فه‌رمانگه‌ی په‌یوه‌ندییه‌کانی ده‌ره‌وه‌
حكومه‌تی هه‌رێمی كوردستان
THU, 20 JUN 2019 14:44 Erbil, GMT +3
Source: KRG-DFR DFR publication date: SAT, 18 MAY 2019 15:28
بەپرسی پەیوەندیەکانی دەرەوەى حکومەت لەگەڵ نێردەی دیپلۆماسی ووڵاتانی ئەوروپا لە هەرێمی کوردستان کۆبووەوە

بە مەبەستی تاوتوێ کردن و هەڵسەنگاندنی دوایین پەرەسەندنەکانی هەرێمی کوردستان و عێراق و ناوچەکە، ئەمڕۆ شەممە فەلاح مستەفا، بەرپرسی پەیوەندیەکانی دەرەوە بە ئامادەبوونی خاتوو کلاریس پاستۆری، بەرپرسی نێردەی یەکێتی ئەوروپا لە هەرێمی کوردستان لەگەڵ نێردەی دیپلۆماسی ووڵاتانی ئەوروپا لە هەرێمی کوردستان کۆبووەوە کە تێیدا کونسوڵى گشتى و نوێنەرانى هەر یەک لەشانشینی یەکگرتووی بەریتانیا و کۆماری فەڕەنسا و ئەڵمانیای فیدڕاڵ و شانشینی هۆڵەندا و کۆماری چیک و هەنگاریا ویۆنان و ئاژانسی کونسوڵگەری و نووسینگەی بازرگانی پۆلەندا و ڕۆمانیا و بولگاریا بەشداربوون. 

لە دیدارێکدا کە خاتوو سیهام جەبەلی، یاریدەدەری بەرپرسی فەرمانگە و بەڕێز د. عبدالسلام ڕەشید، بەڕێوەبەری گشتی لە فەرمانگە ئامادەبوون، بەرپرسی پەیوەندیەکانی دەرەوە پووختەیەکی پێشکەش کرد سەبارە بە دوایین پەرەسەندنەکان و هەڵسەنگاندنی حکومەتی هەرێمی کوردستان، دواتر، تیشکی خستە سەر ئاستی پەیوەندیەکانی حکومەتی هەرێمی کوردستان لەگەڵ ئەم ووڵاتانە و سووپاسی ئەو ووڵاتانەی کرد کە نێردەی دیپلۆماسیان لە هەرێمی کوردستان هەیە بۆ برەودانی زیاتری پەیوەندیەکان و بەشداریان لە هاوپەیمانی نێودەوڵەتی دژ بە تیرۆریستانی داعش و پێشکەش کردنی هاوکاری مرۆیی بە ئاوارە و پەنابەران و بەشداری و ڕۆڵیان لە قۆناغی بنیاتنانەوەی ناوچە ئازادکراوەکان.


لە بەرامبەردا، نوێنەرانی دیپلۆماسی ووڵاتانی ئەوروپی لە هەرێمی کوردستان تیشکیان خستە سەر دوایین کار و چالاکیەکانیان بە ڕەچاوکردنی دوایین بەرەوپێشچوونەکانی ناوچەکە وە هەروەها جەختیان لەسەر بەردەوام بوونی نێردەکانیان لە کار و چالاکیەکانیان کردەوە لە هەرێمی کوردستان و خۆشحاڵی خۆیان دەربڕی بە ئاستی پەیوەندی و هەماهەنگیان لەگەڵ دامەزراوەکانی هەرێمی کوردستان.

هەر لە دیدارەکەدا باس لە دوا هەوڵەکانى کارا کردنەوەى دامەزراوەى سەرۆکایەتى هەرێم و بەرنامەی پەرلەمان بۆ ئەو مەبەستە و پڕۆسەى پێکهێنانى کابینەى تازەی حکومەت کراو تیشک خرایە سەر باش بوونی پەیوەندیەکانى نێوان هەولێر و بەغدا و هەوڵەکانى هەردوولا بۆ چارەسەرى پرسەکان بە هاوبەشى و لە ڕێگەى دیالۆگ.

لە کۆتایی دیدارەکەدا بیروڕا ئاڵوگۆڕ کرا لەسەر دوایین بەرەوپێشچوونەکانی ناوچەکە و هەڵوێستى هەرێم و ووڵاتانی ئەوروپا لەمەڕ رووداوەکان. 
 




فه‌لاح مسته‌فا: ئه‌مه‌ریکا له‌رێگای جیاواز پەیامی پشتیوانی بۆ کوردستان ناردووه‌
MON, 17 JUN 2019 10:00

به‌رپرسی فه‌رمانگه‌ی په‌یوه‌ندیه‌کانی ده‌ره‌وه‌ی حکوومه‌تی هه‌رێمی کوردستان باس له‌په‌یوه‌ندی هه‌رێم و وڵاتانی جیهان ده‌کات و پێی وایه‌ که‌ هه‌نگاوی گرنگ و باش نراوه‌ بۆ دروستکردنی و به‌هێزکردنه‌وه‌ی په‌یوه‌ندیه‌کانی کوردستان و جیهانی ده‌ره‌وه‌.

 
حکوومه‌تی هه‌رێم هێرشه‌که‌ی سه‌ر فڕۆكه‌خانه‌ی ئه‌بها‌ ئیدانه‌ ده‌كات
THU, 13 JUN 2019 23:56

به‌ توندی ئیدانه‌ی ئه‌و‌ هێرشه مووشه‌کییه‌ ده‌که‌ین که‌ دوێنێ چوارشه‌ممه‌ 12/6/2019 كرایه‌ سه‌ر فڕۆكه‌خانه‌ی ئه‌بها له‌ شانشینی سعوودیه‌ و له‌ ئه‌نجامدا بیست و شه‌ش كه‌سی سڤیل بریندار بوون و زیانی گه‌وره‌ش به‌ر فڕۆكه‌خانه‌كه‌ كه‌وت.

