فه‌رمانگه‌ی په‌یوه‌ندییه‌کانی ده‌ره‌وه‌
حكومه‌تی هه‌رێمی كوردستان
TUE, 18 JUN 2019 04:18 Erbil, GMT +3
Source: KRG-DFR DFR publication date: SUN, 30 DEC 2018 18:37
بەبۆنەى سەرى ساڵ تازە، فەرمانگەى پەیوەندیەكانی دەرەوەى حکومەت ئاهەنگێكی پێشوازی و ئێوارە خوانێكی بۆ نوێنەرانى وڵاتانى بیانى و رێکخراوە نێودەوڵەتیەکان ساز كرد

بە بۆنەی نزیكبونەوەی كۆتایی ساڵی 2018 و پێشوازی كردن لە ساڵی تازەو وەک رێزگرتنێک لە ئەرك و ماندوو بوونی دیپلۆماتكارانی بیانی و نوێنەری ووڵاتانی هاوپەیمانی نێودەوڵەتی دژی داعش و ئاژانسەكانی نەتەوە یەكگرتوەكان و رێكخراوە نێودەوڵەتیەكان لە هەرێمی كوردستان و بە ئامادەبوونی ژمارەیەك لە وەزیرانی حكومەتی هەرێم و پارێزگارەكانی هەرێم و ژمارەیەك لە نوێنەرانی حكومەت لە دەرەوە، فەلاح مستەفا بەرپرسی پەیوەندیەكانی دەرەوە ئاهەنگێكی پێشوازی و ئێوارە خوانێكی ساز كرد.

لە سەرەتای رێورەسمەكەدا بەرپرسی پەیوەندیەكانی دەرەوە بە ناوی حكومەتی هەرێمی كوردستان سوپاس و پێزانینی ئاراستەی هەموو دیپلۆماتكارانی ووڵاتانی دۆست و نێردەی نەتەوە یەكگرتوەكان و سەربازانی ووڵاتانی هاوپەیمانانی نێودەوڵەتی و خانەوانەدەكانیان كرد كە زۆربەیان دوورن لە خێزان و كەس و كاریان و بەردەوامن لە خزمەتكردن و هاوكات هاتنی ساڵی تازەی لێ پیرۆزكردن و هیوای ساڵێكی پڕ لە بەختەوەری و سەركەوتن بۆ خواستن.
بەرپرسی پەیوەندیەكانی دەرەوە جەختی لە هەڵوێستی حكومەتی هەرێمی كوردستان كردەوە كە بە چاوی رێزەوە دەڕوانێتە رۆڵ و ئەركی ئەوان و ئەو پەیوەندی و هاوبەشیەی كە لە نێوانمان درووست بووە.

هەروەها ئاماژەی بە رۆڵی هاوپەیمانی نێودەوڵەتی دژی بە داعش كرد كە شان بە شانی یەكتر لە شەڕی دژی داعش یەك هەڵوێست وەستاین و هیواخواست بە هەمان شێوە لە قۆناغی داهاتوو ئەو هەماهەنگی و هاوكاریە بەردەوام بێت.

 

هەروەها تیشكی خستە سەر رووداوەكانی ساڵی 2018 كە ساڵێكی سەخت و پڕ لە رووداو بوو، هاوكات ئاماژەی بۆ ئەنجامدانی دوو پرۆسەی هەڵبژاردنی دیموكراسیانە كرد لە عێراق و هەرێمی كوردستان و دوای ئەم پەرەسەندنانە ئێستا بە ئومێدەوە دەڕوانین بۆ ئایندەیەكی باشتر.

لە كۆتاییدا بە ناوی حكومەتی هەرێم و فەرمانگەی پەیوەندیەكانی درەوە و فەرمانگەی پڕۆتۆكۆل سوپاسی هەموو لایەكی كرد ئومێدی سەركەوتنی بۆ خواستن لە ژیانی تایبەتی و پیشەییان و بەرەوپێش چوونی پەیوەندیەكان و هاوبەشیمان.

