فه‌رمانگه‌ی په‌یوه‌ندییه‌کانی ده‌ره‌وه‌
حكومه‌تی هه‌رێمی كوردستان
TUE, 17 JUL 2018 10:47 Erbil, GMT +3
Source: KRG-DFR DFR publication date: THU, 5 JUL 2018 14:48
یاریدەدەرى بەرپرسی فەرمانگەى پەیوەندیەکانى دەرەوە پێشوازى لە باڵیۆزى کۆمارى بەنگلادیش کرد.

ڕۆژى چوار شەممە ڕێکەوتى (5 تەمووز 2018) خاتوو (سهام جەبەلى) یاریدەدەرى بەرپرسى پەیوەندیەکانى دەرەوەى حکومەتى هەرێم پێشوازى لە بەڕێز (ئەبو مقصود فرهاد) باڵیۆزى کۆمارى بەنگلادیش لە عێراق کرد.

لە سەرەتاى کۆبوونەوەکە یاریدەدەرى بەرپرسی فەرمانگە بەخێر هاتنى بەڕێز باڵیۆزى کرد و خۆشحاڵى خۆى بە دیدارى بەڕێزیان دەربڕى، هەروەها تیشکى خستە سەر پەیوەندى دوو قۆڵى و  ڕایگەیاند کە هەرێمى کوردستان لە درێژەى بەرنامەى فراوانکردنى سەرچاوەکانى داهات پێشوازى دەکات لە دروست کردنى پردى پەیوەندی لەنێوان کۆمپانیاکانى کەرتى تایبەتى نێوان هەردوولا لە بوارە جیاوازەکانى بارزگانى و هیواى پەرەپێدانى ئەو پەیوەندیانەى خواست لەسەر ئاستى جیاواز و سوود وەرگرتن لە ئەزموونى بەنگلادیش بە تایبەت لە بوارەکانى کشتوکاڵ و زانستى پزیشکى و دەرمان، ئەمەش لە ڕێگەى هەوڵ دان بۆ ئاڵوگۆڕ کردنى شاند.

لەلایەن خۆیەوە بەڕێز باڵیۆز سوپاسی ئەو پێشوازیەى کرد و خۆشحاڵى خۆى دەربڕی بە سەردانى کردن و دیدارى لەگەڵ بەرپرسانى حکومەتى هەرێمى کوردستان و ئەوەى خستەڕوو کە بەنگلادیش بە گرنگیەوە دەڕوانێتە پەرەپێدانى پەیوەندیەکانى لەگەڵ هەرێمى کوردستان بە تایبەتى لە بوارى هێزى کار و ئاڵوگۆڕى ئەزموونى شارەزایى لە بوارەکانى پیشەسازى و کشتوکاڵ و زانستى پزیشکى و خوێندن.

لەلایەکى دیکەوە هەردوولا باسیان لەو کێشە و گرفتانە کرد کە ڕوبەڕووى کرێکارانى بەنگلادیشى دەبێتەوە  لەلایەن ئەو کۆمپانیایانە دەستى کار دەهێننە هەرێمى کوردستان و بۆ ئەم مەبەستە گفتوگۆ لەسەر دۆزینەوەى میکانیزمى باشتر و خێراتر کرا بۆ ڕێگە گرتن لەم گرفتانە. 

 

 




نێچیرڤان بارزانی به‌شداری ڕیوڕه‌سمی ده‌ستبه‌كاربوونی سه‌ركۆماری توركیا ده‌كات
MON, 9 JUL 2018 20:42

ئه‌مڕۆ دووشه‌ممه‌ 9/7/2018 به‌ڕێز نێچیرڤان بارزانی سه‌رۆك وه‌زیرانی هه‌رێمی كوردستان، له‌سه‌ر داوه‌تی فه‌رمیی به‌ڕێز ڕه‌جه‌ب ته‌یب ئه‌ردۆگان له‌گه‌ڵ ژماره‌یه‌كی زۆری سه‌رۆك و سه‌رۆك وه‌زیر و به‌رپرسانی باڵای وڵاتانی جیهان، له‌ ئه‌نقه‌ره‌ به‌شداری له‌ ڕێوڕه‌سمی ده‌ستبه‌كاربوونی به‌ڕێز ڕه‌جه‌ب ته‌یب ئه‌ردۆغان سه‌ركۆماری توركیا كرد.

