فه‌رمانگه‌ی په‌یوه‌ندییه‌کانی ده‌ره‌وه‌
حكومه‌تی هه‌رێمی كوردستان
TUE, 18 JUN 2019 04:28 Erbil, GMT +3
Source: KRG-DFR DFR publication date: MON, 17 SEP 2018 16:03
نێچیرڤان بارزانی و خاتوو ئۆرسۆلا ڤۆن دێرلاین كۆبوونه‌وه‌

سه‌رله‌به‌یانیی ئه‌مڕۆ دووشه‌ممه‌ 17/9/2018 به‌ڕێز نێچیرڤان بارزانی سه‌رۆك وه‌زیرانی هه‌رێمی كوردستان، پێشوازی له‌ خاتوو ئۆرسۆلا ڤۆن دێرلاین وه‌زیری به‌رگریی ئه‌ڵمانیا  و شاندێكی باڵای حكوومه‌ت و په‌رله‌مانی ئه‌ڵمانیا كرد كه‌ له‌ ژماره‌یه‌ك په‌رله‌مانتاری سه‌ر به‌ پارته‌ جیاوازه‌كان له‌ لیژنه‌ی به‌رگریی په‌رله‌مانی ئه‌ڵمانیا پێكهاتبوون.

له‌ كۆبوونه‌وه‌یه‌كدا كه‌ ژماره‌یه‌ك له‌ به‌ڕێزان وه‌زیر و به‌رپرسانی حكوومه‌تی هه‌رێمی كوردستان ئاماده‌ی بوون، خاتوو دێرلاین و به‌ڕێزان په‌رله‌مانتارانی یاوه‌ری، چاونه‌ترسی و بوێریی پێشمه‌رگه‌ی كوردستانیان له‌ شه‌ڕی دژی داعش و پاراستنی خاك و پێكهاته‌كانی هه‌رێمی كوردستان و قوربانیدانیان له‌م پێناوه‌دا به‌رز نرخاند، هه‌روه‌ها مه‌به‌ستی سه‌ردانه‌كه‌یان بۆ هه‌رێمی كوردستان خسته‌ ڕوو كه‌ له‌ نزیكه‌وه‌ ئاگاداربوون له‌ خواست و پێداویستییه‌كانی هه‌رێمی كوردستانه‌.

له‌ به‌شێكی دیكه‌ی كۆبوونه‌وه‌كه‌دا شاندی میوان باسیان له‌ ڕه‌وشی ئاواره‌ و په‌نابه‌رانی ده‌ستی تیرۆر له‌ هه‌رێمی كوردستان كرد و جه‌ختیان له‌ به‌رده‌وامیی هاوكارییه‌كانیان بۆ ئاواره‌ و په‌نابه‌ران كرده‌وه‌ و ڕایانگه‌یاند كه‌ مه‌به‌ستیانه‌ له‌ نزیكه‌وه‌ بزانن له‌مه‌ودوا هاوكارییه‌كان چۆن و چی بن و پرۆگرامی داهاتووی په‌نابه‌ران چی ده‌بێت؟

لای خۆیه‌وه‌ به‌ڕێز سه‌رۆك وه‌زیرانی هه‌رێمی كوردستان سوپاسی ئه‌و سه‌ردانه‌ و هاوكارییه‌ سه‌ربازی و مرۆییه‌كانی هاوپه‌یمانان و ئه‌ڵمانیای كرد له‌ كاته‌ سه‌خته‌كاندا به‌تایبه‌تی ‌كاتی هێرش و مه‌ترسییه‌كانی داعش بۆ سه‌ر هه‌رێمی كوردستان، هه‌روه‌ها جه‌ختی له‌ قۆناغێكی نوێی ڕووبه‌ڕووبوونه‌وه‌ی داعش كرده‌وه‌ كه‌ ئه‌ویش بنه‌بڕكردنی هزری توندڕه‌وی داعشه‌. به‌ڕێزیان هیوای خواست په‌رله‌مانی ئه‌ڵمانیا بڕیار له‌ درێژكردنه‌وه‌ی مانه‌وه‌ی هێزه‌ مه‌شقكاره‌كانیان و به‌رده‌وامیی هاوكارییه‌ سه‌ربازییه‌كانیان بۆ‌ هه‌رێمی كوردستان بدات، چونكه‌ هێشتا مه‌ترسیی داعش ماوه‌.

