فه‌رمانگه‌ی په‌یوه‌ندییه‌کانی ده‌ره‌وه‌
حكومه‌تی هه‌رێمی كوردستان
TUE, 23 OCT 2018 07:01 Erbil, GMT +3
Source: KRG-DFR DFR publication date: WED, 7 FEB 2018 19:17
سه‌رۆكایه‌تیی حكوومه‌ت و په‌رله‌مانی كوردستان پرسی هه‌ڵبژاردنه‌كانی داهاتووی هه‌رێم تاتوێ ده‌كه‌ن

سه‌رله‌به‌یانیی ئه‌مڕۆ چوارشه‌ممه‌ 7/2/2018 له‌ په‌رله‌مانی كوردستان به‌ڕێزان نێچیرڤان بارزانی سه‌رۆك وه‌زیرانی هه‌رێمی كوردستان، قوباد تاڵه‌بانی جێگری سه‌رۆك وه‌زیران و شاندێكی یاوه‌ریان، جه‌عفه‌ر ئیبراهیم جێگری سه‌رۆكی په‌رله‌مان، خاتوو بێگه‌ر تاڵه‌بانی سكرتێری په‌رله‌مان، سه‌رۆكی فراكسیۆنه‌كانی په‌رله‌مانی كوردستان، سه‌رۆكی هه‌ردوو لێژنه‌ی كاروباری یاسایی و لێژنه‌ی كاروباری په‌رله‌مان و كۆمسیۆنی هه‌ڵبژاردن و ڕاپرسی له‌ هه‌رێمی كوردستان، به‌مه‌به‌ستی تاوتوێكردنی پرسی هه‌ڵبژاردنه‌كانی داهاتووی هه‌رێمی كوردستان، كۆبوونه‌وه‌.

له‌ كۆبوونه‌وه‌كه‌دا به‌ڕێز جێگری سه‌رۆكی په‌رله‌مان ئاماژه‌ی به‌وه‌ دا كه‌ كۆبوونه‌وه‌كه‌ له‌سه‌ر داوای به‌ڕێز نێچیرڤان بارزانی سه‌رۆك وه‌زیرانی هه‌رێمی كوردستان بووه‌ تا تیایدا تاوتوێی هه‌ڵبژاردنه‌كانی داهاتوو، دابینكردنی پێداویسته‌كانی ئه‌نجامدانی هه‌ڵبژاردن بۆ كۆمسیۆنی هه‌ڵبژاردن و ڕاپرسی، گه‌یشتن به‌‌ لێكگه‌یشتنێكی هاوبه‌ش ده‌رباره‌ی واده‌ی ئه‌نجامدانی هه‌ڵبژاردنه‌كانی داهاتووی هه‌رێمى كوردستان بكرێت.

به‌ڕێز نێچیرڤان بارزانی وێڕاى ده‌ربڕینى هه‌موو پشتگیرییه‌ك بۆ دابینكردنى سه‌رجه‌م پێداویستییه‌كانى ئه‌نجامدانى هه‌ڵبژاردن، جه‌ختیشى له‌وه‌ كرده‌وه‌ كه‌ ئه‌نجامدانى هه‌ڵبژاردن جگه‌ له‌ پاراستنى ئه‌زموونى دیموكراسیى هه‌رێم، ده‌رچه‌یه‌كیشه‌ بۆ چاره‌سه‌ركردنى كێشه‌ سیاسى و ناوخۆییه‌كانى هه‌رێمى كودستان. هه‌روه‌ها ڕایگه‌یاند هه‌ڵبژاردن پرسێكی گرنگی سیاسی و نیشتمانییه‌ و له ‌ده‌ره‌وه‌ی وڵاتیش جێگه‌ی بایه‌خه‌، بۆیه‌ هیوای خواست ئه‌م كۆبوونه‌وه‌یه‌ ببێته‌ ده‌ستپێكێكی باش بۆ دیاریكردنی واده‌یه‌ك بۆ هه‌ڵبژاردنه‌كانی داهاتوو، ئه‌مه‌ش به‌ دروستبوونی لێكگه‌یشتنێكی هاوبه‌شی نێوان لایه‌نه‌ سیاسییه‌كان.

