فه‌رمانگه‌ی په‌یوه‌ندییه‌کانی ده‌ره‌وه‌
حكومه‌تی هه‌رێمی كوردستان
THU, 20 JUN 2019 14:47 Erbil, GMT +3
Source: KRG-DFR DFR publication date: SUN, 28 APR 2019 13:04
بەبۆنەى رۆژى لەدایکبوونى پادشاى هۆڵەندا ویلیەم ئەلیکساندەر، کونسولگەرى گشتى شانشینى هۆڵەندا لە هەولێر ئاهەنگێکى پێشوازى سازکرد

ئێوارەی ٢٧ی نیسانی ٢٠١٩ فەلاح مستەفا، بەرپرسی پەیوەندیەکانی دەرەوەی حکومەت بەشداری لە ئاهەنگێکى پێشوازى کرد کە بەبۆنەى یادى لەدایکبوونى پادشاى هۆڵەندا ولیام ئەلیکساندەر لەهەولێر سازکرابوو، بەڕێزیان بەناوى گەل و حکومەتى هەرێمى کوردستان ووتارێکی پێشکەشکرد و لە نزیکەوە پیرۆزبایی ئەم یادەى لێکردن و جەختى لە بایەخى پەیوەندیە دووقۆڵیەکان کردەوە بۆ سوودو بەرژەوەندى هەردوولا.

 

لە رێوڕەسمەکەدا کە ژمارەیەک لە وەزیرو پەرلەمانتارو دیپلۆماتکارو نوێنەرانى لایەنە سیاسیەکان و میوانان و رەوەندى هۆڵەندى لە هەرێم ئامادەبوون، فەلاح مستەفا گوتی بە دەرفەتی دەزانم لێرەوە سوپاسی حکومەتی هۆڵەندا بکەم کە لە ماوەی ڕابردوودا پشتیوانی بەردەوامی هەرێمی کوردستان بوون چ لە هاوکارى و پشتیوانى هێزەکانى پێشمەرگە دژى تیرۆریستانى داعش، چ یارمەتى و کۆمەک کردنى ئاوارەو پەنابەران. هاوکات تیشکی خستەسەر پەیوەندی پتەوو لەمێژینەی نێوان هۆڵەندا و هەرێمى کوردستان لە بوارە جیاجیاکانی سیاسی و ئابووری و بازرگانى، هەروەها هۆڵەندای بە نموونەی مێژوویەکی پڕ سەروەری لە دیموکراسیەت و حوکمڕانیەکی بەهێز لە بوارەکانى پەرەپێدانی ژێرخان و بونیاتنان و گەشەپێدانى تواناى ئافرەتان و گەنجان هێنایەوە.

لە بەشێکی تری ووتارەکەیدا فەلاح مستەفا ووتی "هۆڵەندا دووەم گەورەترین وەبەرهێنەری بەرهەمە کشتوکاڵیەکانەو پێگەى بەرچاویان لە بازاڕەکانی جیهاندا هەیە، ئێمەش لە هەرێمی کوردستان خۆشحاڵین بەو پەیوەندیە ئابووریە بەهێزەی کە لە نێوان هەردوو حکومەتدا لە سێکتەری گشتی و تایبەتدا هەیە. هەروا گووتى هەرێمی  کوردستان چاوی لە پەرەپێدان و گەشەسەندنی زیاترە لەگەڵ شانشینی هۆڵەندا لە سەرجەم بوارەکاندا.

 

لە مەڕاسیمەکەدا بەڕێز ویلیام نیکۆلاس کوزین، کونسوڵی گشتی شانشینی هۆڵەندا لە هەرێمی کوردستان لە ووتارێکى پێشکەشکرد و بەخێرهاتنی سەرجەم میوانانى کرد و ئامادەبوونیانی بەرز نرخاند لە مەڕاسیمی ئاهەنگگێڕان بەبۆنەی یادی لەدایکبوونی پادشاى هۆڵەندا ولیام ئەلیکساندەر لە هەولێر.

بەڕێزیان هەماهەنگی و بەیەکەوەبوونی هۆڵەندا و هەرێمی کوردستانی بۆ ئەم یادە بەیەکەوە گرێدا لەڕووی پتەوی و گەشەسەندنی پەیوەندییەکانی نێوانیان ووتی "ئێستا کاتی بووژانەوەو دووبارە بونیاتنانەوەی هیوایە بۆ قۆناغی دوای نەمانی داعش"، هەروەها سەری ڕێز و نەوازشی نواند بۆ هەموو ئەوانەی خۆیان کردە قوربانی و ئەو خێزانانەی ئاوارەو دەربەدەر بوون، لەگەڵ ڕۆڵی ئازایانەو قارەمانانەى هێزەکانی پێشمەرگە.

