فه‌رمانگه‌ی په‌یوه‌ندییه‌کانی ده‌ره‌وه‌
حكومه‌تی هه‌رێمی كوردستان
FRI, 21 SEP 2018 00:01 Erbil, GMT +3
Source: KRG-DFR DFR publication date: THU, 8 MAR 2018 10:56
پەیامى ئەنجومەنى باڵاى کاروبارى خانمان لە حکوومەتی هەرێمى کوردستان بەبۆنەى ڕۆژى جیهانى ئافرەتان

ئێستا کاتییەتى، چالاکوانانى لادێ و شار پێکەوە، ژیانى ئافرەتان بەرەو ئایندەیەکى گەش بگۆڕن.

مانگى ئادار مانگى فیداکارى و ڕاپەڕینەکانە. هاوکات ڕۆژى جیهانیی ئافرەتان بۆ ژنانى کوردستان تایبەتمەندییەکى زۆرى هەیە، چونکە لەلایەک مانگى یادەوەرییە خەمناک و ناخۆشەکانه‌، لەلایەک مانگى ڕاپەرین و رزگارى گەلى کوردستانە لە دەستى دکتاتۆرییەت، لە لایەکى تر یادێکى مەزنى جیهانى دەکاتەوە کە تایبەتە بەو تیکۆشان و فیداکاریی و خەباتە مەدەنییەى بە درێژایی قۆناغەکانى مێژوو لە پێناو دەستەبەرکردنى مافە سیاسى، مەدەنى، یاسایی، ئابورى و کۆمەلایەتییەکانى، خەباتى بۆ کردووە. بۆیە ئەم یادە بەرهەمى خەبات و ڕەنجى سەدان ساڵى ژنانى ڕزگاریخوازى گشت پێکهاتە و نەتەوەکانى دونیایە لە پێناوى نەهێشتنى هەموو جۆر و شێوازەکانى جیاکارى و چەوساندنەوە. بۆیە ژنانى جیهان بەگشتى و ژنانى کوردستان بەتایبەتى، شایانى ڕێز و خۆشەویستین لە پاى هەموو هەوڵ و خەبات و تێکۆشان و فیداکارییەکانیان.

بۆیە دەڵێین: ئێستا کاتییەتى ژنان و پیاوان  پێکەوە کار بۆ بەرەوپێشبردنى کۆمەڵگە بکەن لەسەر بنەماى نەهێشتنى جیاکارییەکان و بەرەنگاربوونەوەى توندوتیژییەکان بێ جیاوازیی ڕەگەزى، هەنگاوەکان بۆ خاڵیکردنەوەى کوردستان بێت لە تەواوى کردار و پەرچەکردارە ناپەسەندەکانى کۆمەڵگە بە هەموو شێوازەکانییەوە.

جەژنتان پیرۆزبێت ژنانى تێکۆشەر و فیداکارى کوردستان. سەرى ڕێز و نەوازش دادەنەوێنین بۆ شەهیدان، خانەوادەى سەربەرزى شەهیدان، ژنانى قوربانى دەستى ڕژێمەکان و گروپە تیرۆریستەکانى داعش و هاوشێوەکانى و قوربانیانى دەستى توندوو تیژییەکان.

سەربەخۆیی و ئازادى بۆ ئافرەتانى کوردستان.
کوردستان لە هەموو کات زیاتر پێویستى بە دەستى کارى ژنانى گوند و شارەکانە لە پێناو دەربازبون لەو قەیران و ئاستەنگانەى ڕووبەڕووى کوردستان بونەتەوە. کەواتە کاتییەتى: زەمینەسازى بۆ ڕەخساندنى دەرفەتەکان بچێتە قۆناغى کردارییەوە و ئەو هێز و توانا خەوێنراوەى ژنانى گوند و شار ببوژێنرێتەوە و کوردستان لە تواناکانیان سودمەندبیت و ببنە بەشێک لە چارەسەر و هێز و تواناکانیان نیشانى کۆمەڵگە بدەن تا متمانەى زیاترى خۆیان و هاوپیشە و خێزان و دامەزراوەکانیش مسۆگەر بکەن.

بۆیە ئافرەتان چاویان بڕیوەتە داهاتوو تا لە پڕۆسەى پەرەپێدان و پێشخستنى کوردستان ڕۆڵى سەرەکییان هەبێت هەروەک چۆن لە سەرخستى شۆڕش و ڕاپەڕینەکان ڕۆڵى گرنگیان هەبووە، هەرواش باوەرمان وایە بەشدارى ڕاستەقینەى ژنان لە پرۆسەکانى پەرەپێدان و بەشداریی زیاترى ئافرەتان لە تەکنەلۆژیاى زانیارییەکاندا، گارانتى سەرکەوتن و پێشخستنى کوردستان زیاتر دەکات.

