فه‌رمانگه‌ی په‌یوه‌ندییه‌کانی ده‌ره‌وه‌
حكومه‌تی هه‌رێمی كوردستان
WED, 12 AUG 2020 23:29 Erbil, GMT +3
Source: KRG-DFR DFR publication date: MON, 18 NOV 2019 17:02
لە واشنتۆن، سەفین دزەیى بەرپرسی پەیوەندیەکانی دەرەوەی حکومەت لەگەڵ ڕەوەندی کوردستانى لە ئەمریکا کۆبووەوە

 سەفین دزەیی، بەرپرسی پەیوەندیەکانی دەرەوەی حکومەتی هەرێمی کوردستان کۆبوونەوەیەکی ئەنجامدا لەگەڵ ئەندامانی ڕەوەندی کوردستانى لە واشنتۆن دی سی بەمەبەستی خستەڕووی بنەماکان و کاری لە پێشینەی حکومەتی هەرێم و ڕووداوەکانی ئەم دواییەی عێراق و خۆپیشاندەران و بەرەوپێشچوونەکان لە هەرێم و پرسی کوردانى سوریا و ڕۆڵی ڕەوەندی کوردستانى لە دەرەوە.

کۆبوونەوەکە لەلایەن نوێنەرایەتی حکومەتی هەرێم لە ئەمریکا ڕێکخرابوو کە تیایدا کاربەدەستان و ئەندامانی ڕەوەندی کوردستانى لە ڤێرجینیا و مێریلاند و واشنتۆن تێیدا بەشداربوون.

سەفین دزەیی پوختەیەکى دەربارەی هەوڵەکانى حکومەتی هەرێمی کوردستان بۆ جێبەجێ کردنى کارنامە و ئەو ئاستەنگانەى دێنە بەردەمی پێشکەش کرد، بەڕێزیان باسى لە پێشووەچوونى پەیوەندیەکانى نێوان هەولێرو بەغدا کرد. هەروەها باسی لە مافی ڕەوای خۆپیشاندەرانی بەغدا کرد و ئاماژەی بەوەکرد کەوا پێویستە حکومەتی فیدڕاڵ بە دەنگ داواکاری خۆپیشاندەران بچێت و ڕێگەنەدەن لە پێناو بەرژەوەندیەکان بەلاڕێدا ببردرێن، هاوکات گوتى پشتگیرى لە حکومەتى بەڕێز عادل عبدالمهدی دەکەین و ئەو گرفت و قەیرانانە هى چەند ساڵێک پێ ئێستایە.

هاوکات، باسی لە نیگەرانی حکومەتی هەرێم کرد دەربارەی قەیرانە مرۆییەکان لە باکووری خۆرهەڵاتی سوریا و گرنگی هەبوونی یەکڕیزی لە نێوان کوردانی سوریا و پاراستنی دەنگ و دانیشتوانی کوردان لەو ناوچانە.

لە بەشێکی تردا، سەفین دزەیی و ئەندامانی ڕەوەندی کوردستانى لە واشنتۆن تاوتوێی گرنگی فراوانبوون و گەشەکردنی ڕەوەندی کوردستانى لە ئەوروپا و باکووری ئەمریکا کرد.

لە کۆتاییدا سەفین دزەیی وەڵامی پرسیاری ئامادەبووانی دایەوە سەبارەت بە پرسە هەنووکەییەکانى ناوچەکەو پەیوەندیە نێودەوڵەتیەکانی حکومەتی هەرێمی کوردستان لەگەڵ دونیاى دەرەوە.




پرسەنامەیەک لە سەرۆکی حکومەتی هەرێمی کوردستانەوە بۆ بنەماڵەی بەڕێزی کاک سلێمان خالید ئاژگەیی
THU, 6 AUG 2020 17:35

بەداخەوە هەواڵی کۆچی دوایی کاک سلێمان، كوڕەگەورەی تێکۆشەری دێرین خالید ئاژگەییم پێ گەیشت. پرسە و سەرەخۆشی لە بنەماڵە بەڕێزەکەتان دەکەم . خوای گەورە بە بەهەشتی شاد بکات وئارامی و دڵنەواییش بە ئێوە ببەخشێت.

پەیامی پیرۆزبایی سەرۆکی حکومەتی هەرێمی کوردستان بەبۆنەی جەژنی قوربان
THU, 30 JUL 2020 14:00

بە بۆنەی جەژنی قوربانەوە، پیرۆزبایی لە موسڵمانانی کوردستان و جیهان دەکەم. هیوادارم ڕۆژانی جەژن، لە خۆشی و کامەرانیدا بەسەر ببەن و پابەندی ڕێکارەکانی خۆپارێزی و ڕێنماییە تەندروستییەکان بن.