بەڕێزیان ئەوەشی خستەڕوو کەوا هۆڵەندا پشتیوانی هەرێمی کوردستان دەکات لە دەستپێکردنیدا بۆ قۆناغێکی تازە و بەرەوپێشچوونی پەیوەندیەکان و قوڵترکردنەوەی هەماهەنگیەکانیان و بەیەکەوە کارکردنیان لە سەرجەم بوارەکاندا و بەتایبەتیش لە چوارچێوەى هاوپەیمانی دژی داعش و چاکسازی لە سێکتەری ئەمنیدا، هاوکات لە دابینکردنی هاوکاری مرۆیی بۆ ئاوارەو پەنابەران و بووژانەوەو پەرەپێدانی کەرتی کشتوکاڵ و پڕۆسەی ئاسایشى خۆراک هاوکاری هەرێمی کوردستان دەبن.

 

لە کۆتایی ووتارەکەیدا جەختی لە بەرەوپێشچوونی پەیوەندیەکانی هۆڵەندا و هەرێمی کوردستان کردەوەو ووتی هۆڵەندا بەردەوام دەبێت لە بایەخدا بە پەیوەندی و هەماهەنگیەکانی لەگەڵ هەرێم و چاوی لە پەلهاوێشتی زیاترە بۆ بوارەکانی تری وەکو تەکنەلۆجیا و پلاندانان و کەرتی پەروەردە و وەبەرهێنان.




فه‌لاح مسته‌فا: ئه‌مه‌ریکا له‌رێگای جیاواز پەیامی پشتیوانی بۆ کوردستان ناردووه‌
MON, 17 JUN 2019 10:00

به‌رپرسی فه‌رمانگه‌ی په‌یوه‌ندیه‌کانی ده‌ره‌وه‌ی حکوومه‌تی هه‌رێمی کوردستان باس له‌په‌یوه‌ندی هه‌رێم و وڵاتانی جیهان ده‌کات و پێی وایه‌ که‌ هه‌نگاوی گرنگ و باش نراوه‌ بۆ دروستکردنی و به‌هێزکردنه‌وه‌ی په‌یوه‌ندیه‌کانی کوردستان و جیهانی ده‌ره‌وه‌.

 
حکوومه‌تی هه‌رێم هێرشه‌که‌ی سه‌ر فڕۆكه‌خانه‌ی ئه‌بها‌ ئیدانه‌ ده‌كات
THU, 13 JUN 2019 23:56

به‌ توندی ئیدانه‌ی ئه‌و‌ هێرشه مووشه‌کییه‌ ده‌که‌ین که‌ دوێنێ چوارشه‌ممه‌ 12/6/2019 كرایه‌ سه‌ر فڕۆكه‌خانه‌ی ئه‌بها له‌ شانشینی سعوودیه‌ و له‌ ئه‌نجامدا بیست و شه‌ش كه‌سی سڤیل بریندار بوون و زیانی گه‌وره‌ش به‌ر فڕۆكه‌خانه‌كه‌ كه‌وت.

 
سه‌رۆكى هه‌رێم، مه‌سروور بارزانى بۆ پێكهێنانى حكوومه‌ت ڕاده‌سپێرێت
WED, 12 JUN 2019 15:48

پاشنیوه‌ڕۆى ئه‌مڕۆ چوارشه‌ممه‌ 12/6/2019 به‌ڕێز نێچیرڤان بارزانى سه‌رۆكى هه‌رێمى كوردستان، به‌ ئاماده‌بوونى خاتوو د. ڤاڵا فه‌رید سه‌رۆكى په‌رله‌مانى كوردستان و دادوه‌ر به‌نگین قاسم محه‌مه‌د سه‌رۆكى ئه‌نجومه‌نى دادوه‌ریى هه‌رێمى كوردستان به‌ فه‌رمانى هه‌رێمیى ژمـــاره‌ (1)ى سـاڵـى 2019 و به‌پێى بڕگه‌ى (دوازده‌م)ى مادده‌ى (ده‌یه‌م) له‌ یاساى سه‌رۆكایه‌تیى هه‌رێمى كوردستان ژماره ‌(1)ى ساڵى 2005ى هه‌مواركـراو و پاڵپشت به‌ بڕیارى په‌رله‌مانى كوردستان ژماره ‌(7)ى ساڵى 2019 له‌ دانیشتنى ئاساییى ژماره‌ (8) له‌ (11/6/2019)، بـڕیـارى دا به‌ ڕاسپاردنى به‌ڕێز مه‌سروور بارزانى وه‌ك سه‌رۆكى ئه‌نجومه‌نى وه‌زیران بۆ پێكهێنانى كابینه‌ى وه‌زاریى نۆیه‌مى هه‌رێمى كوردستان.

