فه‌رمانگه‌ی په‌یوه‌ندییه‌کانی ده‌ره‌وه‌
حكومه‌تی هه‌رێمی كوردستان
SAT, 19 JAN 2019 01:52 Erbil, GMT +3
Source: KRG-DFR DFR publication date: TUE, 11 SEP 2018 14:02
یه‌كێتیى ئه‌ورووپا پشتگیرى له‌ هه‌ڵبژاردنه‌كانى هه‌رێمى كوردستان ده‌كات

سه‌رله‌به‌یانیى ئه‌مڕۆ سێشه‌ممه‌ 11/9/2018، به‌ڕێز نێچیرڤان بارزانى سه‌رۆك وه‌زیرانى هه‌رێمى كوردستان، پێشوازى له‌ به‌ڕێزان كونسول و نوێنه‌رانى وڵاتانى یه‌كێتیى ئه‌ورووپا له‌ هه‌رێمى كوردستان كرد.

له‌ دیدارێكدا دوایین پێشهاته‌ سیاسییه‌كان و دۆخى هه‌رێمى كوردستان و ئاماده‌كارییه‌كان بۆ ئه‌نجامدانى هه‌ڵبژاردنه‌كانى په‌رله‌مانى كوردستان له‌ 30ى ئه‌م مانگه‌دا تاوتوێ كرا. كونسول و نوێنه‌رانى وڵاتانى یه‌كیتیى ئه‌ورووپا خۆشحاڵیى خۆیان بۆ ئه‌نجامدانى هه‌ڵبژاردنه‌كانى هه‌رێمى كوردستان له‌ كاتى دیاریكراوى خۆیدا ده‌ربڕى و هیوایان خواست پرۆسه‌ى ده‌نگدان سه‌ركه‌وتووانه‌ به‌ڕێوه‌ بچێت و پشتگیریى یه‌كێتیى ئه‌ورووپایان بۆ پرۆسه‌ى سیاسى و هه‌ڵبژادنه‌كان و په‌ره‌پێدانى ژیانى دیموكراسى له‌ هه‌رێمى كوردستان دووپات كرده‌وه‌.

له‌ دیداره‌كه‌دا پرۆسه‌ى سیاسى له‌ عێراق و هه‌وڵه‌كانى پێكهێنانى كابینه‌ى نوێى حكوومه‌تى عێراق خرانه‌ به‌ر باس و ڕۆڵى هه‌رێمى كوردستان وه‌ك هاوبه‌شێكى سه‌ره‌كى له‌ پێكهێنانى حكوومه‌ت و پرۆسه‌ى سیاسیى عێراقدا به‌ گرنگ له‌ قه‌ڵه‌م درا. له‌مباره‌یه‌وه‌ به‌ڕێز نێچیرڤان بارزانى و شاندى میوان هاوڕا بوون كه‌ هه‌ڵبژاردنه‌كانى عێراق و پێكهێنانى حكوومه‌تێكى تازه‌ له‌ به‌غدا وه‌ڵامده‌ره‌وه‌ى خواستى هاووڵاتیانى عێراق بێت له‌ دابینكردنى ئارامى و سه‌قامگیرى و پێشكه‌شكردنى خزمه‌تگوزارییه‌كان و به‌ره‌وپێشبردنى وڵات له‌ هه‌موو بواره‌كاندا.

په‌ره‌پێدانى په‌یوه‌ندییه‌كان و به‌رده‌وامیى هاوكارى و هه‌مانگى له‌ بواره‌ جیاوازه‌كاندا، تاوتوێكردنى دۆخى ناوچه‌كه‌ و دوایین پێشهاته‌كان به‌گشتى، به‌شێكى دیكه‌ى باسى دیداری نێوان سه‌رۆك وه‌زیران و كونسول و نوێنه‌رانى وڵاتانى یه‌كێتیى ئه‌ورووپا له‌ هه‌رێمى كوردستان بوو.




به‌رپرسی په‌یوه‌ندیه‌كانی ده‌ره‌وه‌و كونسوڵی گشتى كۆریا په‌ره‌پێدانی په‌یوه‌ندیه‌ دووقۆڵیه‌كانیان تاوتوێ كرد
SUN, 13 JAN 2019 18:22

له‌ دیدارێك كه‌ خاتوو سیهام جه‌به‌لی، یاریده‌ده‌ری به‌رپرسی فه‌رمانگه‌ ئاماده‌بوو باس له‌ پەیوەندییە دووقۆڵیەکان و دوایین په‌ره‌سه‌ندنه‌كانی هەرێمى کوردستان و عیراق كرا.

