فه‌رمانگه‌ی په‌یوه‌ندییه‌کانی ده‌ره‌وه‌
حكومه‌تی هه‌رێمی كوردستان
SAT, 23 MAR 2019 18:20 Erbil, GMT +3
Source: KRG-DFR DFR publication date: MON, 29 OCT 2018 15:19
فەلاح مستەفا بەشدارى لە کۆنگرەی دیالۆگی مەنامەی 2018 کرد بۆ گفتوگۆکردن لەسەر چەند پرسێکی گرنگی وەک سیاسەتی دەرەوە، پرسە هەرێمی و جیهانیەکان

لە رۆژانى ٢٦ - ٢٨/١٠/٢٠١٨ بەرێز فەلاح مستەفا بەرپرسى پەیوەندیەکانى دەرەوەى حکومەتى هەرێمى کوردستان بەشدارى لە چواردەمین گەڕى دیالۆگى مەنامە لە بەحرێن کردو لەفڕۆکەخانەى نێودەوڵەتى مەنامە لەلایەن بەڕێزان عبدالعزیز ئەلعید سەرۆکی فەرمانگەی عەرەبی لە وەزارەتی دەرەوەو صلاح ئەلمالکی باڵیۆزی بەحرێن لە عیراق پێشوازی لێکرا.

ئەم دیالۆگە ساڵانەیە لەلایەن وەزارەتى دەرەوەى بەحرێن و بە هەماهەنگى لەگەل ئەنستیوتى نێودەوڵەتى بۆ دراساتى ستراتیژى IISS بەڕێوە دەچێت. کە ژمارەیەکى بەرچاو لە سەرکردە و بەرپرسانى باڵاى سیاسى و سەربازى و ئاسایش و بڕیاربەدەستان و شارەزایان لە وڵاتانى کەنداو رۆژهەڵاتى ناوەڕاست و جیهان ئامادەبوون.

 

مەبەستى ئەم دیالۆگە ئەنجامدانى گفتوگۆیە لەسەر پرسى ئاسایش و سیاسەتى دەرەوە و پرسە هەرێمى و جیهانیەکان و چۆنیەتى دۆزینەوەى چارەسەرى گونجاو لەچوارچێوەى بەرێوەچوونى ژمارەیەک پانێل و گفتوگۆى کراوەو داخراو دەخرێتەڕوو. 

دەسپێکى گفتوگۆیەکان پانێڵێک بوو دەربارەى دووبارە رێکخستنەوەى رۆژهەڵاتى ناوەڕاست، دواتر چەند پانێڵێک پێشکەشکرا لەسەر بنیادنانەوەى ئاشتەوایى لە پشێویدا و دواتر سیاسەتى ئەمریکا لە رۆژهەڵاتى ناوەڕاست و گۆڕانى پەیوەندیەکان و دەرکەوتنى سیستەمێکى نوێى رۆژهەڵاتى ناوەڕاست و ململانێ و دیپلۆماسیەت لە رۆژهەڵاتى ناوەڕاست و ئاشتەوایى و بنیادنانەوە لە رۆهەڵاتى ناوەراست و هەروەها دۆزینەوەى چارەسە بۆ پرسەکان لە رۆژهەڵاتى ناوەراست. 

 

لە پەراوێزى دیالۆگى مەنامە بەڕێز فەلاح مستەفا دیدارى کورتى لەگەڵ ژمارەیەک لە وەزیرو بەرپرسان ئەنجامداو لەسەر پرسەکانى هەرێمى کوردستان و گۆڕانکاریەکانى گۆڕپانى سیاسى و پەیوەندیەکانى هەولێرو بەغدا و  ناوچەکە بیرو ڕایان ئاڵوگۆڕکرد. بەرپرسى پەیوەندیەکانى دەرەوەى حکومەت لەگەل بەرێز وەزیرى دەرەوەى بەحرێن وەزیرى دەرەوەى ئەردەن و وەزیرى بەرگرى ئەمریکا جەمیس ماتیس و وەزیرى بەرگرى ئەڵمانیا ئۆرسۆلا ڤۆندەرلاین و تۆبایەس ئیلود وەزیرى دەوڵەتى بەریتانیا بۆ بەرگرى و ئەلیستەر بێرت وەزیرى دەوڵەتى بەریتانیا بۆ رۆژهەڵاتى ناوەڕاست و برێت مەکگۆرک و وەزیرى دەوڵەتى رۆمانیا و چەندین شاندى تر بیروڕایان لەسەر بارودۆخى ئەمڕۆ و پرسە هەنووکەییەکان تاوتوێکرد. 

