فه‌رمانگه‌ی په‌یوه‌ندییه‌کانی ده‌ره‌وه‌
حكومه‌تی هه‌رێمی كوردستان
FRI, 22 JUN 2018 06:22 Erbil, GMT +3
Source: KRG-DFR DFR publication date: TUE, 6 MAR 2018 17:17
نێچیرڤان بارزانی پێشوازى له باڵیۆزی نۆروێژ له عێراق و ئوردن كرد

سه‌رله‌به‌یانیی ئه‌مرۆ سێشه‌ممه 6/3/2018 به‌ڕێز نێچیرڤان بارزانی سه‌رۆك وه‌زیرانی هه‌رێمی كوردستان، پێشوازی له خاتوو تۆن ئه‌له‌رس باڵیۆزی نوێی نۆروێژ له عێراق و ئوردن و شاندێكی یاوه‌ری كرد.

له دیارێكدا خاتوو ئه‌له‌رس خۆشحاڵیی خۆی به سه‌ردانی هه‌رێمی كوردستان ده‌ربڕی و ده‌ستخۆشی له پێشوه‌چوونه‌كانی هه‌رێمی كوردستان كرد سه‌ره‌ڕای ئه‌و بارگرانییه‌ی له‌سه‌ریه‌تی. به‌ڕێزیان سوپاسی حكوومه‌تی هه‌رێمی كرد بۆ پاراستن و حه‌واندنه‌وه‌ی ژماره‌یه‌كی زۆری ئاواره و په‌نابه‌ران و به‌رده‌وامیی هاوكارییه‌كانی وڵاته‌كه‌ی بۆ هه‌رێمی كوردستان دووپات كرده‌وه‌، هه‌روه‌ها پێكه‌وه‌ژیانی ئاینی و نه‌ته‌وه‌یی له هه‌رێمی كوردستانیشی به‌رز نرخاند.

له به‌شێكی دیكه‌ی دیداره‌كه دا باس له بارودۆخی ئێستای عێراق و هه‌رێمی كوردستان و پرۆسه‌ی دیالۆگی هه‌ولێر ـ به‌غدا كرا و له‌مباره‌یه‌وه خاتوو ئه‌له‌رس پشتگیریی وڵاته‌كه‌ی بۆ دیالۆگێكی جددیی نێوان هه‌ولێر و به‌غدا له‌سه‌ر بنه‌مای ده‌ستووری عێراق به‌مه‌به‌ستی چاره‌سه‌ركردنی كێشه‌كان، نیشان دا.

لای خۆیه‌وه به‌ڕێز سه‌رۆك وه‌زیرانی هه‌رێمی كوردستان سوپاسی ئه‌و سه‌ردانه و هاوكارییه مرۆیی و سه‌ربازییه‌كانی نۆروێژی بۆ هه‌رێمی كوردستان كرد و پوخته‌یه‌كی ده‌رباره‌ی دوا دیداری خۆی له‌گه‌ڵ به‌ڕێز وه‌زیری ده‌ره‌وه‌ی نۆروێژ له داڤۆس و حه‌واندنه‌وه و دابینكردنی خزمه‌تگوزاریی پێویست بۆ ژماره‌یه‌كی زۆری ئاوار و په‌نابه‌رانی ده‌ستی تیرۆر و پێكه‌وه‌ژیانی ئاینی و نه‌ته‌وه‌یى له هه‌رێمی كوردستان پێشكه‌ش كرد و پشتگیریى حكوومه‌تی هه‌رێمی بۆ پاراستن و بره‌ودانى زیاتر به كولتووری پێكه‌وه‌ژیان ده‌بڕی.

له به‌شێكی دیكه‌ی قسه‌كانیدا به‌ڕێزیان دووپاتی كرده‌وه كه حكوومه‌تی هه‌رێمی كوردستان لایه‌نگری گفتوگۆی جددیی نێوان هه‌ولێر و به‌غدایه و هیوای به‌رده‌وامیی بۆ ئه‌و گفتوگۆیانه خواست، ئاماژه‌ی به‌وه‌ش دا كه هه‌ندێك كێشه هه‌یه ده‌توانرێت به زوویی چاره‌سه‌ر بكرێن و هه‌ندێكی دیكه‌ش پێویستیان به كات و دیالۆگی زیاتره‌.

تاوتوێكردنی چه‌ند بابه‌تێكی په‌یوه‌ست دۆخی ناوچه‌كه به‌گشتی و عێراق و هه‌رێمی كوردستان به‌تایبه‌تی، لایه‌نێكی دیكه‌ی دیداره‌كه بوو.




نێچیرڤان بارزانی و سیلیمان، پرۆسه‌ی سیاسیی‌ عێراق تاوتوێ ده‌كه‌ن
SAT, 9 JUN 2018 21:39

ئێواره‌ی ئه‌مڕۆ شه‌ممه‌ 9/6/2018 به‌ڕێز نێچیرڤان بارزانی سه‌رۆك وه‌زیرانی هه‌رێمی كوردستان، پێشوازی له‌ به‌ڕێزان دۆگلاس سیلیمان باڵیۆزی ئه‌مه‌ریكا له‌ عێراق و كین گرۆس كونسوڵی ئه‌مه‌ریكا له‌ هه‌ولێر و شاندێكی یاوه‌ریان كرد.