هەر لەو بۆنەیەدا، بەشداربووان لە دیپلۆماتكاران و سەربازان و كاربەدەستانی نەتەوە یەكگرتوەكان و رێكخراوە نێودەوڵەتیەكان، سوپاسی خۆیان ئاراستەی حكومەتی هەرێمی كوردستان كرد و خۆشحاڵ بوون بە بەشداری كردن لەو بۆنە تایبەتە كە بۆ رێز لێنان لە ئەرك و ماندووبوونیان سازدراوە و ئەوانیش پیرۆزبایی ساڵی تازەیان لە گەل و حكومەتی هەرێمی كوردستان كرد و هیوای ساڵێكی پڕ لە ئاشتی و بەختەوەری و سەركەوتنیان خواست بۆ هەرێمی كوردستان.

هەر لەو چوارچێوەی بەرنامەكەدا، چەند بڕگەیەك مۆسیقا و گۆرانی و شایی و هەڵپەركێ پێشكەش كران و میوانانی بەشداربووش بەخۆشیەوە بەشداریان لە هەڵپەركێی كوردی كرد.
 




سەرۆكی هەرێمی كوردستان سوێندی یاسایی خوارد
MON, 10 JUN 2019 19:59

پێشنیوەڕۆی ئەمڕۆ دووشەممە10/6/2019 بەئا‌مادەبوونی جەنابی سەرۆك بارزانی، بەڕێزان د. بەرهەم ساڵح سەركۆماری عێراقی فیدرال، محەمەد ئەلحەلبووسی سەرۆكی پەرلەمانی عێراق، مەولوود چاوشئۆغڵو وەزیری دەرەوەی توركیا، ثامر السبهان وەزیری دەوڵەتی سعوودیە بۆ كاروباری كەنداو‌، باڵیۆز و نوێنەرانی وڵاتان لەعێراق، دیپلۆماتكار و سەركردەو سیاسەتمەدار و لایەنەسیاسییەكانی هەرێمی كوردستان و عێراق و دەرەوه، لەهۆڵی شەهید سەعد عەبدوڵڵا لەهەولێر دانیشتنی پەرلەمانی كوردستان بۆ سوێندخواردنی فەرمیی بەڕێز نێچیرڤان بارزانی سەرۆكی هەرێمی كوردستان بەڕێوەچوو.

 
فەلاح مستەفا: هێرشە تیرۆریستیەکان بۆ سەرهاوڵاتیانى کەرکوک، هاوکاتە لەگەڵ هێرش و دەستدرێژی بۆ سەر ماڵ و موڵکی هاوڵاتیانی کوردى ناوچە کوردستانیەکانی دەرەوەی ئیدارەی هەرێم
FRI, 31 MAY 2019 14:19

شەوى پێنجشەم لەسەر هەینى زنجیرەیەک تەقینەوە و کارى تیرۆریستى هاوڵاتیانی شارى کەرکوکى کردە ئامانج و بەهۆیەوە ژمارەیەک شەهید و بریندارى لێکەوتووە، ئێمە بە توندی ئەم هێرشە تیرۆریستیانە ئیدانە دەکەین، کە هاوکاتە لەگەڵ هێرش و دەستدرێژی بۆ سەر ماڵ و موڵکی هاوڵاتیانی کوردى ناوچە کوردستانیەکانی دەرەوەی ئیدارەی هەرێم.

 
هەرێمى کوردستان و کۆمارى چیک کار بۆ پەرەپێدانى زیاترى پەیوەندیەکانى نێوانیان دەکەن
THU, 30 MAY 2019 13:06

ئەمڕۆ پێنجشەممە خاتوو سیهام جەبەلى یاریدەدەرى بەرپرسى فەرمانگەى پەیوەندیەکانى دەرەوە پێشوازى لە میخاڵ سڤوبودا کونسوڵى گشتى کۆمارى چیک لە هەرێم کرد.

