فه‌رمانگه‌ی په‌یوه‌ندییه‌کانی ده‌ره‌وه‌
حكومه‌تی هه‌رێمی كوردستان
TUE, 14 JUL 2020 12:42 Erbil, GMT +3
Source: KRG-DFR DFR publication date: WED, 13 MAY 2020 22:33
سه‌رۆكى هه‌رێمى كوردستان و كونسولى ئه‌مه‌ریكا دۆخى هه‌رێم و عێراق تاوتوێ ده‌كه‌ن

سه‌رۆك نێچیرڤان بارزانى جه‌ختى له‌ گرنگیى پاراستنى ته‌بایى و یه‌كڕیزى و پێكه‌وه‌كاركردن و سه‌قامگیریى سیاسى له‌ هه‌رێمى كوردستان كرده‌وه‌ بۆ ئه‌وه‌ى به‌ هاوكارى و هه‌ماهه‌نگیى هه‌موو لایه‌ك بتوانرێت سه‌ختییه‌كانى ئه‌م قۆناغه‌ له‌ كێشه‌ و قه‌یرانه‌كانى دارایى و ئابوورى و لێكه‌وته‌كانى دیكه‌ى په‌تاى كۆرۆنا تێپه‌ڕێنێت، دووپاتیشى كرده‌وه‌ كه‌ سه‌رۆكایه‌تیى هه‌رێمى كوردستان له‌م پێناوه‌دا له‌ هه‌وڵه‌كانى به‌رده‌وام ده‌بێت.

به‌ڕێز نێچیرڤان بارزانى، سه‌رۆكى هه‌رێمى كوردستان پێشنیوه‌ڕۆى ئه‌مڕۆ چوارشه‌ممه‌ 13/5/2020 له‌ هه‌ولێر له‌ دیدارێكدا له‌گه‌ڵ به‌ڕێز ستیڤن فه‌یگن كونسولى گشتیى ئه‌مه‌ریكا له‌ هه‌رێمى كوردستان، وێڕاى دووپاتكردنه‌وه‌ى پشتگیریى هه‌رێمى كوردستان بۆ حكوومه‌تى به‌ڕێز سه‌رۆك وه‌زیران مسته‌فا كازمى، دوایین پێشهاته‌كانى دۆخى سیاسى و ئابوورى له‌ عێراق و هه‌رێمى كوردستان و ئه‌رك و ته‌حه‌دییه‌كانى به‌رده‌م حكوومه‌تى تازه‌ى عێراق، هه‌روه‌ها پرسى دیالۆگى ستراتیژیى ئه‌مه‌ریكى ـ عێراقى و ئاماده‌یى و ڕۆڵى هه‌رێمى كوردستانیان له‌و دیالۆگه‌دا تاوتوێ كرد و په‌یوه‌ندییه‌كانى هه‌ولێر ـ به‌غدا و هه‌وڵى چاره‌سه‌ركردنى كێشه‌كانیان له‌سه‌ر بنه‌ماى ده‌ستوور، خسته‌ به‌ر باس.

دوایین پێشهاته‌كانى به‌ره‌نگاربوونه‌وه‌ى په‌تاى كۆرۆنا له‌ هه‌رێمى كوردستان، به‌شێكى دیكه‌ى دیداره‌كه‌ بوو كه‌ تیایدا به‌ڕێز كونسولى ئه‌مه‌ریكا ده‌ستخۆشى له‌ هه‌وڵ و ڕێكاره سه‌ركه‌وتووه‌كانى حكوومه‌تى هه‌رێمى كوردستان بۆ ڕووبه‌ڕووبوونه‌وه‌ى په‌تاكه‌ كرد و هاوكارى و پشتگیریى ئه‌مه‌ریكاى له‌مباره‌یه‌وه‌ له‌گه‌ڵ هه‌رێمى كوردستان دووپات كرده‌وه‌.

