فه‌رمانگه‌ی په‌یوه‌ندییه‌کانی ده‌ره‌وه‌
حكومه‌تی هه‌رێمی كوردستان
TUE, 14 JUL 2020 14:23 Erbil, GMT +3
Tue, 14 Jul 2020 14:23:04

پێكهاتەی كارگێری فەرمانگەى پەیوەندیەکانى دەرەوە

پێكهاتەی كارگێری

بەپێی ڕێنماییە فەرمییەکان، فەرمانگەى پەیوەندیەکانى دەرەوەى حکومەتی هه‌رێمی كوردستان لە نووسینگەی بەڕێز بەرپرسی فەرمانگە و هەشت بەڕێوەبەرایەتی تری تایبەت بە بەڕێوەبردن و بەجێهێنانی ئەرکەکانیان پێکهاتووە. کارو ئەرکی نووسینگەی بەڕێز بەرپرسی فەرمانگە و بەڕێوەبەرایەتیەکانیش بریتین لە:

  • نووسینگەی بەڕێز بەرپرسی فەرمانگەی پەیوەندیەکانی دەرەوە: بەشێوەیەکی کارا سەرپەرشتی سەرجەم بەڕێوەبەرایەتیەکانی فەرمانگە و نوێنەرایەتیەکانی دەرەوەی حکومەتی هەرێمی کوردستان دەکات بۆ زیاتر بەرەوپێشبردنی هەماهەنگیەکان و دابینکردنی هاوکاری پێویست لە کارو ئەرکەکانیاندا. نووسینگەی بەڕێز بەرپرسی فەرمانگە وەکو وەگەڕخەرێکی ستراتیجی و خاڵی سەرەکی پەیوەندیەکان دادەندرێت، هەروەها تەئکید لە پەیوەندیەکانی حکومەتی هەرێمی کوردستان و هاوکارییەکان لەگەڵ وەزارەتی دەرەوەی عێراق و باڵیۆزەکانی عێراق دەکاتەوە. هاوکات بەرپرسیارە لە بەڕێوەبردنی چەندین ئەرکی سەرەکی و پەیوەندییەکان و هاوکاریکردن لەگەڵ فەرمانگە.

 

  • بەڕێوبەرایەتى پەیوەندییە نێودەوڵەتییەکان: خاڵی سەرەکی پەیوەندییەکانە لەڕێگای پاراستنی پەیوەندییە دوو قۆڵیەکانی نێوان حکومەتی هەرێمی کوردستان و ووڵاتە بیانیەکان. هاوکات، ئەرکی ئەم بەڕێوەبەرایەتیە بریتیە لە بەڕێوەبردنی هەماهەنگی و پەیوەندییەکانی ڕۆژانەی حکومەتی هەرێمی کوردستانە لەگەڵ ئەو وڵاتانەى کە نوێنەرایەتییان لە هەرێمى کوردستان هه‌یه‌.

 

  • بەڕێوبەڕاییەتى نووسینگەکانى حکوومەتى هەرێمى کوردستان لە دەرەوە: ئەرکى سەرەکى ئەم بەڕێوبەرایەتییە بریتیە لە ڕێکخستنى پەیوەندییەکانى نێوان نوێنەرایەتیەکانى حکومەتى هەرێمى کوردستان لە دەرەوە لەگەڵ وەزارەت و فەرمانگە جیاوازەکانى حکومەتى هەرێمى کوردستان له‌ناوخۆ. هەروەها ئەم بەڕێوبەرایەتیە سەرپەرشتی کارو چالاکیەکانی نوێنەرایەتیەکانی حکومەتی هەرێمی کوردستان لە دەرەوە دەکات لە بوارەکانی کەلتووری، ڕۆشنبیری، کۆمەڵایەتی و پێشکەوتن.

 

  • بەڕێوبەرایەتى ڕێکخراوە نێودەوڵەتیەکان: ئەرکی سەرەکی ئەم بەڕێوەبەرایەتیە بریتیە لە ڕێکخستنى کاروباری نەتەوە یەکگرتووەکان و سەرجەم ڕێکخراوە حکوومى و ناحکوومیەکانی نێودەوڵەتیەکان. هەروەها ئەم بەڕێوەبەرایەتیە بە خاڵی سەرەکی پەیوەندیەکانی فەرمانگەی پەیوەندیەکانی دەرەوە دادەندرێت لەگەڵ ئاژانسەکانی نەتەوە یەکگرتووەکان و ڕێکخراوە نێودەوڵەتیەکانی تر، هاوکات کار بۆ بەهێزکردن و پەرەپێدانی هاوکارییەکانی نێوان حکومەتی هەرێمی کوردستان و ئەم قەوارانە دەکات.

 

  • بەڕێوبەرایەتى پڕۆتۆکۆل و شاندەکان: ئەرکی بەڕێوەبردن و ڕاپەڕاندنی کارە لۆجیستیەکانى ئەو شاندە بیانیانەیە کە لەلایەن حکومەتی هەرێمی کوردستانەوە بۆ هەرێمى کوردستان بانگهێشت دەکرێن.