 

 

توێژینه‌وه‌ی قوتابیه‌كی كورد لە پۆڵۆنیا به‌یه‌كێك له‌باشترین توێژینه‌وه‌كانی ساڵ هه‌ڵبژێردرا

THU, 20 JUN 2019 11:58

پێشه‌نگ نه‌وشیروان حمه‌كریم قوتابی ماسته‌ر له‌زانكۆی پۆلیته‌كنیكی وارشۆ به‌شی ئه‌ندازیاری ژینگه‌توانی به‌پله‌ی 'نایاب' قۆناغی ماسته‌ر ته‌واو بكات. توێژینه‌وه‌كه‌ی پێشه‌نگ له‌لایه‌ن ده‌سته‌ی سه‌رپه‌رشتیاری توێژینه‌وه‌كانی زانكۆی پۆلیته‌كنیكی وارشۆ به‌یه‌كێك له‌باشترین توێژینه‌وه‌كانی ئه‌مساڵ ده‌ستنیشانكرا.

 

پتەوکردنى پەیوەندیە دووقۆڵیەکان، تەوەرى سەرەکى دیدارى نێوان فەلاح مستەفا و باڵیۆزى هۆڵەندا لە عیراق و شاندى یاوەرى بوو

WED, 19 JUN 2019 15:03

ئەمڕۆ چوارشەممە فەلاح مستەفا بەرپرسی پەیوەندیەکانى دەرەوەى حکومەتى هەرێم پێشوازى لە بەڕێز ماتیێس وۆڵتەرس باڵیۆزى شانشینى هۆڵەندا لە عیراق و شاندێکى یاوەرى کرد. 

 

بە مەبەستى پیرۆزبایی کردن لە سەرۆکى تازەى هەرێمى کوردستان و سەرۆک وەزیرانى راسپێردراوى هەرێم، باڵیۆزى سودان لە عیراق سەردانى فەرمانگەى پەیوەندیەکانى دەرەوەى کرد

TUE, 18 JUN 2019 10:41

  بە مەبەستى پیرۆزبایی کردن لە سەرۆکى تازەى هەرێمى کوردستان بەڕێز نێچیرڤان بارزانى و سەرۆک وەزیرانى راسپێردراو بەڕێز مەسرور بارزانى، ئەمڕۆ سێشەممە باڵیۆزى کۆمارى سودان لە عیراق بەڕێز یاسین عەوەز ئیسماعیل سەردانى فەرمانگەى پەیوەندیەکانى دەرەوەى کردو لەلایەن فەلاح مستەفا بەرپرسى پەیوەندیەکانى دەرەوەى حکومەت پێشوازی لێکرا.

 

ئاستى پەیوەندیەکانى دەرەوەى هەرێم لە فراوانبووندایەو ئەمڕۆ کونسوڵى فەخرى کۆمارى قوبرس دەستبەکاربوو

MON, 17 JUN 2019 12:12

لەسەر داواى فەرمى وەزارەتى دەرەوەى قوبرس و دواى رەزامەندى وەزارەتى دەرەوەى حکومەتى فیدڕال و حکومەتى هەرێمى کوردستان بۆ دەستنیشانکردنى کونسوڵى فەخرى قوبرس لەهەولێر، ئەمڕۆ دووشەممە بەڕێز ئیبراهیم سندى بەبۆنەى دەستبەکاربوونى وەک کونسوڵى فەخرى وڵاتى قوبرس لە هەولێر، سەردانى فەرمانگەى پەیوەندیەکانى دەرەوەى حکومەتى کردو بەڵگەنامەکانى خۆى پێشکەش بە فەلاح مستەفا بەرپرسى پەیوەندیەکانى دەرەوە کرد.