فه‌رمانگه‌ی په‌یوه‌ندییه‌کانی ده‌ره‌وه‌
حكومه‌تی هه‌رێمی كوردستان
WED, 17 JUL 2019 16:11 Erbil, GMT +3
Source: KRG-DFR DFR publication date: SUN, 5 MAY 2019 18:41
بەرپرسی پەیوەندیەکانى دەرەوە پێشوازى لە شاندێکى شارى ئەکادیمى چیک کرد

ئەمڕۆ یەکشەممە فەلاح مستەفا بەرپرسی پەیوەندیەکانى دەرەوەى حکومەت، پێشوازى لە شاندێکى شارى ئەکادیمى چیکى کرد کە بە سەرۆکایەتى پڕۆفیسۆر یۆرسلاڤ میللەر، سەرۆکی زانکۆی پالاسکی کە بە یاوەرى بەڕێز میخاڵ سڤوبودا، کونسوڵى گشتى کۆمارى چیک لە هەولێر سەردانى فەرمانگەى پەیوەندیەکانى دەرەوەیان کرد.

لە سەرەتاى دیدارەکەدا بەرپرسی پەیوەندیەکانی دەرەوە سوپاسی حکومەتى چیکى کرد سەبارەت بە فراوان کردنى پڕۆژەی ئەکادیمی زانکۆى ئۆستراڤا- کەمپەسى هەولێر بۆ شارى ئەکادیمى چیکى کە دەبێتە هەنگاوێکى گرنگ لە بەرەو پێش خستنى ئاستى زانستى و ئەکادیمى لە هەرێمى کوردستان لە بوارەکانى پزیشکى و ئەندازیارى و ڕایگەیاند حکومەتى هەرێم بە گرنگیەوە دەڕوانێتە ئەم پڕۆژەیە و ئامادەیی هەموو جۆرە هاوکاریەکە بۆ تەواو بوون و بە ئەنجام گەیاندنى پڕۆژەى شارى ئەکادیمى چیکى.

لەلایەن خۆیەوە بەڕێز یۆرسلاڤ میللەر، سەرۆکى زانکۆى پالاسکى، بە ناوى خۆیی و شاندى میوان سوپاسی بەرپرسی پەیوەندیەکانى دەرەوەی کرد بۆ ئەم پێشوازیە و پاشان باسی لە پڕۆژەى شارى ئەکادیمى چیکى کرد کە لەلایەن زانکۆى پالاسکى و چەند زانکۆیەکى دیکەى ووڵاتى چیک و بە هاوکارى حکومەتى چیک بە نیازى ئەنجامدانى پڕۆژەى شارى ئەکادیمى چیک لە هەولێرن.

 

بەڕێزیان پوختەیەکى لە سەر مێژوو و ئاستى ئەکادیمى زانکۆى پالاسکى لەسەر ئاستى ووڵاتى چیک و ووڵاتانى ئەوروپا خستە ڕوو و ڕایگەیاند کە زانکۆى ناوبراو یەکێکە لە زانکۆ پێشکەوتووەکانى ووڵاتى چیک و مێژووەکەى بۆ نزیکەى 500 ساڵ دەگەڕێتەوە، بۆیە ئەوان بە نیازن لەسەر هەمان شێوازى زانستى و ئەکادیمى ووڵاتى چیک پڕۆگرامەکانى خوێندنیان لە شارى ئەکادیمى چیکى پێشکەش بە قوتابیانى کوردستان بکەن، هەروەها بەڕێزیان خۆشحاڵى خۆى دەربڕى لە ئاستى خەمخۆرى و پشتگیرى حکومەتى هەرێمى کوردستان بۆ تەواو بوون و سەرکەوتنى پڕۆژەکە.

لە کۆتایی دیدارەکەدا بەرپرسی پەیوەندیەکانى دەرەوە پوختەیەکى لەسەر ڕەوشى ئەمڕۆى هەرێمى کوردستان بۆ شاندى میوان ڕوون کردەوە و جەختی لە گرنگی کەرتی پەروەردە و فێرکردن و تەندروستی کردەوە وەکو گرنگترین بوار بۆ پێشکەوتنی هەر کۆمەڵگایەک.
 




بە ئامادەبوونی بەڕێزان سەرۆک مسعود بارزانی و مەسرور بارزانی، سەرۆکوەزیرانی هەرێمی کوردستان، یادی رۆژى نیشتیمانی کۆماری فەڕەنسا لە هەولێر بەڕێوەچوو
MON, 15 JUL 2019 10:27

ئێوارەی ڕۆژی یەکشەممە ١٤/٧/٢٠١٩ بە ئامادەبوونی سەرۆک مەسعود بارزانی و مەسرور بارزانی، سەرۆکوەزیرانی هەرێمی کوردستان و سەرۆکى پەرلەمان ژمارەیەک لە وەزیرانى حکومەت و ئەندامانی پەرلەمان و بەرپرسانی هەرێم و دیپلۆماتکارو نوێنەرانی وڵاتانى بیانی و رەوەندى فەڕەنسا لە هەرێم یادی ڕۆژی نیشتیمانیی کۆماری فەڕەنسا لە هەولێر کرایەوە، کە لەلایەن کونسوڵگەری گشتی فەڕەنسا لە هەرێم ڕێکخرابوو.

