فه‌رمانگه‌ی په‌یوه‌ندییه‌کانی ده‌ره‌وه‌
حكومه‌تی هه‌رێمی كوردستان
SUN, 24 MAR 2019 19:20 Erbil, GMT +3
Source: KRG-DFR DFR publication date: THU, 13 DEC 2018 11:11
نووسینگەی باڵیۆزخانەى سوید لە هەرێمی کوردستان رێوڕەسمى پێشوازى لە وەرزى زستانی لە هەولێر سازکرد

وەک نەریتێکى ساڵانە ئێوارەى دوێنێ (١٢/١٢/٢٠١٨) بە ئامادەبوونی پۆنتۆس میلاندەر، باڵیۆزى سوید لە عیراق و خاتوو مەهیاد تەوەکەلى بەرپرسى نووسینگەى باڵیۆزخانەى سوید لە هەولێرو ژمارەیەک لە بەرپرسانی حکومەتی هەرێم و پەرلەمانتارو دیپلۆماتکاران و ژمارەیەکى زۆرى رەوندى سویدى لە هەرێمى کوردستان، نووسینگەی باڵیۆزخانەى سوید لە هەرێمی کوردستان رێوڕەسمى پێشوازى لە وەرزى زستانی سازکرد.

 

لە ڕێوڕەسمەکەدا، پۆنتۆس میلاندەر، باڵیۆزی وڵاتی سوید لە عیراق، وێڕای بەخێرهێنانی ئامادەبووان باسی وەرزى زستانی سوید کرد کە پێی دەوترێ ڤیستیڤاڵی ١٣ی دیسێمبەری لوسیا، وە بە شەوی یەڵدای هەرێمی کوردستان ناوزەندی کرد و ووتی کە هەرچەندە لەڕووی ڕەسەنایەتی و تێڕوانینەوە جیاوازن بەڵام هەردووکیان دروشمی ڕووناکیان هەڵگرتووەو پێوەی دەناسرێنەوە.

بەڕێزیان لە هاتنە سەر باسی هەرێمی کوردستان ووتی ئێمە بە کۆشش و بەهای هەرێمی کوردستان لە شەڕی سەربازی دژی داعش و قوربانیدانیان و شەهیدانیان دەزانین. خۆشحاڵی خۆی دەربڕی بە دوایین بەرەوپێشچوونەکانی هەرێم لە ڕووی بەرزبوونەوەی باری ئابووری و کرانەوەی فڕۆکەخانەکان و کەوتنەکاری دام و دەزگاکانی حکومەتی هەرێم و هەڵبژاردنی سەرکەوتووانەی پەرلەمانی کوردستان، هاوکات ئەوەشی خستەڕوو کەوا سوید چاوی لە بەرەوپێشچونی پەیوەندیەکانە لەگەڵ حکومەتی هەرێمی کوردستان لەڕووی بەرنامەی چاکسازی ئابووریدا.

لە بەشێکی تری قسەکانیدا تێڕوانینی سویدی خستەڕوو لەڕووی هاندانى هەولێر و بەغدا بۆ دیالۆگێکی بونیاتنەرانە و چارەسەرکردنی ناکۆکیەکان بەپێی دەستوور. تیشکی خستە سەر ڕۆڵی کارای سوید لەڕووی وەبەرهێنان و هاوکاری مرۆیی و سەربازی دژی داعش بۆ هەرێمی کوردستان.

لە کۆتایی ووتارەکەیدا بە شانازییەوە وەسفی هاوڵاتیانی کوردستانى و سویدى کرد کە چۆن توانیویانە لە هەردوو گۆڕەپانی سوید و هەرێمی کوردستان سەرکەوتن بەدەستبێنن لە بوارەکانی سیاسی و بازرگانى و هونەر و ڕۆشنبیری و تەندروستی و تۆپی پێ و چەندین بواری تر.

 

دواتر فەلاح مستەفا، بەرپرسی پەیوەندیەکانی دەرەوەی حکومەتی هەرێم ووتارێکی پێشکەشکرد تیایدا بەخێرهاتنی سەرجەم میوانەکان و باڵیۆزی سوید لە عێراق، پۆنتوس میلاندەر و بەرپرسی نووسینگەی باڵیۆزخانەی سوید لە هەرێم، خاتوو مەهیاد تەوەکەلی کرد.