له‌ كۆبوونه‌وه‌كه‌دا كۆمسیۆنی هه‌ڵبژاردن و ڕاپرسی، وێڕاى پێشكه‌شكردنى پوخته‌یه‌ك ده‌رباره‌ى كێشه‌ و پێداویستییه‌كان و كار و چالاكى و ئاماده‌كارییه‌كانیان بۆ هه‌ڵبژاردن، هه‌موو لایه‌كى دڵنیا كرده‌وه‌ كه‌ هه‌نگاوى زۆر باشى هه‌ڵێناوه‌ بۆ ڕێكوپێكردنى تۆمارى ده‌نگده‌ران و له‌ كاركردن به‌رده‌وام ده‌بێت تا گه‌یشتن به‌ تۆمارێكى بێ كێشه‌ى ده‌نگده‌ران بۆ هه‌ڵبژاردنه‌كانى داهاتووى هه‌رێمى كوردستان‌.

له‌ كۆبوونه‌وه‌كه‌دا سه‌رۆكایه‌تیی په‌رله‌مان و حكوومه‌ت، فراكسیۆنه‌كان و لێژنه‌كانی یاسایی و كاروباری په‌رله‌مان و كۆمسیۆنى كۆمسیۆنی هه‌ڵبژاردن و ڕاپرسی، سه‌رنج و تێبینیی خۆیان له‌باره‌ی هه‌ڵبژاردنه‌كان و دیاریكردنی واده‌یه‌ك كه‌ له‌ ماوه‌ی یاساییی خۆی تێپه‌ڕ نه‌بێت تاوتوێ كرد و بڕیار درا دوای ئه‌و كۆبوونه‌وه‌یه‌ له‌گه‌ڵ لایه‌نه‌ سیاسییه‌كان ڕاوێژ بكرێت بۆ ئه‌وه‌ی بگه‌نه‌ تێگه‌یشتنێكی هاوبه‌ش له‌سه‌ر دیاریكردنی واده‌ى ئه‌نجامدنی هه‌ڵبژاردن له‌ چوارچێوه‌ی ماوه‌ى یاساییدا.

پاش ئه‌وه‌ی ئه‌و تێگه‌یشتنه‌ له‌نێوان لایه‌نه‌ سیاسییه‌كاندا دروست بوو، به‌ڕێز سه‌رۆك وه‌زیرانی هه‌رێمی كوردستان به‌پێی ئه‌و ده‌سه‌ڵاته‌ی پێیدراوه‌ ڕۆژی ئه‌نجامدانی هه‌ڵبژاردنه‌كان دیاری ده‌كات به ‌شێوه‌یه‌ك له‌ شه‌ست ڕۆژ كه‌متر نه‌بێت له‌ ماوه‌ی یاسایی بۆ ئه‌وه‌ی كۆمسیۆنی هه‌ڵبژاردن و ڕاپرسی بتوانێت كاروباری به‌ڕێخستنی هه‌ڵبژاردنه‌كان ئه‌نجام بدات.