 
نێچیرڤان بارزانی به‌شدارى له‌ ڕێوڕه‌سمى دانانى بەردی بناغەی کونسولخانەی ئەمەریکا لە هەولێر كرد
FRI, 6 JUL 2018 13:01

سه‌رله‌به‌یانیی ئەمڕۆ هەینی ٦/٧/٢٠١٨ لە  ڕێوڕەسمێکدا بە ئامادەبوونی بەڕێز نێچیرڤان بارزانی سەرۆک وەزیرانی هەرێمی کوردستان، به‌ڕێزان دۆگڵاس سیلیمان باڵیۆزی ئەمەریکا لە عێراق  و كین گرۆس کونسولی ئەو وڵاتە لە هەرێمی کوردستان و ژماره‌یه‌ك له‌ به‌رپرسانی ئه‌مه‌ریكی و هه‌رێمی كوردستان، له‌ ڕێوڕه‌سمێكدا بەردی بناغەی كۆمه‌ڵگه‌ى کونسولخانەی وڵاته‌ یەکگرتووەکانی ئەمەریکا لە هەولێر دانرا.

 
نێچیرڤان بارزانی: ئاڵۆزبوونی دۆخی كه‌ركووك و ده‌وروبه‌ری جێگه‌ی نیگه‌رانیی ئێمه‌یه‌
THU, 5 JUL 2018 17:54

دوای كۆبوونه‌وه‌ی سه‌رله‌به‌یانیی ئه‌مڕۆ چوارشه‌ممه‌ 4/7/2018ی ئه‌نجومه‌نی وه‌زیرانی هه‌رێمی كوردستان، له‌ كۆنگره‌یه‌كی ڕۆژنامه‌وانیدا به‌ڕێز نێچیرڤان بارزانی سه‌رۆك وه‌زیرانی هه‌رێمی كوردستان باسی ناوه‌ڕۆكی كۆبوونه‌وه‌كه‌ و چه‌ند بابه‌تێكی په‌یوه‌ندیدار به‌ ڕه‌وشی ئێستای عێراق و هه‌رێمی كوردستان و ناوچه‌كه‌وه‌ كرد.

 

 

کونسوڵی گشتی تازەی شانشینی هۆڵەندا دەست بەکار بوو

SUN, 15 JUL 2018 15:00

بەبۆنەی دەست بەکار بوونی وەک کونسوڵی گشتی نوێی شانشینی هۆڵەندا لە هەرێمی کوردستان، ئەمڕۆ بەڕێز ولیام نیکۆڵاس کوزین، سەردانی فەرمانگەی پەیوەندیەکانی دەرەوەی کرد و لەلایەن خاتوو سیهام جەبەلی، یاریدەدەری بەرپرسی پەیوەندیەکانی دەرەوە پێشوازی لێکرا.


گرووپی دۆستایەتی هەرێمى کوردستان لە پەرلەمانی بەریتانیا APPG کۆبوونەوەی ساڵانەی خۆی ئەنجامدا

SAT, 14 JUL 2018 22:43

گرووپی پەرلەمانتارانی هەموو پارتەکانی بەریتانیا بۆ پشتگیری لە هەرێمى کوردستان بە ئامادەبوونی نوینەری حکومەتی هەرێمی کوردستان لەبەریتانیا و ژمارەیەك پەرلەمانتار و لۆرد کۆبوونەوەی ساڵانەی خۆی سازکرد و پەرلەمانتار جاك لۆپریستی جارێکی تر بە سەرۆکی گرووپە هەڵبژێردرایەوە.

 

نێچیرڤان بارزانی: كۆبوونه‌وه‌مان له‌گه‌ڵ سه‌رۆك وه‌زیرانی هۆڵه‌ندا سه‌ركه‌وتوو بوو

TUE, 10 JUL 2018 16:22

دوای كۆبوونه‌وه‌ی له‌گه‌ڵ به‌ڕێز مارك ڕۆته‌ سه‌رۆك وه‌زیرانی هۆڵه‌ندا، به‌ڕێز نێچیرڤان بارزانی له‌ لێدوانێكی ڕۆژنامه‌وانیدا باسی له‌ ناوه‌ڕۆكی كۆبوونه‌وه‌كه و سه‌ردانیان بۆ توركیا و هۆكاری دواخستنی سه‌ردانیان بۆ به‌لجیكا كرد.

 

نێچیرڤان بارزانی و مارك ڕۆته‌ هاریكاریى هه‌رێمى كوردستان و هۆڵه‌ندا تاوتوێ ده‌كه‌ن

TUE, 10 JUL 2018 15:19

ئه‌مڕۆ سێشه‌ممه‌ 10/7/2018 به‌ڕێز نێچیرڤان بارزانی سه‌رۆك وه‌زیرانی هه‌رێمی كوردستان و شاندێكی یاوه‌ری، به‌ داوه‌تێكی فه‌رمی سه‌ردانی هۆڵه‌ندای كرد و پاشنیوه‌ڕۆى ئه‌مڕۆش له‌لایه‌ن به‌ڕێز مارك ڕۆته‌ سه‌رۆك وه‌زیرانی هۆڵه‌نداوه‌ له‌ ئۆفیسى خۆى له‌ ده‌نهاخ، پێشوازی لێكرا.