له‌ دیداره‌كه‌دا تیشك خرایه‌ سه‌ر دوایین پێشهاته‌كانى به‌ره‌نگاربوونه‌وه‌ى تیرۆر و جموجووڵ و مه‌ترسییه‌كانى داعش و پێویستى و گرنگیى به‌رده‌وامیى پشتیوانیى هاوپه‌یمانیى نێوده‌وڵه‌تى بۆ عێراق و هه‌رێمى كوردستان له‌ به‌ره‌نگاربوونه‌وه‌ى تیرۆردا، هه‌روها باس له‌ دۆخى سووریا كرا و به‌ڕێز كونسولى گشتیى ئه‌مه‌ریكا سوپاسى هه‌وڵه‌كانى به‌ڕێز سه‌رۆكى هه‌رێمى كوردستانى بۆ یه‌كڕیزى و ته‌بایى له‌نێوان لایه‌نه‌ كوردییه‌كانى سووریادا كرد.




مەسرور بارزانی، سەرۆكی حكومەتی هەرێمی كوردستان لە رێوڕەسمی دانانی بەردی بناغەی شەقامی 100 مەتری لە سلێمانی رایگەیاند "شەقامی 100 مەتری سلێمانی، یەكێكە لە پڕۆژە هەرە گەورە و ستراتیژیەكانی حكومەت بۆ شاری خۆشەویستی سلێمانی و خەڵكی سلێمانی شایەنی پڕۆژەی زیاترن".
SAT, 11 JUL 2020 17:08

ئەمڕۆ شەممە 11/7/2020 مەسرور بارزانی سەرۆكی حكومەتی هەرێمی كوردستان، بە ئامادەبوونی قوباد تاڵەبانی جێگری سەرۆكی حكومەت و ژمارەیەك وەزیر و پارێزگاری سلێمانی، بەردی بناغەی شەقامی 100 مەتری سلێمانی دانا.

 
سەفین دزەیی: نوێنەرایەتی لە تورکیا و هەندێ لە وڵاتانی عەرەبی و ئاسیا دەکەینەوە
FRI, 10 JUL 2020 21:44

سەفین دزەیی، بەرپرسی فەرمانگەی پەیوەندیەکانى دەرەوەی حکومەتی هەرێم لە لێدوانێکدا لە بارەى تێپەڕبوونی ساڵێک بەسەر تەمەنی کابینەی نۆیەمی حکومەت و کاروچالاکییەکانی بە کوردستان24ـی راگەیاند، سەرەڕای بەربەست و قەیرانەکان، حکومەت هەنگاوی زۆر باشی بۆ بەهێزکردنی پەیوەندییەکانی ناوە.

 
ئەنجومەنی وەزیران گفتوگۆ دەربارەی سیستەمی بایۆمێتری و گرفتەکانی کەرتی کشتوکاڵ دەکات
WED, 8 JUL 2020 21:00

ھەولێر، ھەرێمی كوردستان، عێراق (GOV.KRD)- ئەمڕۆ چوارشەممە ٢٠٢٠/٧/٨ ئەنجومەنی وەزیرانی هەرێمی کوردستان بە سەرپەرشتی مەسرور بارزانی سەرۆکی وەزیرانی هەرێمی کوردستان و بەشداربوونی قوباد تاڵەبانی جێگری سەرۆک وەزیران، لە ڕێگەی ڤیدیۆ کۆنفرانسەوە کۆبووەوە.

