فه‌رمانگه‌ی په‌یوه‌ندییه‌کانی ده‌ره‌وه‌
حكومه‌تی هه‌رێمی كوردستان
MON, 1 JUN 2020 03:33 Erbil, GMT +3
Mon, 01 Jun 2020 03:33:13

پاسپۆرت

بە گوێرەى یاساکانى رەگەزنامەو بارى کەسێتى حکومەتى فیدراڵى عێراقى، حکومەتى هەرێمى کوردستان پاسپۆرت دەرناکات، بەڵکو حکومەتى ناوەند دەسەڵاتى جێبەجێکردنى دەرهێنان و نوێى کردنەوەى پاسپۆرتى هەیە بۆ هاوڵاتیان. حکومەتى فیدڕاڵى پاسپۆرت دەردەکات تەنها بۆ هاوڵاتیانى عێراقى. بۆ دەرهێنانى پاسپۆرت هاوڵاتیان پێویستە فۆرمى داواکارى لەگەڵ هەموو بەڵگە یاسایی پێویستیەکان پێشکەش بە بەرێوبەرایەتى پاسپۆرت لە شارەکانى عێراق بکەن.

داواکاریە گشتیەکان:-

               1.      پێشکەشکردنى زانیارى کەسى.

2.      پێدانى ناونیشانى تەواو.

3.      پێشکەشکردنى دوو کۆپى لە نووسراوى هاوڵاتى بوون وەکو ناسنامەى شارستانى و ڕەگەزنامەى عێراقى (جنسیە).

4.      چوار وێنەى ڕەنگاو ڕەنگ بە قەبارەى (٣٥*٤٥ملم) پشتى سپى بێت.

5.      پێدانى پارەى تێچوون لە ڕێگەى چەکى بانکى.

6.      پێشکەشکردنى فۆرمى داواکارى بە گوێرەى ئەو زانیاریانەى کە لە ناسنامەى فەرمى شارستانى عێراقى هاتووە.

ناونیشانى فەرمانگەى پاسپۆرتى عێراقى لە هەرێمى کوردستان:-

هەولێر:-

عینکاوە/شەقامى ١٠٠م/ تەنیشت بەرێوبەرایەتى نیشینگەى هەولێر و نزیک فرۆکەخانەى ئەربیلى نێودەوڵەتى.

سلێمانى:-

گەرەکى شەهیدانى سەرچنار/ نزیک بەنزینخانەى بینایی

دهۆک:-

شەقامى دڵخواز/ ماڵتاى خواروو

 

 

 

 


سەرۆکی حکومەتی هەرێمی کوردستان سەرپەرشتی کۆبوونەوەیەکی تایبەت بە قەرز و پابەندییە داراییەکانی هەرێمی کوردستان دەکات

Sun, 31 May 2020 12:33:46

هەولێر، هەرێمی کوردستان، عێراق (GOV.KRD) -- ڕۆژی یەکشەممە ٢٠٢٠/٥/٣١ مەسرور بارزانی سەرۆکی حکومەتی هەرێمی کوردستان، بە ئامادەبوونی قوباد تاڵەبانی جێگری سەرۆکی حکومەت و وەزیرە پەیوەندیدارەکان، سەرپەرشتی کۆبوونەوەیەکی تایبەت بە قەرز و پابەندییە داراییەکانی سەر حکومەتی هەرێمی کوردستان کرد.

 

نێچیرڤان بارزانى له‌گه‌ڵ فەرماندەی هێزی ئۆپەراسیۆنی تایبەتی هاوپەیمانان كۆبووه‌وه‌

Sat, 30 May 2020 14:22:22

له‌ كۆبوونه‌وه‌كه‌دا كه‌ به‌ڕێز شێخ جه‌عفه‌ر مسته‌فا جێگرى سه‌رۆكى هه‌رێمى كوردستان ئاماده‌ى بوو، دوایین پێشهاته‌كانى بڵاوبوونه‌وه‌ى په‌تاى ڤایرۆسى كۆرۆنا و هه‌وڵ و ڕێكاره‌كانى به‌ره‌نگاربوونه‌وه‌ى، هه‌روه‌ها لێكه‌وته‌كانى به‌تایبه‌تى له‌ بواره‌كانى ته‌ندروستى و ئابووریدا‌ و كاریگه‌رى له‌سه‌ر به‌رنامه‌ و جموجووڵى سه‌ربازیى هێزه‌كانى هاوپه‌یمانان له‌ عێراق و سووریا تاوتوێ كرا.

 

سەرۆکی حکومەتی هەرێمی کوردستان پێشوازی لە فەرماندەی هێزی ئۆپەراسیۆنی تایبەتی هاوپەیمانان لە عێراق و سوریا دەکات

Sat, 30 May 2020 13:08:50

هەولێر، هەرێمی کوردستان، عێراق (GOV.KRD) – رۆژی شەممە ٢٠٢٠/٥/٣٠ مەسرور بارزانی سەرۆکی حکومەتی هەرێمی کوردستان پێشوازیی لە مێجەر جەنەڕاڵ ئیریک هیل فەرماندەی هێزی ئۆپەراسیۆنی تایبەتی هێزەکانی هاوپەیمانان لە عێراق و سوریا کرد.