فه‌رمانگه‌ی په‌یوه‌ندییه‌کانی ده‌ره‌وه‌
حكومه‌تی هه‌رێمی كوردستان
TUE, 14 JUL 2020 14:19 Erbil, GMT +3
Source: KRG-DFR DFR publication date: TUE, 15 OCT 2019 11:58
لە کراکۆڤ، بە ئامادەبوونى نوێنەرى حکومەتى هەرێم لە پۆڵۆنیا پیشانگاى ڕۆژهه‌ڵاتی تاریك کە پەیوەستە بە ڕۆژه‌ ناخۆشه‌كانی ڕۆژهه‌ڵاتی ناوه‌ڕاست کرایەوە

پێشانگایه‌كی هونه‌ری له‌ ژێر ناونیشانی ''ڕۆژهه‌ڵاتی تاریك'' له‌ شاری كراكۆڤی پۆڵۆنیا بۆ هونه‌رمه‌ندی به‌ناوبانگ ئه‌حمه‌د نه‌به‌ز کرایەوە. نوێنه‌رایه‌تی حكومه‌تی هه‌رێمی كوردستان و سه‌نته‌ری  كەلتوری نێوده‌وڵه‌تی لە كراكۆڤ هه‌ڵستان به‌ ڕێكخستنی ئەو پێشانگایە كه‌ كۆمەڵێكی نایاب لە تابلۆو كۆلاژو ڤیدیۆئارت تیایا نمایش كراوە وە بووه‌ جێی بایه‌خی بینەرە پۆڵۆنیه‌كان و كه‌سانی ئه‌كادیمی و دیبلۆماتی و ڕۆژنامه‌نوسان و چه‌ندین كه‌سایه‌تی تر كە به‌شداریان كرد لە كردنەوەی پێشانگاكە ، لە نێویان سه‌رۆكی ئینستیتوتی  ڕۆژھەڵاتناسی زانكۆی یاگه‌لۆنیان و جێگری سه‌رۆكی ئەكادێمیای ھونەرە جوانەكان و پەرلەمانتاران و نوێنەرانی دەسەڵاتی خۆجێیی و دەستەی دیبلۆماسی .

سه‌ره‌تای كردنه‌وه‌ی پێشانگاكه‌ چەند وتارێك له‌ لایه‌ن سەرۆكی سەنتەری كولتوری نێودەولەتی خاتو (ئەگاتە ڤەنسۆڤسكە پاڤلیك ) و (زیاد رەئووف)نوێنەری حكومەتی ھەرێمی كوردستان لە پۆلۆنیا و له‌لایەن هونه‌رمه‌ند ئه‌حمه‌د نه‌به‌ز پێشكه‌شكرا.

زیاد ڕه‌ئووف له‌ وتاره‌كه‌یدا ئاماژه‌ی به‌ دۆخی گشتی ڕۆژھەڵاتی ناوەڕاست و ئه‌م دواییه‌ی ڕۆژاوا كرد و ڕایگه‌یاند '' پێشانگاكه‌ی ئه‌حمه‌د نه‌به‌ز جوانترین نمونه‌یه‌ بۆ سه‌لماندنی ئه‌و دۆخه‌ تاریكه‌ی كه‌ كوردی تێكراوه‌ و له‌ هه‌موو لایه‌كه‌وه‌ ژن و منداڵ و خه‌ڵكی سڤیلی بێتاوان مافی ژیانیان لێ زه‌وت ده‌كرێت.

هه‌روه‌ها نوێنه‌ری حكومه‌تی هه‌رێمی كوردستان له‌ پۆڵۆنیا سوپاسی سه‌رجه‌م پۆڵۆنیه‌كانی كرد بۆ ئه‌و پشتیوانیه‌ی كه‌ پیشانیاندا بۆ كورده‌كان و پاڵپشتیان لێ كردن. هه‌روه‌ها داوای گه‌یاندنی هاریكاری مرۆیی و پزیشكی بۆ كوردانی ڕۆژئاوا كرد كه‌ به‌ زۆره‌ملێ له‌ زێدی خۆیان ده‌ركران.

