فه‌رمانگه‌ی په‌یوه‌ندییه‌کانی ده‌ره‌وه‌
حكومه‌تی هه‌رێمی كوردستان
SAT, 23 MAR 2019 18:18 Erbil, GMT +3
Source: KRG-DFR DFR publication date: MON, 29 OCT 2018 15:13
یادى رۆژى نیشتیمانى کۆمارى چیک لە هەولێر کرایەوە

بە بۆنەى رۆژى نیشتمانى کۆمارى چیکو بە ئامادەبوونى ژمارەیەک لە وەزیر و پەرلەمانتارو پارێزگارو دیپلۆماتکارو نوێنەرانى ووڵاتانى بیانى، کونسوڵگەرى گشتى کۆمارى چیک رێوڕەسمێکى سازکرد.

سەرەتاى رێورەسمەکە بە ووتەى بەڕێز میخاڵ سڤۆبۆدا کونسوڵى گشتى کۆمارى چیک لە هەرێمى کوردستان دەستى پێکرد کە تیایدا بەخێرهاتنى ئامادەبووانى کرد بۆ بەشداریکردنیان لە رۆژى نیشتمانى کۆمارى چیک لە هەرێمى کوردستان و گووتى بەناوى دەوڵەتی هاوبەشی چیک و سلۆڤاکیا و چەند نەتەوەیەک تر بەخێرهاتنی سەرجەم میوانان و بەرپرسانی حکومی و باڵیۆز و کونسوڵی گشتی ووڵاتان دەکەم.

 

کونسوڵی گشتی چیک لە ووتارەکەیدا پوختەیەکی سەبارەت بە مێژوو و کەلتوور و ئەو ئەزموونانەی کە کۆماری چیک پێیدا تێپەڕیوە تاوەکو گەیشتۆتە ڕۆژێکی وەکو ئەمڕۆ پێشکەشکرد.

سەبارەت بە پەیوەندی نێوان هەرێمی کوردستان و کۆمارى چیک بەڕێزیان گووتی مێژووی پەیوەندی نێوان کۆماری چیک و هەرێمی کوردستان لەوانەیە کەمتر بێت لە ١٠٠ ساڵ بەڵام پەیوەندیەکی تووندو تۆڵی کەلتووری، دۆستایەتی و بەیەکەوە کارکردن لەسەر پڕۆژەکان و دۆستایەتى خێزانی بەیەکەوەی بەستوونەتەوە. هەروەها ئاماژەی بەوە کرد کەوا کۆماری چیک یەکەم ووڵات بوو کە نووسینگەی پەیوەندیەکانی لە هەرێمی کوردستان کردۆتەوە.

بەڕێزیان گووتى کۆمارى چیک هەمیشە بە گرنگیەوە لە هەرێمی کوردستانی ڕوانیوە، هەروەها کونسوڵگەری گشتی کۆماری چیک لە نزیکەوە لەگەڵ حکومەتی هەرێم بە هەماهەنگی لە چەندین بواری جیاجیا کاردەکات و جەختی کردۆتە سەر  کەرتی پەروەردە و وەبەرهێنان و ئاڵوگۆڕی بازرگانی، کۆمپانیاکانی چیک هەمیشە بەدوای دەرفەتی تازەن بۆ کارى بازرگانى لەگەڵ هەرێمی کوردستان.

لەماوەی ساڵانی داهاتوو پێمان باشە زیاتر جەخت بکەینە سەر ئاڵوگۆڕی کەلتووری بۆ زیاتر لەیەکتر نزیک کردنەوەى هەردوو گەلی چیک و کورد.

