فه‌رمانگه‌ی په‌یوه‌ندییه‌کانی ده‌ره‌وه‌
حكومه‌تی هه‌رێمی كوردستان
SUN, 19 JAN 2020 10:18 Erbil, GMT +3
Source: KRG-DFR DFR publication date: TUE, 10 SEP 2019 09:02
نوێنەری حکومەتی هەرێمی کوردستان لە پۆلونیا بەشداری لە كۆڕبەندی ئابووری ساڵانە لە پۆلونیا دەكات

بەڕێز زیاد ڕەئوف نوێنەری حکومەتی هەرێمی کوردستان لە پۆلونیا لە بیست و نۆیەمین خولی كۆڕبەندی ئابووری لە شاری کرینیچە لە ولاتی پۆلونیا بەشداری كرد.

ئەو كۆڕبەندە یەکێکە لە گەورەترین کونفرانسی سیاسی و ئابووری لە ناوەڕاست و ڕۆژهەڵاتی ئەوروپا کە بەڕێوە دەچێت بە بەژشداری کردنی زیاتر لە 4000 بەشداربوان کە پێک دێن لە سیاسەتمەداران و پسپۆرانی كاروباری ئابووری و وەزیر و سەرۆک وەزیران و دیپلۆماتكاران و سەرۆکی كۆمپانیا زەبەلەحەكان و رۆژنامەنووس لە سەر ئاستی ناوخۆ و دەرەوە.

بەڕێز زیاد ڕەئوف بە درێژایی چەندین ساڵە بە شێوەیەکی بەردەوام یەکێکە لە بەشداربوانی ئەو كۆڕبەندە ئابووریە و وەکو هەموو ساڵێک ئەم سالەش لە دوو پانێل بەشدار بوو و زنجیرەیەک کۆبوونەوەی دووقۆڵی ئەنجام دا بە مەبەستی گفتوگۆ کردن لەسەر بارودۆخی ھەرێمی كوردستان و عیراق و ناوچەكە و بەمەرامی گەیاندنی ھەڵوێستی حكومەتی ھەرێمی كوردستان .

لە كۆبونەوە لەگەڵ بەڕێز ڤیتۆلد کۆزڵۆڤسکی ( Witold Kozłowski )  سەرۆکی  هەرێمی ماڵۆپۆلسکا باسی ھاوكاری مرۆیی و ھەماھەنگی زانستی و ڕۆشنبیری كرا  . جێگای ئاماژەیە کە بەڕێز مەتران بەشار وەردەش ئامادەبوو لە كۆبونەوەكە كە یەکێک بوو لە بەشداربوانی کونفرانسەکەو لەمیانی پانێل و كۆبونەوەكان تیشکی خستە سەر ڕەوشی مەسیحییەکان لە ڕۆژهەڵاتی ناوەڕاست بەگشتی و عیراق و کوردستان بە تایبەتی و داوای یارمەتی و پشتگیری كرد بۆ ئاوارەكان لە ھەرێمی كوردستان و ھاوكاری كردنی زانكۆی كاتۆلیكی لە ھەولێر كە بەپاڵپشتی و یارمەتی حكومەتی ھەرێمی كوردستان دامەزرا .خۆشحاڵی خۆیان دەربڕی بۆ هەماهەنگی لە نێوان زانکۆی کاثولیکی لە هەولێر و زانکۆی کاثولیکی لە پۆلونیا و تایبەت هەرێمی ماۆپۆلسکا، هەروەها بەرێزیان داوای پرۆگرامی سکولەرشیپیان کرد بۆ قوتابیانی هەرێمی کوردستان.

لەمیانی کۆبوونەوەکەدا بەڕێز زیاد ڕەئوف داوای لە بەڕێز کۆزڵۆڤسکی کرد کە گەورە بازرگانانی هەرێمی ماڵۆپۆلسکا هانبدرێن بۆ بەشداریکردن لە سەرەدانی شاندی بازرگانی بۆ هەرێمی کوردستان کە لە پایزی ئەم ساڵ لە لایەن نوێنەرایەتی حکومەتی هەرێمی کوردستان لە پۆلونیا و ژووری بازرگانی لە پۆلونیا رێکدەخرێت. 

