فه‌رمانگه‌ی په‌یوه‌ندییه‌کانی ده‌ره‌وه‌
حكومه‌تی هه‌رێمی كوردستان
TUE, 14 JUL 2020 13:53 Erbil, GMT +3
Tue, 14 Jul 2020 13:53:43

زانیاری وەبەرهێنان

 یاساى وەبەرهێنان و دروستکردنى بۆردى وەبەرهێنان لە ساڵى (٢٠٠٦) بڕیارى لەسەردرا بۆ برەودان و پێشخستنى کەرتى وەبەرهێنان لە هەرێمى کوردستان.

یاساى وەبەرهێنان یەکێکە لە خاڵەى سەرەکیەکان کە زۆرترین بەدوا داچوونى بۆ دەکرێت لەسەرانسەرى ڕۆژهەڵاتى ناوەڕاست لەلایەن وەبەرهێنانى بیانیەوە، بۆیە بە پێویستى دەزانین هەندێ لایەن لە یاساکە بخەینەروو:-

  • بە گوێرەى مادەى  (٣) لە یاساى وەبەرهێنان هەردوو وەبەرهێنەرى بیانى و ناوخۆیی بە شێوەیەکى یەکسان خزمەتگوزاریەکانى وەبەرهێنانیان پێشکەش دەکرێت.
  • بە گوێرەى مادەى (٣) لە یاساى وەبەرهێنان هەردوو وەبەهێنەرى بیانى و ناوخۆیی مافى خاوەنداریەتی پشکیان لەهەر پرۆژەیەک دەبێت.
  • بە گوێرەى مادەى (٤) لە یاساى وەبەرهێنان حکومەت سەرپشک دەبێت لە دانان و کەمکردنەوەى نرخى زەوی وزار بۆ پرۆژەکانى وەبەرهێنان دەبێت.
  • بە گوێرەى مادەى (٧) لە یاساى وەبەرهێنان وەبەرهێنەرى بیانیەکان مافى گێرانەوەى هەموو قازانجەکانى دەبێت.
  • بە گوێرەى مادەى (٤) لە یاساى وەبەرهێنان وەبەرهێنەرى بیانى و ناوخۆیی مافى یەکسانیان دەبێت لە کرینى زەویان دەبێت بە مەبەستى وەبەرهێنان.
  •  بە گوێرەى مادەى (٥) لە یاساى وەبەرهێنان وەبەرهێنەرەکان مافى لێخۆشبوونیان لە پێدانى باج بۆ ماوەى (١٠) ساڵ دەبێت لە ڕێکەوتى دەستپێکردنى پرۆژەکەى یان خزمەتگوزاریەکەى. هەروەها هێنانى کەرستەى خاو و بەکارهێنراو هەمان بڕگە دەیگرێتەوە.

بۆ وەرگرتنى زانیارى زیاتر تکایە کلیک لەسەر ئەم لینکە  http://cabinet.gov.krd بکەن.


بەبۆنەى کۆچى دوایى کونسوڵى میسر لە هەرێم، سەفین دزەیى نامەیەکى هاوخەمى ئاراستەى وەزیرى دەرەوەى کۆمارى میسرى عەرەبى کردو پەیوەندیەکى تەلەفۆنى لەگەڵ باڵیۆزى میسر لە بەغدا ئەنجامدا

Mon, 13 Jul 2020 18:00:58

ئەمڕۆ دووشه‌ممه‌ 13/7/2020 به‌ڕێز سەفین دزەیى بەرپرسى پەیوەندیەکانى دەرەوەى حکومەت پرسه‌نامه‌یه‌كى ئاراسته‌ى به‌ڕێز د. سامح شوکرى وەزیرى دەرەوەى کۆمارى میسرى عەرەبى کرد، تێیدا پرسەو سەرەخۆشى خۆى ئاراستەى بەڕێزیان کرد بەبۆنەى کۆچى دوایى باڵیۆز ئه‌حمه‌د جیهاد سعید حارس كونسولى كۆمارى میسرى عه‌ره‌بى له‌هەرێمى کوردستان، کە دوێنێ بە نەخۆشى لە قاهیرەى پایتەختى میسر کۆچى دوای کرد. وێڕاى بەرز نرخاندنى رۆلى خوالێخۆشبوو لە پتەوکردنى پەیوەندیەکانى نێوان هەردوولا، هیواى خواست خواى گەورە سەبرو ئارامى بە دۆستان و خانەوادەو کەسوکارى ببەخشێت و جێگەى بەهەشتى بەرین بێت.

 

سه‌رۆك نێچیرڤان بارزانى سه‌ره‌خۆشى له‌ سه‌رۆك ئه‌لسیسى ده‌كات

Sun, 12 Jul 2020 18:36:09

ئه‌مڕۆ یه‌كشه‌ممه‌ 12/7/2020 به‌ڕێز نێچیرڤان بارزانى، سه‌رۆكى هه‌رێمى كوردستان پرسه‌نامه‌یه‌كى ئاراسته‌ى به‌ڕێز عه‌بدولفه‌تاح ئه‌لسیسى، سه‌ركۆمارى میسر كرد، تیایدا بۆ كۆچى دواییى خوالێخۆشبوو ئه‌حمه‌د حارس كونسولى كۆمارى میسرى عه‌ره‌بى له‌ هه‌ولێر، سه‌ره‌خۆشى له‌ به‌ڕێزیان كرد و هاوخه‌میى خۆى بۆ له‌ده‌ستدانى خوالێخۆشبوو ده‌ربڕى كه‌ دوێنێ له‌ میسر كۆچى دوایى كرد.

 

فەرمانگەى پەیوەندیەکانى دەرەوەى حکومەت بە بۆنەى کۆچى دوایی کونسوڵى میسڕ لە هەرێم باڵیۆز ئەحمەد جیهاد سەرەخۆشى لە خانەوادەو ستافى کونسوڵگەرى و باڵیۆزخانەى میسڕ لە عیراق و وەزارەتى دەرەوەى میسڕ دەکات

Sun, 12 Jul 2020 18:29:27

بەداخەوە ئەمڕۆ وەزارەتى دەرەوەى کۆمارى میسڕى عەرەبى رایگەیاند کونسوڵى میسر لە هەرێمى کوردستان باڵیۆز ئەحمەد جیهاد سەعید حارس بە هۆى نەخۆشى لە قاهیرەى پایتەختى میسڕ کۆچى دوایی کرد.