فه‌رمانگه‌ی په‌یوه‌ندییه‌کانی ده‌ره‌وه‌
حكومه‌تی هه‌رێمی كوردستان
MON, 14 OCT 2019 02:14 Erbil, GMT +3
Source: KRG-DFR DFR publication date: THU, 19 SEP 2019 20:46
مه‌سرور بارزانی: له‌ كابینه‌ی نۆیه‌م گرنگی تایبه‌ت به‌ كه‌رتی خوێندن و په‌روه‌رده‌ ده‌درێت

دهۆک، هەرێمی کوردستان، عێراق (GOV.KRD) - مه‌سرور بارزانی، سه‌رۆكی حكومه‌تی هه‌رێمی كوردستان، ئه‌مڕۆ پێنجشه‌ممه‌، 19ی ئه‌یلوولی 2019، له‌ وتارێكدا له‌ ئاهه‌نگی خولی یەکەمی ده‌رچووانی زانكۆی ئه‌مه‌ریكی كوردستان له‌ دهۆك، جه‌ختی له‌ گرنگی كه‌رتی خوێندن و په‌روه‌رده‌ كرده‌وه‌ و گوتی له‌ كارنامه‌ی كابینه‌ی نۆیه‌م، ئه‌و كه‌رته‌ له‌ پێشینه‌ی كاره‌كانه‌.

سه‌رۆكی حكومه‌تی هه‌رێمی كوردستان، له‌ وتاره‌كه‌یدا، ئاماژه‌ی به‌ زانكۆی ئه‌مه‌ریكی كوردستان له‌ دهۆك كرد و گوتی، خۆشحاڵم وه‌كو ده‌رچووێكی زانكۆی ئه‌مه‌ریكی له‌ رێوڕه‌سمه‌كه‌دا ئاماده‌م، له‌ماوه‌ی 5 ساڵی رابردوودا زانكۆكه‌ پێشكه‌وتنی به‌رچاوی به‌خۆیه‌وه‌ بینیوه‌ و بووه‌ته‌ جێگه‌ی ئومێدی نه‌وه‌كانمان.

سه‌رۆكی حكومه‌ت له‌ وتاره‌كه‌یدا، سوپاسێكی تایبه‌تی سه‌رۆك بارزانی كرد، بۆ پاراستن و سه‌ركردایه‌تیكردنی كوردستان و گوتی به‌ خه‌بات و تێكۆشان و قوربانیدانی ئه‌و، نه‌وه‌كانمان دواڕۆژێكی سه‌قامگیریان هه‌یه‌.

سه‌باره‌ت به‌ گرنگیدان به‌ كه‌رتی خوێندن له‌ كابینه‌كانی پێشووی حكومه‌تی هه‌رێم، مه‌سرور بارزانی گوتی سوپاسی كاك نێچیرڤان بارزانی، سه‌رۆكی هه‌رێمی كوردستان ده‌كه‌م، كه‌ له‌سه‌رده‌می سه‌رۆكایه‌تیكردنی حكومه‌تدا بایه‌خێكی باشی به‌ پرۆسه‌ی خوێندن داوه‌.

هاوكات، سوپاسی سه‌رۆكی زانكۆی ئه‌مه‌ریكی كوردستان له‌ دهۆك كرد و رایگه‌یاند، له‌ بارودۆخێكی سه‌ختدا توانی گرنگی به‌ پێشخستنی زانكۆ و پرۆسه‌ی خوێندن و پێگه‌یاندنی نه‌وه‌كانمان بدات.

سه‌رۆكی حكومه‌ت جه‌ختی له‌ گرنگیدان به‌ كه‌رتی خوێندن و په‌روه‌رده‌ كرده‌وه‌ و گوتی له‌ كابینه‌ی نۆیه‌می حكومه‌تی هه‌رێمی كوردستان، یه‌كێك له‌ كاره‌ له‌ پێشینه‌كانی كارنامه‌ی حكومه‌ت، گرنگیدانه‌ به‌ خوێندن و په‌روه‌رده‌، بایه‌خدانه‌ به‌ خوێندنی باڵا و توێژینه‌وه‌ی زانستی و پێشخستنی ئاستی زانستی زانكۆكان.

مه‌سرور بارزانی، ئاماژه‌ی به‌وه‌شدا، به‌جێگه‌یاندنی ئه‌و ئه‌ركانه‌ش، په‌یوه‌سته‌ به‌ باشبوونی ره‌وشی ئابووری، هیواشی خواست كێشه‌كانی هه‌رێمی كوردستان له‌گه‌ڵ به‌غدا، به‌ گوێره‌ی ده‌ستوور چاره‌سه‌ر بكرێن، بۆ ئه‌وه‌ی خزمه‌تگوزارییه‌كی باشتر پێشكه‌ش به‌ هاووڵاتیانی هه‌رێمی كوردستان بكرێت.

له‌ كۆتایی وتاره‌كه‌شیدا، سه‌رۆكی حكومه‌ت په‌یامی خۆی ئاراسته‌ی قوتابییه‌ ده‌رچووه‌كان كرد و گوتی پێویسته‌ بزانن ئه‌و زانكۆیه‌ بۆ ئێوه‌ دامه‌زراوه‌، بۆ ئه‌وه‌ی له‌ دواڕۆژدا ببنه‌ سه‌ركرده‌ی داهاتووی كوردستان، له‌ كایه‌ جیاجیاكانی ژیاندا.