 
نێچیرڤان بارزانی: نابێ ڕۆتین له‌ فه‌رمانگەكان بمێنێت
WED, 6 JUN 2018 17:11

پێشنیوەڕۆی ئەمڕۆ چوارشەممە ٦/٦/٢٠١٨، لە ڕێوڕەسمێکدا بە ئامادەبوونی بەڕێز نێچیرڤان بارزانی سەرۆک وەزیرانی هەرێمی کوردستان، بڕوانامەی نێودەوڵەتیی (ئایزۆ) بەخشرایە وەزارەتی ناوخۆی هەرێمی کوردستان. لەو ڕێوره‌سمه‌دا کە ژمارەیەک لە دیپلۆمات و نوێنەری وڵاتان و جێگری سەرۆکی پەرلەمان و ژمارەیەک لە پەرلەمانتاران و وەزیرانی حکوومەتی هەرێمی کوردستان و نوێنەرانی ڕێكخراوى ئایزۆ ئامادەى بوون، سەرۆک وەزیرانی هەرێمی کوردستان وتارێکی پێشکەش کرد.

 
یاریدەدەری بەرپرسی فەرمانگە پێشوازی لە شاندێکی وەزارەتی داد و ئاسایشی شانشینی هۆڵەندا کرد
WED, 6 JUN 2018 13:16

ئەمڕۆ چوارشەممە بەڕێز خاتوو سیهام جەبەلی، یاریدەدەری بەرپرسی فەرمانگەی پەیوەندیەکانی دەرەوە پێشوازی کرد لە شاندێکی وەزارەتی داد و ئاسایشی هۆڵەندا کە بەسەرۆکایەتى بەڕێز هانز فابر بەڕێوەبەری کاروباری نێودەوڵەتی و جێگری بەڕێوەبەری گشتی کۆچ و کۆچبەران لە وەزارەتی داد و ئاسایشی شانشنی هۆڵەندا و خاتو جانێت ئەلبێرتا، کونسوڵی گشتی شانشینی هۆڵەندا.


 

ئەنجیلینا جولی پشتگیرییه‌كانی حکوومەتی ھەرێم لە پەنابەرانی سوریا به‌رز ده‌نرخێنێت

SUN, 17 JUN 2018 21:22

خاتوو ئەنجیلینا جولی، نێردەی تایبەتیی کۆمسیۆنی باڵای پەنابەرانی سه‌ر به‌ نەتەوە یەکگرتووەکان و شاندێكی یاوه‌ری، سەردانی ھەولێری کرد و لەلایەن بەڕێز سەفین دزەیی ووتەبێژێ فەرمیی حکوومەتی ھەرێمی کوردستان و بەرپرسی نووسینگەی تایبەتیی بەڕێز سەرۆک وه‌زیرانی هه‌رێمی كوردستانه‌وه‌ پێشوازی لێکرا.

 

پەیامی ئەنجومەنی وەزیران بە بۆنەی هاتنی جەژنی ڕەمەزانی پیرۆزەوە

THU, 14 JUN 2018 19:51

بەبۆنەی هاتنی جەژنی ڕەمەزانی پیرۆزەوە، گەرمترین پیرۆزبایی لە سەرجەم موسوڵمانانی کوردستان و عێراق و جیهان دەکەین، پیرۆزبایی تایبەتمان بۆ خانەوادەی سەربەزی شەهیدان و پێشمەرگە قارەمانەکانمان.

 

یاریدەدەری بەرپرسی فەرمانگە پێشوازی لە باڵیۆزی شانشینى سوید لە عێراق کرد

WED, 13 JUN 2018 15:53

ڕۆژى چوار شەممە ڕێکەوتى (13 حوزەیران 2018) خاتوو (سهام جەبەلى ) یاریدەدەرى بەرپرسى پەیوەندیەکانى دەرەوەى حکومەتى هەرێم پێشوازى لە بەڕێز (پۆنتوس مێلاندەر) باڵیۆزى شانشینى سوید لە عێراق و خاتوو (مەهیاد تەوەکولى) بەرپرسی تازەى نووسینگەى باڵیۆزخانەى سوید لە هەولێر کرد. کە بە بۆنەى ناساندن و دەست نیشان کردنى بەپرسی تازەى نووسینگەى باڵیۆزخانەى سوید لە هەولێر سەردانى فەرمانگەى پەیوەندیەکانى دەرەوەیان کردبوو.

 

یاریدەدەری بەرپرسی فەرمانگەى پەیوەندیەکانی دەرەوە پێشوازی لە باڵیۆزی رۆمانیا لە عێراق کرد

TUE, 12 JUN 2018 17:12

ئەمڕۆ سێشەممە، خاتوو سیهام جەبەلی ، یاریدەدەری بەرپرسی فەرمانگەی پەیوەندیەکانی دەرەوە پێشوازی کرد لە بەڕێز یاکۆب پرادا، باڵیۆزى رۆمانیا لە عیراق و باس لە پەیوەندیەکانى نێوان هەردوولا و پێشووەچوونەکانى گۆڕەپانى سیاسى هەرێمى کوردستان و عیراق و ناوچەکە کرا.