فه‌رمانگه‌ی په‌یوه‌ندییه‌کانی ده‌ره‌وه‌
حكومه‌تی هه‌رێمی كوردستان
WED, 12 AUG 2020 23:15 Erbil, GMT +3
Source: KRG-DFR DFR publication date: THU, 5 DEC 2019 13:10
کونسوڵی گشتی نوێی هەنگاریا لە هەرێمی کوردستان دەستبەکاربوو، لەلایەن بەرپرسی پەیوەندیەکانى دەرەوەى حکومەت پێشوازى لێکرا

ئەمڕۆ پێنجشەممە، ڕێکەوتی (٥/١٢/٢٠١٩) ، سەفین دزەیی، بەرپرسی پەیوەندیەکانی دەرەوە، پێشوازی له‌ به‌ڕێز ئیشتڤان ئیمری کونسوڵی گشتی هەنگاریا لە هەرێمی کوردستان كرد کە تیایدا هەردولا تاوتوێی دوایین پرسە هەنووکەییەکان و پەرەسەندنە سیاسی و ئەمنی و مرۆییەکان کرد و هیوایان خواست بەردەوام بن لەسەر برەودانی زیاتری پەیوەندیەکانی بەرژەوەندی هاوبەش.

به‌ڕێز بەرپرسی پەیوەندیەکانی دەرەوە پیرۆزبایی لە ئیشتڤان ئیمری کرد بەبۆنەی دەست بەکار بوونی وەکو کونسوڵی گشتی ووڵاتەکەی لە هەرێمی کوردستان وە هیوای سەرکەوتنی لە ئەرکەکەی بۆ خواست پاشان، تیشکی خستە سەر ئاستی پەیوەندیە دوولایەنەکانی نێوان هەرێمی کوردستان و هەنگاریا و سوپاسی بوونی ئاستی نوێنەرایەتی دیپلۆماسی و هاوکاری سەربازی و مرۆیی هەنگاریای کرد لەماوەی ڕابردوودا بۆ هێزەکانی پێشمەرگە و شەڕی تیرۆریستانی داعش. پاشان، پاڵپشتی و هاوکاری فەرمانگەی پەیوەندیەکانی دەرەوەی بۆ بەڕیزیان خستەڕوو بە ئامانجی سەرخستنی کار و چالاکیەکانیان.

لای خۆیەوە بەڕێز ئیشتڤان ئیمری ، سووپاسی بەرپرسی پەیوەندیەکانی دەرەوەی کرد بۆ ئەم پێشوازیە و پاشان پووختەیەکی خستنە ڕووی سەبارەت بە دوایین کار و چالاکیەکانی کونسوڵگەری گشتی ووڵاتەکەی لە هەرێمی کوردستان و ویستی ووڵاتەکەی بۆ برەودانی زیاتر بە پەیوەندیە دوو قۆڵیەکان لە بوارە جیاجیاکان ئابووری و وەبەرهێنان و کشتوکاڵ.

هەردوولا تاوتوێی بوارەکانی بەرژەوەندی هاوبەشیان کرد بۆ برەودانی زیاتر بە پەیوەندی پەروەردە و ئابووری و بازرگانیەکان و جەختیان کردەوە لە چڕ کردنەوەی هەوڵەکان بۆ برەودانی زیاتر بە پەیوەندیەکان لەسەر ئاستی حکومەت و گەلی هەردولا .


 




پرسەنامەیەک لە سەرۆکی حکومەتی هەرێمی کوردستانەوە بۆ بنەماڵەی بەڕێزی کاک سلێمان خالید ئاژگەیی
THU, 6 AUG 2020 17:35

بەداخەوە هەواڵی کۆچی دوایی کاک سلێمان، كوڕەگەورەی تێکۆشەری دێرین خالید ئاژگەییم پێ گەیشت. پرسە و سەرەخۆشی لە بنەماڵە بەڕێزەکەتان دەکەم . خوای گەورە بە بەهەشتی شاد بکات وئارامی و دڵنەواییش بە ئێوە ببەخشێت.

پەیامی پیرۆزبایی سەرۆکی حکومەتی هەرێمی کوردستان بەبۆنەی جەژنی قوربان
THU, 30 JUL 2020 14:00

بە بۆنەی جەژنی قوربانەوە، پیرۆزبایی لە موسڵمانانی کوردستان و جیهان دەکەم. هیوادارم ڕۆژانی جەژن، لە خۆشی و کامەرانیدا بەسەر ببەن و پابەندی ڕێکارەکانی خۆپارێزی و ڕێنماییە تەندروستییەکان بن.

