فه‌رمانگه‌ی په‌یوه‌ندییه‌کانی ده‌ره‌وه‌
حكومه‌تی هه‌رێمی كوردستان
MON, 9 DEC 2019 19:46 Erbil, GMT +3
Source: KRG-DFR DFR publication date: SAT, 14 FEB 2015 15:53
بەرپرسى پەیوەندیەكانی دەرەوە لەگەڵ شاندێكی وەزارەتی دەرەوەی كۆماری ئیسلامی ئێران كۆبووەوە

رۆژی پێنج شەممە رێكەوتی 12/2/2015 فەلاح مستەفا بەرپرسى پەیوەندیەكانی دەرەوەی حكومەت پێشوازی لە محمد فرازمند بەرێوەبەری گشتی فەرمانگەی كاروباری كەنداو لە وەزارەتی دەرەوەی كۆماری ئیسلامی ئێران و شاندى یاوەرى كرد.

لە كۆبوونەوەكەدا كە مورتەزا عبادی كونسوڵی گشتی ئەو ووڵاتەو عەبدوڵا ئاکرەیی بەڕێوەبەرى گشتى لە فەرمانگە و ژمارەیەک لە بەڕێوەبەرانى فەرمانگە تێیدا بەشدار بوون، جەخت لە پەیوەندی دۆستانەی نێوان هەردوولا لەسەر بنەمای لێك تێگەشتن و بەرژەوەندی هاوبەش كرایەوە.

بەرێوەبەری گشتی فەرمانگەی كاروباری كەنداو لە وەزارەتی دەرەوەی ئێران تیشكی خستەسەر هۆكاری سەردانەكەی بۆ هەرێم و باسی لە گرنگی پەیوەندی نێوان دامەزراوەكانی هەردوولا كرد. هەروەها باسی لە بایەخی سەردانی وەزیری دەرەوەی وەڵاتەكەی بۆ هەرێم لەماوەی رابردوو كردو ئاماژەشی بە دەنگدانەوەی ئەم سەردانە لەناوەندە شیكاریی و میدیاییەكان كرد. هاوکات باسی لە تێڕوانینی ووڵاتەكەی بۆ پەیوەندیەكانی لەگەڵ عێڕاق و هەرێمی كوردستان كردو گووتی كە كۆماری ئیسلامی ئێران وەك یەك مامەڵە لەگەڵ پێكهاتە جیاجیاكانی عێراق دەكات.

بەرپرسى پەیوەندیەكانی دەرەوە بەخێرهاتنى شاندەكەی وەزارەتی دەرەوەی كۆماری ئیسلامی ئێران بۆ هەرێمی كوردستان كردو باسی لە پەیوەندیەكانی نێوان هەرێم و ئێران كرد. هاوکات سوپاسی كونسوڵی گشتی ئەو ووڵاتەی لە هەولێر كرد بۆ کارو هەوڵەکانیان بە مەبەستی پەرەپێدانی پەیوەندیەكانی نێوان هەردوولا، ئەوەش لەڕێگەی خاڵە هاوبەشەكان و بە لێك تێگەیشتنی هاوبەش بۆ بەرژەوەندی هەردوولا.

لە تەوەرێكی دیكەی دیدارەكەدا بەرپرسى پەیوەندیەكانی دەرەوە تیشكی خستەسەر پەیوەندیەكانی نێوان هەولێرو بەغدا. لەم رووەشەوە گووتى پێویستمان بە شێوازێكی باشتر بۆ پێكەوە ژیان لەم ووڵاتەدا هەیە.هاوکات جەختى لە پابەندبوونى هەرێم بۆ جێبەجێ كردنی رێكەوتنەكان لەگەڵ بەغدا کردەوە.

لەبارەى جەنگ لەگەڵ تیرۆرستانى داعش فەلاح مستەفا گووتی ئێمە قوربانیەكی زۆرمان لەم جەنگەدا داوە، هاوكات خۆشحاڵی خۆشی نیشاندا كە هێزەكانی پێشمەرگە توانیویانە رووبەرێكی فراوان لە لە چەكدارانی تیرۆرستی داعش پاك بكەنەوەو گووتیشى ئازادكردنی ناوچەكانی دیكەی عێراق لە تیرۆرستان بەتایبەتی شاری موسڵ، پێوستى بە هاوکارى سوپای عێراق هەیە كە دووربێت لەهەر ئینتیمایەكی ئاینی و مەزهەبی، ئەوەش لەپێناوی سەركەوتنی پرۆسەی ئازاكردنەكە.