له‌ به‌شێكی دیكه‌ی قسه‌كانیدا به‌ڕێزیان سوپاسی ئه‌ڵمانیا و فه‌ره‌نسای كرد كه‌ ساڵی ڕابردوو پشتگیرییان له‌ هه‌رێمی كوردستان كرد له‌و دۆخه‌ دژواره‌ی ڕووبه‌ڕوو ببوویه‌وه‌، دووپاتیشی كرده‌وه‌ كه‌ هه‌رێمی كوردستان ده‌خوازێت به‌ هێزه‌وه‌ له‌ به‌غدا بێت و سه‌قامگیری له‌ ناوچه‌كه‌دا جێگیر بێت و مافه‌كانی خه‌ڵكی كوردستان به‌پێی ده‌ستووری عێراق دابین بكرێن.

به‌ڕێز نێچیرڤان بارزانی له‌ باسی هه‌ڵبژاردنی په‌رله‌مانی كوردستانیشدا، ئاماژه‌ی به‌ بوونی بانگه‌شه‌یه‌كی هێمنانه‌ی هه‌ڵبژاردن‌ كرد‌ كه‌ كۆتایی ئه‌م مانگه‌ به‌ڕێوه‌ده‌چێت و دواتریش پرۆسه‌ی پێكهێنانی حكوومه‌ت ده‌ستپێده‌كات. به‌ڕێزیان هه‌روه‌ها جه‌ختی له‌ به‌رده‌وامیی پرۆسه‌ی چاكسازی كرده‌وه‌.




سەرۆكی هەرێمی كوردستان سوێندی یاسایی خوارد
MON, 10 JUN 2019 19:59

پێشنیوەڕۆی ئەمڕۆ دووشەممە10/6/2019 بەئا‌مادەبوونی جەنابی سەرۆك بارزانی، بەڕێزان د. بەرهەم ساڵح سەركۆماری عێراقی فیدرال، محەمەد ئەلحەلبووسی سەرۆكی پەرلەمانی عێراق، مەولوود چاوشئۆغڵو وەزیری دەرەوەی توركیا، ثامر السبهان وەزیری دەوڵەتی سعوودیە بۆ كاروباری كەنداو‌، باڵیۆز و نوێنەرانی وڵاتان لەعێراق، دیپلۆماتكار و سەركردەو سیاسەتمەدار و لایەنەسیاسییەكانی هەرێمی كوردستان و عێراق و دەرەوه، لەهۆڵی شەهید سەعد عەبدوڵڵا لەهەولێر دانیشتنی پەرلەمانی كوردستان بۆ سوێندخواردنی فەرمیی بەڕێز نێچیرڤان بارزانی سەرۆكی هەرێمی كوردستان بەڕێوەچوو.

 
فەلاح مستەفا: هێرشە تیرۆریستیەکان بۆ سەرهاوڵاتیانى کەرکوک، هاوکاتە لەگەڵ هێرش و دەستدرێژی بۆ سەر ماڵ و موڵکی هاوڵاتیانی کوردى ناوچە کوردستانیەکانی دەرەوەی ئیدارەی هەرێم
FRI, 31 MAY 2019 14:19

شەوى پێنجشەم لەسەر هەینى زنجیرەیەک تەقینەوە و کارى تیرۆریستى هاوڵاتیانی شارى کەرکوکى کردە ئامانج و بەهۆیەوە ژمارەیەک شەهید و بریندارى لێکەوتووە، ئێمە بە توندی ئەم هێرشە تیرۆریستیانە ئیدانە دەکەین، کە هاوکاتە لەگەڵ هێرش و دەستدرێژی بۆ سەر ماڵ و موڵکی هاوڵاتیانی کوردى ناوچە کوردستانیەکانی دەرەوەی ئیدارەی هەرێم.

 
هەرێمى کوردستان و کۆمارى چیک کار بۆ پەرەپێدانى زیاترى پەیوەندیەکانى نێوانیان دەکەن
THU, 30 MAY 2019 13:06

ئەمڕۆ پێنجشەممە خاتوو سیهام جەبەلى یاریدەدەرى بەرپرسى فەرمانگەى پەیوەندیەکانى دەرەوە پێشوازى لە میخاڵ سڤوبودا کونسوڵى گشتى کۆمارى چیک لە هەرێم کرد.