 

 

ئاستى پەیوەندیەکانى دەرەوەى هەرێم لە فراوانبووندایەو ئەمڕۆ کونسوڵى فەخرى کۆمارى قوبرس دەستبەکاربوو

MON, 17 JUN 2019 12:12

لەسەر داواى فەرمى وەزارەتى دەرەوەى قوبرس و دواى رەزامەندى وەزارەتى دەرەوەى حکومەتى فیدڕال و حکومەتى هەرێمى کوردستان بۆ دەستنیشانکردنى کونسوڵى فەخرى قوبرس لەهەولێر، ئەمڕۆ دووشەممە بەڕێز ئیبراهیم سندى بەبۆنەى دەستبەکاربوونى وەک کونسوڵى فەخرى وڵاتى قوبرس لە هەولێر، سەردانى فەرمانگەى پەیوەندیەکانى دەرەوەى حکومەتى کردو بەڵگەنامەکانى خۆى پێشکەش بە فەلاح مستەفا بەرپرسى پەیوەندیەکانى دەرەوە کرد.

 

فه‌لاح مسته‌فا: ئه‌مه‌ریکا له‌رێگای جیاواز پەیامی پشتیوانی بۆ کوردستان ناردووه‌

MON, 17 JUN 2019 10:00

به‌رپرسی فه‌رمانگه‌ی په‌یوه‌ندیه‌کانی ده‌ره‌وه‌ی حکوومه‌تی هه‌رێمی کوردستان باس له‌په‌یوه‌ندی هه‌رێم و وڵاتانی جیهان ده‌کات و پێی وایه‌ که‌ هه‌نگاوی گرنگ و باش نراوه‌ بۆ دروستکردنی و به‌هێزکردنه‌وه‌ی په‌یوه‌ندیه‌کانی کوردستان و جیهانی ده‌ره‌وه‌.

 

حکوومه‌تی هه‌رێم هێرشه‌که‌ی سه‌ر فڕۆكه‌خانه‌ی ئه‌بها‌ ئیدانه‌ ده‌كات

THU, 13 JUN 2019 23:56

به‌ توندی ئیدانه‌ی ئه‌و‌ هێرشه مووشه‌کییه‌ ده‌که‌ین که‌ دوێنێ چوارشه‌ممه‌ 12/6/2019 كرایه‌ سه‌ر فڕۆكه‌خانه‌ی ئه‌بها له‌ شانشینی سعوودیه‌ و له‌ ئه‌نجامدا بیست و شه‌ش كه‌سی سڤیل بریندار بوون و زیانی گه‌وره‌ش به‌ر فڕۆكه‌خانه‌كه‌ كه‌وت.

 

سه‌رۆكى هه‌رێم، مه‌سروور بارزانى بۆ پێكهێنانى حكوومه‌ت ڕاده‌سپێرێت

WED, 12 JUN 2019 15:48

پاشنیوه‌ڕۆى ئه‌مڕۆ چوارشه‌ممه‌ 12/6/2019 به‌ڕێز نێچیرڤان بارزانى سه‌رۆكى هه‌رێمى كوردستان، به‌ ئاماده‌بوونى خاتوو د. ڤاڵا فه‌رید سه‌رۆكى په‌رله‌مانى كوردستان و دادوه‌ر به‌نگین قاسم محه‌مه‌د سه‌رۆكى ئه‌نجومه‌نى دادوه‌ریى هه‌رێمى كوردستان به‌ فه‌رمانى هه‌رێمیى ژمـــاره‌ (1)ى سـاڵـى 2019 و به‌پێى بڕگه‌ى (دوازده‌م)ى مادده‌ى (ده‌یه‌م) له‌ یاساى سه‌رۆكایه‌تیى هه‌رێمى كوردستان ژماره ‌(1)ى ساڵى 2005ى هه‌مواركـراو و پاڵپشت به‌ بڕیارى په‌رله‌مانى كوردستان ژماره ‌(7)ى ساڵى 2019 له‌ دانیشتنى ئاساییى ژماره‌ (8) له‌ (11/6/2019)، بـڕیـارى دا به‌ ڕاسپاردنى به‌ڕێز مه‌سروور بارزانى وه‌ك سه‌رۆكى ئه‌نجومه‌نى وه‌زیران بۆ پێكهێنانى كابینه‌ى وه‌زاریى نۆیه‌مى هه‌رێمى كوردستان.