فه‌رمانگه‌ی په‌یوه‌ندییه‌کانی ده‌ره‌وه‌
حكومه‌تی هه‌رێمی كوردستان
SAT, 19 JAN 2019 01:50 Erbil, GMT +3
Source: KRG-DFR DFR publication date: TUE, 5 JUN 2018 17:20
کونسوڵى گشتى کۆمارى هەنگاریا لە هەرێمى کوردستان کۆتایی بە ئەرکەکەى هات و سەردانى فەرمانگەى پەیوەندیەکانى دەرەوەى کرد

بە بۆنەى کۆتایى هاتنى کارەوەکانى وەک کونسوڵى گشتى کۆمارى هەنگاریا لە هەرێمى کوردستان، ئەمڕۆ سێشەممە بەڕێز د.چابا ڤێزێکێنی کونسوڵى گشتى ئەو وڵاتە سەردانى فەرمانگەى پەیوەندیەکانى دەرەوەى حکومەتى کرد و لەلایەن خاتوو سیهام جەبەلى یاریدەدەرى بەرپرسى فەرمانگە پێشوازى لێکرا.

وێڕاى بەخێر هێنان، خاتوو سیهام جەبەلى سوپاس و پێزانینى خۆى ئاڕاستەى بەڕێز کونسوڵى گشتى هەنگاریا کرد و ئاماژەى بە ئاستى پەیوەندیەکانى نیوان هەردوولاو ڕۆڵى بەڕێزیان کرد لە پتەو کردنى زیاترى پەیوەندیەکانى نێوان حکومەتى هەرێم و کۆمارى هەنگاریا لە ماوەى کارکردنى بەڕێزیان وەک کونسوڵى گشتى، هاوکات تیشک خرایە سەر ئەو هاوکاریانەى کە ووڵاتى هەنگاریا لە ماوەى ڕابردوو لە کاتى هێرشى تیرۆرستانى داعش و هاتنى ئاوارە و پەنابەران بۆ هەرێمى کوردستان پێشکەش کراون.

 

لەلایەن خۆیەوە بەڕێز د. چابا، سوپاسى خۆى ئاراستەى فەرمانگەى پەیوەندیەکانى دەرەوە و حکومەتى هەرێمى کوردستان کرد و خۆشحاڵى خۆى راگەیاند کە لە ماوەى کار کردنى لە هەرێمى کوردستان هاوکارێکى باشى کونسوڵگەرى بووە لە هەموو لایەنەکانەوە. هاوکات تیشکى خستە سەر ئەوەى کە کۆمارى هەنگاریا بەردەوام دەبێت لە پەیوەندیەکانى لەگەڵ حکومەتى هەرێم و هەوڵ بۆ فراوان کردنى پەیوەندیەکان دەدات لە بوارى جیاوازدا.

هەر لە میانەى کۆبوونەوەکەدا تیشکى خرایە سەر بارودۆخى ئێستاى هەرێمى کوردستان و عێراق و هەوڵەکانى پێکهینانى حکومەتى تازەى عێراق لە دواى هەڵبژاردنەکانى پەرلەمانى عێراق و ئامادەکاریەکانى حکومەتى هەرێم بۆ ئەنجامدانى هەڵبژاردنى پەرلەمانى کوردستان.  بەڕێز د. چابا هیواى ئەوەى خواست کە حکومەتى تازەى عێراق لەسەر بنەماى دەستوور مافى پێکهاتەکانى هەموو عێراق فەراهەم بکات و  هەردوو لایەنى بەغدا و هەولێر بگەنە رێکەوتن لەسەر پرسە ناکۆکەکان کە دەستوور بنەما بێت بۆ رێککەوتن لەلایەن هەردوولاوەو هیواى سەرکەوتنى بۆ پڕۆسەى هەڵبژاردنى پەرلەمانى کوردستان خواست.

 

لە کۆتاییدا، یاریدەدەرى بەرپرسی فەرمانگە وێڕاى دووبارە سوپاسکردنى کونسوڵى گشتى هەنگاریا هیواى سەرکەوتنى بۆ ناوبراو خواست لە ئەرکى داهاتووی.




به‌رپرسی په‌یوه‌ندیه‌كانی ده‌ره‌وه‌و كونسوڵی گشتى كۆریا په‌ره‌پێدانی په‌یوه‌ندیه‌ دووقۆڵیه‌كانیان تاوتوێ كرد
SUN, 13 JAN 2019 18:22

له‌ دیدارێك كه‌ خاتوو سیهام جه‌به‌لی، یاریده‌ده‌ری به‌رپرسی فه‌رمانگه‌ ئاماده‌بوو باس له‌ پەیوەندییە دووقۆڵیەکان و دوایین په‌ره‌سه‌ندنه‌كانی هەرێمى کوردستان و عیراق كرا.