لە سێ ڕۆژی بەڕێوەچوونی کۆڕبندەکە دا بەڕێز زیاد ڕەئوف لە دوو پەنێل دا بەشداری کرد. یەکەمیان لە ژێر ناونیشانی '' ئایا سیستەمی جیهان بەرەو ناڕێکی و فەوزا دەچێت؟''. بەڕێز نوێنەری حکومەتی هەرێمی کوردستان زیاتر تیشکی خستە سەر ڕەوشی ڕۆژهەڵاتی ناوەڕاست و ھۆكارەكانی، هەروەها هوشداری ئەوەی دا کە مەترسی فەوزا و ناڕێکیەکی زۆر هەیە لەم ناوچەیە و هۆکارەکانی دەگەڕێتەوە بۆ ململانێی زلھێزە جیھانیەكان و ھێزە ھەرێمیەكان و بەرژەوەندیەكانیان ، ھەروەھا بۆ ناڕێکی و ناعەدالەتی لە دابەشکردنی ناوچەکە سەد ساڵ پێش ئێستا کە مافی زۆر نەتەوەی پشتگوێ خست بۆ نموونە نەتەوەی کورد. هەروەها بەڕێز زیاد رەئوف جەختی لەسەر ئەوە کردەوە کە مللەتی کورد هیچ کاتێک پاشەکشەی نە کردوە لە مافەکانی تا ئەمڕۆش و بەلگە لەسەر ئەم قسەیە ریفراندۆمی ساڵی 2017

زیاتر بەڕێزیان ئاماژەی بەوەدا کە کۆمەڵگای نێودەوڵەتی لێکدانەوەی هەڵەیان هەبووە لە سەر ئەم ریفراندۆمە، هەرێمی کوردستان بە هیچ شێوەیەک نابێت بە ئامرازێک بۆ تێکچوونی رەوشی ناوچەکە بەلکو بە پێچەوانە هەرێمی کوردستان بە هەموو شێوەیەک ئامرازێک بووە بۆ سەقامگیری ناوچەکە بۆ نموونە هێزەکانی پێشمەرگە ئوستوورەی داعشیان تێکشکاند و هەرێمی کوردستان بوە شوێنی حەوانەوەی 1,800,000 ئاوارە.

'' باشووری قەوقاز وەکو ناوچەی داکۆکی کردنی زلهێزەکانی جیهان. یەکێتی ئەوروپا و پۆلونیا لە شیان دایە چ ئەنجامبدرێت بۆ حەل کردنی ئەم رەوشە؟ '' ئەمە ناونیشانی دووەم پانێل بۆ کە بەڕێز زیاد ڕەئوف نوێنەری حکومەتی هەرێمی کوردستان لە پۆلونیا تێدا بەشدار بوو. لەم پەنێلەدا نوێنەری حکومەتی هەرێمی کوردستان لە پۆلونیا تیشکی خستە سەر ئەوەی کە لە سەرەتاوە حکومەتی هەرێمی کوردستان سیاسەتی راگرتنی بەڵانسی ھەبووە و هەوڵی باش راگرتنی پەیوەندیەکانی لەگەڵ هەموو زلهێزەکان و جیران و وڵاتانی تری داوە.

لە درێژەی کۆڕبەندی ئابووری دا نوێنەری حکومەتی هەرێمی کوردستان لە پۆلونیا چەندین کۆبوونەوەی ئەنجامدرا لە گەڵ پەرلەمانتارانی پۆلونیا و یەکێتی ئەوروپا و نوێنەرانی حكومەتە خۆجێیەكان و دیپلۆماتكاران و بازرگانان و نوێنەرانی سێكتەری ئابووری.




سه‌رۆكی هه‌رێمی كوردستان وه‌زیری ده‌ره‌وه‌ی قه‌ته‌ر دۆخی عێراق و ناوچه‌كه‌ تاوتوێ ده‌كه‌ن
WED, 15 JAN 2020 21:14

سه‌رۆك نێچیرڤان بارزانی جه‌ختی كرده‌وه‌ كه‌ هه‌موو هه‌وڵێك بۆ ئاساییكردنه‌وه‌ی ڕه‌وشی عێراق و گه‌ڕاندنه‌وه‌ی سه‌قامگیری ده‌ده‌ن و نابێت عێراق بكرێته‌ گۆڕه‌پانی یه‌كلاییكردنه‌وه‌ی ململانێكان، هه‌روه‌ها گوتى:‌ له‌م قۆناغه‌دا بۆ ڕووبه‌ڕوبوونه‌وه‌ی مه‌ترسیی سه‌رهه‌ڵدانه‌وه‌ی تیرۆر، عێراق پێویستی به‌ پشتگیریی هاوپه‌یمانانه‌.