هەر لەم روانگەیەوە هەردوولا هاوڕابوون لەسەر ئەوەی كە تیرۆستان هەڕەشەن بۆ هەموولایەک، بۆیە دەبێ‌ هەماهەنگی و كاری هاوبەش بۆ لەناوبردنیان بكرێت، ئەمەش تەنها بەڕێگەى سەربازی ئەنجام نادرێ، بەڵكو بڕینى سەرچاوە لۆجستى و داراییەکان و لە هەمان كاتدا پێویستە رێگەچارەی سیاسی بۆ ئەم پرسە لەبەرچاوبگیرێت. لەم رووەشەوە جەخت لە گرنگی هەماهەنگی و پەرەپێدانی پەیوەندیەكانی نێوان کۆمەڵگاى نێودەوڵەتى و ووڵاتانى هەرێمى كرایەوە، رۆڵ و هەوڵەكانی كۆمەڵگای نێودەوڵەتی و هاوپەیمانانیش بۆ لەناوبردنی تیرۆرستانی داعش بە بایەخەوە هەڵەسەنگێندرا.




سەرۆک وەزیرانی هەرێمی کوردستان پێشوازی لە باڵیۆز جەیمس جێفری دەکات
SAT, 7 DEC 2019 16:57

هەولێر، هەرێمی کوردستان، عێراق (GOV.KRD) - ئەمڕۆ شەممە ٢٠١٩/١٢/٧ مەسرور بارزانی سەرۆک وەزیرانی هەرێمی کوردستان پێشوازی لە باڵیۆز جەیمس جێفری نێردەی تایبەتی ئەمەریکا بۆ کاروباری سوریا و هاوپەیمانی نێودەوڵەتی دژی داعش کرد.

 
بەرپرسی پەیوەندیەکانى دەرەوە پێشوازى لە جێگرى باڵیۆزى ئوسترالیا لە عێراق کرد
THU, 5 DEC 2019 23:44

سەفین دزەیی، بەرپرسی پەیوەندیەکانى دەرەوەى حکومەت، پێشوازى لە بەڕێز (جەیسن ئالفێریک) جێگرى باڵیۆزى ئوسترالیا لە عێراق کردو باس لە ڕەوشى هەنووکەیى عیراق و ناوچەکە و پەیوەندیەکانى نێوان هەولێرو بەغدا.

 
بەرپرسی پەیوەندیەکانی دەرەوە پێشوازی لە شاندی ژووری بازرگانی ئەمریکا کرد
THU, 5 DEC 2019 13:31

ئەمڕۆ پێنجشەممە، ڕێکەوتی (٥/١٢/٢٠١٩) ، سەفین دزەیی، بەرپرسی پەیوەندیەکانی دەرەوە، پێشوازی له‌ به‌ڕێز ستیڤ لەتس، جێگری سەرۆکی کاروباری ڕۆژهەڵاتی ناوەڕاستی ژووری بازرگانی ئەمریکا و شاندی یاوەری کرد بە ئامانجی تاوتوێ کردنی برەودانی پەیوەندیەکانی  ئابووری و بازرگانی و وەبەرهێنان.

 

 

کۆمارى ئەرمینیا ئاستى پەیوەندیەکانى لەگەڵ هەرێمى کوردستان فراوانتر دەکات

MON, 9 DEC 2019 14:56

ئەمڕۆ دووشەممە سەفین دزەیی، بەرپرسی پەیوەندیەکانى دەرەوەى حکومەتى هەرێم، پێشوازى لە شاندێکى وەزارەتى دەرەوەى کۆمارى ئەرمینیا کرد کە پێک هاتبوون لە بەڕێزان (ئارمان ئاکۆپیان) سەرۆکى فەرمانگەى ووڵاتانى کیشوەرى ئەمریکا و بەڕێز (یورى باباخانیان) ڕاوێژکار لە فەرمانگەى ئەفریقیا و ڕۆژهەڵاتى ناوەڕاست.