 
سەرۆکی حکوومەتی هەرێمی کوردستان و باڵیۆزی توركیا جه‌خت له‌ پته‌وكردنی په‌یوه‌ندییه‌كان ده‌كه‌نه‌وه‌
SAT, 13 JUL 2019 15:39

ئەمڕۆ شەممە 13/7/2019 مەسرور بارزانی سەرۆکی حکوومەتی هەرێمی کوردستان، پێشوازی کرد لە شاندێکی باڵای باڵیۆزخانەی تورکیا لە عێراق بە سەرۆکایەتی باڵیۆز فاتیح یڵدز.

 
سه‌رۆکی شاره‌وانیی پاریس ستایشی هه‌رێمی کوردستان ده‌کات
THU, 11 JUL 2019 22:56

له‌ دووه‌م ڕۆژی سه‌ردانیدا بۆ پاریس و له‌ دیدارکێدا له‌گه‌ڵ خاتوو ئان هیدالگۆ سه‌رۆكی شاره‌وانیی فه‌ڕه‌نسا، به‌ڕێز نێچیرڤان بارزانی سه‌رۆكی هه‌رێمی كوردستان سوپاس و پێزانینی هه‌رێمی كوردستانی بۆ پشتگیرییه‌كانی فه‌ڕه‌نسا بۆ هه‌رێمی كوردستان دووپات كرده‌وه‌ و هیوای به‌رده‌وامیی هاوكاری و هه‌ماهه‌نگیی نێوان شاره‌وانیی پاریس و پارێزگای هه‌ولێری خواست.

 

 

مەسرور بارزانی سەرۆکی ئەنجومەنی وەزیران : تێگەیشتنی باش هەبوو بۆ چارەسەرکردنی کێشەکان.

TUE, 16 JUL 2019 20:47

هەولێر، هەرێمی کوردستان، عێراق (GOV.KRD) - رۆژی سێشەممە 16/7/2019 شاندێکی باڵای حکومەتی هەرێمی کوردستان بە سەرۆکایەتی مەسرور بارزانی سەردانی بەغدای کرد و لە گەڵ هەر یەک لە سەرۆک کۆماری عێراق بەرهەم ساڵح ، سەرۆک وەزیران عادل عەبدولمەهدی و سەرۆکی ئەنجومەنی نوێنەران محەمەد حەلبوسی کۆبوونەوە.

 

وەزیری کاروبارى دەرەوەی هیند وەڵامى پیرۆزبایى بەرپرسى پەیوەندیەکانى دەرەوەى دایەوەو ستایشی پەیوەندیە دوو قۆڵیەکانی نێوان هەرێمی کوردستان و هیند دەکات

TUE, 16 JUL 2019 11:29

لە وەڵامى نامەیەکى پیرۆزبایى بەڕێز فەلاح مستەفا بەرپرسى پەیوەندیەکانى دەرەوەى حکومەت کە بەبۆنەى بوونى بە وەزیرى دەرەوەى کۆمارى هیند ئاراستەى بەڕێز سوبراهمانیام جایشانکارى کردبوو بەڕێزیان وێڕاى سوپاسگوزارى جەخت لە بایەخى پەرەپێدانى پەیوەندیە دووقۆڵیەکانى نێوان هەردوولا دەکاتەوە.

 

بەبۆنەى دەستبەرکابوونى وەک کونسوڵى گشتى تازەى بەریتانیا لە هەرێمى کوردستان، فەلاح مستەفا پێشوازى لە جەیمس ثۆرنتۆن کرد

MON, 15 JUL 2019 17:07

لە یەکەم سەردانیدا دواى دەستبەکاربوونى وەک کونسوڵى گشتى بەریتانیا لە هەرێمى کوردستان بەڕێز جەیمس ثۆرنتۆن سەردانى فەرمانگەى پەیوەندیەکانى دەرەوەى حکومەتى کردو لەلایەن فەلاح مستەفا بەرپرسى پەیوەندیەکانى دەرەوەى حکومەت پێشوازى لێکرا.

 

ئەنجوومەنی وەزیران بە سەرۆکایەتی مەسرور بارزانی سەرۆکی ئەنجومەنی وەزیران، یەکەمین کۆبوونەوەی فەرمی سازکرد و تیایدا چەند بڕیارێکی گرنگی دەرکرد

MON, 15 JUL 2019 15:18

لە سەرەتای کۆبوونەوەکەدا، سەرۆک وەزیران بەناوی ئەنجوومەنی وەزیرانەوە سوپاسی خەڵکی کوردستان به گشتى و بەتایبەتى مووچەخۆران و پێشمەرگە قارەمانەکان و خانەوادەی شەهیدانی کرد کە لە ساڵانی رابردوو شانیان دایە بەر بەرگریی کردن و پاراستنی سەروەری هەرێمی کوردستان و قارەمانانە بەڕووی هەموو سەختی و ناخۆشی و قەیران و ئابڵوقەکان وەستانەوە، بەڵینیشیدا کە درێغی نەکەن لە خزمەتکردنی هاووڵاتیان بە بێ جیاوازی.