پاشان بەڕێز یان ڤیجیتاڵ باڵیۆزی کۆماری چیک لە عێراق لە ووتەیەکى کورت بەخێرهاتنى ئامادەبووانى کرد کە لەڕۆژێکى گرینگ و مێژوویى لەگەڵیان ئامادەن. بەڕێزیان خۆشحاڵى خۆى بە ئاستى پەیوەندیەکانیان لەگەڵ هەرێمى کوردستان و تەواوى عیراق دەربڕى و پوختەیەکى لەسەر مێژووى شۆڕش و قوربانیەکانى هەردوو گەلى چیک و سلۆڤاک لە پێناو ئازادى و سەربەخۆیى پێشکەشکرد. 

 

دواتر بەڕێز فەلاح مستەفا، بەرپرسی پەیوەندیەکانی دەرەوەی حکومەت وتارێکی پێشکەش کرد و بەناوی حکومەتی هەرێمی کوردستان پیرۆزبایی لەگەل و حکومەتى کۆمارى چیک کرد بە بۆنەى رۆژى نیشتیمانى چیک و یادەوەرى سەد ساڵەى سەربەخۆیی چیکۆسلۆڤاکیاى پێشوو.

بەڕێزیان خۆشحاڵی خۆی دەربڕی کەوا کۆماری چیک یەکەم ووڵات بوو کە نوێنەرایەتى لە هەرێمی کوردستان کردەوە، هەروەها سوپاسی کونسوڵگەری گشتی کۆماری چیکی کرد بۆ هەوڵەکانیان لە پێناو  بەرەوپێش بردنى پەیوەندیەکانیان لەگەڵ هەرێمى کوردستان.

لەم رووەوە ئاماژەی بەوەکرد کەوا پەیوەندی نێوان هەرێمی کوردستان و کۆمارى چیک لەم چەند ساڵەی دوایی زیاتر بەرەوپێشچووەو رۆڵیان هەبووە لە هاوکاری و پشتگیری مرۆیی بۆ ئاوارەو پەنابەران و  پێشکەشکردنى یارمەتى سەربازى بۆ پێشمەرگە لە شەڕی دژ بە تیرۆریستانى داعش. بەڕێزیان سوپاسی کۆمارى چیک و هاوپەیمانى نێودەوڵەتی کرد بۆ هاوکاریی و پشتگیرى بەردەوامیان لە رۆژە سەختەکان. 

هەروەها بەڕێزیان ڕۆڵی کۆمارى چیکی بەرز نرخاند لەڕووی کەرتی پەروەردەو کردنەوەی زانکۆی تەکنیکی ئۆستراڤا لە هەولێر لە پێناو زیاتر بەرەوپێشبردن و بەرزکردنەوەی ئاستی زانست هەرێمی کوردستان.

سەبارەت بەقۆناغێکى داهاتوو بەڕێزیان هیوای خواست کۆماری چیک و یەکێتی ئەوروپا و تەواوی هاوبەشەکان لە کۆمەڵگای نێودەوڵەتی لە پشتیوانیەکانیان بەردەوام بن بۆ  هەرێمی کوردستان. لەسەر پەیوەندى نێوان هەولێر و بەغدا دووپاتى کردەوە کە هەرێمی کوردستان بڕوای بە پەیوەندیەکی پتەوو دروست هەیە لەگەڵ بەغدا لەچوارچێوەی دەستوور.

هەرێمی کوردستان لە ئێستادا، لە قۆناغی دوای نەمانی شەڕی داعش ژمارەیەکى زۆرى ئاوارەو پەنابەری لەخۆ گرتووە و هەمیشە وەکو پەناگەیەکى ئارام دەمێنێتەوە بۆ ئاوارەو پەنابەران و لە ڕووی  سەقامگیری و ئاسایشەوە لە ژێر چاودێری حکومەتی هەرێمی کوردستاندا دەبن. بەهۆی ئەو بەرپرسیارێتیە گەورەیەی لە ئەستۆمانە، پێویستمان بە هاوکاری کۆمەڵگای نێودەوڵەتی هەیە بۆ دڵنیابوونەوە لە بارودۆخی ئاوارەکان لە هەرێم تا ئەوکاتەی دەگەڕێنەوە ناوچەکانی خۆیان.

