فه‌رمانگه‌ی په‌یوه‌ندییه‌کانی ده‌ره‌وه‌
حكومه‌تی هه‌رێمی كوردستان
MON, 25 MAR 2019 05:51 Erbil, GMT +3
Source: KRG-DFR DFR publication date: MON, 29 OCT 2018 17:36
بەرپرسی پەیوەندیەکانی دەرەوەو باڵیۆزی کۆمارى چیک لە عێراق باسیان لە پەیوەندییە دووقۆڵیەکان و چەند پرسێکى هەنووکەیی کرد

لە دیدارێکى نێوان فەلاح مستەفا بەرپرسی پەیوەندیەکانی دەرەوەی حکومەت و یان ڤیجیتاڵ باڵیۆزی کۆماری چیک لە عێراق باس لە پەیوەندییە دووقۆڵیەکان و دوایین پێشهاتە سیاسیەکانی هەرێمی کوردستان و عێراق و ناوچەکەو پڕۆسەی پێکهێنانى حکومەتی فیدڕال و دەرفەتەکانی بەرەوپێشبردنی زیاترى پەیوەندیەکان لەبوارەجیاجیاکان کرا.

لە کۆبوونەوەکەدا کە خاتوو سیهام جەبەلى یاریدەدەری بەرپرسی فەرمانگەو میخاڵ سڤوبودا کونسوڵی گشتی کۆماری چیک لە هەرێم ئامادەبوون، فەلاح مستەفا ئاماژەی بە ئاستى پەیوەندی نێوان هەرێمی کوردستان و کۆماری چیک کردو هیواى خواست دەرفەتەکانی کارو وەبەرهێنان و جولەى بازرگانی لە پێناو سوودو بەرژەوەندى هەردوولا بەردەوامى هەبێت و زیاتر پەرەى پێبدرێ.

سەبارەت بە بارودۆخى ئەمڕۆ بەڕێزیان بە گرنگیەوە باسی لە قۆناغی دوای هەڵبژاردنەکانی پەرلەمانی کوردستان و عێراقی فیدڕاڵ کردو هیوای خواست پرۆسەى دیموکراسى و هەڵبژاردن ببێتە دەروازەیەک بۆ ئەوەى تەواوى پێکهاتەکانى عیراق لە ئەرک و ماف یەکسان بن.

لای خۆیەوە، یان ڤیجیتاڵ، باڵیۆزی کۆماری چیک لە عێراق سوپاسی بەرێز بەرپرسی پەیوەندیەکانی دەرەوەی کردو هەڵوێستی وڵاتەکەی بۆ پشتیوانى کردن لە هەرێمی کوردستان دووپاتکردەوە. هیواى خواست بتوانن پەیوەندیەکانیان هەموو بوارەکان زیاتر پەرە پێبدەن.

 




لە تەلاری پەرلەمانی بەریتانیا پانێڵێك بۆ نوێنەری حکومەتی هەرێم و وەزیری کاروباری ڕۆژهەڵاتی ناوەراستی حکومەتی بەریتانیا و جێگری باڵیۆزی عیراقی فیدڕاڵ و بەڕێوەچوو
TUE, 19 MAR 2019 14:12

لەو پانێڵەدا کە لە لایەن پەرلەمانتار جاك لۆپریستی سەرۆکی گرووپی پەرلەمانتارانی هەموو پارتەکانی بەریتانیا ڕێکخرابوو، کاروان جمال تاهیر نوێنەری حکومەتی هەرێمی کوردستان لە بەریتانیا و ئەلیستەر بێرت وەزیری دەرەوە بۆ کاروباری ڕۆژهەڵاتی ناوەڕاست و نەزار مەرجان جێگری باڵیۆزی عیراقی فیدڕاڵ لە بەریتانیا باسیان لە ژمارەیەك پرسی جیا کرد سەبارەت بە بارودۆخی سیاسی و ئابوری و ئەمنی لە هەرێمی کوردستان و عیراق. 

 
فەلاح مستەفا لەگەڵ شاندێکى دامەزراوەى یارمەتى و ئاشتەوایى لە رۆژهەڵاتى ناوەراست کۆبووەوە
TUE, 19 MAR 2019 12:29

فەلاح مستەفا بەرپرسى پەیوەندیەکانى دەرەوە لەگەڵ شاندێکى دامەزراوەى یارمەتى مرۆیى و ئاشتەوایى لە رۆژهەلاتى ناوەراست کە پێکهاتبوو لە بەرێزان مایک سیمپسن بەڕێوەبەرى جێبەجێکار و کریستۆفەر سیگار ئەندامى بۆردى بەرێوەبەردن و باڵیۆزى پێشووى بەریتانیا لە عیراق و عبدالرحمن محمد بەڕێوەبەرى بەرنامەى رێکخراوى ناوبراو لە عیراق  کۆبووەوە.