 

 

بەبۆنەى کۆچى دوایى کونسوڵى میسر لە هەرێم، سەفین دزەیى نامەیەکى هاوخەمى ئاراستەى وەزیرى دەرەوەى کۆمارى میسرى عەرەبى کردو پەیوەندیەکى تەلەفۆنى لەگەڵ باڵیۆزى میسر لە بەغدا ئەنجامدا

MON, 13 JUL 2020 21:00

ئەمڕۆ دووشه‌ممه‌ 13/7/2020 به‌ڕێز سەفین دزەیى بەرپرسى پەیوەندیەکانى دەرەوەى حکومەت پرسه‌نامه‌یه‌كى ئاراسته‌ى به‌ڕێز د. سامح شوکرى وەزیرى دەرەوەى کۆمارى میسرى عەرەبى کرد، تێیدا پرسەو سەرەخۆشى خۆى ئاراستەى بەڕێزیان کرد بەبۆنەى کۆچى دوایى باڵیۆز ئه‌حمه‌د جیهاد سعید حارس كونسولى كۆمارى میسرى عه‌ره‌بى له‌هەرێمى کوردستان، کە دوێنێ بە نەخۆشى لە قاهیرەى پایتەختى میسر کۆچى دوای کرد. وێڕاى بەرز نرخاندنى رۆلى خوالێخۆشبوو لە پتەوکردنى پەیوەندیەکانى نێوان هەردوولا، هیواى خواست خواى گەورە سەبرو ئارامى بە دۆستان و خانەوادەو کەسوکارى ببەخشێت و جێگەى بەهەشتى بەرین بێت.

 

سه‌رۆك نێچیرڤان بارزانى سه‌ره‌خۆشى له‌ سه‌رۆك ئه‌لسیسى ده‌كات

SUN, 12 JUL 2020 21:36

ئه‌مڕۆ یه‌كشه‌ممه‌ 12/7/2020 به‌ڕێز نێچیرڤان بارزانى، سه‌رۆكى هه‌رێمى كوردستان پرسه‌نامه‌یه‌كى ئاراسته‌ى به‌ڕێز عه‌بدولفه‌تاح ئه‌لسیسى، سه‌ركۆمارى میسر كرد، تیایدا بۆ كۆچى دواییى خوالێخۆشبوو ئه‌حمه‌د حارس كونسولى كۆمارى میسرى عه‌ره‌بى له‌ هه‌ولێر، سه‌ره‌خۆشى له‌ به‌ڕێزیان كرد و هاوخه‌میى خۆى بۆ له‌ده‌ستدانى خوالێخۆشبوو ده‌ربڕى كه‌ دوێنێ له‌ میسر كۆچى دوایى كرد.

 

فەرمانگەى پەیوەندیەکانى دەرەوەى حکومەت بە بۆنەى کۆچى دوایی کونسوڵى میسڕ لە هەرێم باڵیۆز ئەحمەد جیهاد سەرەخۆشى لە خانەوادەو ستافى کونسوڵگەرى و باڵیۆزخانەى میسڕ لە عیراق و وەزارەتى دەرەوەى میسڕ دەکات

SUN, 12 JUL 2020 21:29

بەداخەوە ئەمڕۆ وەزارەتى دەرەوەى کۆمارى میسڕى عەرەبى رایگەیاند کونسوڵى میسر لە هەرێمى کوردستان باڵیۆز ئەحمەد جیهاد سەعید حارس بە هۆى نەخۆشى لە قاهیرەى پایتەختى میسڕ کۆچى دوایی کرد.

 

سەرۆکی حکومەتی ھەرێمی کوردستان سەرپەرشتی کۆبوونەوەیەکی تایبەت بە چاکسازییەکانی وەزارەتی پێشمەرگە دەکات

SUN, 12 JUL 2020 17:29

ھەولێر، ھەرێمی كوردستان، عێراق (GOV.KRD)- ئه‌مڕۆ یه‌كشه‌ممه‌ ٢٠٢٠/٧/١٢ مه‌سرور بارزانى سه‌رۆكى حكومه‌تى هه‌رێمى كوردستان له‌ ڕێگەی‌ ڤیدیۆ كۆنفرانسه‌وه‌ ، سه‌رپه‌رشتى كۆبوونه‌وه‌یه‌كى تایبه‌ت به‌ پرۆسه‌ى چاكسازى له‌ وه‌زاره‌تى پێشمه‌رگه‌ كرد.