 
سه‌رۆكى هه‌رێم، مه‌سروور بارزانى بۆ پێكهێنانى حكوومه‌ت ڕاده‌سپێرێت
WED, 12 JUN 2019 15:48

پاشنیوه‌ڕۆى ئه‌مڕۆ چوارشه‌ممه‌ 12/6/2019 به‌ڕێز نێچیرڤان بارزانى سه‌رۆكى هه‌رێمى كوردستان، به‌ ئاماده‌بوونى خاتوو د. ڤاڵا فه‌رید سه‌رۆكى په‌رله‌مانى كوردستان و دادوه‌ر به‌نگین قاسم محه‌مه‌د سه‌رۆكى ئه‌نجومه‌نى دادوه‌ریى هه‌رێمى كوردستان به‌ فه‌رمانى هه‌رێمیى ژمـــاره‌ (1)ى سـاڵـى 2019 و به‌پێى بڕگه‌ى (دوازده‌م)ى مادده‌ى (ده‌یه‌م) له‌ یاساى سه‌رۆكایه‌تیى هه‌رێمى كوردستان ژماره ‌(1)ى ساڵى 2005ى هه‌مواركـراو و پاڵپشت به‌ بڕیارى په‌رله‌مانى كوردستان ژماره ‌(7)ى ساڵى 2019 له‌ دانیشتنى ئاساییى ژماره‌ (8) له‌ (11/6/2019)، بـڕیـارى دا به‌ ڕاسپاردنى به‌ڕێز مه‌سروور بارزانى وه‌ك سه‌رۆكى ئه‌نجومه‌نى وه‌زیران بۆ پێكهێنانى كابینه‌ى وه‌زاریى نۆیه‌مى هه‌رێمى كوردستان.

 

 

توێژینه‌وه‌ی قوتابیه‌كی كورد لە پۆڵۆنیا به‌یه‌كێك له‌باشترین توێژینه‌وه‌كانی ساڵ هه‌ڵبژێردرا

THU, 20 JUN 2019 11:58

پێشه‌نگ نه‌وشیروان حمه‌كریم قوتابی ماسته‌ر له‌زانكۆی پۆلیته‌كنیكی وارشۆ به‌شی ئه‌ندازیاری ژینگه‌توانی به‌پله‌ی 'نایاب' قۆناغی ماسته‌ر ته‌واو بكات. توێژینه‌وه‌كه‌ی پێشه‌نگ له‌لایه‌ن ده‌سته‌ی سه‌رپه‌رشتیاری توێژینه‌وه‌كانی زانكۆی پۆلیته‌كنیكی وارشۆ به‌یه‌كێك له‌باشترین توێژینه‌وه‌كانی ئه‌مساڵ ده‌ستنیشانكرا.

 

پتەوکردنى پەیوەندیە دووقۆڵیەکان، تەوەرى سەرەکى دیدارى نێوان فەلاح مستەفا و باڵیۆزى هۆڵەندا لە عیراق و شاندى یاوەرى بوو

WED, 19 JUN 2019 15:03

ئەمڕۆ چوارشەممە فەلاح مستەفا بەرپرسی پەیوەندیەکانى دەرەوەى حکومەتى هەرێم پێشوازى لە بەڕێز ماتیێس وۆڵتەرس باڵیۆزى شانشینى هۆڵەندا لە عیراق و شاندێکى یاوەرى کرد. 

 

بە مەبەستى پیرۆزبایی کردن لە سەرۆکى تازەى هەرێمى کوردستان و سەرۆک وەزیرانى راسپێردراوى هەرێم، باڵیۆزى سودان لە عیراق سەردانى فەرمانگەى پەیوەندیەکانى دەرەوەى کرد

TUE, 18 JUN 2019 10:41

  بە مەبەستى پیرۆزبایی کردن لە سەرۆکى تازەى هەرێمى کوردستان بەڕێز نێچیرڤان بارزانى و سەرۆک وەزیرانى راسپێردراو بەڕێز مەسرور بارزانى، ئەمڕۆ سێشەممە باڵیۆزى کۆمارى سودان لە عیراق بەڕێز یاسین عەوەز ئیسماعیل سەردانى فەرمانگەى پەیوەندیەکانى دەرەوەى کردو لەلایەن فەلاح مستەفا بەرپرسى پەیوەندیەکانى دەرەوەى حکومەت پێشوازی لێکرا.

 

ئاستى پەیوەندیەکانى دەرەوەى هەرێم لە فراوانبووندایەو ئەمڕۆ کونسوڵى فەخرى کۆمارى قوبرس دەستبەکاربوو

MON, 17 JUN 2019 12:12

لەسەر داواى فەرمى وەزارەتى دەرەوەى قوبرس و دواى رەزامەندى وەزارەتى دەرەوەى حکومەتى فیدڕال و حکومەتى هەرێمى کوردستان بۆ دەستنیشانکردنى کونسوڵى فەخرى قوبرس لەهەولێر، ئەمڕۆ دووشەممە بەڕێز ئیبراهیم سندى بەبۆنەى دەستبەکاربوونى وەک کونسوڵى فەخرى وڵاتى قوبرس لە هەولێر، سەردانى فەرمانگەى پەیوەندیەکانى دەرەوەى حکومەتى کردو بەڵگەنامەکانى خۆى پێشکەش بە فەلاح مستەفا بەرپرسى پەیوەندیەکانى دەرەوە کرد.