 
نێچیرڤان بارزانی پێشوازی له‌ شاندێكی سه‌ربازیی به‌ریتانیا ده‌كات
THU, 10 JAN 2019 13:45

سه‌رله‌به‌یانیی ئه‌مڕۆ پێنجشه‌ممه‌ 10/1/2019 به‌ڕێز نێچیرڤان بارزانی سه‌رۆك وه‌زیرانی هه‌رێمی كوردستان، پێشوازی له‌ ژه‌نه‌راڵ سیر جۆنز لۆریمه‌ر گه‌وره‌ ڕاوێژكاری سه‌ربازیی به‌ریتانیا بۆ ڕۆژهه‌ڵاتی ناوه‌ڕاست و نوێنه‌ری خاتوو تێرازا مه‌ی سه‌رۆك وه‌زیرانی به‌ریتانیا، به‌ یاوه‌ریی به‌ڕێزان جۆن وێلكس باڵیۆزی به‌ریتانیا له‌ عێراق و مارتن وار كونسولی گشتیی به‌ریتانیا له‌ هه‌رێمی كوردستان كرد.

 
نێچیرڤان بارزانی و وه‌زیری ده‌ره‌وه‌ی ئه‌مه‌ریكا كۆبوونه‌وه‌
WED, 9 JAN 2019 20:41

له‌ كۆبوونه‌وه‌یه‌كدا كه‌ به‌ڕێز قوباد تاڵه‌بانی جێگری سه‌رۆك وه‌زیرانی هه‌رێمی كوردستان ئاماده‌ی بوو، به‌ڕێز پامپیۆ خۆشحاڵیی خۆی به‌ یه‌كه‌م سه‌ردانی بۆ ناوچه‌كه‌ و هه‌رێمی كوردستان نیشان دا. دواتر باس له‌ بارودۆخی ناوچه‌كه‌ به‌گشتی و پێشهاته‌كانی ڕۆژهه‌ڵاتی ناوه‌ڕاست كرا و مه‌ترسییه‌كانی سه‌رهه‌ڵدانه‌وه‌ی تیرۆر و كاری هاوبه‌ش بۆ بنبڕكردنی گفتوگۆ كرا.

 

 

بەرپرسى پەیوەندیەکانى دەرەوە و شاندێکى خاچى سورى نێودەوڵەتى جەخیتان لەسەر بەردەوامبوون و هەماهەنگى کردەوە

WED, 16 JAN 2019 15:16

ئەمرۆ چوارشەممە ١٦/١/٢٠١٩ فەلاح مستەفا پێشوازى لە شاندێکى رێکخراوى خاچى سورى نێودەوڵەتى کرد بە سەرۆکایەتى مارکۆ سوچى ڕێکخەرى چالاکیەکانى رێکخراوە بۆ ناوچەى رۆژهەڵاتى نزیک و ناوەراست و بە ئامادەبوونى بەرێزان نۆوا  للینفین بەرپرسى لقى نێردەى هەولێر رێکخراوى ICRC و چیا مقداد راوێژکارى رێکخراوەکە.  

 

نێچیرڤان بارزانی و زه‌ریف دۆخی ناوچه‌که‌ تاوتوێ ده‌که‌ن

TUE, 15 JAN 2019 11:51

سه‌رله‌به‌یانیی ئه‌مڕۆ سێشه‌ممه ١٥/١/٢٠١٩ به‌ڕێز نێچیرڤان بارزانی سه‌رۆک وه‌زیرانی هه‌رێمی کوردستان پێشوازی له به‌ڕێز محه‌مه‌د جه‌واد زه‌ریف وه‌زیری ده‌ره‌وه‌ی کۆماری ئیسلامیی ئێران و شاندێكی یاوه‌ری کرد.

 

نێچیرڤان بارزانى و وه‌زیرى ده‌ره‌وه‌ى فه‌ڕه‌نسا دۆخى ناوچه‌كه‌ تاوتوێ ده‌كه‌ن

MON, 14 JAN 2019 22:57

ئێواره‌ى ئه‌مڕۆ دووشه‌ممه‌ 14/1/2019 به‌ڕێز نێچیرڤان بارزانى سه‌رۆك وه‌زیرانى هه‌رێمى كوردستان، پێشوازى له‌ به‌ڕێز ژان ئیڤ لودریان وه‌زیرى ده‌ره‌وه‌ى فه‌ڕه‌نسا و شاندێكى یاوه‌رى كرد كه‌ له‌ به‌ڕێزان باڵیۆزى فه‌ڕه‌نسا له‌ عێراق، كونسولى گشتیى فه‌ڕه‌نسا له‌ هه‌ولێر و ژماره‌یه‌ك له‌ دیپلۆماتكاران پێكهاتبوو.

 

ئه‌نجومه‌نى وه‌زیران تاوتوێى به‌شه‌بودجه‌ى هه‌رێمى كوردستان له‌ بودجه‌ى گشتیى عێراقدا ده‌كات

MON, 14 JAN 2019 14:31

سه‌رله‌به‌یانیى ئه‌مڕۆ دووشه‌ممه‌ 14/1/2019، به‌ سه‌رۆكایه‌تیى به‌ڕێز نێچیرڤان بارزانى سه‌رۆك وه‌زیران و به‌ ئاماده‌بوونى به‌ڕێز قوباد تاڵه‌بانى جێگرى سه‌رۆك وه‌زیران، ئه‌نجومه‌نى وه‌زیرانى هه‌رێمى كوردستان یه‌كه‌مین كۆبوونه‌وه‌ى خۆى له‌ ساڵى تازه‌دا به‌ست.