 

  • بەڕێوبەرایەتى کاروبارى یاسایى: ئەرکی بەڕێوەبردنی کاروبارە یاساییەکان و پشتڕاستکردنەوەی بەڵگەنامە و  دەسەڵاتە دادگەرییەکانە بۆ هاوڵاتیان و ئاوارەکانە لەڕێگای هەماهەنگیکردن لەگەڵ وەزارەتی دەرەوەی کۆماری عێراقی فیدڕاڵ.

 

  • بەڕێوبەرایەتى ڕاگەیاندن و پەیوەندیەکان: تەئکید لە پەیامی حکومەتی هەرێمی کوردستان دەکاتەوە بە کۆمەڵگای نێودەوڵەتی، هەروەها کاروباری میدیایی و وێبسایتی فەرمانگەی پەیوەندیەکانی دەرەوەی حکومەتی هەرێمی کوردستان بەڕێوەدەبات، هاوکات کارئاسانی پێویست بۆ ڕۆژنامەنووسە بیانیەکان دەکات وەکو داواکاری دیدار لەگەڵ بەرپرسانی باڵا.

 

  • بەڕێوبەرایەتى کارگێرى و دارایى: ئەرکی ئەم بەڕێوەبەرایەتیە بریتیە لە ڕێکخستنی بەڕێوەبردن، کارگێری، سەرچاوە مرۆییەکان و چەندین خزمەتگوزاری تری فەرمانگە.

 

  • بەڕێوەبەرایەتی دڵنیایی جۆرى: جەخت لە بەدواداچوون و کوالیتی جێبەجێکارییەکان لە فەرمانگەی پەیوەندیەکانی دەرەوە دەکاتەوە.

بەبۆنەى کۆچى دوایى کونسوڵى میسر لە هەرێم، سەفین دزەیى نامەیەکى هاوخەمى ئاراستەى وەزیرى دەرەوەى کۆمارى میسرى عەرەبى کردو پەیوەندیەکى تەلەفۆنى لەگەڵ باڵیۆزى میسر لە بەغدا ئەنجامدا

Mon, 13 Jul 2020 18:00:58

ئەمڕۆ دووشه‌ممه‌ 13/7/2020 به‌ڕێز سەفین دزەیى بەرپرسى پەیوەندیەکانى دەرەوەى حکومەت پرسه‌نامه‌یه‌كى ئاراسته‌ى به‌ڕێز د. سامح شوکرى وەزیرى دەرەوەى کۆمارى میسرى عەرەبى کرد، تێیدا پرسەو سەرەخۆشى خۆى ئاراستەى بەڕێزیان کرد بەبۆنەى کۆچى دوایى باڵیۆز ئه‌حمه‌د جیهاد سعید حارس كونسولى كۆمارى میسرى عه‌ره‌بى له‌هەرێمى کوردستان، کە دوێنێ بە نەخۆشى لە قاهیرەى پایتەختى میسر کۆچى دوای کرد. وێڕاى بەرز نرخاندنى رۆلى خوالێخۆشبوو لە پتەوکردنى پەیوەندیەکانى نێوان هەردوولا، هیواى خواست خواى گەورە سەبرو ئارامى بە دۆستان و خانەوادەو کەسوکارى ببەخشێت و جێگەى بەهەشتى بەرین بێت.

 

سه‌رۆك نێچیرڤان بارزانى سه‌ره‌خۆشى له‌ سه‌رۆك ئه‌لسیسى ده‌كات

Sun, 12 Jul 2020 18:36:09

ئه‌مڕۆ یه‌كشه‌ممه‌ 12/7/2020 به‌ڕێز نێچیرڤان بارزانى، سه‌رۆكى هه‌رێمى كوردستان پرسه‌نامه‌یه‌كى ئاراسته‌ى به‌ڕێز عه‌بدولفه‌تاح ئه‌لسیسى، سه‌ركۆمارى میسر كرد، تیایدا بۆ كۆچى دواییى خوالێخۆشبوو ئه‌حمه‌د حارس كونسولى كۆمارى میسرى عه‌ره‌بى له‌ هه‌ولێر، سه‌ره‌خۆشى له‌ به‌ڕێزیان كرد و هاوخه‌میى خۆى بۆ له‌ده‌ستدانى خوالێخۆشبوو ده‌ربڕى كه‌ دوێنێ له‌ میسر كۆچى دوایى كرد.

 

فەرمانگەى پەیوەندیەکانى دەرەوەى حکومەت بە بۆنەى کۆچى دوایی کونسوڵى میسڕ لە هەرێم باڵیۆز ئەحمەد جیهاد سەرەخۆشى لە خانەوادەو ستافى کونسوڵگەرى و باڵیۆزخانەى میسڕ لە عیراق و وەزارەتى دەرەوەى میسڕ دەکات

Sun, 12 Jul 2020 18:29:27

بەداخەوە ئەمڕۆ وەزارەتى دەرەوەى کۆمارى میسڕى عەرەبى رایگەیاند کونسوڵى میسر لە هەرێمى کوردستان باڵیۆز ئەحمەد جیهاد سەعید حارس بە هۆى نەخۆشى لە قاهیرەى پایتەختى میسڕ کۆچى دوایی کرد.