 
پرسه‌نامه‌ى بەڕێز سەفین دزەیی بۆ با‌تریارك كاردینال مار لویس رۆفائیل ساكۆ/ سه‌رۆكى كه‌نیسه‌ى كلدانى له‌ عێراق و جیهان
WED, 29 JUL 2020 19:38

بەداخێکی زۆرەوە هەواڵی کۆچیی دوایی خوشكى به‌ڕێزتان خاتوو (سامره‌ رۆفائیل ساكۆ) م پێگه‌یشت. پرسە و سەرەخۆشی خۆم ئاڕاستەی ئێوە و بنەماڵە بەڕێزەکەتان دەکەم و هاوخەمی و خۆمتان پێڕادەگەیەنم. خوای مەزن گیانی بە بەهەشت شاد بکات و ئارامی و دڵنەواییش بەهەموو لایەک ببەخشێت.

 

 

سەفین دزەیى بەرپرسی پەیوەندییەکانی دەرەوەی حکومەت پێشوازی لە جێگری باڵیۆزی کۆماری ئەندۆنیسیا لە بەغدا دەکات

SUN, 9 AUG 2020 16:52

ئەمڕۆ یەکشەممە ٩ی ئابی ٢٠٢٠، بەڕێز سەفین دزەیی، بەرپرسی پەیوەندییەکانی دەرەوەی حکومەتی هەرێمی کوردستان پێشوازی لە هاری ئانشە خیرول جێگری باڵیۆز لە باڵیۆزخانەی کۆماری ئەندۆنیسیا لە بەغدا و شاندێکی یاوەری کرد.

 

لە ڕێوڕەسمێکدا بە ئامادەبوونی جێگری سەرۆکی ئەنجومەنی وەزیران و بەرپرسی فەرمانگەی پەیوەندییەکانی دەرەوەی حکومەت، دابان شەدەڵە وەک جێگری بەرپرسی فەرمانگەى پەیوەندییەکانى دەرەوە دەستبەکاربوو

SUN, 9 AUG 2020 16:36

ئەمڕۆ یەکشەممە ٩/٨/٢٠٢٠، لە ڕێوڕەسمێکی تایبەتدا کە لە فەرمانگەی پەیوەندییەکانی دەرەوەی حکومەتی هەرێمی کوردستان بەڕێوەچوو بەڕێز دابان شەدەڵە، نوێنەری پێشووی حکومەتی هەرێمی کوردستان لە ئیسپانیا وەک جێگری بەرپرسی فەرمانگە دەستبەکاربوو.

 

سەفین دزەیی لە وێبکاستێکی تایبەت بە یادی ٦ ساڵەی ئێزیدی و کرستییانەکان کۆمەڵێک پرسی گرنگ تاوتوێ دەکات

SAT, 8 AUG 2020 17:49

ڕۆژی هەینی ٧/٨/٢٠٢٠، بەڕێز سەفین دزەیی، بەرپرسی پەیوەندییەکانی دەرەوەی حکومەتی هەرێمی کوردستان بەشداری لە پەنێڵێکی تایبەتدا کرد لە ڕێگەی وێبکاستەوە لە ژێر ناونیشانی (گواستنەوەکان لەودیوی مانەوەدا: شەشەمین ساڵیادی جینۆسایدی ئێزیدی و کرستییانەکان ).

 

بەبۆنەى کۆچى دوایی براى بەڕێزیان، سەفین دزەیی لە پەیوەندییەکى تەلەفۆنى پرسەو سەرەخۆشى لە د. دلاوەر ئاژگەیى نوێنەری حکومەتی هەرێمی کوردستان لە یەکێتی ئەوروپا کرد

THU, 6 AUG 2020 18:30

بەبۆنەى کۆچى دوایی سلێمان خالید ئاژگەیى کە دەکاتە براگەورەى د. دلاوەر خالید ئاژگەیى نوێنەری حکومەتی هەرێمی کوردستان لە یەکێتی ئەوروپا، ئەمڕۆ پێنجشەممە بەڕێز سەفین دزەیى بەرپرسى پەیوەندییەکانى دەرەوەى حکومەتى هەرێم لە پەیوەندییەکى تەلەفۆنیدا بە ناوى خۆى و ستافى فەرمانگەى پەیوەندییەکانى دەرەوەى حکومەت پرسەو سەرەخۆشى لە بەڕێزیان کردو هیواى خواست خوای گەورە كۆچكردوو بە بەهەشتی بەرینی خۆی شاد بكات و سەبرو ئارامى بە هەموولایەک ببەخشێت و ئەمە دوا خەم و دوا کۆستى ئەو بنەماڵە تێکۆشەرە بێت.