فه‌رمانگه‌ی په‌یوه‌ندییه‌کانی ده‌ره‌وه‌
حكومه‌تی هه‌رێمی كوردستان
TUE, 14 JUL 2020 14:23 Erbil, GMT +3
Source: KRG-DFR DFR publication date: SAT, 18 MAY 2019 14:25
کونسوڵى گشتى ئەمریکا لە هەرێم: ئێمە لە هەرێمى کوردستان، لە ئەرک و کارو چالاکی خۆمان بەردەوامین

ئەمڕۆ شەممە (18/5/2019) ستیڤ فەیگن کونسوڵى گشتى ئەمریکا بە یاوەرى شاندێکى کونسوڵگەرى سەردانى فەرمانگەى پەیوەندیەکانى دەرەوەى کرد و لەلایەن فەلاح مستەفا بەرپرسی پەیوەندیەکانى دەرەوەى حکومەت پێشوازیان لێکرا. 

لە دیدارێکدا کە خاتوو سیهام جبلى یاریدەدەرى بەرپرسی فەرمانگە و عبدالسلام رشید بەڕێوەبەرى گشتى لە فەرمانگە ئامادەبوون، کونسوڵى گشتى ئەمریکا جەختى لەسەر بەردەوامبوونى ئەرکى کونسوڵگەرى گشتى ئەمریکا لە هەرێم کردەوەو ڕایگەیاند ئەوان بەردەوام دەبن لەسەر کارو چالاکیەکانیان، بەڕێزیان گوتى وێڕاى کەمکردنەوەى ژمارەیەک لەکارمەندانیان بەهۆى پەرەسەندنەکانى ئەم دواییە بەڵام لەبەجێهێنانى ئەرکەکانیان بەردەوامن.

ستیڤ فەیگن کونسوڵى گشتى ئەمریکا پوختەیەکى لەسەر چالاکیەکانیان پێشکەش کرد و بەردەوام بوونى کونسوڵگەرى گشتى لە هاوکارى و هەماهەنگى لەگەڵ حکومەتى هەرێم دووپاتکردەوە و خۆشحاڵى خۆى دەربڕى لە ئاستى پەیوەندى و هەماهەنگیان لەگەڵ دامەزراوەکانى هەرێم.

 

لە بەرامبەردا فەلاح مستەفا بەرپرسی پەیوەندیەکانی دەرەوە تێگەیشتنى خۆى نیشان دا بۆ ئەو بڕیارە و خۆشحاڵ بوو بە بەردەوامى کونسوڵگەرى گشتى لەسەر چالاکى ئاسایی خۆیان و جەختى لەسەر دۆستایەتى لەگەڵ ئەمریکا کردەوە و پابەند بوونى هەرێمى کوردستانى لە چوارچێوەى سیاسەتى حکومەتى عێراق بە سزاکانى ئەمریکا دووپات کردەوە.

هەر لە دیدارەکەدا باس لە هەوڵەکانى کارا کردنەوەى دامەزراوەى سەرۆکایەتى هەرێم و هەنگاوەکانى پەرلەمان لەم ڕووەوەو پڕۆسەى پێکهێنانى کابینەى نۆیەمى حکومەتى هەرێم کراو تیشک خرایە سەر پەیوەندیەکانى نێوان هەولێر و بەغدا و هەوڵەکانى هەردوولا بۆ چارەسەرى پرسەکان بە هاوبەشى و لە ڕێگەى دیالۆگ.
لە کۆتایی دیدارەکەدا باس لەدوا پەرەسەندنەکانى ناوچەکە و هەڵوێستى هەرێم لەمەڕ رووداوو پێشهاتەکان کرا.  




مەسرور بارزانی، سەرۆكی حكومەتی هەرێمی كوردستان لە رێوڕەسمی دانانی بەردی بناغەی شەقامی 100 مەتری لە سلێمانی رایگەیاند "شەقامی 100 مەتری سلێمانی، یەكێكە لە پڕۆژە هەرە گەورە و ستراتیژیەكانی حكومەت بۆ شاری خۆشەویستی سلێمانی و خەڵكی سلێمانی شایەنی پڕۆژەی زیاترن".
SAT, 11 JUL 2020 17:08

ئەمڕۆ شەممە 11/7/2020 مەسرور بارزانی سەرۆكی حكومەتی هەرێمی كوردستان، بە ئامادەبوونی قوباد تاڵەبانی جێگری سەرۆكی حكومەت و ژمارەیەك وەزیر و پارێزگاری سلێمانی، بەردی بناغەی شەقامی 100 مەتری سلێمانی دانا.

 
سەفین دزەیی: نوێنەرایەتی لە تورکیا و هەندێ لە وڵاتانی عەرەبی و ئاسیا دەکەینەوە
FRI, 10 JUL 2020 21:44

سەفین دزەیی، بەرپرسی فەرمانگەی پەیوەندیەکانى دەرەوەی حکومەتی هەرێم لە لێدوانێکدا لە بارەى تێپەڕبوونی ساڵێک بەسەر تەمەنی کابینەی نۆیەمی حکومەت و کاروچالاکییەکانی بە کوردستان24ـی راگەیاند، سەرەڕای بەربەست و قەیرانەکان، حکومەت هەنگاوی زۆر باشی بۆ بەهێزکردنی پەیوەندییەکانی ناوە.

