فه‌رمانگه‌ی په‌یوه‌ندییه‌کانی ده‌ره‌وه‌
حكومه‌تی هه‌رێمی كوردستان
SAT, 21 SEP 2019 06:18 Erbil, GMT +3
Source: KRG-DFR DFR publication date: WED, 29 MAY 2019 14:17
بەرپرسی پەیوەندیەکانی دەرەوەى حکومەت لەگەڵ باڵیۆزى سویسڕا لە عیراق و شاندێکی یاوەرى کۆبووەوە

لە یەکەم سەردانیدا بۆ هەرێمى کوردستان دواى دەستبەکاربوونى وەک باڵیۆزى سویسڕا لە عیراق ئەمڕۆ بەڕێز لۆکاس گاسر، باڵیۆزی سویسرا لە عێراق نیشتەجێی عەممان و باڵیۆز هانز پیتر لێنز، سەرۆکی سەنتەری بەڕێوەبردنی قەیرانەکان و باڵیۆز ئۆرس ڤۆن ئارب، هەماهەنگیکاری هەرێمی بۆ ڕۆژهەڵاتی ناوەڕاست لە وەزارەتی دەرەوەی فیدڕاڵی.

لە دیدارەکەدا کە خاتوو سیهام جەبەلی، یاریدەدەری بەرپرسی فەرمانگە و خاتوو یۆهان ویدتمان، لێکۆڵەری سیاسی لە باڵیۆزخانەی سویسرا لە عەممان ئامادەبوون، بەرپرسی پەیوەندیەکانی دەرەوە پیرۆزبایی لە باڵیۆز لۆکاس گاسر کرد بۆ وەرگرتنی ئەرکە نوێکەی وەکو باڵیۆزی ووڵاتەکەی لە عێراق نیشتەجێی عەممان وە هیوای سەرکەتنی بۆ خواست لە کارەکانی، هاوکات ئامادەیی فەرمانگەى پەیوەندیەکانى دەرەوەى خستەڕوو  بۆ هاوکاری و هەماهەنگى لە پێناو سەرخستنى بەرنامەو چالاکیەکانیان لە هەرێم.

دواتر، پووختەیەکی پێشکەشکرد تایبەت بە مێژوو و ئەزموونی حوکمڕانی هەرێمی کوردستان و پەیوەندیەکانی نێوان هەولێر و بەغدا و قۆناغەکانی دوای پێکهێنانی کابینەی حکومەتی عێراق و فیدڕاڵ و هەوڵەکانی پێکهێنانی کابینەی نۆیەمی حکومەتی هەرێمی کوردستان.

بەڕێزیان تیشکی خستە سەر کارەکانی لە پێشینەی حکومەتی هەرێمی کوردستان لە کابینەی نوێدا لەگەڵ پرسەکانی کاری لە پێشینەی نێوان هەولێر و بەغدا و هیوای خواست کۆمەڵگەی نێودەوڵەتی و ووڵاتی سویسرا بەشداری زیاتری هەبێت و ڕۆڵی کارا بگێڕێت لە هاوبەشی پێکردنی ئەزموون و شارەزاییەکان لە بوارەکانی برەودان بە دامەزراوە فیدڕاڵیەکان و جێبەجێ کردنى دەستوورو رەنگدانەوەى لەڕووى رێزگرتن لە ناسنامەی کەلتوری و زمان و پرەنسیپى پێکەوەژیانی نەتەوە و ئایینە جیاجیاکان و بیناکردنی تواناکانی توێژی ئافرەتان و گەنجان.

 

لەلای خۆیەوە، باڵیۆز لۆکاس گاسر، پەیامی پیرۆزبایی خۆی ئاڕاستەی ڕێزدار نێچیرڤان بارزانی سەرۆکی هەڵبژێردراوی هەرێمی کوردستان کرد و ئومێدی سەرکەوتنی بۆ خواست لە ئەرکە نوێکەیداو هیواى خواست پرۆسەى پێکهێنانى کابینەى حکومەت لە ماوەى خۆیدا تەواوبێت. پاشان،خۆشحاڵی خۆی دەربڕی بۆ یەکەمین سەردانی بۆ هەرێمی کوردستان بۆ لەنزیکەوە ئاشنابوون بە مێژووى ناوچەکە و ڕەوشی هەنووکەیی هەرێمی کوردستان و عێراق و دوایین پەرەسەندنەکان وە هەروەها تاوتوێ کردنی بوار و دەرفەتەکان بۆ کار و هەماهەنگی هاوبەش.