لە کۆتایی ووتارەکەی، بەڕێز فەلاح مستەفا بەرپرسی پەیوەندیەکانی دەرەوەی حکومەت جەختی لە بەرەوپێشبردنی پەیوەندیەکان لەگەڵ کۆماری چیک کردەوە لە بوارەکانى سیاسی، ئاسایش، ئابووری، کەلتووری و پەروەردەیى و هیواى خۆشگوزەرانى و پێشکەوتنى زیاترى بۆ کۆمارى چیک خواست.




لە تەلاری پەرلەمانی بەریتانیا پانێڵێك بۆ نوێنەری حکومەتی هەرێم و وەزیری کاروباری ڕۆژهەڵاتی ناوەراستی حکومەتی بەریتانیا و جێگری باڵیۆزی عیراقی فیدڕاڵ و بەڕێوەچوو
TUE, 19 MAR 2019 14:12

لەو پانێڵەدا کە لە لایەن پەرلەمانتار جاك لۆپریستی سەرۆکی گرووپی پەرلەمانتارانی هەموو پارتەکانی بەریتانیا ڕێکخرابوو، کاروان جمال تاهیر نوێنەری حکومەتی هەرێمی کوردستان لە بەریتانیا و ئەلیستەر بێرت وەزیری دەرەوە بۆ کاروباری ڕۆژهەڵاتی ناوەڕاست و نەزار مەرجان جێگری باڵیۆزی عیراقی فیدڕاڵ لە بەریتانیا باسیان لە ژمارەیەك پرسی جیا کرد سەبارەت بە بارودۆخی سیاسی و ئابوری و ئەمنی لە هەرێمی کوردستان و عیراق. 

 
فەلاح مستەفا لەگەڵ شاندێکى دامەزراوەى یارمەتى و ئاشتەوایى لە رۆژهەڵاتى ناوەراست کۆبووەوە
TUE, 19 MAR 2019 12:29

فەلاح مستەفا بەرپرسى پەیوەندیەکانى دەرەوە لەگەڵ شاندێکى دامەزراوەى یارمەتى مرۆیى و ئاشتەوایى لە رۆژهەلاتى ناوەراست کە پێکهاتبوو لە بەرێزان مایک سیمپسن بەڕێوەبەرى جێبەجێکار و کریستۆفەر سیگار ئەندامى بۆردى بەرێوەبەردن و باڵیۆزى پێشووى بەریتانیا لە عیراق و عبدالرحمن محمد بەڕێوەبەرى بەرنامەى رێکخراوى ناوبراو لە عیراق  کۆبووەوە.

 
نوێنەرایەتی حکومەتی هەرێم و پڕۆگرامی یادەوەریەکانی کوردستان یادەوەریەك بۆ جینۆسایدی کورد ساز دەکەن
MON, 18 MAR 2019 17:09

نوێنەرایەتی حکومەتی هەرێمی کوردستان لە بەریتانیا بە هەماهەنگی لەگەڵ پڕۆگرامی یادەوەریەکانی کوردستان KMP و گرووپی پەرلەمانتارانی هەموو پارتەکانی بەریتانیا بۆ پشتگیری لە کوردستان APPG بۆنەیەکیان لە BAFTA سازکرد کە یەکێکە لە ناودارترین هۆڵەکانی نمایشکردنی فیلمە جیهانیەکان لە سەنتەری لەندەن بۆ یادکردنەوەی کیمیابارانکردنی هەڵەبجە و ئەنفال، وە ڕاگەیاندنی "پڕۆگرامی یادەوەریەکانی کوردستان" لە ئەوڕوپا و نمایشکردنی فیلمێکی دۆکیومەنتەری بەریتانیا کە پێشتر لە بارەگای سەرەکی نەتەوە یەکگرتووەکان لە واشنتن نمایشکراوە کە لە لایەن دەرهێنەر گوین ڕۆبەڕتس بەرهەم هێنراوە بە ناونیشانی "خێزانێکی ئێزیدی بەرانبەر داعش"، وە چەند کورتە فیلمێکی تر.