بەڕێزیان گووتی"بەدەر لە یادکردنەوەی ئەم بۆنە تایبەتە، ئەمڕۆ ئێمە لێرەین بۆ زیاتر بەتواناکردنی پەیوەندیەکانمان و بەرقەرارکردنی ئاشتی و لێبووردەیی جیهانیی لەڕێگای دیپلۆماسیەتەوە". هەروەها هەرێمی کوردستانی وەک ئارامگەیەک بۆ سەرجەم گەلانی جیهانی وەسفکرد، هاوکات ئەوەشی خستەڕوو کەوا هەرێمی کوردستان لەم پێناوەدا خەباتی زۆری کردووەو بەڕوونیش لە بوارەکانی پەروەردە و دام و دەزگاکانی ڕەنگیداوەتەوە، هاوکات تیشکی خستەسەر ڕۆشنبیری دیلپۆماسیەت کە پێویستە لەناو کۆمەڵگەش بەرەوپێش ببردرێت و لەم ڕووەوەش بەڕێزیان هیوای خواست بۆ ئەوەی سوید و سەرجەم هاوبەشانی هەرێمی کوردستان لە کۆمەڵگای نێودەوڵەتیدا کاراتر بن لە پەیڕەوکردنی ڕۆشنبیری دیپلۆماسیەت لە هەرێم.

لە بەشێکی تری ووتارەکەی، فەلاح مستەفا سویدی بە هاوبەشێکی سەرەکی هەرێم وەسفکرد و سوپاسی حکومەتی سوید کرد بۆ هاوکاریی مرۆیی و سەربازی کە پێشکەشی هەرێمی کوردستان و عێراقیان کرد لە شەری دژ بە تیرۆرستانی داعش. وە مێژووی پەیوەندی پتەوی نێوان سوید و هەرێمی کوردستانی وەکو نموونەیەکی زیندوو هێنایەوە لەماوەی ساڵانی ڕابردوو لەسەر بنەمای لێکتێگەیشتن و هەماهەنگی. هەروەها وویستی هەرێمی کوردستانی خستەڕوو لە بەرەوپێشبردنی پەیوەندیەکان لەگەڵ سوید و تەواوی هاوبەشانی کۆمەڵگای نێودەوڵەتی لە بوارە جیاجیاکاندا.
 




لە تەلاری پەرلەمانی بەریتانیا پانێڵێك بۆ نوێنەری حکومەتی هەرێم و وەزیری کاروباری ڕۆژهەڵاتی ناوەراستی حکومەتی بەریتانیا و جێگری باڵیۆزی عیراقی فیدڕاڵ و بەڕێوەچوو
TUE, 19 MAR 2019 14:12

لەو پانێڵەدا کە لە لایەن پەرلەمانتار جاك لۆپریستی سەرۆکی گرووپی پەرلەمانتارانی هەموو پارتەکانی بەریتانیا ڕێکخرابوو، کاروان جمال تاهیر نوێنەری حکومەتی هەرێمی کوردستان لە بەریتانیا و ئەلیستەر بێرت وەزیری دەرەوە بۆ کاروباری ڕۆژهەڵاتی ناوەڕاست و نەزار مەرجان جێگری باڵیۆزی عیراقی فیدڕاڵ لە بەریتانیا باسیان لە ژمارەیەك پرسی جیا کرد سەبارەت بە بارودۆخی سیاسی و ئابوری و ئەمنی لە هەرێمی کوردستان و عیراق. 

 
فەلاح مستەفا لەگەڵ شاندێکى دامەزراوەى یارمەتى و ئاشتەوایى لە رۆژهەڵاتى ناوەراست کۆبووەوە
TUE, 19 MAR 2019 12:29

فەلاح مستەفا بەرپرسى پەیوەندیەکانى دەرەوە لەگەڵ شاندێکى دامەزراوەى یارمەتى مرۆیى و ئاشتەوایى لە رۆژهەلاتى ناوەراست کە پێکهاتبوو لە بەرێزان مایک سیمپسن بەڕێوەبەرى جێبەجێکار و کریستۆفەر سیگار ئەندامى بۆردى بەرێوەبەردن و باڵیۆزى پێشووى بەریتانیا لە عیراق و عبدالرحمن محمد بەڕێوەبەرى بەرنامەى رێکخراوى ناوبراو لە عیراق  کۆبووەوە.

