فه‌رمانگه‌ی په‌یوه‌ندییه‌کانی ده‌ره‌وه‌
حكومه‌تی هه‌رێمی كوردستان
SUN, 23 FEB 2020 17:57 Erbil, GMT +3
Source: KRG-DFR DFR publication date: TUE, 11 FEB 2020 10:00
بەئامادەبوونى به‌ڕێزان محه‌مه‌د عه‌لى ئه‌لحه‌كیم وه‌زیرى ده‌ره‌وه‌ى عێراقى فیدرال و سەفین دزەیى بەرپرسى پەیوەندیەکانى دەرەوەى حکومەت نووسینگەى پەسندکردنى بەڵگەنامەکانى هاوڵاتیان لە هەولێرى پایتەخت کرایەوە

ئەمڕۆ بەئامادەبوونى به‌ڕێزان محه‌مه‌د عه‌لى ئه‌لحه‌كیم وه‌زیرى ده‌ره‌وه‌ى عێراقى فیدرال و سەفین دزەیى بەرپرسى پەیوەندیەکانى دەرەوەى حکومەت و د. فرسەت سۆفى پارێزگارى هەولێر نووسینگەى پەسندکردنى بەڵگەنامەکانى هاوڵاتیان لە هەولێرى پایتەخت کرایەوە.

لە رێوڕەسمەکەدا  به‌ڕێز محه‌مه‌د عه‌لى ئه‌لحه‌كیم وه‌زیرى ده‌ره‌وه‌ى عێراق لە لێدوانێکى رۆنامەوانى رایگەیاند ئامانج لە کردنەوەى ئەم نووسینگەیە پێشکەشکردنى کارئاسانیە بۆ هاوڵاتیانى هەرێمى کوردستان ئەوانەى پێویستیان بە پەسندکردنى بەڵگەنامەکان هەبوو دەبووایە سەردانى بەغدا بکەن، لەمەودوا دەتوانن لێرە کارەکانیان ڕایی بکەن. هاوکات سوپاسى دامەزراوەکانى هەرێمى کوردستانى کرد بۆ هاکاریان لەگەڵ ئەم نووسینگەیەو سەرخستنى کارەکانیان.

دواتر بەڕێز سەفین دزەیى بەرپرسى پەیوەندیەکانى دەرەوەى حکومەت رایگەیاند کە وەک حکومەتى هەرێم خۆشحاڵن بە کردنەوەى نووسینگەیەک بۆ پەسندکردنى بەڵگەنامەو دیکیۆمێنتى هاوڵاتیان لە هەولێرو سلێمانى، چونکە دەبێتە کارئاسانى بۆ هاوڵاتیان و پێویست ناکات بۆ پەسندکردن سەردانى بەغدا بکەن. لەم رووەوە سوپاسى بەڕێز وەزیرى دەرەوەى کرد بۆ ئەم هەنگاوەو هیواى خواست هاوکارى هەماهەنگى نێوان هەردوولا دەسپێک بێت بۆ چارەسەرکردنى تەواوى پرسەکانى نێوان هەولێرو بەغدا.

 




سه‌رۆكی هه‌رێمی كوردستان و عوسمان بایده‌میر كۆبوونه‌وه‌
WED, 19 FEB 2020 14:33

پێشنیوه‌ڕۆی ئه‌مڕۆ چوارشه‌ممه‌ 19/2/2020 له‌ هه‌ولێر به‌ڕێز نێچیرڤان بارزانی، سه‌رۆکی هه‌رێمی کوردستان پێشوازی له‌ سیاسه‌تمه‌داری كورد به‌ڕێز عوسمان بایده‌میر و شاندێكی یاوه‌ری کرد.

 
سەرۆكی حكومەتی هەرێمی كوردستان لەگەڵ پاپا فرەنسیس كۆبووەوە
WED, 19 FEB 2020 13:30

ڤاتیكان (GOV.KRD) - رۆژی چوارشەممە ٢٠٢٠/٢/١٩ مەسرور بارزانی سەرۆكی حكومەتی هەرێمی كوردستان لە ڤاتیكان لەگەڵ پاپا فرەنسیس پاپای ڤاتیكان كۆبووەوە.

 
پەیوەندیە کەلتوورییەکانى نێوان هەرێمی کوردستان شاری کراکۆڤى پۆڵۆنیا زیاتر پەرەى پێدەدرێت
WED, 19 FEB 2020 09:38

بەڕێز زیاد رەئووف ، نوێنەری حکومەتی هەرێمی کوردستان لە وڵاتی پۆڵۆنیا کۆبوونەوەیەکی لەگەڵ بەڕێز ڕۆبەرت پیاسکۆڤسکی ( Robert Piaskowski ) ، نوێنەری تایبەتی پارێزگاری کراکۆڤ بۆ کاروباری کەلتوورى ئەنجامدا.

 

 

سه‌رۆكی هه‌رێمی كوردستان پێشوازی له‌ شاندێكی كۆنگرێسی ئه‌مه‌ریكا ده‌كات

WED, 19 FEB 2020 23:32

به‌ڕێز نێچیرڤان بارزانی سه‌رۆكی هه‌رێمی كوردستان سوپاسی پاڵپشتیی ئه‌مه‌ریكای بۆ خه‌ڵكی كوردستان و هێزه‌كانی پێشمه‌رگه‌ کرد و جه‌ختی له‌وه‌ كرده‌وه‌ كه‌ مه‌ترسیی داعش دژی هه‌موو مرۆڤایه‌تییه‌ بۆیه‌ به ‌پێویستی زانی كۆمه‌ڵگه‌ی نێوده‌وڵه‌تی به‌ جددی سه‌یری سه‌رهه‌ڵدانه‌وه‌ی ئه‌و مه‌ترسییه‌ بكات.

 

بە ئامادەبوونى سەرۆكی ھەرێمی ماڵاپۆلسكا، نوێنەری حكومەتی ھەرێمی كوردستان لە پۆلۆنیا بەشداری لە دیداری ساڵانەی دەستەی دیپلۆماسی ئەو وڵاتە کرد

WED, 19 FEB 2020 21:39

زیاد رەئووف نوێنەری حكومەتی ھەرێمی كوردستان لە پۆلۆنیا بەشداربوو لە دیداری ساڵانەی دەستەی دیپلۆماسی لەگەڵ سەرۆكی ھەرێمی ماڵاپۆلسكا لە شاری كراكۆڤی پایتەختی ئەو ھەرێمە .

 

سەرۆکی حکومەتی هەرێمی کوردستان لەگەڵ وەزیری بەرگری ئیتاڵیا کۆبووەوە

WED, 19 FEB 2020 19:05

رۆما، ئیتاڵیا (GOV.KRD) - سەرۆکی حكومەتی هەرێمی کوردستان رۆژی چوارشەممە ١٩ شوباتی ٢٠٢٠ لە رۆما لەگەڵ لۆرێنزۆ گویرینی وەزیری بەرگری ئیتاڵیا کۆبووەوە و تاوتوێی چەندین پرسی هاوبەشیان کرد.

 

سەرۆکی حکوومەتی هەرێمی کوردستان و وەزیری دەرەوەی ئیتاڵیا کۆبوونەوە

WED, 19 FEB 2020 19:03

رۆما، ئیتاڵیا (GOV.KRD) - مەسرور بارزانی سەرۆکی حكومەتی ھەرێمی کوردستان، رۆژی چوارشەممە ١٩ شوباتی ٢٠٢٠ لە رۆما لەگەڵ لویجی دی مایۆ، وەزیری دەرەوەی ئیتاڵیا کۆبووەوە.