كاره‌ هونه‌ریه‌كانی ڕۆژهه‌ڵاتی تاریكی ئه‌حمه‌د نه‌به‌ز پێكهاتووه‌ له‌ ٢٤ وێنه‌ و چه‌ند گرته‌یه‌كی ڤیدیۆیی كه‌ له‌ ساڵه‌كانی 2014-2019 دروستكراوه‌.

تایبه‌تمه‌ندی كاره‌كانی ئه‌حمه‌د نه‌به‌ز له‌وه‌دایه‌ كه‌ ته‌نها ڕه‌نگی ڕه‌ش و رەساسی به‌كارهێناوه‌ و چه‌ند په‌ڵه‌یه‌كی سووریش له‌ وێنه‌كانیدا به‌دی ده‌كرێن.

ئه‌م ڕه‌نگانه‌ نماینده‌ و سیمبۆلی بیرتاریكی داهاتووی ناوچه‌كه‌، به‌كۆیله‌كردنی ئافره‌ت، ناڕه‌حه‌تیه‌كانی مندڵان و ڕووبه‌روبونه‌وه‌یان له‌گه‌ڵ توندوتیژیدا..

كاره‌كانی ئه‌حمه‌د نه‌به‌ز باس له‌ نه‌هامه‌تیه‌كانی گه‌لی كورد ده‌كات له‌ سه‌ده‌كانی 20 و 21 دا.
پێشانگاكه‌ بووه‌ جێی بایه‌خی پۆلۆنیه‌كان و ڕۆژانه‌ به‌ ده‌یان كه‌س سه‌ردانی ده‌كه‌ن.
پێشانگاكه‌ی ئه‌حمه‌د نه‌به‌ز له‌ شاری كراكۆڤ تا به‌رواری 3ی تشرینی دووه‌می 2019 به‌رده‌وام ده‌بێت.




مەسرور بارزانی، سەرۆكی حكومەتی هەرێمی كوردستان لە رێوڕەسمی دانانی بەردی بناغەی شەقامی 100 مەتری لە سلێمانی رایگەیاند "شەقامی 100 مەتری سلێمانی، یەكێكە لە پڕۆژە هەرە گەورە و ستراتیژیەكانی حكومەت بۆ شاری خۆشەویستی سلێمانی و خەڵكی سلێمانی شایەنی پڕۆژەی زیاترن".
SAT, 11 JUL 2020 17:08

ئەمڕۆ شەممە 11/7/2020 مەسرور بارزانی سەرۆكی حكومەتی هەرێمی كوردستان، بە ئامادەبوونی قوباد تاڵەبانی جێگری سەرۆكی حكومەت و ژمارەیەك وەزیر و پارێزگاری سلێمانی، بەردی بناغەی شەقامی 100 مەتری سلێمانی دانا.

 
سەفین دزەیی: نوێنەرایەتی لە تورکیا و هەندێ لە وڵاتانی عەرەبی و ئاسیا دەکەینەوە
FRI, 10 JUL 2020 21:44

سەفین دزەیی، بەرپرسی فەرمانگەی پەیوەندیەکانى دەرەوەی حکومەتی هەرێم لە لێدوانێکدا لە بارەى تێپەڕبوونی ساڵێک بەسەر تەمەنی کابینەی نۆیەمی حکومەت و کاروچالاکییەکانی بە کوردستان24ـی راگەیاند، سەرەڕای بەربەست و قەیرانەکان، حکومەت هەنگاوی زۆر باشی بۆ بەهێزکردنی پەیوەندییەکانی ناوە.

 
ئەنجومەنی وەزیران گفتوگۆ دەربارەی سیستەمی بایۆمێتری و گرفتەکانی کەرتی کشتوکاڵ دەکات
WED, 8 JUL 2020 21:00

ھەولێر، ھەرێمی كوردستان، عێراق (GOV.KRD)- ئەمڕۆ چوارشەممە ٢٠٢٠/٧/٨ ئەنجومەنی وەزیرانی هەرێمی کوردستان بە سەرپەرشتی مەسرور بارزانی سەرۆکی وەزیرانی هەرێمی کوردستان و بەشداربوونی قوباد تاڵەبانی جێگری سەرۆک وەزیران، لە ڕێگەی ڤیدیۆ کۆنفرانسەوە کۆبووەوە.

