فه‌رمانگه‌ی په‌یوه‌ندییه‌کانی ده‌ره‌وه‌
حكومه‌تی هه‌رێمی كوردستان
THU, 23 MAY 2019 08:56 Erbil, GMT +3
Source: KRG-DFR DFR publication date: TUE, 13 NOV 2018 13:39
مەڕاسیمی 100 ساڵەى یادکردنەوەی ڕۆژی نیشتیمانی و سەربەخۆیی کۆماری پۆڵۆنیا لە هەولێر بەڕێوەچوو

ئێوارەی دوێنێ ١٢/١١/٢٠١٨ مەڕاسیمی 100 ساڵەى یادکردنەوەی ڕۆژی نیشتیمانی و سەربەخۆیی کۆماری پۆڵۆنیا لە هەولێر  بە ئامادەبوونى  بەرپرسانى حکومەتى هەرێم و پەرلەمانتارو دیپلۆماتکارو نوێنەرانى لایەنە سیاسیەکان و کۆمەڵەى دۆستایەتى کوردستان پۆڵۆنیا بەڕێوەچوو کە لەلایەن ئاژانسی کونسوڵگەری کۆماری پۆڵۆنیا لە هەرێم ڕێکخرابوو.

لە دەستپێکی مەڕاسیمەکە، کونسوڵ دۆمینیک موشیال، بەرپرسى ئاژانسی کونسوڵگەری کۆماری پۆڵۆنیا ووتارێکی پێشکەشکرد و تیایدا بەخێرهاتنی سەرجەم میوانەکانی کرد و سوپاسی کردن بۆ بەشداریکردنیان لەم بۆنە تایبەتەدا.

 

لە درێژەى ووتارەکەیدا، کونسوڵی پۆڵۆنیا تیشکی خستەسەر مێژوو و ئەزموونەکانی کۆماری پۆڵۆنیا لەماوەی ساڵانی ڕابردوو کە پێیدا تێپەڕیووە، هاوکات ئاماژەی بەوەکرد کەوا گەلی پۆڵۆنیا ڕۆژگارێکی سەخت و دژواری بەڕێکردووە لە پێناو بەدەستهێنانی ئازادی و سەربەخۆیی ووڵاتەکەی. لەم بارەیەوە گووتی بەدەستهێنانی سەربەخۆیی پێویستی بە قوربانیدانەو هەندێکجاریش پێویستی بەوە هەیە بۆی بجەنگیت، پۆڵۆنیاش وەکو هەر ووڵاتێکی تر کە لە پێناو ئازادی و سەربەخۆیی جەنگاوەو تووشی چەندین قۆناغى سەخت هاتووە تا گەیشتۆتە ڕۆژێکی وەکو ئەمڕۆ.

لە ووتارەکەیدا کونسوڵی پۆڵۆنیا پەیوەندی هەرێمی کوردستان و کۆماری پۆڵۆنیای بەرز نرخاند و هیوای خواست بتوانن لە داهاتوودا زیاتر پەیوەندیەکانیان بەرەو پێش ببەن لە سەرجەم بوارەکاندا. دووبارە سوپاسی ئامادەبووانی کرد بۆ بەشداریکردنیان و هیوای بەسەربردنی کاتێکی خۆشی بۆ خواستن.

 

دواتر فەلاح مستەفا، بەرپرسی پەیوەندیەکانی دەرەوەی حکومەت بەناوی حکومەتی هەرێمی کوردستان و فەرمانگەی پەیوەندیەکانی دەرەوە ووتارێکی پێشکەشکرد و تیایدا پیرۆزبایی لە گەل و حکومەتى کۆماری پۆڵۆنیا کرد و سوپاسی کونسوڵ دۆمینیک موشیال، بەرپرسى ئاژانسى کونسوڵگەری کۆماری پۆڵۆنیا لە هەولێر کرد بۆ ڕێکخستنی ئەم بۆنەیەو بوونی نوێنەرایەتی حکومەتی هەرێم لە پۆڵۆنیا و بوونى نوێنەرایەتى پۆڵۆنیاى لە هەرێم بەرز نرخاند لە پێناو ئاسانکارى بۆ پەرەپێدانى پەیوەندى زیاتر. سوپاسی کۆماری پۆلۆنیای کرد بۆ دابینکردنی هاوکاری مرۆیی لە کاتى شەڕی داعش.

سەبارەت بە دوایین پێشهاتە سیاسیەکانی هەرێم و یەکەم کۆبوونەوەى پەرلەمانی کوردستان، فەلاح مستەفا ئاماژەی بەوەکرد کەوا هەرێمی کوردستان بەوپەری گەشبینیەوە لە داهاتوو دەڕوانێت بەو هیوایەی پەرلەمان درێژەپێدەری بەها دیموکراسیەکان بن لە هەرێم. هاوکات جەختی لەوە کردەوە کەوا حکومەتى هەرێم بەشێوەیەکی بەردەوام کاردەکات بۆ زیاتر گرنگیدان بە چاکسازى و خزمەتگوزارى زیاترو باشترو یەکسانی جێندەر و  بەرزکردنەوەی تواناکانی ئافرەت و گەنجان و بەشداری پێکردنیان لە پەرلەمان و دام و دەزگاکانی حکومەت.