هەر لەمیانى دیالۆگى مەنامە بۆ خوانى نێوەرۆ لەگەل سەرۆکى شاندەکان میوانى وەزیرى دەرەوەى بەحرێن بوون کە تیایدا دەرفەتى گفتوگۆى راستەوخۆ هەبوو لەگەڵ بەشداربووان. بۆ ئێوارەخوانیش لەگەڵ سەرۆکى شاندەکان میوانى پاشاى بەحرێن بوون کە هەردووکیان لە ووتارەکانیان بایەخیان بە ئەنجامدانى ئەم کۆبوونەوانە کرد بەتایبەت ئاستى بەشداربووان کە لە شوێنى جیاواز لە جیهاندا بەشدارى دەکەن و ئەو بابەتانەى گفتوگۆیان لەسەر دەکرێت پەیوەندارە بە ئاسایشى رۆژهەڵاتى ناوەڕاست کە گرینگیەکى ستراتیژى زۆرى هەیە و هەموو ووڵاتانى جیهان هەوڵ دەدەن بەرژەوەندى و پەیوەندیەکانیان بەردەوامى هەبێت لە ناوچەکە.

 

وەزیرى دەرەوەى بەحرێن ئاماژەى بەوەکرد کە دیالۆگى مەنامە هەلێک دەرەخسێنێت بۆ ناسینى سیاسەتى دەوڵەتەکان و رێگەخۆشکەر دەبێت بۆ بەرپرسەکان بۆ ئاڵوگۆرکردنى بیروڕا و لەسەر بابەتە جیاوازاەکان کە  دەبێتە هۆى لێکتێگەیشتنى زیاتر و هەماهەنگى و هاوکارى نێودەوڵەتى لەسەر مەسەلەکان و ڕووبەرووبوونەوەى ئەو هەڕەشانەى کە کۆمەڵگەى نێودەوڵەتى دووچارى دەبێتەوە.
 




لە تەلاری پەرلەمانی بەریتانیا پانێڵێك بۆ نوێنەری حکومەتی هەرێم و وەزیری کاروباری ڕۆژهەڵاتی ناوەراستی حکومەتی بەریتانیا و جێگری باڵیۆزی عیراقی فیدڕاڵ و بەڕێوەچوو
TUE, 19 MAR 2019 14:12

لەو پانێڵەدا کە لە لایەن پەرلەمانتار جاك لۆپریستی سەرۆکی گرووپی پەرلەمانتارانی هەموو پارتەکانی بەریتانیا ڕێکخرابوو، کاروان جمال تاهیر نوێنەری حکومەتی هەرێمی کوردستان لە بەریتانیا و ئەلیستەر بێرت وەزیری دەرەوە بۆ کاروباری ڕۆژهەڵاتی ناوەڕاست و نەزار مەرجان جێگری باڵیۆزی عیراقی فیدڕاڵ لە بەریتانیا باسیان لە ژمارەیەك پرسی جیا کرد سەبارەت بە بارودۆخی سیاسی و ئابوری و ئەمنی لە هەرێمی کوردستان و عیراق. 

 
فەلاح مستەفا لەگەڵ شاندێکى دامەزراوەى یارمەتى و ئاشتەوایى لە رۆژهەڵاتى ناوەراست کۆبووەوە
TUE, 19 MAR 2019 12:29

فەلاح مستەفا بەرپرسى پەیوەندیەکانى دەرەوە لەگەڵ شاندێکى دامەزراوەى یارمەتى مرۆیى و ئاشتەوایى لە رۆژهەلاتى ناوەراست کە پێکهاتبوو لە بەرێزان مایک سیمپسن بەڕێوەبەرى جێبەجێکار و کریستۆفەر سیگار ئەندامى بۆردى بەرێوەبەردن و باڵیۆزى پێشووى بەریتانیا لە عیراق و عبدالرحمن محمد بەڕێوەبەرى بەرنامەى رێکخراوى ناوبراو لە عیراق  کۆبووەوە.