 

 

نێچیرڤان بارزانی په‌یوه‌ندی به‌‌ پارێزگاری مووسڵه‌وه‌ ده‌كات

THU, 21 MAR 2019 22:10

ئێواره‌ی ئه‌مڕۆ پێنجشه‌ممه‌ 21/3/2019 به‌ڕێز نێچیرڤان بارزانی سه‌رۆك وه‌زیرانی هه‌رێمی كوردستان، په‌یوه‌ندییه‌کی ته‌له‌فۆنی به‌ به‌ڕێز نه‌وفه‌ل حه‌مموود پارێزگاری مووسڵه‌وه‌ كرد و تیایدا پرسه‌ و سه‌ره‌خۆشی و هاوخه‌میی خۆی و گه‌لی كوردستانی به‌ به‌ڕێزیان و به‌ ڕێگای ئه‌ویشه‌وه‌ به‌ كه‌سوكاری قوربانیان ڕاگه‌یاند که‌ ئێواره‌ی ئه‌مڕۆ له‌ مووسڵ به‌هۆی ژێرئاوكه‌وتنی به‌له‌مێكی گه‌شتیارانه‌وه‌ له‌ ڕووباری دیجله‌ به‌ ده‌یان که‌س گیانیان له‌ده‌ست دا.

 

نێچیرڤان بارزانی په‌یامێکی سه‌ره‌خۆشی ئاراسته‌ی که‌سوکاری قوربیانیانی مووسڵ کرد

THU, 21 MAR 2019 21:00

به‌ڕێز نێچیرڤان بارزانی سه‌رۆک وه‌زیرانی هه‌رێمی کوردستان په‌یامێکی پرسه‌ و سه‌ره‌خۆشی ئاراسته‌ی که‌سوکاری قوربانیانی ڕووداوی ئه‌مڕۆی ژێرئاوکه‌وتنی به‌له‌مێکی گه‌شتیاری له‌ مووسڵ کرد و هه‌موو هاوکاری و پشتیوانییه‌کی داموده‌زگاکانی حکوومه‌تی هه‌رێمی کوردستانی بۆ لێقه‌وماوان نیشان دا، ئه‌مه‌ ده‌قه‌که‌یه‌تی:

 

نێچیرڤان بارزانی پێشوازی له‌ شاندێكی كۆنگرێسی ئه‌مه‌ریكا ده‌كات

TUE, 19 MAR 2019 23:06

ئێواره‌ی ئه‌مڕۆ سێشه‌ممه‌ 19/3/2019 به‌ڕێز نێچیرڤان بارزانی سه‌رۆك وه‌زیرانی هه‌رێمی كوردستان، پێشوازی له‌ شاندێكی كۆنگرێسی ئه‌مه‌ریكا به‌ سه‌رۆكایه‌تیی كۆنگرێسمان جۆن گارامندی كرد.

 

بەرپرسی پەیوەندیەکانى دەرەوەى حکومەت پێشوازى لە شاندێکى سیاسى و بازرگانى هەرێمى فلاندەرزى بەلجیکا کرد

TUE, 19 MAR 2019 18:25

ئەمڕۆ سێشەممە فەلاح مستەفا  بەرپرسی پەیوەندیەکانى دەرەوەى حکومەت، پێشوازى لە شاندێکى سیاسی و بازرگانى هەرێمى فلاندەرزى بەلجیکى کرد بە سەرۆکایەتى بەڕێز کلاودى مارینوۆر جێگرى پارێزگاى ئەنتوێرپ لە هەرێمى فلاندەرز، کە بەڕێز دلاوەر خالد ئاژگەیی نوێنەرى حکومەتى هەرێم لە بەلجیکا لە دیدادرەکە ئامادەبوو.