هەر لە درێژەی قسەکانیدا، فەلاح مستەفا باسی لە پاراستنی بەها مرۆییەکان کردو گووتى تەواوى پێکهاتە ئایینی و نەتەوەییەکان لە ئەرک و ماف یەکسانن و ئەوەش هەمیشە لە کارە لەپێشینەکانی حکومەتی هەرێمی کوردستان بووە بۆ بەرقەرار بوونی ئاشتەوایی و سەقامگیری.

هەروەها گووتی هیواخوازین لە کابینەی داهاتووی حکومەتی عێراقی فیدڕاڵ، کورد بەشدارییەکی کارامەو ڕۆڵێکی دیاری هەبێت و بەرەوپێشبردنی پەیوەندیەکانی نێوان هەولێرو بەغدا کە لە بەرژەوەندى هەموولایەکە، هاوکات ئەوەشی خستەڕوو کەوا هەرێمی کوردستان ئامادەیەو دەیەوێ پەیوەندیەکانی لەگەڵ ووڵاتانی دراوسێ و هاوبەشە نێودەوڵەتیەکان زیاتر بەرەو پێش ببات لە پێناو گەشەسەندنی زیاتر و بەژەوەندی هاوبەش.

لە بەشێکی تری قسەکانیدا دەربارەی قۆناغی دوای نەمانی شەڕی تیرۆرستانی داعش، فەلاح مستەفا گووتی هەرێمی کوردستان بووژانەوەیەکی بەرچاوی بەخۆیەوە بینیووەو دەرفەتى زۆری لەبەردەستە بۆ وەبەرهێنەرە بیانی و ناوخۆییەکان.

لەکۆتایی ووتارەکەیدا، فەلاح مستەفا هیوای خواست پەیوەندی نێوان هەرێمی کوردستان و کۆماری پۆڵۆنیا زیاتر بەرەو پیش بچێت، هەروا گووتى شانازی بە پەیوەندییەکانی لەگەڵ کۆماری پۆڵۆنیا و سەرجەم هاوبەشەکانی دەکات لە کۆمەڵگای نێودەوڵەتی.




نێچیرڤان بارزانی و كونسولی گشتیی ئه‌مه‌ریكا دۆخی ناوچه‌كه‌ تاوتوێ ده‌كه‌ن
SUN, 19 MAY 2019 13:13

له‌ كۆبوونه‌وه‌یه‌كی به‌ڕێز نێچیرڤان بارزانی سه‌رۆك وه‌زیرانی هه‌رێمی كوردستاندا له‌گه‌ڵ به‌ڕێز ستیڤ ڤاگن كونسولی گشتیی ئه‌مه‌ریكا له‌ هه‌رێمی كوردستان، كار و چالاكییه‌كانی كونسولخانه‌ی ئه‌مه‌ریكا، په‌یوه‌ندییه‌كانی نێوان هه‌رێمی كوردستان و ئه‌مه‌ریكا له‌ هه‌موو ڕوویه‌كه‌وه‌ و په‌یوه‌ندییه‌كانی نێوان هه‌ولێر وبه‌غدا و باشتر بوونیان و چاره‌سه‌ركردنی كێشه‌كان به‌ڕێگه‌ی دیالۆگ و په‌ره‌سه‌ندنه‌كانی ناوچه‌كه،‌ خرانه‌ به‌ر باس و گفتوگۆ.

 
فەلاح مستەفا لەگەڵ بەرپرسى نووسینگەى کونسوڵگەرى ژاپۆن لە هەرێم کۆبووەوە
SAT, 18 MAY 2019 17:25

لە چوارچێوەى کۆبونەوەکانی لەکەڵ نێردەی دیپلۆماسی ولاتانى بیانى لەهەرێم، ئەمڕۆ شەممە فەلاح مستەفا بەرپرسی پەیوەندیەکانى دەرەوەی حکومەت لەگەڵ کاتسۆمى مۆریاسو بەرپرسى نووسینگەى کونسوڵگەرى ژاپۆن لە هەرێم کۆبووەوە.

 
فەلاح مستەفا لەگەڵ کونسوڵی گشتی هیند کۆبووەوە
SAT, 18 MAY 2019 17:07

لە درێژەی کۆبونەوەکانی لەگەڵ نێردەی دیپلۆماسی وڵاتان لەهەرێم، ئەمڕۆ فەلاح مستەفا بەرپرسی پەیوەندیەکانى دەرەوەی حکومەت لەگەڵ چاندرامولی کومار کێرن کونسوڵى گشتی هیند کۆبووەوە.