 
پرسه‌نامه‌ى بەڕێز سەفین دزەیی بۆ با‌تریارك كاردینال مار لویس رۆفائیل ساكۆ/ سه‌رۆكى كه‌نیسه‌ى كلدانى له‌ عێراق و جیهان
WED, 29 JUL 2020 19:38

بەداخێکی زۆرەوە هەواڵی کۆچیی دوایی خوشكى به‌ڕێزتان خاتوو (سامره‌ رۆفائیل ساكۆ) م پێگه‌یشت. پرسە و سەرەخۆشی خۆم ئاڕاستەی ئێوە و بنەماڵە بەڕێزەکەتان دەکەم و هاوخەمی و خۆمتان پێڕادەگەیەنم. خوای مەزن گیانی بە بەهەشت شاد بکات و ئارامی و دڵنەواییش بەهەموو لایەک ببەخشێت.

 

 

سەفین دزەیى بەرپرسی پەیوەندییەکانی دەرەوەی حکومەت پێشوازی لە جێگری باڵیۆزی کۆماری ئەندۆنیسیا لە بەغدا دەکات

SUN, 9 AUG 2020 16:52

ئەمڕۆ یەکشەممە ٩ی ئابی ٢٠٢٠، بەڕێز سەفین دزەیی، بەرپرسی پەیوەندییەکانی دەرەوەی حکومەتی هەرێمی کوردستان پێشوازی لە هاری ئانشە خیرول جێگری باڵیۆز لە باڵیۆزخانەی کۆماری ئەندۆنیسیا لە بەغدا و شاندێکی یاوەری کرد.

 

لە ڕێوڕەسمێکدا بە ئامادەبوونی جێگری سەرۆکی ئەنجومەنی وەزیران و بەرپرسی فەرمانگەی پەیوەندییەکانی دەرەوەی حکومەت، دابان شەدەڵە وەک جێگری بەرپرسی فەرمانگەى پەیوەندییەکانى دەرەوە دەستبەکاربوو

SUN, 9 AUG 2020 16:36

ئەمڕۆ یەکشەممە ٩/٨/٢٠٢٠، لە ڕێوڕەسمێکی تایبەتدا کە لە فەرمانگەی پەیوەندییەکانی دەرەوەی حکومەتی هەرێمی کوردستان بەڕێوەچوو بەڕێز دابان شەدەڵە، نوێنەری پێشووی حکومەتی هەرێمی کوردستان لە ئیسپانیا وەک جێگری بەرپرسی فەرمانگە دەستبەکاربوو.

 

سەفین دزەیی لە وێبکاستێکی تایبەت بە یادی ٦ ساڵەی ئێزیدی و کرستییانەکان کۆمەڵێک پرسی گرنگ تاوتوێ دەکات

SAT, 8 AUG 2020 17:49

ڕۆژی هەینی ٧/٨/٢٠٢٠، بەڕێز سەفین دزەیی، بەرپرسی پەیوەندییەکانی دەرەوەی حکومەتی هەرێمی کوردستان بەشداری لە پەنێڵێکی تایبەتدا کرد لە ڕێگەی وێبکاستەوە لە ژێر ناونیشانی (گواستنەوەکان لەودیوی مانەوەدا: شەشەمین ساڵیادی جینۆسایدی ئێزیدی و کرستییانەکان ).

 

بەبۆنەى کۆچى دوایی براى بەڕێزیان، سەفین دزەیی لە پەیوەندییەکى تەلەفۆنى پرسەو سەرەخۆشى لە د. دلاوەر ئاژگەیى نوێنەری حکومەتی هەرێمی کوردستان لە یەکێتی ئەوروپا کرد

THU, 6 AUG 2020 18:30

بەبۆنەى کۆچى دوایی سلێمان خالید ئاژگەیى کە دەکاتە براگەورەى د. دلاوەر خالید ئاژگەیى نوێنەری حکومەتی هەرێمی کوردستان لە یەکێتی ئەوروپا، ئەمڕۆ پێنجشەممە بەڕێز سەفین دزەیى بەرپرسى پەیوەندییەکانى دەرەوەى حکومەتى هەرێم لە پەیوەندییەکى تەلەفۆنیدا بە ناوى خۆى و ستافى فەرمانگەى پەیوەندییەکانى دەرەوەى حکومەت پرسەو سەرەخۆشى لە بەڕێزیان کردو هیواى خواست خوای گەورە كۆچكردوو بە بەهەشتی بەرینی خۆی شاد بكات و سەبرو ئارامى بە هەموولایەک ببەخشێت و ئەمە دوا خەم و دوا کۆستى ئەو بنەماڵە تێکۆشەرە بێت.