فه‌رمانگه‌ی په‌یوه‌ندییه‌کانی ده‌ره‌وه‌
حكومه‌تی هه‌رێمی كوردستان
THU, 20 JUN 2019 14:48 Erbil, GMT +3
Source: KRG-DFR DFR publication date: TUE, 28 MAY 2019 15:26
بەرپرسی پەیوەندیەکانی دەرەوەى حکومەت ستایشی کارەکانی باڵیۆزی بەلجیکا لە عێراق و ئوردن دەکات

بەبۆنەی کۆتایی هاتنی ئەرکەکانى وەک باڵیۆزی بەلجیکا لە عێراق و ئوردن، ئەمڕۆ سێشەممە، به‌ڕێزهندریك ڤان دی فیڵدی، سەردانى فەرمانگەى پەیوەندیەکانى دەرەوەى حکومەتى کردو لەلایەن فەلاح مستەفا بەرپرسى پەیوەندیەکانى دەرەوەى حکومەت پێشوازى لێکرا.

لە دیدارەکەدا ، کە خاتوو سیهام جەبەلى یاریدەدەرى بەرپرسى فەرمانگەو خاتوو سوفى کارلهاوسن جێگرى باڵیۆزى بەلجیکا لە عیراق و ئوردن ئامادەبوون، باڵیۆزی به‌لجیكا خۆشحاڵی خۆى بە ئاستی پەیوەندى و هاوکاری و هەماهەنگى لەگەڵ حکومەتی هه‌رێمی كوردستان دەربڕى هیواى خواست پەیوەندیە دووقۆڵیەکان بچنە قۆناغى پێشکەوتووتر.

هندریك ڤان دی فیڵدی،  ئارامى و سەقامگیری هەرێمی کوردستانی بە هۆکارێکی ئەرێنی دەستنیشانکرد بۆ فراوانکردنى پەیوەندییەکان لە بوارە جیاجیاکان. هاوکات، سوپاسی گەل و حكومه‌ت و دامەزراوەکانی هه‌رێمى كوردستانی كرد له‌ ماوه‌ی كاركردنیدا وەکو باڵیۆزی ووڵاتەکەی لە عێراق و ئوردن هەمیشە پشتگیریان کردووە بۆ سەرخستنى کارەکانیان.

لەلای خۆیەوە، فەلاح مستەفا سوپاسى باڵیۆزى بەلجیکای کرد کە لەماوەى کارکردنى وەک باڵیۆزى وڵاتەکەى لە عیراق و ئوردن هەوڵی داوە ئاستى پەیوەندیەکانیان لەگەڵ هەرێمى کوردستان بگەیەنێتە قۆناغێکى پێشکەوتووتر و هیوای سه‌ركه‌وتنی له‌ ئەرکى‌ نوێیدا بۆ خواست و دووپاتیكرده‌وه‌ كه‌ فەرمانگەی پەیوەندیەکانی دەرەوە بەردەوام دەبێت له‌ هاوكاری و هەماهەنگی بۆ بەردەوامیدان و بەرەوپێشبردنی پەیوەندیەکان.

بەڕێزیان  سوپاسی گەل و حکومەتی بەلجیکای کرد وەکو ئەندامی هاوپەیمانی نێودەوڵەتی دژی داعش، بۆ هاوکاری و پاڵپشتی کردنیان لە شەڕی دژ بە داعش و پێشکەشکردنی هاوکاری مرۆیی بە ئاوارە و پەنابەران.

هەر لە کۆبوونەوەکەدا، پەرەسەندنەکانی ناوچەکە و پەرەپێدانی پەیوەندییەکان و هەنگاوەکانی پێکهێنانی دامەزراوە فەرمیەکانی هەرێمی کوردستان و پەیوەندیەکانی نێوان هەولێر و بەغدا تاوتوێ کرا.




فه‌لاح مسته‌فا: ئه‌مه‌ریکا له‌رێگای جیاواز پەیامی پشتیوانی بۆ کوردستان ناردووه‌
MON, 17 JUN 2019 10:00

به‌رپرسی فه‌رمانگه‌ی په‌یوه‌ندیه‌کانی ده‌ره‌وه‌ی حکوومه‌تی هه‌رێمی کوردستان باس له‌په‌یوه‌ندی هه‌رێم و وڵاتانی جیهان ده‌کات و پێی وایه‌ که‌ هه‌نگاوی گرنگ و باش نراوه‌ بۆ دروستکردنی و به‌هێزکردنه‌وه‌ی په‌یوه‌ندیه‌کانی کوردستان و جیهانی ده‌ره‌وه‌.

 
حکوومه‌تی هه‌رێم هێرشه‌که‌ی سه‌ر فڕۆكه‌خانه‌ی ئه‌بها‌ ئیدانه‌ ده‌كات
THU, 13 JUN 2019 23:56

به‌ توندی ئیدانه‌ی ئه‌و‌ هێرشه مووشه‌کییه‌ ده‌که‌ین که‌ دوێنێ چوارشه‌ممه‌ 12/6/2019 كرایه‌ سه‌ر فڕۆكه‌خانه‌ی ئه‌بها له‌ شانشینی سعوودیه‌ و له‌ ئه‌نجامدا بیست و شه‌ش كه‌سی سڤیل بریندار بوون و زیانی گه‌وره‌ش به‌ر فڕۆكه‌خانه‌كه‌ كه‌وت.