 
ئەنجومەنی وەزیران گفتوگۆ دەربارەی سیستەمی بایۆمێتری و گرفتەکانی کەرتی کشتوکاڵ دەکات
WED, 8 JUL 2020 21:00

ھەولێر، ھەرێمی كوردستان، عێراق (GOV.KRD)- ئەمڕۆ چوارشەممە ٢٠٢٠/٧/٨ ئەنجومەنی وەزیرانی هەرێمی کوردستان بە سەرپەرشتی مەسرور بارزانی سەرۆکی وەزیرانی هەرێمی کوردستان و بەشداربوونی قوباد تاڵەبانی جێگری سەرۆک وەزیران، لە ڕێگەی ڤیدیۆ کۆنفرانسەوە کۆبووەوە.

 

 

بەبۆنەى کۆچى دوایى کونسوڵى میسر لە هەرێم، سەفین دزەیى نامەیەکى هاوخەمى ئاراستەى وەزیرى دەرەوەى کۆمارى میسرى عەرەبى کردو پەیوەندیەکى تەلەفۆنى لەگەڵ باڵیۆزى میسر لە بەغدا ئەنجامدا

MON, 13 JUL 2020 21:00

ئەمڕۆ دووشه‌ممه‌ 13/7/2020 به‌ڕێز سەفین دزەیى بەرپرسى پەیوەندیەکانى دەرەوەى حکومەت پرسه‌نامه‌یه‌كى ئاراسته‌ى به‌ڕێز د. سامح شوکرى وەزیرى دەرەوەى کۆمارى میسرى عەرەبى کرد، تێیدا پرسەو سەرەخۆشى خۆى ئاراستەى بەڕێزیان کرد بەبۆنەى کۆچى دوایى باڵیۆز ئه‌حمه‌د جیهاد سعید حارس كونسولى كۆمارى میسرى عه‌ره‌بى له‌هەرێمى کوردستان، کە دوێنێ بە نەخۆشى لە قاهیرەى پایتەختى میسر کۆچى دوای کرد. وێڕاى بەرز نرخاندنى رۆلى خوالێخۆشبوو لە پتەوکردنى پەیوەندیەکانى نێوان هەردوولا، هیواى خواست خواى گەورە سەبرو ئارامى بە دۆستان و خانەوادەو کەسوکارى ببەخشێت و جێگەى بەهەشتى بەرین بێت.

 

سه‌رۆك نێچیرڤان بارزانى سه‌ره‌خۆشى له‌ سه‌رۆك ئه‌لسیسى ده‌كات

SUN, 12 JUL 2020 21:36

ئه‌مڕۆ یه‌كشه‌ممه‌ 12/7/2020 به‌ڕێز نێچیرڤان بارزانى، سه‌رۆكى هه‌رێمى كوردستان پرسه‌نامه‌یه‌كى ئاراسته‌ى به‌ڕێز عه‌بدولفه‌تاح ئه‌لسیسى، سه‌ركۆمارى میسر كرد، تیایدا بۆ كۆچى دواییى خوالێخۆشبوو ئه‌حمه‌د حارس كونسولى كۆمارى میسرى عه‌ره‌بى له‌ هه‌ولێر، سه‌ره‌خۆشى له‌ به‌ڕێزیان كرد و هاوخه‌میى خۆى بۆ له‌ده‌ستدانى خوالێخۆشبوو ده‌ربڕى كه‌ دوێنێ له‌ میسر كۆچى دوایى كرد.

 

فەرمانگەى پەیوەندیەکانى دەرەوەى حکومەت بە بۆنەى کۆچى دوایی کونسوڵى میسڕ لە هەرێم باڵیۆز ئەحمەد جیهاد سەرەخۆشى لە خانەوادەو ستافى کونسوڵگەرى و باڵیۆزخانەى میسڕ لە عیراق و وەزارەتى دەرەوەى میسڕ دەکات

SUN, 12 JUL 2020 21:29

بەداخەوە ئەمڕۆ وەزارەتى دەرەوەى کۆمارى میسڕى عەرەبى رایگەیاند کونسوڵى میسر لە هەرێمى کوردستان باڵیۆز ئەحمەد جیهاد سەعید حارس بە هۆى نەخۆشى لە قاهیرەى پایتەختى میسڕ کۆچى دوایی کرد.

 

سەرۆکی حکومەتی ھەرێمی کوردستان سەرپەرشتی کۆبوونەوەیەکی تایبەت بە چاکسازییەکانی وەزارەتی پێشمەرگە دەکات

SUN, 12 JUL 2020 17:29

ھەولێر، ھەرێمی كوردستان، عێراق (GOV.KRD)- ئه‌مڕۆ یه‌كشه‌ممه‌ ٢٠٢٠/٧/١٢ مه‌سرور بارزانى سه‌رۆكى حكومه‌تى هه‌رێمى كوردستان له‌ ڕێگەی‌ ڤیدیۆ كۆنفرانسه‌وه‌ ، سه‌رپه‌رشتى كۆبوونه‌وه‌یه‌كى تایبه‌ت به‌ پرۆسه‌ى چاكسازى له‌ وه‌زاره‌تى پێشمه‌رگه‌ كرد.