بە کارى پێکەوەیی ژنان و پیاوانى چالاک و هۆشیار، دەتوانیین کوردستان پێشبخەین. بۆیە پێویستە ئافرەتانى گوند و شار دەرفەتى کارگێڕیی زیاتر و زەمینەسازى بۆ ڕەخساندنى ژینگەیەکى کارى تەندروست بۆیان بڕەخسێنریت لە بازاڕەکانى هەرێم تا بتوانێت ڕۆڵى کارا ببینێت لە زیادکردنى بەرهەم و بەرهەمە ناوخۆییەکان گەشەى پێبدات بەتایبەت بۆ هەر ژنێک پێگەیەک وکارێکى شایستە دەستەبەر بکرێت، کەواتە بۆ ئەوەى ئەم ئامانجانە بەدى بهێنین ژنان پێویستیان بە پاراستنى کۆمەڵایەتی و هەنگاونانە بەرەو ئاسۆیەکى ڕونتر کە داهاتووى لە کوردستانێکى گەشەسەندوودا دەبینێتەوە.

کارکردن بۆ ئەم پەیامانە بەرپرسیارێتییەکى هەمەلایەنەیە هەم لەڕووى بابەتى و هەم لەڕووى کردارییەوە  کە ئێستا لە هەموو کات زیاتر کاتیه‌تی. لە هەمان کاتدا مافى ئافرەتانى ئاوارە و پەنابەر لە کارکردن و بەگەڕخستنى تواناکانیان یەکێکە لەو ڕێگایانەى کە مافە شایستەکانى ژنانى ئاوارە و پەنابەر بەدیدەهێنیت و لە هەمانکاتدا دەیگوازێتەوە بۆ ژینگەیەکى جیاواز لەوەى تێیدا دەژى، بەمەش گیانى متمانەبەخۆبوون و هاوبەشیی ڕاستەقینە لە ئەرک و مافەکانیان بۆ دەستەبەر دەکات. کاریگەریی ئەرێنى لە ڕووى دەروونى و کۆمەڵایەتى دروستدەکات بەمەش پارێزگارى کۆمەڵایەتى و سەقامگیریی ئاشتى کۆمەڵایەتى بەدى دەهێنرێت.

کەواتە با پێکەوە ئەم بەرپرسیارێتیە لە ئەستۆ بگرین و کوردستان بگوازینەوە بۆ قۆناغێکى گەشەسەندوتر.

سەرکەوتوو بێت ئیرادەى ژنانى خۆڕاگر و فیداکار
پێکەوە مافە زەوتکراوەکانمان بە دەست دێنینەوە و بە ئاشتى و ئازادى ژیانمان رێکدەخەینەوە بەرەو کوردستانیکى گەشەسەندوتر.

ئەنجومەنى باڵاى کاروبارى خانمان
حکوومەتی هەرێمی کوردستان
هەولێر - 8ى مارسی 2018


 




نێچیرڤان بارزانی پیرۆزبایی له‌ محه‌مه‌د ئه‌لحه‌لبووسی ده‌كات
MON, 17 SEP 2018 18:13

به‌بۆنه‌ی هه‌ڵبژاردنی به‌ڕێز محه‌مه‌د ئه‌لحه‌لبووسی وه‌ك سه‌رۆكی ئه‌نجومه‌نی نوێنه‌رانی عێراق، به‌ڕێز نێچیرڤان بارزانی سه‌رۆك وه‌زیرانی هه‌رێمی كوردستان، له‌ په‌یامێكدا پیرۆزبایی له‌ به‌ڕێزیان كرد و هیوای سه‌ركه‌وتنی له‌ كاره‌كانی بۆ خواست، ئه‌مه‌ ده‌قی په‌یامه‌كه‌یه‌:

 
نێچیرڤان بارزانی و خاتوو ئۆرسۆلا ڤۆن دێرلاین كۆبوونه‌وه‌
MON, 17 SEP 2018 16:03

سه‌رله‌به‌یانیی ئه‌مڕۆ دووشه‌ممه‌ 17/9/2018 به‌ڕێز نێچیرڤان بارزانی سه‌رۆك وه‌زیرانی هه‌رێمی كوردستان، پێشوازی له‌ خاتوو ئۆرسۆلا ڤۆن دێرلاین وه‌زیری به‌رگریی ئه‌ڵمانیا  و شاندێكی باڵای حكوومه‌ت و په‌رله‌مانی ئه‌ڵمانیا كرد كه‌ له‌ ژماره‌یه‌ك په‌رله‌مانتاری سه‌ر به‌ پارته‌ جیاوازه‌كان له‌ لیژنه‌ی به‌رگریی په‌رله‌مانی ئه‌ڵمانیا پێكهاتبوون.

