فه‌رمانگه‌ی په‌یوه‌ندییه‌کانی ده‌ره‌وه‌
حكومه‌تی هه‌رێمی كوردستان
TUE, 18 JUN 2019 04:23 Erbil, GMT +3
Source: KRG-DFR DFR publication date: FRI, 14 DEC 2018 11:17
گرووپی دۆستایەتی و هاوکاریکردنی گەلى کوردستان لە ئەنجومەنی پیرانی فەرەنسا پێکهات و نوێنەری حکومەتی هەرێم لە پاریس بە فەرمى داوەتکرا

بۆ شی کردنەوەی بارودوخی ئێستای هەرێمی کوردستان و پەیوەندییەکانی لە گەل بەغدا و وولاتانی دراوسێ و دەوروبەر، بەڕێز عەلى دۆڵەمەڕى نوێنەری حکومەتی هەرێمی کوردستان لە فەرەنسا بە فەرمى لەلایەن گرووپی دۆستایەتی و هاوکاریکردنی کەمە نەتەوەکان و گەلى کوردستان لە رۆژهەڵاتی ناوەراست لەئەنجومەنی پیرانی فەرەنسا داوەتکرا.

لە کۆبوونەوەکە سەرۆکی گروپەکە بەڕێز سێناتور برونو روتایو و بەڕێز کریستیان کامبون سەرۆکی گروپی پەیوەندییەکانی دەرەوە ، بەرگری و هێزی چەکدار  لە سێناتی فەڕەنسا و ١٣ سێناتوری تر ئامادەبوون.

لە سەرەتا سەرۆکی گروپەکە بەخێر هاتنی نوێنەری حکومەتی هەرێمی کوردستانی کرد و هەروەها سوپاسی حکومەتی هەرێمی کوردستان و هێزی پێشمەرگەی کرد بۆ هەموو هەولەکانیان بۆ رووبەڕووبوونەوەى تیرۆرستانى داعش و لەخۆگرتنى ئاوارەو پەنابەران.

پاشان عەلى دۆڵەمەڕی نوێنەری حکومەتی هەرێمی کوردستان لە فەرەنسا باسی لە دوایین پێشهاتەکانی کوردستان و عێراق کرد و هەروەها باسی سەرکەوتنی هەلبژاردنەکان و پێک هینانی حکومەتى هەرێمى کوردستان و عێراقى کرد.

نوێنەری حکومەت هیواى خواست حکومەتی نوێى عێراق رێز لە دەستوری عێراق بگریت و تەواوی مافەکانی پێکهاتەکانی عێراق دابین بکات و بەشداری راستەقینەی تەواوی پێکهاتەکانی عێراق لە دەسەلات دا رەنگ بداتەوە. هەروەها باسی ئاوارەکان و بارودخی مرویی و سیاسی و ئابووری هەرێمی کوردستانی کرد.

پاشان سێناتورەکان چەندین پرسیاریان لە نوێنەری حکومەتی هەرێمی کوردستان لە فەرەنسا کرد سەبارەت بە پەیوەندییەکانی نێوان هەولێر لەگەڵ هەر یەک لە بەغدا و ئەنقەرە و تاران و پاریس. نوێنەری حکومەتی هەرێم وەلامی یەک بە یەکی پرسیارەکانی دایەوە و سوپاسی حکومەت و گەلی فەرەنسای کرد بۆ هەموو هاوکارییەک بۆ هەرێمی کوردستان لە رابردوو و ئێستادا.
جێگەى باسە  ئەمە یەکەمین جارە کە نوێنەری حکومەتی هەرێمی کوردستان لە فەرەنسا بە فەرمی داوەت بکرێت لە ئەنجومەنی پیرانی فەرەنسی بۆ باس کردنی رەوشی هەرێمی کوردستان و هەروەها یەکەمین جارە کە کورد لە ناو گروپی دوستایەتی لە ئەنجومەنی پیرانی فەرەنسا دابێت.
 




سەرۆكی هەرێمی كوردستان سوێندی یاسایی خوارد
MON, 10 JUN 2019 19:59

پێشنیوەڕۆی ئەمڕۆ دووشەممە10/6/2019 بەئا‌مادەبوونی جەنابی سەرۆك بارزانی، بەڕێزان د. بەرهەم ساڵح سەركۆماری عێراقی فیدرال، محەمەد ئەلحەلبووسی سەرۆكی پەرلەمانی عێراق، مەولوود چاوشئۆغڵو وەزیری دەرەوەی توركیا، ثامر السبهان وەزیری دەوڵەتی سعوودیە بۆ كاروباری كەنداو‌، باڵیۆز و نوێنەرانی وڵاتان لەعێراق، دیپلۆماتكار و سەركردەو سیاسەتمەدار و لایەنەسیاسییەكانی هەرێمی كوردستان و عێراق و دەرەوه، لەهۆڵی شەهید سەعد عەبدوڵڵا لەهەولێر دانیشتنی پەرلەمانی كوردستان بۆ سوێندخواردنی فەرمیی بەڕێز نێچیرڤان بارزانی سەرۆكی هەرێمی كوردستان بەڕێوەچوو.