 
سەرۆکی حکومەتی هەرێمی کوردستان پێشوازی لە نوێنەری وەزارەتی دەرەوەی ئەڵمانیا دەکات
WED, 15 JAN 2020 17:01

هەولێر، هەرێمی کوردستان، عێراق (GOV.KRD) - ڕۆژی چوارشەممە ٢٠٢٠/١/١٥ مەسرور بارزانی سەرۆکی حکومەتی هەرێمی کوردستان، بە‌ ئامادە‌بوونی قوباد تاڵە‌بانی جێگری سە‌رۆكی حكومە‌تی ھە‌رێم، پێشوازی لە فیلیپ ئەکرمان بەرپرسی بەشی سیاسی لە وەزارەتی دەرەوەی ئەڵمانیا و شاندێکی یاوەری کرد.

 
ئەنجومەنی وەزیران گفتوگۆ دەربارەی پڕۆژەی چوارچێوەی هاوبەشیی هەردوو کەرتی گشتی و تایبەت دەکات
WED, 15 JAN 2020 16:41

هەولێر، هەرێمی کوردستان، عێراق (GOV.KRD) - رۆژی چوارشەممە ٢٠٢٠/١/١٥ ئەنجومەنی وەزیرانی هەرێمی کوردستان بە سەرپەرشتی مەسرور بارزانی سەرۆک وەزیرانی هەرێمی کوردستان و ئامادەبوونی قوباد تاڵەبانی جێگری سەرۆک وەزیران کۆبووە.

 

 

بەرپرسی پەیوەندیەکانی دەرەوەى حکومەت پێشوازی لە باڵیۆزی تازەى فینلەندا لەعێراق کرد

THU, 16 JAN 2020 17:42

ئەمڕۆ پێنجشەممە، بەڕێز سەفین دزەیی، بەرپرسی پەیوەندیەکانی دەرەوە پێشوازی لەبەڕێز ڤێسا هاکینین، باڵیۆزی فینلەندا لە بەغدا کرد کە بەبۆنەی دەستبەکاربوونی وەکو باڵیۆزی ووڵاتەکەی لە عێراق سەردانی هەرێمی کوردستانی کرد بە ئامانجی لە نزیکەوە ئاشنابوون بە هەرێمی کوردستان و هەڵوێستى حکومەتى هەرێم لەمەڕ پرسە هەنووکەییەکان.

 

نوێنەری حکومەتی هەرێمی کوردستان لە یەکێتی ئەوروپا، د. دلاوەر خالد ئاژگەیی لە گەڵ لێژنەی پەیوەندیەکانی دەرەوەی پەرلەمانی هۆلەندا کۆبووە.

THU, 16 JAN 2020 13:02

لە سەردانێکی فەرمی بۆ پەرلەمانی هۆلەندا لە شاری لاهای،  نوێنەری حکومەتی هەرێمی کوردستان د. دلاوەر خالد ئاژگەیی بە یاوەری شاندێکی نوێنەرایەتی بە شێوازێکی فەرمی لە گەڵ سەرۆک و لێژنەی پەیوەندیەکانی پەرلەمانی هۆلەندا کۆبووە.

 

نێچیرڤان بارزانی پێشوازی له‌ باڵیۆزی فنله‌ندا ده‌كات

THU, 16 JAN 2020 11:54

سه‌رۆك نێچیرڤان بارزانی سوپاسی هاوكارییه‌كانی فنله‌ندای كرد بۆ هه‌رێمی كوردستان له‌ شه‌ڕی دژی داعشدا و دووپاتی كرده‌وه‌ كه‌ هێشتا هه‌ڕه‌شه‌ و مه‌ترسییه‌كانی تیرۆر هه‌ر ماون، هه‌روه‌ها ڕایگه‌یاند كه‌ هه‌رێمی كوردستان ناخوازێت عێراق ببێته‌ گۆڕه‌پانی یه‌كلاییكردنه‌وه‌ی كێشه‌ و ناكۆكییه‌كان و هه‌وڵ بۆ گه‌ڕاندنه‌وه‌ی سه‌قامگیریی عێراق ده‌دات.

 

سەرۆکی حکومەتی هەرێمی کوردستان پێشوازی لە جێگری سەرۆک وەزیران و وەزیری دەرەوەی قەتەر دەکات

WED, 15 JAN 2020 21:17

هەولێر، هەرێمی کوردستان، عێراق (GOV.KRD) - رۆژی چوارشەممە ٢٠٢٠/١/١٥ مەسرور بارزانی سەرۆکی حکومەتی هەرێمی کوردستان پێشوازی لە محەمەد بن عەبدولرەحمان ئال سانی جێگری سەرۆک وەزیران و وەزیری دەرەوەی قەتەر کرد.