 
نوێنەرایەتی حکومەتی هەرێم و پڕۆگرامی یادەوەریەکانی کوردستان یادەوەریەك بۆ جینۆسایدی کورد ساز دەکەن
MON, 18 MAR 2019 17:09

نوێنەرایەتی حکومەتی هەرێمی کوردستان لە بەریتانیا بە هەماهەنگی لەگەڵ پڕۆگرامی یادەوەریەکانی کوردستان KMP و گرووپی پەرلەمانتارانی هەموو پارتەکانی بەریتانیا بۆ پشتگیری لە کوردستان APPG بۆنەیەکیان لە BAFTA سازکرد کە یەکێکە لە ناودارترین هۆڵەکانی نمایشکردنی فیلمە جیهانیەکان لە سەنتەری لەندەن بۆ یادکردنەوەی کیمیابارانکردنی هەڵەبجە و ئەنفال، وە ڕاگەیاندنی "پڕۆگرامی یادەوەریەکانی کوردستان" لە ئەوڕوپا و نمایشکردنی فیلمێکی دۆکیومەنتەری بەریتانیا کە پێشتر لە بارەگای سەرەکی نەتەوە یەکگرتووەکان لە واشنتن نمایشکراوە کە لە لایەن دەرهێنەر گوین ڕۆبەڕتس بەرهەم هێنراوە بە ناونیشانی "خێزانێکی ئێزیدی بەرانبەر داعش"، وە چەند کورتە فیلمێکی تر.

 

 

نێچیرڤان بارزانی په‌یوه‌ندی به‌‌ پارێزگاری مووسڵه‌وه‌ ده‌كات

THU, 21 MAR 2019 22:10

ئێواره‌ی ئه‌مڕۆ پێنجشه‌ممه‌ 21/3/2019 به‌ڕێز نێچیرڤان بارزانی سه‌رۆك وه‌زیرانی هه‌رێمی كوردستان، په‌یوه‌ندییه‌کی ته‌له‌فۆنی به‌ به‌ڕێز نه‌وفه‌ل حه‌مموود پارێزگاری مووسڵه‌وه‌ كرد و تیایدا پرسه‌ و سه‌ره‌خۆشی و هاوخه‌میی خۆی و گه‌لی كوردستانی به‌ به‌ڕێزیان و به‌ ڕێگای ئه‌ویشه‌وه‌ به‌ كه‌سوكاری قوربانیان ڕاگه‌یاند که‌ ئێواره‌ی ئه‌مڕۆ له‌ مووسڵ به‌هۆی ژێرئاوكه‌وتنی به‌له‌مێكی گه‌شتیارانه‌وه‌ له‌ ڕووباری دیجله‌ به‌ ده‌یان که‌س گیانیان له‌ده‌ست دا.

 

نێچیرڤان بارزانی په‌یامێکی سه‌ره‌خۆشی ئاراسته‌ی که‌سوکاری قوربیانیانی مووسڵ کرد

THU, 21 MAR 2019 21:00

به‌ڕێز نێچیرڤان بارزانی سه‌رۆک وه‌زیرانی هه‌رێمی کوردستان په‌یامێکی پرسه‌ و سه‌ره‌خۆشی ئاراسته‌ی که‌سوکاری قوربانیانی ڕووداوی ئه‌مڕۆی ژێرئاوکه‌وتنی به‌له‌مێکی گه‌شتیاری له‌ مووسڵ کرد و هه‌موو هاوکاری و پشتیوانییه‌کی داموده‌زگاکانی حکوومه‌تی هه‌رێمی کوردستانی بۆ لێقه‌وماوان نیشان دا، ئه‌مه‌ ده‌قه‌که‌یه‌تی:

 

نێچیرڤان بارزانی پێشوازی له‌ شاندێكی كۆنگرێسی ئه‌مه‌ریكا ده‌كات

TUE, 19 MAR 2019 23:06

ئێواره‌ی ئه‌مڕۆ سێشه‌ممه‌ 19/3/2019 به‌ڕێز نێچیرڤان بارزانی سه‌رۆك وه‌زیرانی هه‌رێمی كوردستان، پێشوازی له‌ شاندێكی كۆنگرێسی ئه‌مه‌ریكا به‌ سه‌رۆكایه‌تیی كۆنگرێسمان جۆن گارامندی كرد.

 

بەرپرسی پەیوەندیەکانى دەرەوەى حکومەت پێشوازى لە شاندێکى سیاسى و بازرگانى هەرێمى فلاندەرزى بەلجیکا کرد

TUE, 19 MAR 2019 18:25

ئەمڕۆ سێشەممە فەلاح مستەفا  بەرپرسی پەیوەندیەکانى دەرەوەى حکومەت، پێشوازى لە شاندێکى سیاسی و بازرگانى هەرێمى فلاندەرزى بەلجیکى کرد بە سەرۆکایەتى بەڕێز کلاودى مارینوۆر جێگرى پارێزگاى ئەنتوێرپ لە هەرێمى فلاندەرز، کە بەڕێز دلاوەر خالد ئاژگەیی نوێنەرى حکومەتى هەرێم لە بەلجیکا لە دیدادرەکە ئامادەبوو.