 
فەلاح مستەفا: هێرشە تیرۆریستیەکان بۆ سەرهاوڵاتیانى کەرکوک، هاوکاتە لەگەڵ هێرش و دەستدرێژی بۆ سەر ماڵ و موڵکی هاوڵاتیانی کوردى ناوچە کوردستانیەکانی دەرەوەی ئیدارەی هەرێم
FRI, 31 MAY 2019 14:19

شەوى پێنجشەم لەسەر هەینى زنجیرەیەک تەقینەوە و کارى تیرۆریستى هاوڵاتیانی شارى کەرکوکى کردە ئامانج و بەهۆیەوە ژمارەیەک شەهید و بریندارى لێکەوتووە، ئێمە بە توندی ئەم هێرشە تیرۆریستیانە ئیدانە دەکەین، کە هاوکاتە لەگەڵ هێرش و دەستدرێژی بۆ سەر ماڵ و موڵکی هاوڵاتیانی کوردى ناوچە کوردستانیەکانی دەرەوەی ئیدارەی هەرێم.

 
هەرێمى کوردستان و کۆمارى چیک کار بۆ پەرەپێدانى زیاترى پەیوەندیەکانى نێوانیان دەکەن
THU, 30 MAY 2019 13:06

ئەمڕۆ پێنجشەممە خاتوو سیهام جەبەلى یاریدەدەرى بەرپرسى فەرمانگەى پەیوەندیەکانى دەرەوە پێشوازى لە میخاڵ سڤوبودا کونسوڵى گشتى کۆمارى چیک لە هەرێم کرد.

 

 

ئاستى پەیوەندیەکانى دەرەوەى هەرێم لە فراوانبووندایەو ئەمڕۆ کونسوڵى فەخرى کۆمارى قوبرس دەستبەکاربوو

MON, 17 JUN 2019 12:12

لەسەر داواى فەرمى وەزارەتى دەرەوەى قوبرس و دواى رەزامەندى وەزارەتى دەرەوەى حکومەتى فیدڕال و حکومەتى هەرێمى کوردستان بۆ دەستنیشانکردنى کونسوڵى فەخرى قوبرس لەهەولێر، ئەمڕۆ دووشەممە بەڕێز ئیبراهیم سندى بەبۆنەى دەستبەکاربوونى وەک کونسوڵى فەخرى وڵاتى قوبرس لە هەولێر، سەردانى فەرمانگەى پەیوەندیەکانى دەرەوەى حکومەتى کردو بەڵگەنامەکانى خۆى پێشکەش بە فەلاح مستەفا بەرپرسى پەیوەندیەکانى دەرەوە کرد.

 

فه‌لاح مسته‌فا: ئه‌مه‌ریکا له‌رێگای جیاواز پەیامی پشتیوانی بۆ کوردستان ناردووه‌

MON, 17 JUN 2019 10:00

به‌رپرسی فه‌رمانگه‌ی په‌یوه‌ندیه‌کانی ده‌ره‌وه‌ی حکوومه‌تی هه‌رێمی کوردستان باس له‌په‌یوه‌ندی هه‌رێم و وڵاتانی جیهان ده‌کات و پێی وایه‌ که‌ هه‌نگاوی گرنگ و باش نراوه‌ بۆ دروستکردنی و به‌هێزکردنه‌وه‌ی په‌یوه‌ندیه‌کانی کوردستان و جیهانی ده‌ره‌وه‌.

 

حکوومه‌تی هه‌رێم هێرشه‌که‌ی سه‌ر فڕۆكه‌خانه‌ی ئه‌بها‌ ئیدانه‌ ده‌كات

THU, 13 JUN 2019 23:56

به‌ توندی ئیدانه‌ی ئه‌و‌ هێرشه مووشه‌کییه‌ ده‌که‌ین که‌ دوێنێ چوارشه‌ممه‌ 12/6/2019 كرایه‌ سه‌ر فڕۆكه‌خانه‌ی ئه‌بها له‌ شانشینی سعوودیه‌ و له‌ ئه‌نجامدا بیست و شه‌ش كه‌سی سڤیل بریندار بوون و زیانی گه‌وره‌ش به‌ر فڕۆكه‌خانه‌كه‌ كه‌وت.

 

سه‌رۆكى هه‌رێم، مه‌سروور بارزانى بۆ پێكهێنانى حكوومه‌ت ڕاده‌سپێرێت

WED, 12 JUN 2019 15:48

پاشنیوه‌ڕۆى ئه‌مڕۆ چوارشه‌ممه‌ 12/6/2019 به‌ڕێز نێچیرڤان بارزانى سه‌رۆكى هه‌رێمى كوردستان، به‌ ئاماده‌بوونى خاتوو د. ڤاڵا فه‌رید سه‌رۆكى په‌رله‌مانى كوردستان و دادوه‌ر به‌نگین قاسم محه‌مه‌د سه‌رۆكى ئه‌نجومه‌نى دادوه‌ریى هه‌رێمى كوردستان به‌ فه‌رمانى هه‌رێمیى ژمـــاره‌ (1)ى سـاڵـى 2019 و به‌پێى بڕگه‌ى (دوازده‌م)ى مادده‌ى (ده‌یه‌م) له‌ یاساى سه‌رۆكایه‌تیى هه‌رێمى كوردستان ژماره ‌(1)ى ساڵى 2005ى هه‌مواركـراو و پاڵپشت به‌ بڕیارى په‌رله‌مانى كوردستان ژماره ‌(7)ى ساڵى 2019 له‌ دانیشتنى ئاساییى ژماره‌ (8) له‌ (11/6/2019)، بـڕیـارى دا به‌ ڕاسپاردنى به‌ڕێز مه‌سروور بارزانى وه‌ك سه‌رۆكى ئه‌نجومه‌نى وه‌زیران بۆ پێكهێنانى كابینه‌ى وه‌زاریى نۆیه‌مى هه‌رێمى كوردستان.