دوای كۆبوونه‌وه‌كه‌ش به‌ڕێز نێچیرڤان بارزانی سه‌رۆك وه‌زیرانی هه‌رێمی كوردستان له‌ لێدوانێكی ڕۆژنامه‌وانیدا باسی ناوه‌ڕۆكی كۆبوونه‌وه‌ی كرد و گوتی "ئه‌مڕۆ كۆبوونه‌وه‌ی په‌رله‌مان و حكوومه‌ت و كۆمسیۆنی هه‌ڵبژاردن هه‌بوو و تیایدا باسی دیاریكردنی واده‌ی هه‌ڵبژاردن كرا. له‌ كۆبوونه‌وه‌كه‌دا واده‌ی هه‌ڵبژاردنه‌كان دیاری نه‌كراوه،‌ چونكه‌ ئه‌مه‌ پێویستی به‌ ڕاوێژ له‌گه‌ڵ لایه‌نه‌ سیاسییه‌كان بۆ دیاریكردنی ڕۆژی هه‌ڵبژاردن له‌ هه‌رێمی كوردستان هه‌یه‌. له‌ كۆبوونه‌وه‌كه‌دا كۆمسیۆن ڕاپۆرتی خۆی و ئه‌و هه‌نگاوانه‌ی تا ئێستا ناویانه‌ له‌م بواره‌دا‌، پێشكه‌ش كرد‌. په‌رله‌مان باسی بابه‌تی یاسایی كرد و حكوومه‌تیش باسی ئه‌و ئاماده‌كارییانه‌ی كرد كه‌ بۆ ئه‌و بابه‌ته‌ پێویستن و بڕیار درا له‌گه‌ڵ لایه‌نه‌ سیاسییه‌كان قسه‌ بكه‌ن و دواتر واده‌ی هه‌ڵبژاردنه‌كان دیاری بكرێت".

له‌ وه‌ڵامی پرسیارێكدا ده‌رباره‌ی گرفته‌كانی به‌رده‌م ئه‌نجامدانی هه‌ڵبژاردن، به‌ڕێز سه‌رۆك وه‌زیران ئاشكرای كرد "ئه‌وه‌ی كه‌ تێبینیم كردبێت گرفتێگی وا نییه‌، به‌ڵام هه‌ندێك بابه‌تی ته‌كنیكی هه‌یه‌ پێویستیان به‌ چاره‌سه‌ره‌ و هیچ گرفتێكی وا نییه‌".

سه‌باره‌ت به‌و ده‌نگۆیانه‌ی گوایه‌ مووچه‌ی هه‌ردوو وه‌زاره‌تی په‌روه‌رده‌ و ته‌ندروستی له‌لایه‌ن به‌غداوه‌ نێردراوه‌، به‌ڕێزیان ڕایگه‌یاند "هیچ پاره‌یه‌ك نه‌هاتووه‌، بانكی ناوه‌ندیی عێراق لقێكیان له‌ هه‌ولێر هه‌یه‌ و پاره‌یان خستۆته‌ ئه‌و لقه‌یان له‌ هه‌ولێر، واته‌ پاره‌كه‌ هی بانكی ناوه‌ندیی عێراق بووه‌ و تا ئێستا هیچ پاره‌یه‌ك له‌ به‌غداوه‌ بۆ پێدانی مووچه‌ی كارمه‌ندانی هه‌رێمی كوردستان نه‌هاتووه‌".




باڵیۆزى تازەى کەنەدا خواستى وڵاتەکەى بۆ پتەوکردنى پەیوەندى زیاتر لەگەڵ هەرێمى کوردستان دووپاتکردەوە
THU, 18 OCT 2018 12:43

لە دیدارێکى نێوان بەڕێزان فەلاح مستەفا بەرپرسى پەیوەندیەکانى دەرەوەى حکومەت و پۆڵ گیبارد باڵیۆزى تازەى کەنەدا لە عێراق باس لە پتەوکردنى زیاترى پەیوەندییە دووقۆڵیەکان و بارودۆخى ئەمڕۆى هەرێم و ئاکامى هەڵبژاردنەکان کرا.

 
نێچیرڤان بارزانی و حه‌لبووسی، دۆخی عێراق تاوتوێ ده‌كه‌ن
WED, 17 OCT 2018 22:30

له‌ میانی كۆبوونه‌وه‌ و دیداره‌كانیدا له‌ به‌غدا، ئێواره‌ی ئه‌مڕۆ چوارشه‌ممه‌ 17/10/2018 به‌ڕێز نێچیرڤان بارزانی سه‌رۆك وه‌زیرانی هه‌رێمی كوردستان، له‌گه‌ڵ به‌ڕێز محه‌مه‌د ئه‌لحه‌لبووسی سه‌رۆكی ئه‌نجومه‌نی نوێنه‌رانی عێراقی فیدرال كۆبووه‌وه‌.