 
نوێنەرایەتی حکومەتی هەرێم و پڕۆگرامی یادەوەریەکانی کوردستان یادەوەریەك بۆ جینۆسایدی کورد ساز دەکەن
MON, 18 MAR 2019 17:09

نوێنەرایەتی حکومەتی هەرێمی کوردستان لە بەریتانیا بە هەماهەنگی لەگەڵ پڕۆگرامی یادەوەریەکانی کوردستان KMP و گرووپی پەرلەمانتارانی هەموو پارتەکانی بەریتانیا بۆ پشتگیری لە کوردستان APPG بۆنەیەکیان لە BAFTA سازکرد کە یەکێکە لە ناودارترین هۆڵەکانی نمایشکردنی فیلمە جیهانیەکان لە سەنتەری لەندەن بۆ یادکردنەوەی کیمیابارانکردنی هەڵەبجە و ئەنفال، وە ڕاگەیاندنی "پڕۆگرامی یادەوەریەکانی کوردستان" لە ئەوڕوپا و نمایشکردنی فیلمێکی دۆکیومەنتەری بەریتانیا کە پێشتر لە بارەگای سەرەکی نەتەوە یەکگرتووەکان لە واشنتن نمایشکراوە کە لە لایەن دەرهێنەر گوین ڕۆبەڕتس بەرهەم هێنراوە بە ناونیشانی "خێزانێکی ئێزیدی بەرانبەر داعش"، وە چەند کورتە فیلمێکی تر.

 

 

نێچیرڤان بارزانی په‌یوه‌ندی به‌‌ پارێزگاری مووسڵه‌وه‌ ده‌كات

THU, 21 MAR 2019 22:10

ئێواره‌ی ئه‌مڕۆ پێنجشه‌ممه‌ 21/3/2019 به‌ڕێز نێچیرڤان بارزانی سه‌رۆك وه‌زیرانی هه‌رێمی كوردستان، په‌یوه‌ندییه‌کی ته‌له‌فۆنی به‌ به‌ڕێز نه‌وفه‌ل حه‌مموود پارێزگاری مووسڵه‌وه‌ كرد و تیایدا پرسه‌ و سه‌ره‌خۆشی و هاوخه‌میی خۆی و گه‌لی كوردستانی به‌ به‌ڕێزیان و به‌ ڕێگای ئه‌ویشه‌وه‌ به‌ كه‌سوكاری قوربانیان ڕاگه‌یاند که‌ ئێواره‌ی ئه‌مڕۆ له‌ مووسڵ به‌هۆی ژێرئاوكه‌وتنی به‌له‌مێكی گه‌شتیارانه‌وه‌ له‌ ڕووباری دیجله‌ به‌ ده‌یان که‌س گیانیان له‌ده‌ست دا.

 

نێچیرڤان بارزانی په‌یامێکی سه‌ره‌خۆشی ئاراسته‌ی که‌سوکاری قوربیانیانی مووسڵ کرد

THU, 21 MAR 2019 21:00

به‌ڕێز نێچیرڤان بارزانی سه‌رۆک وه‌زیرانی هه‌رێمی کوردستان په‌یامێکی پرسه‌ و سه‌ره‌خۆشی ئاراسته‌ی که‌سوکاری قوربانیانی ڕووداوی ئه‌مڕۆی ژێرئاوکه‌وتنی به‌له‌مێکی گه‌شتیاری له‌ مووسڵ کرد و هه‌موو هاوکاری و پشتیوانییه‌کی داموده‌زگاکانی حکوومه‌تی هه‌رێمی کوردستانی بۆ لێقه‌وماوان نیشان دا، ئه‌مه‌ ده‌قه‌که‌یه‌تی:

 

نێچیرڤان بارزانی پێشوازی له‌ شاندێكی كۆنگرێسی ئه‌مه‌ریكا ده‌كات

TUE, 19 MAR 2019 23:06

ئێواره‌ی ئه‌مڕۆ سێشه‌ممه‌ 19/3/2019 به‌ڕێز نێچیرڤان بارزانی سه‌رۆك وه‌زیرانی هه‌رێمی كوردستان، پێشوازی له‌ شاندێكی كۆنگرێسی ئه‌مه‌ریكا به‌ سه‌رۆكایه‌تیی كۆنگرێسمان جۆن گارامندی كرد.

 

بەرپرسی پەیوەندیەکانى دەرەوەى حکومەت پێشوازى لە شاندێکى سیاسى و بازرگانى هەرێمى فلاندەرزى بەلجیکا کرد

TUE, 19 MAR 2019 18:25

ئەمڕۆ سێشەممە فەلاح مستەفا  بەرپرسی پەیوەندیەکانى دەرەوەى حکومەت، پێشوازى لە شاندێکى سیاسی و بازرگانى هەرێمى فلاندەرزى بەلجیکى کرد بە سەرۆکایەتى بەڕێز کلاودى مارینوۆر جێگرى پارێزگاى ئەنتوێرپ لە هەرێمى فلاندەرز، کە بەڕێز دلاوەر خالد ئاژگەیی نوێنەرى حکومەتى هەرێم لە بەلجیکا لە دیدادرەکە ئامادەبوو.