەرهێنان.

 

کونسوڵی گشتی نوێی هەنگاریا لە هەرێمی کوردستان دەستبەکاربوو، لەلایەن بەرپرسی پەیوەندیەکانى دەرەوەى حکومەت پێشوازى لێکرا

THU, 5 DEC 2019 13:10

ئەمڕۆ پێنجشەممە، ڕێکەوتی (٥/١٢/٢٠١٩) ، سەفین دزەیی، بەرپرسی پەیوەندیەکانی دەرەوە، پێشوازی له‌ به‌ڕێز ئیشتڤان ئیمری کونسوڵی گشتی هەنگاریا لە هەرێمی کوردستان كرد کە تیایدا هەردولا تاوتوێی دوایین پرسە هەنووکەییەکان و پەرەسەندنە سیاسی و ئەمنی و مرۆییەکان کرد و هیوایان خواست بەردەوام بن لەسەر برەودانی زیاتری پەیوەندیەکانی بەرژەوەندی هاوبەش.

 

راگەیاندراوێك لە فەرماندەی گشتیی هێزی پێشمه‌رگه‌ی هەرێمی كوردستانەوە

THU, 5 DEC 2019 11:39

پەلاماری داعش بۆ سەر لیوایەكی پێشمەرگەی كوردستان لە خانەقین، دوابەدوای زنجیرەیەك كردەوەی تیرۆریستیی یەك لە دوایەكی ئەم چەند مانگەی رابردوو لە ناوچەكانی دەوروبەری كەركووك و گەرمیان، سەلمێنەری ئەو ڕاستییەیە كە داعش كۆتایی نەهاتووە و هێشتا هەڕەشەیە بۆ سەر ئارامی و ئاساییش، شەڕی لەنێوبردنی ئەو دوژمنە سەرسەختەی مرۆڤایەتی هێشتا درێژەی هەیە.

 

سەفین دزەیى بەرپرسى پەیوەندیەکانى دەرەوەى حکومەت لەگەڵ ریکاردۆ رۆدریگز بەرپرسى نووسینگەى نەتەوە یەکگرتووەکان لە هەرێمى کوردستان (UNAMI) کۆبووەوە

THU, 5 DEC 2019 11:36

لە دیدارێکى نێوان سەفین دزەیى بەرپرسى پەیوەندیەکانى دەرەوەى حکومەت لەگەڵ ریکاردۆ رۆدریگز بەرپرسى نووسینگەى نەتەوە یەکگرتووەکان لە هەرێمى کوردستان UNAMI باس لە هاوکارى هەماهەنگى نێوان دامەزراوەکانى هەرێم و ئاژانسەکانى نەتەوە یەکگرتووەکان کرا.