 
نێچیرڤان بارزانی و عادل عه‌بدولمه‌هدی كۆبوونه‌وه‌‌
WED, 17 OCT 2018 20:15

هه‌ر له‌ میانه‌ی سه‌ردانه‌كه‌یدا بۆ به‌غدا، ئێواره‌ی ئه‌مڕۆ چوارشه‌ممه ١٧/١٠/٢٠١٨ به‌ڕێز نێچیرڤان بارزانی سه‌رۆك وه‌زیرانی هه‌رێمی كوردستان، له‌گه‌ڵ به‌ڕێز عادل عه‌بدولمه‌هدی ڕاسپێردراو بۆ پێكهێنانی كابینه‌ی نوێی حكوومه‌تی عێراق كۆبووه‌وه‌.

 

 

فەلاح مستەفا پێشوازی لە باڵیۆز نەزمی حەزوری، كونسوڵی گشتی فەڵەستین لە هەرێم کرد

SUN, 21 OCT 2018 18:26

باڵیۆز نەزمی حەزوری كونسوڵی گشتی فەڵەستین سەردانی فەرمانگەی پەیوەندیەكانی دەرەوەی كرد و لەلایەن بەڕێز فەلاح مستەفا بەرپرسی پەیوەندیەكانی دەرەوەى حکومەت پێشوازی لێ‌ كرا.

 

وڵاتى پۆلۆنیا ئەزمونى دەوڵەمەندى خۆی لە بواری پاراستنی بەڵگەکانی کۆمەڵکوژی و جینۆساید پێشکەش بە هەرێمى کوردستان دەکات

SUN, 21 OCT 2018 14:47

شاندی ناوبراو  سەردانی مۆزەخانەی ئاوشڤیچ بێرکناویان کردو بۆ ماوەی سێ ڕۆژ پسپۆرانی ئەو مۆزەخانەیە کە لەکاتی جەنگی جیھانی دووەم گەورەترین کامپی کۆمەڵکوژی نازیەکان بوو لە ئەوروپا، بەوردی شێوەی کاریان و ئەزمونیان ڕوونکردەوە بۆ مێوانانی هەرێمى کوردستان.

 

نێچیرڤان بارزانى و ماكرۆن پرۆسه‌ى سیاسیى عێراق تاوتوێ ده‌كه‌ن

SAT, 20 OCT 2018 18:16

له‌ په‌یوه‌ندییه‌ ته‌له‌فۆنییه‌كه‌دا كه‌ ئه‌مڕۆ شه‌ممه‌ 20/10/2018 ئه‌نجام درا، هه‌ردوولا باسیان له‌ دوایین پێشهاته‌كانى پرۆسه‌ى سیاسیى عێراق و دامه‌زراندنى حكوومه‌تى تازه‌ى عێراقیان كرد و سه‌رۆك ماكرۆن جه‌ختى له‌ پێویستیى به‌شداریى هه‌موو لایه‌نه‌ عێراقییه‌كان و به‌تایبه‌تى لایه‌نه‌ كوردستانییه‌كان له‌ پرۆسه‌ى سیاسى و دامه‌زراندنى حكوومه‌تى عێراقیدا كرده‌وه‌.

 

نێچیرڤان بارزانی و شاندێكی په‌روه‌رده‌یی توركیا، كۆبوونه‌وه‌

THU, 18 OCT 2018 18:07

پاشنیوه‌ڕۆی ئه‌مڕۆ پێنجشه‌ممه‌ 18/10/2018 به‌ڕێز نێچیرڤان بارزانی سه‌رۆك وه‌زیرانی هه‌رێمی كوردستان، پێشوازی له‌ به‌ڕێزان مه‌هدی ئه‌كه‌ر وه‌زیری پێشووی كشتوكاڵی توركیا و هاكان كاراچای كونسولی گشتیی توركیا له‌ هه‌ولێر و شاندێكی ده‌زگای په‌روه‌رده‌ییی مه‌عارفی توركیا كرد كه‌ له‌ ئه‌ندامانی دامه‌زرێنه‌ری ده‌زگاكه‌‌ پێكهاتبوو.