له‌ رێوڕه‌سمی یه‌كه‌م ئاهه‌نگی ده‌رچووانی خولی یه‌كه‌می زانكۆی ئه‌مه‌ریكی كوردستان له‌ دهۆك، هه‌ریه‌ك له‌ نێچێرڤان بارزانی، سەرۆکی هەرێمی کوردستان، محه‌مه‌د حه‌لبووسی، سەرۆکی ئەنجومەنی نوێنەرانی عێراق، ماتیو توله‌ر، باڵیۆزی ویلایەتە یەکگرتووەکانی ئەمریکا و دیپلۆماتکارانی بیانی و پەرلەمانتاران و چەندین بەرپرسی باڵای حکومی و حزبی ئامادەبوون.




بەرپرسى پەیوەندیەکانى دەرەوەى حکومەت پێشوازى لە سەرۆکى دەستەى سەربەخۆى مافى مرۆڤ لە هەرێم و شاندێکى یاوەرى کرد
WED, 9 OCT 2019 11:13

لە دیدارێکى نێوان سەفین دزەیى بەرپرسى پەیوەندیەکانى دەرەوەى حکومەت و زەیا بەترس سەرۆکى دەستەى سەربەخۆى مافى مرۆڤ لە هەرێم و شاندێکى یاوەرى باس لە هاوکارى هەماهەنگى نێوان هەردوو دامەزراوە کرا بۆ ئەو پرسانەى پەیوەندى بە یاسا نێودەوڵەتیەکان هەیە لەڕووى پاراستنى مافەکانى مرۆڤ.

 
راگەیەندراوێک لە حکومەتی هەرێمی کوردستانەوە دەربارەی پەرەسەندنەکانی باکووری رۆژهەڵاتی سوریا
TUE, 8 OCT 2019 22:55

هەولێر، هەرێمی کوردستان، عێراق (GOV.KRD) - حکومەتی هەرێمی کوردستان نیگەرانی زۆری خۆی دەردەبڕێت بەرامبەر بڕیاری کشاندنەوەی هێزەکانی وڵاتە یەکگرتووەکانی ئەمەریکا لە ناوچەی ئارامی باکووری رۆژهەڵاتی سوریا و ئەو راپۆرتانەی باس لە ئەگەری هێرشی تاکلایەنەی تورکیا بۆ ئەو ناوچەیە دەکەن.

 
بە ئامادەبوونى بەرپرسى پەیوەندیەکانى دەرەوەو باڵیۆزى فەڕەنسا لە عیراق، ئۆفیسى ئاژانسى فەڕەنسى بۆ هاوکارى تەکنیکی نێودەوڵەتى (Expertise France) لە هەولێر کرایەوە
TUE, 8 OCT 2019 16:11

بە ئامادەبوونى هەریەکە لە بەڕێزان (سەفین دزەیی) بەرپرسی فەرمانگەى پەیوەندیەکانى دەرەوە و (برۆنۆ ئۆبێر) باڵیۆزى فەڕەنسا لە عێراق و (ئۆلیڤیێ دیکوتینیێ) کونسوڵى گشتى کۆمارى فەڕەنسا لە هەولێر و (جێریمى پیلێ) بەڕێوەبەرى گشتى ئاژانسى فەڕەنسى بۆ هاوکارى تەکنیکى نێودەوڵەتى، ئۆفیسى ئاژانسى فەڕەنسى بۆ هاوکارى تەکنیکى نێودەوڵەتى کە ناسراوە بە (Expertise France) کرایەوە.

 

 

د. دلاوەر ئاژگەیی، نوێنەری حکومەتی هەرێم لە یەکێتی ئەوروپا لەگەڵ جێگری سەرۆکی پەرلەمانی ئەوروپا کۆبۆوە

SUN, 13 OCT 2019 13:03

لە چوارچێوەی کار و چالاکییەکانی نوێنەرایەتی حکومەتی هەرێمی کوردستان لە یەکێتی ئەوروپا، د. دلاوەر خالید ئاژگەیی، نوێنەری حکومەتی هەرێمی کوردستان لە یەکێتی ئەوروپا سەردانی پەرلەمانی ئەوروپای کرد و لەگەڵ پاپادیمۆلیس، جێگری سەرۆکی پەرلەمانی ئەوروپا کۆبۆوە.

 

بەرپرسی پەیوەندیەکانى دەرەوەى حکومەت لەگەڵ کونسوڵی گشتی ئەڵمانیا کۆبووەوە باسیان لە چەند پرسێکى هەنووکەیى کرد

FRI, 11 OCT 2019 21:40

سەفین دزەیى بەرپرسی پەیوەندیەکانى دەرەوەى حکومەت لەگەڵ خاتوو باربارا وۆڵف کونسوڵی گشتی ئەڵمانیا کۆبووەوە باسیان لە چەند پرسێکى هەنووکەیى کرد

 

سەرۆکی حکومەتی هەرێمی کوردستان پێشوازی لە د.فوئاد مەعسوم دەکات

WED, 9 OCT 2019 17:24

هەولێر، هەرێمی کوردستان، عێراق (GOV.KRD) - ئەمڕۆ چوارشەممە ٢٠١٩/١٠/٩ مەسرور بارزانی سەرۆکی حکومەتی هەرێمی کوردستان پێشوازی لە د.فوئاد مەعسوم سەرۆکی کۆماری پێشووی عێراق کرد.

 

ئەنجومەنی وەزیران دۆخی عێراق و سوریا تاوتوێ دەکات

WED, 9 OCT 2019 17:14

هەولێر، هەرێمی کوردستان، عێراق (GOV.KRD) - ئەمڕۆ چوارشەممە ٢٠١٩/١٠/٩ ئەنجومەنی وەزیرانی هەرێمی کوردستان بە سەرپەرشتی مەسرور بارزانی سەرۆکی ئەنجومەنی وەزیران و ئامادەبوونی قوباد تاڵەبانی جێگری سەرۆک وەزیران کۆبووەوە.