 
سه‌رۆكى هه‌رێم، مه‌سروور بارزانى بۆ پێكهێنانى حكوومه‌ت ڕاده‌سپێرێت
WED, 12 JUN 2019 15:48

پاشنیوه‌ڕۆى ئه‌مڕۆ چوارشه‌ممه‌ 12/6/2019 به‌ڕێز نێچیرڤان بارزانى سه‌رۆكى هه‌رێمى كوردستان، به‌ ئاماده‌بوونى خاتوو د. ڤاڵا فه‌رید سه‌رۆكى په‌رله‌مانى كوردستان و دادوه‌ر به‌نگین قاسم محه‌مه‌د سه‌رۆكى ئه‌نجومه‌نى دادوه‌ریى هه‌رێمى كوردستان به‌ فه‌رمانى هه‌رێمیى ژمـــاره‌ (1)ى سـاڵـى 2019 و به‌پێى بڕگه‌ى (دوازده‌م)ى مادده‌ى (ده‌یه‌م) له‌ یاساى سه‌رۆكایه‌تیى هه‌رێمى كوردستان ژماره ‌(1)ى ساڵى 2005ى هه‌مواركـراو و پاڵپشت به‌ بڕیارى په‌رله‌مانى كوردستان ژماره ‌(7)ى ساڵى 2019 له‌ دانیشتنى ئاساییى ژماره‌ (8) له‌ (11/6/2019)، بـڕیـارى دا به‌ ڕاسپاردنى به‌ڕێز مه‌سروور بارزانى وه‌ك سه‌رۆكى ئه‌نجومه‌نى وه‌زیران بۆ پێكهێنانى كابینه‌ى وه‌زاریى نۆیه‌مى هه‌رێمى كوردستان.

 

 

توێژینه‌وه‌ی قوتابیه‌كی كورد لە پۆڵۆنیا به‌یه‌كێك له‌باشترین توێژینه‌وه‌كانی ساڵ هه‌ڵبژێردرا

THU, 20 JUN 2019 11:58

پێشه‌نگ نه‌وشیروان حمه‌كریم قوتابی ماسته‌ر له‌زانكۆی پۆلیته‌كنیكی وارشۆ به‌شی ئه‌ندازیاری ژینگه‌توانی به‌پله‌ی 'نایاب' قۆناغی ماسته‌ر ته‌واو بكات. توێژینه‌وه‌كه‌ی پێشه‌نگ له‌لایه‌ن ده‌سته‌ی سه‌رپه‌رشتیاری توێژینه‌وه‌كانی زانكۆی پۆلیته‌كنیكی وارشۆ به‌یه‌كێك له‌باشترین توێژینه‌وه‌كانی ئه‌مساڵ ده‌ستنیشانكرا.

 

پتەوکردنى پەیوەندیە دووقۆڵیەکان، تەوەرى سەرەکى دیدارى نێوان فەلاح مستەفا و باڵیۆزى هۆڵەندا لە عیراق و شاندى یاوەرى بوو

WED, 19 JUN 2019 15:03

ئەمڕۆ چوارشەممە فەلاح مستەفا بەرپرسی پەیوەندیەکانى دەرەوەى حکومەتى هەرێم پێشوازى لە بەڕێز ماتیێس وۆڵتەرس باڵیۆزى شانشینى هۆڵەندا لە عیراق و شاندێکى یاوەرى کرد. 

 

بە مەبەستى پیرۆزبایی کردن لە سەرۆکى تازەى هەرێمى کوردستان و سەرۆک وەزیرانى راسپێردراوى هەرێم، باڵیۆزى سودان لە عیراق سەردانى فەرمانگەى پەیوەندیەکانى دەرەوەى کرد

TUE, 18 JUN 2019 10:41

  بە مەبەستى پیرۆزبایی کردن لە سەرۆکى تازەى هەرێمى کوردستان بەڕێز نێچیرڤان بارزانى و سەرۆک وەزیرانى راسپێردراو بەڕێز مەسرور بارزانى، ئەمڕۆ سێشەممە باڵیۆزى کۆمارى سودان لە عیراق بەڕێز یاسین عەوەز ئیسماعیل سەردانى فەرمانگەى پەیوەندیەکانى دەرەوەى کردو لەلایەن فەلاح مستەفا بەرپرسى پەیوەندیەکانى دەرەوەى حکومەت پێشوازی لێکرا.

 

ئاستى پەیوەندیەکانى دەرەوەى هەرێم لە فراوانبووندایەو ئەمڕۆ کونسوڵى فەخرى کۆمارى قوبرس دەستبەکاربوو

MON, 17 JUN 2019 12:12

لەسەر داواى فەرمى وەزارەتى دەرەوەى قوبرس و دواى رەزامەندى وەزارەتى دەرەوەى حکومەتى فیدڕال و حکومەتى هەرێمى کوردستان بۆ دەستنیشانکردنى کونسوڵى فەخرى قوبرس لەهەولێر، ئەمڕۆ دووشەممە بەڕێز ئیبراهیم سندى بەبۆنەى دەستبەکاربوونى وەک کونسوڵى فەخرى وڵاتى قوبرس لە هەولێر، سەردانى فەرمانگەى پەیوەندیەکانى دەرەوەى حکومەتى کردو بەڵگەنامەکانى خۆى پێشکەش بە فەلاح مستەفا بەرپرسى پەیوەندیەکانى دەرەوە کرد.