 

 

ئاستى پەیوەندیەکانى دەرەوەى هەرێم لە فراوانبووندایەو ئەمڕۆ کونسوڵى فەخرى کۆمارى قوبرس دەستبەکاربوو

MON, 17 JUN 2019 12:12

لەسەر داواى فەرمى وەزارەتى دەرەوەى قوبرس و دواى رەزامەندى وەزارەتى دەرەوەى حکومەتى فیدڕال و حکومەتى هەرێمى کوردستان بۆ دەستنیشانکردنى کونسوڵى فەخرى قوبرس لەهەولێر، ئەمڕۆ دووشەممە بەڕێز ئیبراهیم سندى بەبۆنەى دەستبەکاربوونى وەک کونسوڵى فەخرى وڵاتى قوبرس لە هەولێر، سەردانى فەرمانگەى پەیوەندیەکانى دەرەوەى حکومەتى کردو بەڵگەنامەکانى خۆى پێشکەش بە فەلاح مستەفا بەرپرسى پەیوەندیەکانى دەرەوە کرد.

 

فه‌لاح مسته‌فا: ئه‌مه‌ریکا له‌رێگای جیاواز پەیامی پشتیوانی بۆ کوردستان ناردووه‌

MON, 17 JUN 2019 10:00

به‌رپرسی فه‌رمانگه‌ی په‌یوه‌ندیه‌کانی ده‌ره‌وه‌ی حکوومه‌تی هه‌رێمی کوردستان باس له‌په‌یوه‌ندی هه‌رێم و وڵاتانی جیهان ده‌کات و پێی وایه‌ که‌ هه‌نگاوی گرنگ و باش نراوه‌ بۆ دروستکردنی و به‌هێزکردنه‌وه‌ی په‌یوه‌ندیه‌کانی کوردستان و جیهانی ده‌ره‌وه‌.

 

حکوومه‌تی هه‌رێم هێرشه‌که‌ی سه‌ر فڕۆكه‌خانه‌ی ئه‌بها‌ ئیدانه‌ ده‌كات

THU, 13 JUN 2019 23:56

به‌ توندی ئیدانه‌ی ئه‌و‌ هێرشه مووشه‌کییه‌ ده‌که‌ین که‌ دوێنێ چوارشه‌ممه‌ 12/6/2019 كرایه‌ سه‌ر فڕۆكه‌خانه‌ی ئه‌بها له‌ شانشینی سعوودیه‌ و له‌ ئه‌نجامدا بیست و شه‌ش كه‌سی سڤیل بریندار بوون و زیانی گه‌وره‌ش به‌ر فڕۆكه‌خانه‌كه‌ كه‌وت.

 

سه‌رۆكى هه‌رێم، مه‌سروور بارزانى بۆ پێكهێنانى حكوومه‌ت ڕاده‌سپێرێت

WED, 12 JUN 2019 15:48

پاشنیوه‌ڕۆى ئه‌مڕۆ چوارشه‌ممه‌ 12/6/2019 به‌ڕێز نێچیرڤان بارزانى سه‌رۆكى هه‌رێمى كوردستان، به‌ ئاماده‌بوونى خاتوو د. ڤاڵا فه‌رید سه‌رۆكى په‌رله‌مانى كوردستان و دادوه‌ر به‌نگین قاسم محه‌مه‌د سه‌رۆكى ئه‌نجومه‌نى دادوه‌ریى هه‌رێمى كوردستان به‌ فه‌رمانى هه‌رێمیى ژمـــاره‌ (1)ى سـاڵـى 2019 و به‌پێى بڕگه‌ى (دوازده‌م)ى مادده‌ى (ده‌یه‌م) له‌ یاساى سه‌رۆكایه‌تیى هه‌رێمى كوردستان ژماره ‌(1)ى ساڵى 2005ى هه‌مواركـراو و پاڵپشت به‌ بڕیارى په‌رله‌مانى كوردستان ژماره ‌(7)ى ساڵى 2019 له‌ دانیشتنى ئاساییى ژماره‌ (8) له‌ (11/6/2019)، بـڕیـارى دا به‌ ڕاسپاردنى به‌ڕێز مه‌سروور بارزانى وه‌ك سه‌رۆكى ئه‌نجومه‌نى وه‌زیران بۆ پێكهێنانى كابینه‌ى وه‌زاریى نۆیه‌مى هه‌رێمى كوردستان.