 
نێچیرڤان بارزانی پێشوازی له‌ شاندێكی سه‌ربازیی به‌ریتانیا ده‌كات
THU, 10 JAN 2019 13:45

سه‌رله‌به‌یانیی ئه‌مڕۆ پێنجشه‌ممه‌ 10/1/2019 به‌ڕێز نێچیرڤان بارزانی سه‌رۆك وه‌زیرانی هه‌رێمی كوردستان، پێشوازی له‌ ژه‌نه‌راڵ سیر جۆنز لۆریمه‌ر گه‌وره‌ ڕاوێژكاری سه‌ربازیی به‌ریتانیا بۆ ڕۆژهه‌ڵاتی ناوه‌ڕاست و نوێنه‌ری خاتوو تێرازا مه‌ی سه‌رۆك وه‌زیرانی به‌ریتانیا، به‌ یاوه‌ریی به‌ڕێزان جۆن وێلكس باڵیۆزی به‌ریتانیا له‌ عێراق و مارتن وار كونسولی گشتیی به‌ریتانیا له‌ هه‌رێمی كوردستان كرد.

 
نێچیرڤان بارزانی و وه‌زیری ده‌ره‌وه‌ی ئه‌مه‌ریكا كۆبوونه‌وه‌
WED, 9 JAN 2019 20:41

له‌ كۆبوونه‌وه‌یه‌كدا كه‌ به‌ڕێز قوباد تاڵه‌بانی جێگری سه‌رۆك وه‌زیرانی هه‌رێمی كوردستان ئاماده‌ی بوو، به‌ڕێز پامپیۆ خۆشحاڵیی خۆی به‌ یه‌كه‌م سه‌ردانی بۆ ناوچه‌كه‌ و هه‌رێمی كوردستان نیشان دا. دواتر باس له‌ بارودۆخی ناوچه‌كه‌ به‌گشتی و پێشهاته‌كانی ڕۆژهه‌ڵاتی ناوه‌ڕاست كرا و مه‌ترسییه‌كانی سه‌رهه‌ڵدانه‌وه‌ی تیرۆر و كاری هاوبه‌ش بۆ بنبڕكردنی گفتوگۆ كرا.

 

 

بەرپرسى پەیوەندیەکانى دەرەوە و شاندێکى خاچى سورى نێودەوڵەتى جەخیتان لەسەر بەردەوامبوون و هەماهەنگى کردەوە

WED, 16 JAN 2019 15:16

ئەمرۆ چوارشەممە ١٦/١/٢٠١٩ فەلاح مستەفا پێشوازى لە شاندێکى رێکخراوى خاچى سورى نێودەوڵەتى کرد بە سەرۆکایەتى مارکۆ سوچى ڕێکخەرى چالاکیەکانى رێکخراوە بۆ ناوچەى رۆژهەڵاتى نزیک و ناوەراست و بە ئامادەبوونى بەرێزان نۆوا  للینفین بەرپرسى لقى نێردەى هەولێر رێکخراوى ICRC و چیا مقداد راوێژکارى رێکخراوەکە.  

 

نێچیرڤان بارزانی و زه‌ریف دۆخی ناوچه‌که‌ تاوتوێ ده‌که‌ن

TUE, 15 JAN 2019 11:51

سه‌رله‌به‌یانیی ئه‌مڕۆ سێشه‌ممه ١٥/١/٢٠١٩ به‌ڕێز نێچیرڤان بارزانی سه‌رۆک وه‌زیرانی هه‌رێمی کوردستان پێشوازی له به‌ڕێز محه‌مه‌د جه‌واد زه‌ریف وه‌زیری ده‌ره‌وه‌ی کۆماری ئیسلامیی ئێران و شاندێكی یاوه‌ری کرد.

 

نێچیرڤان بارزانى و وه‌زیرى ده‌ره‌وه‌ى فه‌ڕه‌نسا دۆخى ناوچه‌كه‌ تاوتوێ ده‌كه‌ن

MON, 14 JAN 2019 22:57

ئێواره‌ى ئه‌مڕۆ دووشه‌ممه‌ 14/1/2019 به‌ڕێز نێچیرڤان بارزانى سه‌رۆك وه‌زیرانى هه‌رێمى كوردستان، پێشوازى له‌ به‌ڕێز ژان ئیڤ لودریان وه‌زیرى ده‌ره‌وه‌ى فه‌ڕه‌نسا و شاندێكى یاوه‌رى كرد كه‌ له‌ به‌ڕێزان باڵیۆزى فه‌ڕه‌نسا له‌ عێراق، كونسولى گشتیى فه‌ڕه‌نسا له‌ هه‌ولێر و ژماره‌یه‌ك له‌ دیپلۆماتكاران پێكهاتبوو.

 

ئه‌نجومه‌نى وه‌زیران تاوتوێى به‌شه‌بودجه‌ى هه‌رێمى كوردستان له‌ بودجه‌ى گشتیى عێراقدا ده‌كات

MON, 14 JAN 2019 14:31

سه‌رله‌به‌یانیى ئه‌مڕۆ دووشه‌ممه‌ 14/1/2019، به‌ سه‌رۆكایه‌تیى به‌ڕێز نێچیرڤان بارزانى سه‌رۆك وه‌زیران و به‌ ئاماده‌بوونى به‌ڕێز قوباد تاڵه‌بانى جێگرى سه‌رۆك وه‌زیران، ئه‌نجومه‌نى وه‌زیرانى هه‌رێمى كوردستان یه‌كه‌مین كۆبوونه‌وه‌ى خۆى له‌ ساڵى تازه‌دا به‌ست.