 
بەبۆنەى دەستبەکاربوونى وەک کونسوڵى گشتى تازەى یۆنان لە هەرێم، ئێفتیمۆس کۆستۆپۆلۆس لەگەڵ فەلاح مستەفا کۆبووەوە
MON, 17 SEP 2018 15:44

بەبۆنەى دەستبەکاربوونى وەک کونسوڵى گشتى تازەى یۆنان لە هەرێم ئەمڕۆ ئێفتیمۆس کۆستۆپۆلۆس ، کونسوڵی گشتی تازەى یۆنان سەردانى فەرمانگەى پەیوەندیەکانى دەرەوەى حکومەتى کردو لەلایەن فەلاح مستەفا بەرپرسى پەیوەندیەکانى دەرەوەى حکومەت پێشوازى لێکرا.

 

 

خاتوو ژاكی دێرۆمێدی، ئه‌ندامی سەناتى فه‌ڕه‌نسا و کونسوڵى گشتى فەڕەنسا لە هەرێم، لەگەڵ بەرپرسى پەیوەندیەکانى دەرەوەى حکومەت کۆبوونەوە

THU, 20 SEP 2018 15:18

ئه‌مڕۆ پێنجشه‌مه‌ ٢٠/٩/٢٠١٨  بەڕێز فه‌لاح مسته‌فا، به‌رپرسی په‌یوه‌ندیه‌كانی ده‌ره‌وهى حکومەت‌ پێشوازی له‌ خاتوو ژاكی دێرۆمێدی، ئه‌ندامی سەناتى فه‌ڕه‌نسا و دۆمەنیک ماس کونسوڵى گشتى فەڕەنسا لە هەرێم و شاندێكی یاوه‌ری كرد و باسیان لە دوایین په‌ره‌سه‌ندنه‌ سیاسیه‌كانی هەرێمى كوردستان و عێراق و ناوچه‌كه‌ و بارودۆخی ئاواره‌كان و هاوكارییه‌ مرۆییه‌كان كرد.

 

نێچیرڤان بارزانی پێشوازی له‌ باڵیۆزی نیووزیله‌ندا ده‌كات

THU, 20 SEP 2018 15:13

نیوه‌ڕۆی ئه‌مڕۆ پێنجشه‌ممه‌ 20/9/2018 به‌ڕێز نێچیرڤان بارزانی سه‌رۆك وه‌زیرانی هه‌رێمی كوردستان، پێشوازی له‌ به‌ڕێز برادلی سویدن باڵیۆزی نیووزیله‌ندا له‌ عێراق كرد.

 

بەرپرسی پەیوەندیەکانى دەرەوەى حکومەت و باڵیۆزى سوید لە عیراق باسیان لە میکانیزمى پتەوکردنى پەیوەندیەکان و پرسە هەنووکەییەکان کرد

WED, 19 SEP 2018 12:18

ئەمڕۆ چوارشەممە بەڕێز فەلاح مستەفا بەرپرسی پەیوەندیەکانى دەرەوەى حکومەت پێشوازى لە بەڕێز پۆنتۆس میلاندەر باڵیۆزى سوید لە بەغدا و شاندى یاوەرى کردو باسیان لە چەند پرسێکى هەنووکەیی و میکانیزمى زیاتر پتەوکردنى پەیوەندیەکانى نێوان هەردوولا لە بوارە جیاجیاکان کرد.

 

نێچیرڤان بارزانی و مه‌كگۆرك دۆخی سیاسیی عێراق و هه‌رێمی كوردستان گفتوگۆ ده‌كه‌ن

MON, 17 SEP 2018 23:55

ئێواره‌ی ئه‌مڕۆ دووشه‌ممه‌ 17/9/2018 به‌ڕێز نێچیرڤان بارزانی سه‌رۆك وه‌زیرانی هه‌رێمی كوردستان، پێشوازی له‌ به‌ڕێز برێت مه‌كگۆرك نوێنه‌ی سه‌رۆكی ئه‌مه‌ریكا بۆ هاوپه‌یمانێتیی نێوده‌وڵه‌تیی شه‌ڕی دژی داعش كرد.