 

 

بەبۆنەى تەواوبوونى ئەرکەکانى، جێگرى بەرپرسى رێکخراوى کۆچى نێودەوڵەتى سەردانى فەرمانگەى پەیوەندیەکانى دەرەوەى کرد

MON, 20 MAY 2019 13:48

ئەمرۆ دووشەممە ٢٠/٥/٢٠١٩ فەلاح مستەفا بەرپرسى پەیوەندیەکانى دەرەوە لەگەڵ خاتوو باربارا ریجکس جێگرى بەرپرسى رێکخراوى کۆچى نێودەوڵەتى IOM سەر بە نەتەوە یەکگرتووەکان لە عیراق کۆبووەوە کە بەمەبەستى کۆتایى هاتنى ئەرکەکەى سەردانى فەرمانگەى پەیوەندیەکانى دەرەوەى کردبوو.

 

بەرپرسی پەیوەندیەکانی دەرەوە لەگەڵ جێگرى بەڕێوەبەرى کاروبارى عیراق و سوریا لە وەزارەتی دەرەوەی کەنەدا کۆبووەوە

MON, 20 MAY 2019 13:01

ئەمڕۆ دوو شەممە (20/5/2019)، خاتوو پەگاثا تایلەر ، جێگرى بەرێوەبەرى کاروبارى عیراق و سوریا  لە وەزارەتی دەرەوەی کەنەدا بە یاوەری خاتوو نانسی بێرگرۆن، بەرپرسی نووسینگەی باڵیۆزخانەی کەنەدا لە هەرێـم سەردانى فەرمانگەى پەیوەندیەکانى دەرەوەى کرد و لەلایەن فەلاح مستەفا بەرپرسی پەیوەندیەکانى دەرەوە پێشوازى لێکرا


نێچیرڤان بارزانی له‌گه‌ڵ شاندێكی باڵای كه‌نیسه‌ی ڕۆژهه‌ڵاتی ئاشووری له‌ جیهان كۆده‌بێته‌وه‌

SUN, 19 MAY 2019 18:14

به‌ڕێز نێچیرڤان بارزانی سه‌رۆك وه‌زیرانی هه‌رێمی كوردستان له‌ كۆبوونه‌وه‌یه‌كیدا له‌گه‌ڵ شاندێكی باڵای كه‌نیسه‌ی ڕۆژهه‌ڵاتی ئاشووری له‌ جیهان بە سەرۆكایەتیی قەداسەتی پاتریارك مار گورگیسی سێیەم سڵێوە، پاتریاركی كەنیسەی ڕۆژهەڵاتی ئاشووری لە جیهان، پیرۆزباییی كردنه‌وه‌ی كه‌نیسه‌ نوێكه‌یان له‌ دیاناى سه‌ر به‌ قه‌زاى سۆران لێكردن و هیوای سه‌ركه‌وتنی بۆ كۆبوونه‌وه‌ی كه‌نیسه‌كه‌یان خواست، ئاماژه‌ی به‌وه‌ش‌ دا كه‌ هه‌رێمی كوردستان  شانازی به‌ كولتوور‌ی پێكه‌وه‌ژیانه‌وه‌ ده‌كات و هه‌وڵیش ده‌ده‌ن ئه‌و كه‌موكوڕییانه‌ی له‌مباره‌یه‌وه‌ هه‌ن، نه‌هێڵن.

 

لیژنەی پەیوەندییەکان و ڕەوه‌ندی کوردستانی لە پەرلەمانى کوردستان له‌گه‌ڵ به‌رپرسی په‌یوه‌ندییه‌كانی دەرەوەى حکومەت كۆبووه‌وه‌

SUN, 19 MAY 2019 16:45

به‌مه‌به‌ستی ئاگاداربوون له‌ ئاستى په‌یوه‌ندییه‌كانی هه‌رێمی كوردستان له‌گه‌ڵ وڵاتانى دراوسێ و وڵاتانى ده‌ره‌وه‌، ئەمڕۆ یەکشەمه‌ لیژنەی پەیوەندییەکان و ڕەوه‌ندی کوردستانی له‌ په‌رله‌مانى كوردستان، به‌سه‌رپه‌رشتى د.رێبوار بابكه‌یى، سه‌رۆكی لیژنه‌ و ئاماده‌بوونى جێگرى سه‌رۆكی لیژنه‌ و بڕیارده‌ر و ئه‌ندامان و راوێژكارانی لیژنه‌‌، له‌ته‌لارى په‌رله‌مان، له‌گه‌ڵ فه‌لاح مسته‌فا، به‌رپرسی پەیوەندییەکانی دەرەوەی حكومەت و یاریدەدەرى بەرپرسى فەرمانگەو ژمارەیەک لە راوێژکارو بەڕێوەبەرى گشتى فەرمانگە كۆبووه‌وه‌.