 

مەڕاسیمی یادکردنەوەی ڕۆژی نیشتیمانی و ١٠١ ساڵەی یەکگرتنی ڕۆمانیا،سەفین دزەیى وێڕاى پیرۆزبایى،جەختى لەسەر پەیوەندیە دووقۆڵیەکانى نێوان هەردوولا کردەوە

MON, 9 DEC 2019 11:15

ئێوارەی ڕۆژی یەکشەممە ٩ی تشرینی دووەمی ٢٠١٩، بە ئامادەبوونی هەریەک لە نوێنەرانى بەڕێزان سەرۆک مەسعود بارزانی و نێچیرڤان بارزانى سەرۆکی هەرێمی کوردستان  و مەسرور بارزانى سەرۆکی حکومەتی هەرێمی کوردستان و ئەندامانی پەرلەمان و دیپلۆماتکاران و نوێنەرانی پارتە جیاجیاکان و هۆریا میهایل پیتریسکیو، بەرپرسی نووسینگەی کونسوڵگەری ڕۆمانیا لە هەرێم مەڕاسیمی یادکردنەوەی ڕۆژی نیشتیمانی و ١٠١ ساڵەی یەکگرتنی ڕۆمانیا لە هەرێم کرایەوە. مەڕاسیمەکە لەلایەن نووسینگەی کونسوڵگەری ڕۆمانیا لە هەرێم ڕێکخرابوو.


لە کۆبوونەوەیەکى فراوان، سەفین دزەیى بەرپرسی پەیوەندیەکانی دەرەوەى حکومەت لەگەڵ دیپلۆماتکارانى ووڵاتانی ئەندام لە یەکێتی ئەوروپا لە هەرێمی کوردستان دوایین پەرەسەندنەکانیان تاوتوێ کرد

SUN, 8 DEC 2019 13:20

ئەمڕۆ یەکشەممە، ڕێکەوتی (٨/١٢/٢٠١٩)، سەفین دزەیی، بەرپرسی فەرمانگەی پەیوندیەکانی دەرەوەى حکومەت کۆبوونەوەیەکی فراوانى لەگەڵ دیپلۆماتکارانى ووڵاتانی ئەندام لە یەکێتی ئەوروپا لە هەرێمی کوردستان بە سەرۆکایەتی بەڕێز ڤینسینت پۆپیۆو، بەرپرسی نووسینگەی نێردەی یەکێتی ئەوروپا لە هەرێمی کوردستان ئەنجامدا، بە ئامانجی لە نزیکەوە ئاشنا بوون بە دوایین پەرەسەندنەکانی ناوچەکە بەگشتی و هەرێمی کوردستان و عێراق بە تایبەتی لەڕووی پەیوەندی نێوان هەولێر و بەغدا و هەولێر و ووڵاتانی دراوسێی و بەرنامەکانی کاری لە پێشینەی حکومەتی هەرێمی کوردستان و پرسەکانی ئاسایش و سیاسی و مرۆیی و پێکهاتەکان.

 

گوتاری سه‌رۆك وه‌زیران مه‌سرور بارزانی به‌بۆنه‌ی سه‌د رۆژی كاركردنی كابینه‌ی نۆیه‌می حكومه‌تی هه‌رێمی كوردستان

SAT, 7 DEC 2019 21:43

لە ڕۆژی سوێندخواردنی کابینەکەمان لە پەرلەمان، ئاماژەم بەوەکرد، کە ئەرکێکی سەختمان لە ئەستۆ گرتووە، بەڵام وتمان کە پشت بەخوا و متمانەی هاوڵاتیانمان، دەتوانین بەسەر سەختییەکاندا زاڵ ببین و ، ئەم قۆناغە تێپەڕێنین. خۆشحاڵم کە ئەمڕۆ لێرەدا ڕایبگەیەنم ، کە بە بڕوای ئێمە قۆناغی باشمان بڕیوە و ڕەوتی کارەکانمان کەوتووەتە سەر ڕاستەڕێ و دەسکەوتی بەرچاو بەدی هاتوون.