باڵیۆز لۆکاس گاسر گوتی گەلی سویسرا ئاشنایە بە مێژووی گەلی کورد و هەرێمی کوردستان و وە ئەوەی هەردوو گەل بەیەکەوە دەبەستێتەوە بوونی ڕەوەندێکی کوردی بەهێزە لە ووڵاتی سویسرا. ناوبراو گوتی بەردەوام دەبین لە برەودانی زیاتر بە پەیوەندیەکانمان و گەڕان بەدوای دەرفەتەکانی بەرژەوەندی هاوبەش بۆ هاوکاری و هەماهەنگی کردن لەگەڵ هەرێمی کوردستان و عێراق.

هەردوولا تیشکیان خستە سەر پرسە  هەنووکەییە گرنگەکان و قۆناغی دوای داعش و پێداویستیەکانی ئاوارە و پەنابەران و هەوڵەکانی ئاوەدانکردنەوە و بەرقەرارکردنی سەقامگیری و پرسی کۆچبەران.

 




ئەنجومەنی وەزیران کۆبووەوەو ئەم بڕیارانەی دەرکرد
WED, 18 SEP 2019 17:24

• لیژنەیەکی تایبەتمەند لە وەزارەتە پەیوەندیدارەکان پێکدەهێنرێت بۆ رێکخستنەوەو هەماهەنکی لە دەروازە سنوورییەکانی هەرێمی کوردستان.

• ئاسانکاری یاسایی پێویست بۆ دانەوەی قەرزە کشتوکاڵییەکان دەکرێت بە شێوەیەک بارگرانی نەخاتە سەر گوزەرانی جووتیاران.

• لیژنەیەکی یاسایی پێکدەهێنرێت بۆ دەستنیشانکردن و ئامادەکردنی ئەو پڕۆژە یاسایانەی کە پێویستە لەم وەزرە یاساییەدا بنێردرێنە پەرلەمانی کوردستان.

مەسرور بارزانى سەرۆکى حکومەتى هەرێم پێشوازى لە شاندێکی وڵاتی هیند بە سەرۆکایەتی ڤێرڤالی مۆرالی دەهاران وەزیری دەولەت بۆ کاروباری دەرەوە کرد
TUE, 17 SEP 2019 22:28

ئەمڕۆ سێشەممە 2019/9/17 بەڕێز مەسرور بارزانى سەرۆکى حکومەتى هەرێم پێشوازى لە شاندێکی وڵاتی هیند بە سەرۆکایەتی ڤێرڤالی مۆرالی دەهاران وەزیری دەولەت بۆ کاروباری دەرەوە کرد.

 

 
نێچیرڤان بارزانی به‌شداریی ڕێوڕه‌سمی په‌رده‌لادان‌ له‌سه‌ر په‌یكه‌ری گاندی له‌ هه‌ولێر ده‌كات
TUE, 17 SEP 2019 19:03

ئێواره‌ی ئه‌مڕۆ سێشه‌ممه‌ 17/9/2019 به‌ ئاماده‌بوونی به‌ڕێز نێچیرڤان بارزانی سه‌رۆكی هه‌رێمی كوردستان و به‌رێز ڤێرماڤالی مۆرالی دەھاران وەزیری دەوڵەتی هیندستان بۆ كاروباری دەرەوە و په‌رله‌مان، ڕێوڕه‌سمی په‌رده‌لادان له‌سه‌ر په‌یكه‌ری مه‌هاتما غاندی له‌ پاركی شه‌هید سامی عبدالرحمن له‌ هه‌ولێر به‌ڕێوه‌چوو.