 
نوێنەرایەتی حکومەتی هەرێم و پڕۆگرامی یادەوەریەکانی کوردستان یادەوەریەك بۆ جینۆسایدی کورد ساز دەکەن
MON, 18 MAR 2019 17:09

نوێنەرایەتی حکومەتی هەرێمی کوردستان لە بەریتانیا بە هەماهەنگی لەگەڵ پڕۆگرامی یادەوەریەکانی کوردستان KMP و گرووپی پەرلەمانتارانی هەموو پارتەکانی بەریتانیا بۆ پشتگیری لە کوردستان APPG بۆنەیەکیان لە BAFTA سازکرد کە یەکێکە لە ناودارترین هۆڵەکانی نمایشکردنی فیلمە جیهانیەکان لە سەنتەری لەندەن بۆ یادکردنەوەی کیمیابارانکردنی هەڵەبجە و ئەنفال، وە ڕاگەیاندنی "پڕۆگرامی یادەوەریەکانی کوردستان" لە ئەوڕوپا و نمایشکردنی فیلمێکی دۆکیومەنتەری بەریتانیا کە پێشتر لە بارەگای سەرەکی نەتەوە یەکگرتووەکان لە واشنتن نمایشکراوە کە لە لایەن دەرهێنەر گوین ڕۆبەڕتس بەرهەم هێنراوە بە ناونیشانی "خێزانێکی ئێزیدی بەرانبەر داعش"، وە چەند کورتە فیلمێکی تر.

 

 

نێچیرڤان بارزانی په‌یوه‌ندی به‌‌ پارێزگاری مووسڵه‌وه‌ ده‌كات

THU, 21 MAR 2019 22:10

ئێواره‌ی ئه‌مڕۆ پێنجشه‌ممه‌ 21/3/2019 به‌ڕێز نێچیرڤان بارزانی سه‌رۆك وه‌زیرانی هه‌رێمی كوردستان، په‌یوه‌ندییه‌کی ته‌له‌فۆنی به‌ به‌ڕێز نه‌وفه‌ل حه‌مموود پارێزگاری مووسڵه‌وه‌ كرد و تیایدا پرسه‌ و سه‌ره‌خۆشی و هاوخه‌میی خۆی و گه‌لی كوردستانی به‌ به‌ڕێزیان و به‌ ڕێگای ئه‌ویشه‌وه‌ به‌ كه‌سوكاری قوربانیان ڕاگه‌یاند که‌ ئێواره‌ی ئه‌مڕۆ له‌ مووسڵ به‌هۆی ژێرئاوكه‌وتنی به‌له‌مێكی گه‌شتیارانه‌وه‌ له‌ ڕووباری دیجله‌ به‌ ده‌یان که‌س گیانیان له‌ده‌ست دا.

 

نێچیرڤان بارزانی په‌یامێکی سه‌ره‌خۆشی ئاراسته‌ی که‌سوکاری قوربیانیانی مووسڵ کرد

THU, 21 MAR 2019 21:00

به‌ڕێز نێچیرڤان بارزانی سه‌رۆک وه‌زیرانی هه‌رێمی کوردستان په‌یامێکی پرسه‌ و سه‌ره‌خۆشی ئاراسته‌ی که‌سوکاری قوربانیانی ڕووداوی ئه‌مڕۆی ژێرئاوکه‌وتنی به‌له‌مێکی گه‌شتیاری له‌ مووسڵ کرد و هه‌موو هاوکاری و پشتیوانییه‌کی داموده‌زگاکانی حکوومه‌تی هه‌رێمی کوردستانی بۆ لێقه‌وماوان نیشان دا، ئه‌مه‌ ده‌قه‌که‌یه‌تی:

 

نێچیرڤان بارزانی پێشوازی له‌ شاندێكی كۆنگرێسی ئه‌مه‌ریكا ده‌كات

TUE, 19 MAR 2019 23:06

ئێواره‌ی ئه‌مڕۆ سێشه‌ممه‌ 19/3/2019 به‌ڕێز نێچیرڤان بارزانی سه‌رۆك وه‌زیرانی هه‌رێمی كوردستان، پێشوازی له‌ شاندێكی كۆنگرێسی ئه‌مه‌ریكا به‌ سه‌رۆكایه‌تیی كۆنگرێسمان جۆن گارامندی كرد.

 

بەرپرسی پەیوەندیەکانى دەرەوەى حکومەت پێشوازى لە شاندێکى سیاسى و بازرگانى هەرێمى فلاندەرزى بەلجیکا کرد

TUE, 19 MAR 2019 18:25

ئەمڕۆ سێشەممە فەلاح مستەفا  بەرپرسی پەیوەندیەکانى دەرەوەى حکومەت، پێشوازى لە شاندێکى سیاسی و بازرگانى هەرێمى فلاندەرزى بەلجیکى کرد بە سەرۆکایەتى بەڕێز کلاودى مارینوۆر جێگرى پارێزگاى ئەنتوێرپ لە هەرێمى فلاندەرز، کە بەڕێز دلاوەر خالد ئاژگەیی نوێنەرى حکومەتى هەرێم لە بەلجیکا لە دیدادرەکە ئامادەبوو.