 

 

بەبۆنەى کۆچى دوایى کونسوڵى میسر لە هەرێم، سەفین دزەیى نامەیەکى هاوخەمى ئاراستەى وەزیرى دەرەوەى کۆمارى میسرى عەرەبى کردو پەیوەندیەکى تەلەفۆنى لەگەڵ باڵیۆزى میسر لە بەغدا ئەنجامدا

MON, 13 JUL 2020 21:00

ئەمڕۆ دووشه‌ممه‌ 13/7/2020 به‌ڕێز سەفین دزەیى بەرپرسى پەیوەندیەکانى دەرەوەى حکومەت پرسه‌نامه‌یه‌كى ئاراسته‌ى به‌ڕێز د. سامح شوکرى وەزیرى دەرەوەى کۆمارى میسرى عەرەبى کرد، تێیدا پرسەو سەرەخۆشى خۆى ئاراستەى بەڕێزیان کرد بەبۆنەى کۆچى دوایى باڵیۆز ئه‌حمه‌د جیهاد سعید حارس كونسولى كۆمارى میسرى عه‌ره‌بى له‌هەرێمى کوردستان، کە دوێنێ بە نەخۆشى لە قاهیرەى پایتەختى میسر کۆچى دوای کرد. وێڕاى بەرز نرخاندنى رۆلى خوالێخۆشبوو لە پتەوکردنى پەیوەندیەکانى نێوان هەردوولا، هیواى خواست خواى گەورە سەبرو ئارامى بە دۆستان و خانەوادەو کەسوکارى ببەخشێت و جێگەى بەهەشتى بەرین بێت.

 

سه‌رۆك نێچیرڤان بارزانى سه‌ره‌خۆشى له‌ سه‌رۆك ئه‌لسیسى ده‌كات

SUN, 12 JUL 2020 21:36

ئه‌مڕۆ یه‌كشه‌ممه‌ 12/7/2020 به‌ڕێز نێچیرڤان بارزانى، سه‌رۆكى هه‌رێمى كوردستان پرسه‌نامه‌یه‌كى ئاراسته‌ى به‌ڕێز عه‌بدولفه‌تاح ئه‌لسیسى، سه‌ركۆمارى میسر كرد، تیایدا بۆ كۆچى دواییى خوالێخۆشبوو ئه‌حمه‌د حارس كونسولى كۆمارى میسرى عه‌ره‌بى له‌ هه‌ولێر، سه‌ره‌خۆشى له‌ به‌ڕێزیان كرد و هاوخه‌میى خۆى بۆ له‌ده‌ستدانى خوالێخۆشبوو ده‌ربڕى كه‌ دوێنێ له‌ میسر كۆچى دوایى كرد.

 

فەرمانگەى پەیوەندیەکانى دەرەوەى حکومەت بە بۆنەى کۆچى دوایی کونسوڵى میسڕ لە هەرێم باڵیۆز ئەحمەد جیهاد سەرەخۆشى لە خانەوادەو ستافى کونسوڵگەرى و باڵیۆزخانەى میسڕ لە عیراق و وەزارەتى دەرەوەى میسڕ دەکات

SUN, 12 JUL 2020 21:29

بەداخەوە ئەمڕۆ وەزارەتى دەرەوەى کۆمارى میسڕى عەرەبى رایگەیاند کونسوڵى میسر لە هەرێمى کوردستان باڵیۆز ئەحمەد جیهاد سەعید حارس بە هۆى نەخۆشى لە قاهیرەى پایتەختى میسڕ کۆچى دوایی کرد.

 

سەرۆکی حکومەتی ھەرێمی کوردستان سەرپەرشتی کۆبوونەوەیەکی تایبەت بە چاکسازییەکانی وەزارەتی پێشمەرگە دەکات

SUN, 12 JUL 2020 17:29

ھەولێر، ھەرێمی كوردستان، عێراق (GOV.KRD)- ئه‌مڕۆ یه‌كشه‌ممه‌ ٢٠٢٠/٧/١٢ مه‌سرور بارزانى سه‌رۆكى حكومه‌تى هه‌رێمى كوردستان له‌ ڕێگەی‌ ڤیدیۆ كۆنفرانسه‌وه‌ ، سه‌رپه‌رشتى كۆبوونه‌وه‌یه‌كى تایبه‌ت به‌ پرۆسه‌ى چاكسازى له‌ وه‌زاره‌تى پێشمه‌رگه‌ كرد.