 

 

نێچیرڤان بارزانی: بەهێزترین سه‌رچاوه‌ی سرووشتی، بیركردنه‌وه‌یه‌

THU, 19 SEP 2019 20:48

ئێواره‌ی ئه‌مڕۆ پێنجشه‌ممه‌ 19/9/2019 به‌ ئاماده‌بوونی به‌ڕێز نێچیرڤان بارزانی سه‌رۆكی هه‌رێمی كوردستان، هه‌روه‌ها به‌ڕێزان محه‌مه‌د حه‌لبووسی سه‌رۆكی ئه‌نجومه‌نی نوێنه‌رانی عێراق، مه‌سروور بارزانی سه‌رۆكی حكوومه‌تی هه‌رێمی كوردستان، دكتۆر به‌شیر حه‌داد جێگری سه‌رۆكی ئه‌نجومه‌نی نوێنه‌رانی عێراق، ماتیوو تیوولەر بالیۆزی ئه‌مه‌ریكا له‌ عێراق، په‌رله‌مانتارانی كوردستان و عێراق و به‌رپرسانی سیاسی و ئیداری و نوێنه‌ر و كونسولی وڵاتانی بیانی له‌ هه‌رێمی كوردستان، ڕێوڕه‌سمی ده‌رچووانی یه‌كه‌م خولی قوتابیانی زانكۆی ئه‌مه‌ریكی كوردستان له‌ پارێزگای دهۆك به‌ڕێوه‌چوو.

 

مه‌سرور بارزانی: له‌ كابینه‌ی نۆیه‌م گرنگی تایبه‌ت به‌ كه‌رتی خوێندن و په‌روه‌رده‌ ده‌درێت

THU, 19 SEP 2019 20:46

دهۆک، هەرێمی کوردستان، عێراق (GOV.KRD) - مه‌سرور بارزانی، سه‌رۆكی حكومه‌تی هه‌رێمی كوردستان، ئه‌مڕۆ پێنجشه‌ممه‌، 19ی ئه‌یلوولی 2019، له‌ وتارێكدا له‌ ئاهه‌نگی خولی یەکەمی ده‌رچووانی زانكۆی ئه‌مه‌ریكی كوردستان له‌ دهۆك، جه‌ختی له‌ گرنگی كه‌رتی خوێندن و په‌روه‌رده‌ كرده‌وه‌ و گوتی له‌ كارنامه‌ی كابینه‌ی نۆیه‌م، ئه‌و كه‌رته‌ له‌ پێشینه‌ی كاره‌كانه‌.

 

سه‌رۆكی حكومه‌تی هه‌رێمی كوردستان له‌گه‌ڵ سه‌رۆكی ئه‌نجومه‌نی نوێنه‌رانی عێراق كۆبووه‌وه‌

THU, 19 SEP 2019 19:56

دهۆک، هەرێمی کوردستان، عێراق (GOV.KRD) - مه‌سرور بارزانی، سه‌رۆكی حكومه‌تی هه‌رێمی كوردستان، ئه‌مڕۆ پێنجشه‌ممه‌، 19ی ئه‌یلوولی 2019، له‌ په‌راوێزی ئاهه‌نگی یه‌كه‌م خولی ده‌رچووانی زانكۆی ئه‌مه‌ریكی كوردستان له‌ دهۆك، له‌گه‌ڵ محه‌مه‌د حه‌لبووسی، سه‌رۆكی ئه‌نجومه‌نی نوێنه‌رانی عێراق كۆبووه‌وه‌.

 

ڕوونکردنەوەیەک لە نووسینگەی سەرۆکی حکومەتی ھەرێمی کوردستانەوە

THU, 19 SEP 2019 11:14

لە کاتێکدا کە حکومەتی ھەرێمی کوردستان شێلگێرانە سەرقالی گرتنەبەری رێکاری زیاتری خزمەتی ھاووڵاتیانە، ھەندێ دەزگای نابەرپرسی میدیایی لە ئاراستەیەکی پێچەوانەدا سەرقالی دروستکردن و بڵاوکردنەوەی ھەواڵی چەواشاکارانەن و بە تایبەت ھەوڵ دەدەن ناوی سەرۆکی حکومەت ئاوێتەی ئەم ھەوڵە نابەجێیانەیان بکەن.